Morgunblaðið - 27.11.2004, Blaðsíða 1
SVEITARFÉLÖGIN hafa ákveðið að halda
áfram störfum sínum í tekjustofnanefnd með
fulltrúum ríkisins, en viðræðuslitum hafði verið
hótað ef ekki fengjust svör um hvort aukið fjár-
magn kæmi frá ríkinu til sveitarfélaga. Ljúka á
fyrir janúarlok á næsta ári endurskoðun á núver-
andi tekjustofnum, en sveitarfélögin telja að leið-
réttingu vanti upp á milljarða króna miðað við
núverandi verkefni.
Halldór Halldórsson, bæjarstjóri á Ísafirði,
fulltrúi í tekjustofnanefnd, hefur gagnrýnt fram-
göngu ríkisins harðlega. Hann segir að stjórn
Sambands íslenskra sveitarfélaga hefði ákveðið
að „láta okkur halda áfram. Það var ekki gegn
okkar vilja, við gerum bara það sem okkur er
sagt. Við gerðum stjórninni grein fyrir að við
teldum okkur ekki vera að ná árangri“.
Halldór að síðasti fundur í nefndinni hefði
markað þáttaskil. Ákveðið hefði verið að drífa af
skoðun á núverandi tekjustofnum fyrir lok janúar
nk., svo hægt yrði að fara að ræða önnur stór
mál eins og frekari sameiningu sveitarfélaga og
flutning nýrra verkefna með fullnægjandi tekju-
stofnum./11
Endurskoðun
tekjustofna
ljúki í byrjun
næsta árs
JÓLASERÍUR – BETRA VERÐ!
Matarmikið
blað
96 síðna Jólablað fylgir
Morgunblaðinu í dag
Lesbók | Við erum lík í því að vera ólík Með andlitið þétt að
glugganum Börn | Fyrsti í aðventu á morgun Óli fær á kjaftinn
Íþróttir | Tap hjá kvennalandsliðinu Bjartir tímar framundan á Brúnni
SAUTJÁN mikilvægar stjórnmálafylkingar í
Írak, þar á meðal hreyfing Iyads Allawis
forsætisráðherra, kröfðust þess í gær í sam-
eiginlegri yfirlýsingu að fyrirhuguðuðum
þingkosningum í lok janúar yrði frestað um
sex mánuði.
Bent er á að óöldin í landinu og skortur á
tæknilegum undirbúningi fyrir kosningar
geri brýnt að fresta þeim.
Yfirkjörstjórn í Írak hét því að taka kröf-
una fyrir á fundi sínum í dag. Meðal flokk-
anna 17 eru tveir helstu flokkar Kúrda í
norðri en súnníta-múslíminn Adnan Pachachi,
sem var utanríkisráðherra landsins á sjötta ára-
tugnum, hafði forystu um að krafan yrði sett
fram.
Flokkarnir segja m.a. að með því að fresta
kosningunum gefist ráðrúm til að bæta ástand
öryggismála í landinu.
Sumir af flokkum súnníta hafa síðustu vik-
urnar hótað að hunsa kosningarnar. Sjíta-músl-
ímar eru rösklega helmingur þjóðarinnar og hafa
leiðtogar þeirra andmælt öllum hugmyndum um
að fresta kosningunum.
Vilja fresta kosningum
Bagdad. AFP.
Adnan Pachachi
FORSETAEFNIN tvö í Úkra-
ínu hittust í gær á þriggja stunda
löngum fundi í höfuðborginni
Kíev og tóku fulltrúar frá Örygg-
is- og samvinnustofnun Evrópu
(ÖSE), Evrópusambandinu og
Rússlandi þátt í viðræðunum auk
forseta Póllands og Litháens og
fráfarandi forseta Úkraínu, Leó-
níd Kútsjma. Sagði hinn síðast-
nefndi að samkomulag hefði orð-
ið um að skipa starfshóp til að
finna málamiðlun í deilunum um
forsetakosningarnar. Jafnframt
hefðu deiluaðilar heitið því að
beita ekki ofbeldi.
„Kreppan sem tók við að lokn-
um kosningunum verður aðeins
leyst með málamiðlun,“ sagði
Kútsjma er fundurinn hófst.
Viktor Janúkóvítsj, forsætisráð-
herra Úkraínu, sagðist í gær ekki
vilja taka við forsetaembættinu
ef það kostaði blóðbað.
Forsetaefni stjórnarandstöð-
unnar, Viktor Jústsjenkó, sagðist
í gærkvöldi ætla að krefjast þess
að efnt yrði til nýrra kosninga 12.
desember. Hann átti í gær fund
með sendiherra Rússlands í
Úkraínu, Viktor Tsjernómýrdín.
Sagði Jústsjenkó sendiherranum
að brýnt væri að við völdum tæki
lýðræðislega kjörin og lögmæt
stjórn í Úkraínu. Tsjernómýrdín
lagði áherslu á að Úkraínumenn
væru mikilvæg bandalagsþjóð
Rússa. Rússar selja mikið af olíu
og gasi til Vestur-Evrópu og
liggja margar leiðslurnar um
Úkraínu. Svartahafsfloti Rússa
hefur bækistöðvar á Krímskaga
sem tilheyrir Úkraínu.
Vöflur eru komnar á marga
fulltrúa í kjörstjórn Úkraínu sem
birti lokatölur um meintan sigur
Janúkóvítsj í fyrradag og hafa
þeir dregið undirskriftir sínar til
baka. Nýtur yfirlýsingin um
lokatölurnar nú aðeins stuðnings
10 af 15 fulltrúum.
Sem fyrr voru hundruð þús-
unda stjórnarandstæðinga í mið-
borg Kíev í gær og hétu því að
gefast ekki upp fyrr en sigur
væri í höfn. Þúsundir stuðnings-
manna Janúkóvítsj frá austur-
héruðunum komu í gær til Kíev
og héldu fund við aðaljárnbraut-
arstöðina í borginni. Janúkóvítsj
flutti ávarp og hvatti fólkið til að
koma í veg fyrir „valdarán“
stjórnarandstæðinga. Margir
göngumanna gagnrýndu Vestur-
veldin, sem neita að viðurkenna
sigur Janúkóvítsj, fyrir afskipti
af málefnum landsins.
„Við vonum að Moskvustjórnin
styðji okkar í báráttunni fyrir því
að fá sigur Janúkóvítsj viður-
kenndan,“ sagði einn þátttak-
enda, hinn 21 árs gamli Vladíslav
frá borginni Kramatorsk. Hann
sakaði stjórnarandstæðinga um
að svíkja föðurlandið.
Reynt að finna mála-
miðlun í Úkraínu
Jústsjenkó segist
ætla að krefjast
nýrra kosninga
Kíev. AFP, AP.
Rússar/15
Reuters
Þúsundir stuðningsmanna forsetaefnisins Viktors Janúkóvítsj komu í gær til höfuðborgarinnar Kíev í
Úkraínu, hér sjást þeir skreyttir borðum með lit hans, ljósbláum. Janúkóvítsj, sem einkum nýtur stuðn-
ings meðal rússneskumælandi Úkraínumanna í austurhéruðunum, flutti ávarp á fundi við aðaljárn-
brautarstöðina og hvatti menn til dáða en sagðist ekki vilja embættið ef það kostaði blóðbað. TENÓRINN frægi Plácido
Domingo heldur tónleika í Eg-
ilshöll í Grafarvogi hinn 13.
mars næstkomandi. Að sögn
Þóru Guðmundsdóttur, eins
skipuleggjenda tónleikanna,
heldur Domingo aðeins átta til
tíu tónleika árlega og þykja
tónleikarnir hér því mikill við-
burður í íslensku tónlistarlífi.
Plácido Domingo er einn virt-
asti óperulistamaður heims í
dag.
Þá verður sænski mezzó-
sópraninn Anne Sofie von Ott-
er gestur Listahátíðar í
Reykjavík næsta sumar og
syngur á tónleikum í Há-
skólabíói 4. júní. Von Otter er
ein af dáðustu söngkonum
samtímans, er jafnvíg á óp-
erusöng, ljóðasöng og barokk-
músík. Geisladiskar hennar eru margverðlaun-
aðir og hún hefur margsinnis hreppt
Grammyverðlaunin, nú síðast á þessu ári, sem
besti söngvari ársins. /27
Domingo og von
Otter til Íslands
Anne Sofie
Plácido
Domingo
STOFNAÐ 1913 324. TBL. 92. ÁRG. LAUGARDAGUR 27. NÓVEMBER 2004 PRENTSMIÐJA ÁRVAKURS HF. mbl.is
STARFSMENN sjónvarpsstöðva í Úkraínu, sem eru flestar í höndum
stjórnvalda eða manna sem tengjast þeim, urðu í gær við kröfum
Viktors Jústsjenkós, forsetaefnis og leiðtoga stjórnarandstæðinga,
um að hafna ritskoðun stjórnvalda og hófu að flytja fréttir og myndir
af fjölmennum mótmælafundum vegna meintra kosningasvika
manna Janúkóvítsj.
Á einkastöðinni 1+1 gáfu fréttamenn út yfirlýsingu um að fram-
vegis myndu þeir flytja „hlutlægar fréttir“ en ekki einhliða áróður
fyrir Janúkóvítsj. Sjónvarpsstjórinn, Aleksander Rodnýanskí, las yf-
irlýsinguna upp í beinni útsendingu að viðstöddum starfsmönnum
sínum. Fréttastjóri stöðvarinnar sagði fyrr um daginn af sér en aðrir
fréttamenn höfðu þá lagt niður vinnu til að mótmæla ritskoðuninni.
„Við höfum aðallega flutt lygar,“ sagði Volodómýr Melník, frétta-
þulur á einni ríkisstöðinni, UT-1, í viðtali á annarri stöð, Rás 5, sem
hefur stutt stjórnarandstæðinga. Talið er að umskiptin á sjónvarps-
stöðvunum geti skipt sköpum þar sem aðeins um þriðjungur þjóð-
arinnar hefur haft aðgang að stöðvum sem sagt hafa frá kröfum
stjórnarandstöðunnar og ásökunum um kosningasvindl.
Ríkissaksóknari Úkraínu varaði stöðvarnar við í gær og sagði þær
brjóta landslög er þær sýndu myndir frá mótmælum þar sem hvatt
var til þess að opinberar skrifstofur yrðu teknar herskildi og götum
lokað.
Sjónvarpsfréttamenn risu upp
Lesbók, Börn og Íþróttir
♦♦♦