NT - 11.05.1985, Side 22

Laugardagur 11. maí 1985 22
KínverjartilEvrópu
■ Samkvæmt fréttum frá Kína
eru nokkrir af bestu íþrótta-
mönnum Kínverja að hefja
keppnisför um Evrópu. Meðal
þeirra eru tveir meðlimir í borð-
tennislandsliði Kínverjasem ný-
lega varð heimsmeistari í 12.
skipti í röð eða svo. Það eru þeir
Xie Saike og Chen Xinhua. Þeir
munu hefja keppni í Evrópu í
Boulogne í Frakklandi þann 12.
maí en halda síðan á mót í
Þýskalandi og Austurríki.
Þrír af bestu göngumönnum
þeirra Kínverja munu keppa í
Vestur-Þýskalandi, Frakklandi
og Rúmeníu í þessum mánuði.
Þar á meðal heimsmethafinn
Yan Hong.
6. flokkur í handbolta:
Fram íslandsmeistari
• Framarar eru nýbakaðir íslandsmeistarar í hand-
knattleik 6. flokki. Urslitin fóru fram á Seltjarnarnesi í
húsakynnum Gróttu. Fjögur lið léku í úrslitunum:
Fram, KR, FH og Stjarnan. Framarar voru áberandi
öruggasta liðið og báru sigurorð af öllum keppinautun-
um, og hömpuðu bikarnum þegar upp var staðið.
■ Bryndís Ólafsdóttir sundkona úr HSK verður á
meðal keppenda á Ólympíuleikum smáríkja í San
Marínó. NT-mynd: Svcrrir.
Beislisvagn
Þessi myndarlegi vagn er til sölu.
8,5 metrar, 10 tonn á öxul.
Hagstæö kjör.
Upplýsingar í síma 91-11005 á kvöldin og um helgar.
Dráttarvéladekk
Eigum fyrirliggjandi
eftirtaldar stærðir:
600x16 6ply Verð með sölusk. kr. 3.256.-
600x19 6ply kr. 3.523.-
650x16 6 ply kr. 3.455.-
750x16 6ply kr. 4.997.-
900x1610ply kr. 11.003.-
10x28 6ply kr. 12.764.-
11x28 6ply kr. 15.259.-
12x28 6ply kr. 16.348.-
13x28 6ply kr. 19.978.-
Vagndekk:
10,0x15 6ply kr. 6.943.-
11,5x15 6ply kr. 8.608.-
12,5x15 6ply kr. 10.563.-
13,0x 1610 ply kr. 11.665.-
Olympíuleikar smáríkja í San Marínó:
Nítján fara
■ Nítján íslenskir íþróttamenn fara á
Litlu Olympíuleikana, eða Ólympíuleika
smáríkja, sem haldnir verða í San Marínó
23.-26. maí næstkomandi. Eru þetta sjö
frjálsíþróttamenn, fjórir sundmenn, fjór-
ir júdómenn, tveir lyftingamenn og tveir
skotmenn. Allt eru þetta íþróttamenn
sem ekki kepptu á Ólympíuleikunum í
Los Angeles.
Þátttakendur á leikjunum eru frá eftir-
töldum þjóðum auk íslands: Andorra,
Kýpur, Liechtenstein, Luxemburg,
Möltu, Mónakó og San Marínó, en
Ólympíunefnd San Marínó sér um fram-
kvæmd leikanna.
Eftirtaldir íþróttamenn hafa verið vald-
ir til þátttöku:
Frjálsar íþróttir:
Aðalsteinn Bernharðsson
Bryndís Hólm
Gísli Sigurðsson
Oddný Árnadóttir
Pétur Guðmundsson
Soffía Gestsdóttir
Unnar Vilhjálmsson
Sund:
Bryndís Ólafsdóttir
Eðvard Eðvardsson
Magnús Ólafsson
Ragnheiður Runólfsdóttir
Júdó:
Karl Erlingsson
Halldór Guðbjörnsson
Ómar Sigurðsson
Magnús Hauksson
Lyftingar:
Garðar Gíslason
Guðmundur Sigurðsson
Skotfimi:
Carl Eiríksson
ívar Erlendsson
Aðalfararstjóri verður Hákon Örn
Halldórsson, formaður Júdósambands Ís-
lands og flokksstjórar og aðstoðarmenn
Sveinn Sigmundsson frá FRÍ, Hafþór B.
Guðmundsson frá SSÍ, Birgir Borgþórs-
son frá LSÍ og Þorsteinn Asgeirsson frá
STÍ.
Hollenska landsliðið í knattspyrnu:
Sex breytingar
eftir jafnteflið
■ Hollenski landsliðsþj álfarinn í knatt-
spyrnu, Leo Beenhakker hefur gert sex
breytingar á landsliðshópnum, eftir að liðið
náði aðeins jafntefli gegn Austurríki í
undankeppni HM um daginn. Möguleikar
Hollendinga minnkuðu verulega við þetta
og nú þurfa þeir að sigra Ungverja í síðasta
leiknum í riðlinum til að komast áfram.
Ungverjar hafa þegar tryggt sér sæti í
úrslitakeppninni með öruggum sigri í riðlin-
um, hafa unnið alla leiki sína til þessa.
Hollendingar geta fylgt Ungverjum upp úr
riðlinum með sigri. Þá ná þeir Austurríki að
stigum en hafa mun betra markahlutfall.
Jafntefli eða ungverskur sigur þýðir að
Austurríki fer áfram.
Leikur Ungverja og Hollendinga fer fram
á þriðjudaginn kemur, 14. maí. Þeirsexsem
detta út úr hollenska landsliðinu eru: Rene
van der. Gijp, Erwin Koeman, Sonny
Silooy, Peter Houtman Ernie Brandts og
Michel Valke. Tveir þeir síðasttöldu detta
út vegna meiðsla.
Hollenski landsliðshópurinn er nú
þannig: markverðir:
Hans van Breukelen og Joop Hiele Varn-
armenn: Ben Wijnstekers, Michel van der
Korput, Adrie van Tiggelen, Ronald Spel-
bos og Peter Boeve. Miðjuleikmenn: Frank
Rijkaard, Dick Schoenker, Mario Been,
Willy van der Kerkhof og Ton Lokhoff.
Sóknarleikmenn: Marco van Basten, Rob
de Wit Simon Tahamata og Willem Kieft.
Uppskeruhátíð yngri flokka
■ Framarar halda uppskeruhátíð fyrir
yngri flokka sína á morgun. Afhent verða
verðlaun fyrir ástundun, valinn besti
leikmaðurinn í hverjum flokki, og loks
verður afhentur nýr Fram peningur. Pen-
inginn fá allir þeir sem urðu íslandsmeist-
arar með Fram í fyrsta skipti í ár.
Hátíðin verður haldin í Borgartúni 18
á morgun, og hefst klukkan 14.
Litla bikarkeppnin:
Skagamenn við
sama heygarðshornið
■ Islandsmeistararnir í knattspyrnu eru nú í
upphafí keppnistímabils við sama heygarðs-
hornið og í fyrrasumar. Þeir unnu litlu bikar-
keppnina með nokkrum yfírburðum og síðasta
leikinn gegn Haukum um helgina með 5 mörk-
um gegn engu.
Akurnesingar fengu 8 stig úr fjórum leikjum
í keppninni og skoruðu 12 mörk á móti þremur.
Sem sagt þrjú mörk í leik að meðaltali og sigur
í öllum leikjunum. Tvö önnur 1. deildurlið taka
þátt í litlu bikarkeppninni, FH og Keflavík.
FH-ingar urðu í öðru sæti með 5 stig og
Keflvíkingar urðu þriðju með 4 stig.
Breiðablik og Haukar komu þar fyrir neðan,
Breiðablik með þrjú stig en Haukar ekkert.
1. deildin í knattspyrnu:
Nýjung í útvarpinu:
Íþróttaþáttur
á sunnudegi
■ Á morgun er íþrótta-
þáttur í útvarpinu, og
hefst hann klukkan
22.35. Þessi þáttur er lið-
ur í þeim skipulagsbreyt-
ingum sem nú er verið að
gera í íþróttaumfjöllun
hjá útvarpinu, sem teng-
ist því að ráðnir hafa
verið tveir íþróttafrétta-
menn í stað eins áður.
Iþróttaþáttur verður
framvegis á sunnudög-
um, og íþróttaþættir á
miðvikudögum hefja
göngu sína með haustinu.
Víðismenn
taka lýsi
■ Knattspymufélagið
Víðir í Garði, sem nú
leikur í fyrsta sinn í 1.
deild íslandsmótsins hef-
ur gert auglýsingasamn-
ing við Lýsi h/f í eitt ár.
Víðir mun því leika með
auglýsingu frá Lýsi á bún-
ingum sínum í 1. deildinni
í sumar.
Aðalfundur HK
■ Handknattleiksfélag
Kópavogs heldur aðal-
fund sinn 1985 í Þinghól,
Hamraborg 11 Kópavogi,
sunnudaginn 18/5 1985
kl. 13.30. Á dagskrá eru
venjuleg aðalfundastörf.
Félagsmenn eru hvattir
til að mæta.
Leik Vals og
Þróttar f lýtt
■ Leik Vals og Þróttar
í 1. deildinni í knatt-
spyrnu sem fram átti að
fara 18. maí hefur verið
flýtt um einn dag og verð-
ur hann því þann 17. kl.
20:00. Ástæðan er bein
útsending íslenska sjón-
varpsins frá úrslitaleik
ensku bikarkeppninnar
sem fram fer 18.
Malarleikjum fækkar
■ Tveir leikir fyrstu umferðar
1. deildarknattspyrnunnar
munu verða leiknir á möl. Það
eru viðureignir Víðis og FH í
Garðinum og Þórs og Akraness
á Akureyri. Akurnesingar og
FH-ingar munu leika fyrstu
heimaleiki sína á grasi og að
sjálfsögðu öll Reykjavíkurliðin.
Tvö þeirra eiga orðið eigin
heimavelli, Valsmenn munu
leika alla heimaleiki sína að
Hlíðarenda nema þann fyrsta.
KR-ingar munu hefja keppnis-
tímabilið á KR-vellinum við
Frostaskjól og þar munu þeir
leika heimaleiki sína ef ástand
aðalvallarins í Laugardal býður
ekki uppá að leikið sé á honum.
KR-ingar munu sem sagt ekki
leika neinn heimaleik á Val-
bjarnarvelli.
Víkingar og Framarar hafa
hinsvegar ekki í önnur hús að
venda en Laugardalinn.
Ástand vallanna í Laugardaln-
um ætti því að geta verið gott í
sumar. Með fleiri grasvöllum
félaganna minnkar álagið mikið
í Laugardal og þá ekki síst
vegna tilkomu gervigrassins sem
hlífir hinum völlunum á við-
kvæmasta tímanum.