Morgunblaðið - 27.11.2004, Blaðsíða 40
40 LAUGARDAGUR 27. NÓVEMBER 2004 MORGUNBLAÐIÐ
KIRKJUSTARF
Kirkjudagur
Bústaðakirkju
FYRSTI sunnudagur í aðventu er
kirkju- og vígsludagur Bústaða-
kirkju. Dagsins er minnst í helgi-
haldi kirkjunnar.
Hefðbundin barnamessa er kl.
11. Guðsþjónusta er kl. 14. Félagar
úr Kór kirkjunnar syngja og org-
anisti er Guðmundur Sigurðsson.
Fermingarbörn og foreldrar þeirra
eru hvött til þátttöku í guðsþjónust-
unni
Að lokinni guðsþjónustu er boðið
upp á vöfflukaffi og það eru karlar
í sóknarnefnd sem sjá um fram-
kvæmd þess.
Aðventukvöldið verður að venju
kl. 20. Allir kórar kirkjunnar og
okkar nýja bjöllu- og bongósveit
koma fram. Kór Bústaðakirkju flyt-
ur kantötuna Nun komm der hei-
den Heiland eftir Johann Sebastian
Bach ásamt kammersveit og ein-
söngvurum úr kórnum. Einsöngv-
arar eru Vilhjálmur Þór Sig-
urjónsson, Ingólfur Helgason og
Alda Ingibergsdóttir. Konsert-
meistari er Zbigniew Dubik. Guð-
mundur Sigurðsson organisti
stjórnar.
Þá munu allir barnakórar kirkj-
unnar flytja fjölbreytta og
skemmtilega dagskrá aðventu- og
jólalaga. Stjórnandi er Jóhanna V.
Þórhallsdóttir. Einnig munu allir
kórarnir syngja saman að ógleymd-
um almennum söng safnaðarins.
Ræðumaður kvöldsins er Halldór
Ásgrímsson, forsætisráðherra. Í lok
athafnarinnar verða ljósin tendruð.
Þorgerður Katrín
flytur hugvekju í
Grafarvogskirkju
FYRSTA sunnudag í aðventu sem
nú ber upp á 28. nóvember verður
haldin aðventuhátíð í Grafarvogs-
kirkju. Hátíðin hefst kl. 20.
Eins og ávallt áður verður dag-
skráin fjölbreytt. Grafarvogs-
skáldin Einar Már Guðmundsson og
Sigmundur Ernir lesa úr jólabókum
sínum.
Kórar kirkjunnar og KK og Ellen
syngja. Stjórnendur eru Hörður
Bragason og Oddný J. Þorsteins-
dóttir. Aðalbjörg Ellertsdóttir leik-
ur á þverflautu. Birgir Bragason
leikur á kontrabassa og Hjörleifur
Valsson á fiðlu. Fermingarbörn
flytja helgileik. Prestar safnaðarins
taka þátt í hátíðinni sem lýkur með
almennum safnaðarsöng.
Grafarvogskirkja.
Aðventusamkoma í
Víkurkirkju í Mýrdal
AÐVENTUSAMKOMA verður í
Víkurkirkju í Mýrdal, sunnudaginn
28. nóv. nk. og hefst kl 15. Fjöl-
breytt og hefðbundin dagskrá. Eft-
ir stundina í kirkjunni verður
kveikt á jólatré Mýrdælinga fyrir
framan Víkurkirkju. Fjölmennum.
Sóknarprestur.
Aðventuhátíð
fjölskyldunnar
í Hjallakirkju
FYRSTA sunnudag í aðventu, 28.
nóvember, verður aðventuhátíð
fjölskyldunnar í Hjallakirkju,
Kópavogi, kl. 16.
Þetta er skemmtileg stund fyrir
alla fjölskylduna með léttri jóla-
dagskrá, söngvum og sögum.
Stoppleikhópurinn sýnir skemmti-
legt barnaleikrit sem ber heitið Síð-
asta stráið eftir Fredrick Thury en
sagan byggist á jólaguðspjallinu.
Þar segir frá úlfalda nokkrum,
Hósmakaka að nafni, en hann hefur
verið valinn til að flytja vistir og
gjafir vitringanna til Betlehem.
Þetta er hugljúf og falleg saga sem
kemur öllum í gott jólaskap. Auk
þessa munum við öll syngja saman
jólasöngva og njóta stundarinnar í
kirkjunni.
Að henni lokinni verður boðið
upp á kakó og piparkökur í safn-
aðarsal kirkjunnar. Við hvetjum
fjölskyldur til að fjölmenna á að-
ventuhátíðina þennan fyrsta sunnu-
dag aðventunnar.
Ebba biskupsfrú
í Grensáskirkju
Á MORGUN, fyrsta sunnudag í að-
ventu, verður aðventukvöld í
Grensáskirkju kl. 20.
Tendruð verður lýsing sem ætlað
er að lýsa upp glerlistaverk Leifs
Breiðfjörð á altarisgafli kirkj-
unnar. Það listaverk gaf Kvenfélag
Grensássóknar kirkjunni og gefur
nú lýsinguna. Formaður Kven-
félagsins, Kristrún Hreiðarsdóttir,
mun kveikja ljósið.
Barnakór Hvassaleitisskóla syng-
ur undir stjórn Kolbrúnar Ásgríms-
dóttur en einnig syngur kirkjukór
Grensáskirkju undir stjórn org-
anistans, Árna Arinbjarnarsonar.
Hugvekju kvöldsins flytur frú Ebba
Sigurðardóttir biskupsfrú og eig-
inmaður hennar, Ólafur Skúlason
biskup, flytur lokaorð, bæn og
blessun.
Basar í Frí-
kirkjunni Kefas
HINN fyrsta í aðventu, sunnudag-
inn 28. nóvember, verðum við með
okkar árlega basar frá kl. 13–17. Á
basarnum verða seldir lukkupakk-
ar og tombólumiðar með stórglæsi-
legum vinningum á öllum miðum.
Enginn núll. Sjón er sögu ríkari –
fyrstir koma, fyrstir fá. Einnig
verða á boðstólum heimabakaðar
kökur, smákökur, fallegar gjafa-
vörur, og ýmislegt annað á mjög
góðu verði. Frábærar veitingar
verða til sölu, rjómavöfflur og rjúk-
andi kaffi eða gos og annað góð-
gæti. Hægt verður að njóta veiting-
anna undir ljúfri hátíðartónlist sem
hljómsveit hússins leikur. Allir vel-
komnir.
Aðventukvöld í
Hveragerðiskirkju
SUNNUDAGASKÓLI kl. 11. Kveikt
á aðventukransinum og sungið og
fræðst um tilgang jólaundirbún-
ingsins. Aðventukvöld kl. 20. Fjöl-
breytt tónlist í umsjá kirkjukórs og
organista og fleiri flytjenda. Guð-
rún Helgadóttir, rithöfundur, verð-
ur gestur kvöldsins og ræðumaður.
Fjölmennum í Hveragerðiskirkju
og eigum notalega stund í upphafi
jólaföstu.
Sóknarprestur.
Steingrímur J.
Sigfússon í Hraun-
gerðiskirkju
AÐVENTUKVÖLD nk. sunnud. kl.
20.30. Ræðu kvöldsins flytur Stein-
grímur J. Sigfússon alþingismaður
og formaður Vinstri grænna. Þetta
er fjórða árið í röð þar sem kunnir
forustumenn í stjórnmálalífi okkar
tala á aðventukvöldum prestakalls-
ins. Söngkór Hraungerðis-
prestakalls syngur undir stjórn
Eyrúnar Jónasdóttur. Sóknar-
prestur flytur aðventutexta og
örstutta hugvekju. Kveikt verður á
aðventukransi með viðeigandi söng
og hefðum. Almennur safn-
aðarsöngur í lok samverunnar.
Þetta er tilvalið tækifæri fyrir unga
og aldna til að finna hið sanna and-
rúmsloft aðventunnar.
Kristinn Ágúst Friðfinnsson.
Aðventukvöld í félags-
heimilinu Árnesi
SUNNUDAGURINN 28. nóvember
nk. er fyrsti sunnudagur í aðventu.
Sem fyrr þá höldum við aðventu-
kvöld prestakallsins. Að þessu sinni
verður það haldið í félagsheimilinu
Árnesi og hefst kl. 20.30 stundvís-
lega.
Pétur Gunnarsson rithöfundur
flytur hugleiðingu, kórar kirkn-
anna syngja nokkra aðventusálma
og væntanlega syngja börnin sálma
og svo við öll saman. Sjálfum finnst
mér mjög mikilvægt að sem flest
sóknarbörn komi og hefji þannig
aðventuna – undirbúningstímann
fyrir komu jólanna – með því að
koma saman og setja sér tóninn.
Kaffi eða ávaxtasafi og piparkökur
verða síðan á boðstólum í lokin rétt
fyrir hálf tíu.
Verið öll velkomin!
Axel Árnason, sóknarprestur.
Aðventukvöld
Ástjarnarsóknar
AÐVENTUKVÖLD Ástjarn-
arsóknar er sunnudaginn 28. nóv-
ember kl. 20. Samsöngur jólasálma
og vinsælla jólalaga undir stjórn
Aðalheiðar Þorsteinsdóttur og kórs
Ástjarnarsóknar. Hljómsveitin
Lufthansa kemur fram og flytur
sína útgáfu af nokkrum jólalögum.
Sr. Auður Eir Vilhjálmsdóttir er
ræðukona kvöldsins. Hún mun með-
al annars segja frá nýrri bók sinni,
Gleði Guðs. Heitt súkkulaði, mand-
arínur og piparkökur eftir sam-
veruna.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa, heldur
lifandi steinar, manneskjur af holdi
og blóði. Þess vegna er hægt að
fara út úr kirkjubyggingum með
helgihald og fagnaðarerindið og
mæta fólki í dagsins önn. Í tilefni af
því bjóðum við til guðsþjónustu í
Kolaportinu fyrsta sunnudag í að-
ventu, 28 nóvember, kl. 14.
Sr. Irma Sjöfn Óskarsdóttir pre-
dikar og þjónar ásamt Jónu Hrönn
Bolladóttur miðborgarpresti og
Bjarna Karlssyni presti í Laug-
arneskirkju. Tónlistarmaðurinn
Þorvaldur Halldórsson mun leiða
lofgjörðina, en sönghópurinn 104
mun einnig gleðja viðstadda með
fallegum aðventusálmum. Þá er
hægt að leggja inn fyrirbænarefni
til þeirra sem þjóna í guðsþjónust-
unni áður en stundin hefst. Í lok
stundarinnar verður blessun með
olíu.
Guðsþjónustan fer fram í kaffi-
stofunni hennar Jónu í Kolaportinu
sem ber heitið Kaffi port. Þar er
hægt að kaupa sér kaffi og dýrindis
meðlæti og eiga gott samfélag við
Guð og menn.
Það eru allir velkomnir.
Miðborgarstarf kirkjunnar.
Aðventukvöld
í Fella- og Hólakirkju
AÐVENTUKVÖLD verður í Fella-
og Hólakirkju á sunnudag kl. 20.
Fjölbreytt dagskrá í tali og tón-
um. Ræðumaður kvöldsins er Björk
Vilhelmsdóttir, borgarfulltrúi. Org-
anisti Lenka Mátéova, flautuleikari
Guðrún Birgisdóttir. Barnakórar
kirkjunnar og Kór Fella- og Hóla-
kirkju syngja, einsöngvari Sólveig
Samúelsdóttir. Stjórnendur Lenka
Mátéova og Þórdís Þórhallsdóttir.
Kaffi og smákökur. Allir velkomn-
ir.
Aðventukvöld í
Seljakirkju
AÐVENTUKVÖLD verður haldið í
Seljakirkju sunnudagskvöldið 28.
nóvember kl. 20. Aðventutónlist
verður flutt af kirkjukór Selja-
kirkju, barnakór Seljakirkju og
Seljum, kór kvenfélags Seljakirkju.
Kristín Ísfeld les aðventusögu og
Sigurbjörn Sveinsson flytur að-
ventuhugvekju. Aðventuljós verða
tendruð. Verið velkomin.
Aðventusamvera eldri
borgara í Seljakirkju
ÞRIÐJUDAGSKVÖLDIÐ 30. nóv-
ember kl. 18 verður aðventu-
samvera eldri borgara í Selja-
kirkju. Haukur Ísfeld les
aðventusögu og kirkjukór Selja-
kirkju syngur aðventusöngva undir
stjórn Jóns Bjarnasonar.
Samveran hefst í kirkjunni með
helgistund og lýkur með léttum
málsverði í safnaðarsal Seljakirkju.
Sænsk aðventu-
guðsþjónusta
FYRSTA sunnudag í aðventu kl. 14
verður aðventusamkoma í Dóm-
kirkjunni á vegum Sænska félags-
ins. Karl Sigurbjörnsson biskup Ís-
lands prédikar og sr. Jakob Ágúst
Hjálmarsson þjónar fyrir altari.
Tónlistin er í umsjá Mariu Ceder-
borg og Marteins H. Friðrikssonar.
Första söndag i advent kl. 14 blir
det adventsgudstjänst i Domkyrkan
i Reykjavik som Svenska fören-
ingen på Island arrangerar. Islands
biskop Karl Sigurbjörnsson predik-
ar och Jakob Ágúst Hjálmarsson
kyrkoherde leder liturgien. Maria
Cederborg leder musiken till
sammans med Marteinn H. Frið-
riksson domorganist.
Aðventukvöld
Dómkirkjunnar
AÐVENTUKVÖLD verður haldið í
Dómkirkjunni fyrsta sunnudag í að-
ventu kl. 20. Sigurður Guðmunds-
son landlæknir flytur hugvekju.
Dómkórinn og Barnakór Dómkirkj-
unnar syngja undir stjórn Marteins
H. Friðrikssonar og Kristínar Vals-
dóttir. Sr. Jakob Ágúst Hjálm-
arsson flytur ávarp og bæn.
Við messu dagsins kl. 11 prédik-
ar sr. Þórir Stephensen fv. dóm-
kirkjuprestur og sr. Jakob Ágúst
þjónar fyrir altari. Dómkórinn og
Marteinn annast tónlistarflutning.
Verið velkomin að eiga helga stund
í aðdraganda jólanna.
Ólafur biskup
á Akranesi
HR. ÓLAFUR Skúlason biskup
verður sérstakur gestur Akranes-
safnaðar á morgun, fyrsta sunnu-
dag í aðventu. Mun hann prédika í
guðsþjónustu á Dvalarheimilinu
Höfða kl. 12.45 og í guðsþjónustu í
Akraneskirkju kl. 14. Kveikt verð-
ur á fyrsta aðventukertinu. Fallegir
aðventusálmar verða sungnir. Ak-
urnesingar eru hvattir til að fjöl-
menna til kirkju og búa sig undir
hátíð ljóss og friðar.
Diddú í Árbæjar-
kirkju fyrsta sunnu-
dag í aðventu
ÞAÐ verða fagrir tónar sem nema
eyru á sunnudag í Árbæjarkirkju.
Fyrsti sunnudag í aðventu er jafn-
framt kirkjudagurinn í Árbæj-
arsöfnuði. Á kirkjudeginum er lagt
meira en venjulega í allt hvað varð-
ar ytri umgjörð starfsins. Byrjað
verður með árrisulum foreldrum
og börnum þeirra sem í vetur hafa
sunnudag eftir sunnudag troðfyllt
safnaðarheimilið. Á sunnudag verð-
ur sunnudagaskólinn uppi í kirkju.
Rebbi refur, Gulla gæs og allir hinir
koma. Það verður sungið að hætti
hússins. Á eftir verður kaffi,
ávaxtasafi og kex. Líknarsjóðs-
konur verða með skyndihapp-
drætti.
Eftir hádegishlé verður guðs-
þjónusta kl. 14. Sigrún Hjálmtýs-
dóttir – Diddú syngur. Tromp-
etleikur og almennur söngur.
Bernharður Guðmundsson skóla-
stjóri Skálholtsskóla prédikar. Há-
tíðarkaffi og meðlæti í safn-
aðarheimili kirkjunnar á eftir.
Líknarsjóðskonur verða með
skyndihappdrætti. Mikill fjöldi
góðra vinninga. Afrakstur sölunnar
rennur óskiptur til líknarmála inn-
an safnaðarins.
Fjölbreytt dagskrá
í Fríkirkjunni
í Hafnarfirði
ÞAÐ verður mikið um að vera í Frí-
kirkjunni í Hafnarfirði á fyrsta
sunnudegi í aðventu. Barna-
samkoma verður að venju kl. 11 og
þar verður tendrað fyrsta aðventu-
ljósið. Guðsþjónusta er í kirkjunni
kl. 13 og þar mun kórinn okkar og
hljómsveitin flytja fallega tónlist.
Að guðsþjónustu lokinni verður
kirkjukórinn með kökubasar og
verður hægt að gera þar góð kaup.
Jólafundur kvenfélagsins hefst
svo í Skútunni kl. 20 og þar verður
að venju fjölbreytt og góð dagskrá.
Á sama tíma fer fram æðruleys-
ismessa í kirkjunni og það er að
venju áhugahópur um æðruleys-
ismessur í Hafnarfirði sem stendur
á bak við helgihaldið ásamt prest-
um Fríkirkjunnar. Þar mun hin
kunna söngkona Anna Sigga syngja
og leiða söng.
Léttmessa í Fríkirkj-
unni í Reykjavík
LÉTTMESSA verður sunnudag kl.
20. Guðrún Gunnarsdóttir og Val-
geir Skagfjörð sjá um tónlist-
arflutning og flytja m.a. lög af
nýrri plötu sinni, Eins og vindurinn.
Hjörtur Magni Jóhannsson flytur
hugleiðingar.
Aðventusamkoma í
Breiðholtskirkju
HIN árlega aðventusamkoma
Breiðholtssafnaðar verður haldin í
Breiðholtskirkju í Mjódd nk. sunnu-
dag, fyrsta sunnudag í aðventu, kl.
20. Að venju verður fjölbreytt dag-
skrá sem miðuð er við alla fjöl-
skylduna:
Börn tendra ljós á fyrsta kertinu
á aðventukransinum. Kór Breið-
holtskirkju og Eldri barnakór
Breiðholtskirkju flytja aðventu- og
jólasöngva undir stjórn organist-
ans, Keith Reed og Ástu B. Schram.
Fermingarbörn sjá um upplestur
og helgileik, og Þórdís Ágústsdóttir
flytur aðventuhugleiðingu. Sam-
komunni lýkur með helgistund við
kertaljós.
Að samkomunni lokinni verður
kaffisala í safnaðarheimilinu á veg-
um Kórs Breiðholtskirkju. Einnig
munu fermingarbörn selja frið-
arkerti til styrktar Hjálparstarfi
kirkjunnar.
Vil ég hvetja sóknarbúa og aðra
þá sem áhuga hafa til að fjölmenna
við þessa athöfn og hefja þannig
jólaundirbúninginn með góðri
stund í húsi Drottins.
Sr. Gísli Jónasson.
Upphaf aðventu
í Hallgrímskirkju
SUNNUDAGINN 28. nóv. verður
hátíðarmessa og barnastarf kl. 11 í
Hallgrímskirkju. Biskup Íslands,
Karl Sigurbjörnsson, prédikar og
þjónar fyrir altari ásamt prestum,
djákna og messuþjónum Hallgríms-
kirkju.
Mótettukór Hallgrímskirkju
syngur undir stjórn Harðar Áskels-
sonar, en Björn Steinar Sólbergs-
son verður organisti. Tendrað verð-
ur á fyrsta ljósi aðventukransins.
Safnað verður til Hjálparstarfs
kirkjunnar, en aðventusöfnunin
hefst þennan dag.
Ensk guðsþjónusta verður kl. 14 í
Morgunblaðið/Ásdís
Bústaðakirkja