Vísir - 24.12.1962, Blaðsíða 1

GUÐSPJALLIÐ:
Heilagar sögur herma
að heiman færu bæði
mærin María og Jósep,
maður af húsi Davíðs.
Til Betlehemsborgar komu,
blíðust mærin sín vænti,
nótt var tekin að nálgast,
og næturgistingar beiddust.
En hvar varð husa leitað?
Hvergi um þessar mundir:
Greiðvikinn maður gerði
þeim gjarnan kost á að hvílast
á hálmi í útihúsi
og hafa þar næturgisting.
Að þessu gengu og undu
örþreyttir vegfarendur.
Þá nóttu, svo guðspjöll greina,
gengu við hjarðir sínar,
fjárhirðar friðelskandi
fram á Betlehemsvöllum.
Urðu þá undur meiri
en alla tíð fyrr og síðar,
opinberunin æðsta
um eilífa drottins mildi.
Óvænt, sem elding lýsti,
engill drottins stóð hjá þeim,
kringum þá leifturljómi,
logaskær himinbirta:
„Ég boða blessun og fögnuð,
boða það öllum lýðum,
yður er frelsari fæddur.
Þér finnið ungbarn í jötu“.
ÚTLEGGINGIN:
Svo sætlega englar sungu
suður á Betlehemsvöllum.
Ennþá berst helgur hljómur
af hæðum á þessu kvöldi.
Klukknaömurinn kallar:
„Komið til helgra tíða“,
og sálmasöngurinn minnir
á syngjandi himinskara.
Bjart var á Betlehemsvöllum,
blessaður dýrðarljómi.
Enn er bjart fyrir augum
allra á þessu kvöldi.
Altarisljósin eiga
á þá birtu að minna
sem ljómaði kringum lömbin
lítil og saklaus forðum.
Fegurst fagnaðarefni
fluttu með gleðirómi
og básúnur bjartar þeyttu
blikandi englasveitir.
Enn er fagnað á foldu
fæðingu guðs á jörðu,
fagnað í helgum húsum
og hjartans dýpstu leynum.
mmm.
Fjárhirðar glaðir fóru,
fundu barnið í jötu,
lutu því djúpt í lotning,
lofuðu guð og trúðu.
Ég vil á jólakvöldi
Jesús minn, að þér leita,
í heilagri kirkju krjúpa
og koma til þín af hjarta.
Vitringar gjafir gáfu,
glöddu svo barn og móður.
Stjaman vísaði veginn
vegamóðum og þreyttum.
Enn eru góðar gjafir
^gefnar börnum á jólum,
,;:ein er frá æðstum drottni
ög öllúm gjöfum betri.
. JÆaría, drotjins rpóðir, .
mjúklega sveininá ’ vafði
að hjarta sér og hlúði
að honum með bæn, á vörum.
' Enn. eru börriin borin i ‘"
af blíðu við móðurhjarta
og helguð hennar syni
með heitum fyricbænúm. .
BÆN:
Vertu hjá mér og vaktu
verndaðu mig og leiddu
blessaðu landsins byggðii,
berðu ljós yfir heiminn.
Sefaðu allar sorgir,
sveipaðu yztu myrkur
heilögum himinljóma
og huggaðu þá sem gráta.
Gleðstu með þeim, er gleðjast,
gef þú að allt, sem lifir,
finni frið um jólin
í faðminum þínum bjarta.
Láttu nú litlu börnin
líkjast þér, Jesús góði,
gefðu öldnum og ungum
að eiga þig að vini.
Læknaðu þá, sem líða,
léttu þeim sínar þrautir,
:b?enheyrðu þá, .seiÉÞ. biðja,
biessaðu þá, serri' krjúpa,
réttu þeim hönd, er reika,
reistú þá yið, sem-
' veftú'þeim ljós,-er villast,
vaktu hjá þeim, er sofa.
ÞAKKARGJÖRÐ:
Frelsari vor er fæddur.
Fögnum og íofuhí, drottin.
Lyftum hjörtum í hæðir,
hlýðum á englasönginn.
Blessuð Betlehemsstjarnan
blikar á þessu kvöldi.
Jesúbarn mitt í jötu
ég á þig fyrir bróður.
Séra Emil Bjórnss

.

I