24 stundir - 20.11.2007, Blaðsíða 12

12 ÞRIÐJUDAGUR 20. NÓVEMBER 2007 24stundir
Eftir Hlyn Orra Stefánsson
hlynur@24stundir.is
Stór hluti þjóðarinnar virðist eiga í
erfiðleikum með að fá líftryggingar,
eða þurfa að greiða meira fyrir líf-
tryggingar en aðrir, á forsendum
sem viðmælendum 24 stunda finnst
undarlegar.
Óvirkir alkar ótryggðir
Í byrjun þessa mánaðar sagði Ari
Matthíasson, framkvæmdastjóri
SÁÁ, algengt að tryggingafélög
höfnuðu umsóknum um líftrygg-
ingar sökum þess að umsækjandi
væri óvirkur alki.
„Þetta er mjög sérkennilegur
hugsunarháttur. Ef þú ert alkóhól-
isti og hefur farið í meðferð, þá
borgar þú hærra gjald og átt erf-
iðara með að kaupa líftryggingu en
alkóhólisti sem enn drekkur,“ sagði
Ari, sem telur að reglur sem þessar
komi helst niður á þeim sem heið-
arlegir eru við útfyllingu trygginga-
umsókna.
Geðsjúkir fá ekki tryggingu
„Ég þekki mörg dæmi þess að
einstaklingi hafi verið neitað um líf-
tryggingu af þeirri ástæðu einni að
hann hafi einhvern tímann á lífs-
leiðinni greinst með geðröskun,“
sagði Sveinn Magnússon, fram-
kvæmdastjóri Geðhjálpar, í samtali
við 24 stundir í lok síðasta mánaðar.
Hann sagði engu virðast skipta
þótt viðkomandi væri ekki lengur
veikur á geði er hann sækti um.
Börn krabbameinssjúkra
„Mér varð það ljóst strax af við-
brögðum starfsfólks tryggingafyrir-
tækisins sem ég lagði inn umsókn
hjá að ég fengi ekki líftryggingu,“
sagði Þóra Magnea Magnúsdóttir í
síðustu viku, en foreldar hennar
dóu úr sjúkdómum sem ekki eru
arfgengir.
Er 24 stundir höfðu samband við
Vonina, hagsmunasamtök krabba-
meinsgreindra, sögðust þeir stjórn-
armenn sem rætt var við hafa heyrt
dæmi þess að einstaklingi hefði ver-
ið neitað um líftryggingu sökum
þess að foreldri eða foreldrar við-
komandi hefðu látist úr krabba-
meini.
ÞEKKIR ÞÚ TIL?
Hringdu í síma 510 3700 eða
sendu póst á 24@24stundir.is
Hver fær líf-
tryggingu?
 Fjölmennir þjóðfélagshópar fá enga líf-
tryggingu og fara ótryggðir gegnum lífið
➤ 9,4% af núlifandi íslenskumkarlmönnum 15 ára og eldri
hafa farið inn á Vog.
➤ Geðhjálp áætlar að fórðungurþjóðarinnar hafi glímt við al-
varlega geðröskun.
➤ Á árunum 1997-2006 var dán-arorsök Íslendinga krabba-
mein í fjórðungi tilfella.
STÓR HLUTI ÞJÓÐARINNAR
24 stundir/Júlíus
Stór hópur Hver fær líftryggingu og hver ekki? Sjúkdómar foreldra eða alkóhólismi
getur komið í veg fyrir að fólk fái líftryggingu.
„Þetta snýst ekki um dansmeyj-
arnar sem einstaklinga, þetta snýst
um viðhorfin í samfélaginu,“ segir
Sóley Tómasdóttir, formaður
mannréttindanefndar Reykjavík-
urborgar, um bréf sem nektardans-
meyjar hafa sent borginni.
Hún segir stjórnvöld ekki geta
sætt sig við það að líkamar kvenna
séu hlutgerðir á þann hátt sem gert
er á nektardansstöðunum. Hún
segir ákvarðanir borgarinnar ekki
geta miðast við einstaklinga, þetta
snúist ekki eingöngu um einstak-
lingshagsmuni heldur almanna-
heill.
„Auðvitað hljótum við að vera
öll af vilja gerð að styðja við þær
þannig að þær geti séð fyrir sér
með öðrum hætti,“ segir Sóley en
ein konan segist ekki geta séð sér
farborða með öðrum hætti en
nektardansi. „Það hlýtur að vera á
ábyrgð samfélagsins að hún geti
séð fyrir sér öðruvísi, við viljum
ekki að neinn þurfi að sjá fyrir sér á
þennan hátt.“
fifa@24stundir.is
Borgin á móti nektardansi
Snýst um viðhorf
Nektardans Óvinsæll hjá borginni.
VIÐ LEGGJUM
AÐ FÓTUM ÞÉR
Krókhálsi 4 • 110 Reykjavík • Sími 567 1010 • www.parket.is
Í landsins stærsta sýningarsal á gólfefnum
höfum við hjá Harðviðarvali
sett upp glæsilega sýningu
á flísum og innihurðum,
að ógleymdu parketi og viðargólfefnum í ótrúlegu úrvali.
Þegar þú vilt móta umhverfi þitt að þér,
þá kemur þú í Harðviðarval
og möguleikarnir verða nær óendanlegir.
X
E
IN
N
H
A
07
1
1
00
3
Nýja flísadeildiní Harðviðarvali býður
SÉRTILBOÐ
Á FLÍSUM