24 stundir - 09.02.2008, Qupperneq 48

48 LAUGARDAGUR 9. FEBRÚAR 2008 24stundir
Vín vikunnar
Torbreck Juveniles 2006
Aðlaðandi og opið í nefi með kröftugan ilm af svörtum berjum, ferskum
kryddjurtum, balsamik, leðri og steinefnum með vott af sætleika. Rúnnað í
munni með áberandi skógarberjasultu, hrásykri og tóbakslaufi. Þroskuð og
feit tannín fylgja þéttri og tilkomumikilli fyllingu með safaríkum og heit-
um endi.
Veigamikið rauðvín sem tilvalið er að para með lamba- og nautakjöti,
grillmat eða eitt og sér. Tilbúið til neyslu strax en má geyma í 6-7 ár.
Húsið var stofnað af David Powell árið 1994 og dregur nafnið af
skógi í Skotlandi þar sem David starfaði sem skógarhöggsmaður.
Vínræktunin byggist aðallega á sígildum frönskum þrúgum úr
Rhône-dalnum. Grenache, Syrah (Shiraz) og Mourvedre (Mat-
aro) í rauðu og Viognier, Marsanne og Roussanne í hvítu.
Vínviðirnir eru allt að 150 ára gamlir og fer uppskeran fram
um miðjan apríl. Þrúgurnar eru gerjaðar sér í fyrri gerjun en
blandað saman í þeirri seinni. Þroskun er öll á ryðfríu stáli og
þegar vínið er sett á flöskur fyrir lok ársins er það hvorki síað né
grugghreinsað.
Þrúgur: 60% Grenache, 20% Shiraz & 20% Mourvedre
Land: Ástralía
Hérað: South Australia-Barossa
2.390 kr.
Bjarni Gunnar Kristinsson, yfir-
matreiðslumaður á Grillinu, varði
nokkrum mánuðum á Michelin-
veitingastað í Frakklandi eftir að
hann útskrifaðist sem matreiðslu-
maður fyrir um áratug. „Þetta var
hollur og góður skóli og síðan hef-
ur maður svolítið fylgt þessari línu.
Grunnurinn er franskur en svo
reynir maður að leika sér aðeins
með skemmtilegt hráefni og fersk
brögð,“ segir Bjarni sem leggur
jafnframt mikið upp úr léttleikan-
um. „Við viljum ekki vera með
þungar smjörsósur sem skilja eftir
stein í maga. Við viljum létta mat-
inn upp og gera þetta að skemmti-
legri upplifun þannig að þú getir
farið og dansað eftir fimm rétta
máltíð,“ segir hann.
Íslenskir kokkar í víking
Nýir og ferskir straumar í mat-
reiðslu eru ekki lengi að ná til Ís-
lands að sögn Bjarna. „Íslenskir
kokkar eru mjög duglegir að
ferðast og við höfum útskrifað ansi
marga kokka á Hótel Sögu sem
hafa verið sendir í víking út í heim.
Það eru fyrrverandi kokkar af
Grillinu að vinna í London, Sví-
þjóð og á mörgum fleiri stöðum.
Þeir koma oft með uppskriftir í
rassvasanum sem við fáum kannski
að kíkja í. Ef það kemur einhver
tískubylgja er hún voðalega fljót að
skila sér. Þá flykkjast allir kokkarnir
í flugvél og taka hana út,“ segir
Bjarni.
Elda fyrir 110
Auk þess að stjórna eldhúsinu á
Grillinu hefur Bjarni farið fyrir
kokkalandsliðinu sem undirbýr sig
nú fyrir Ólympíuleikana í Þýska-
landi í október. „Við þurfum að
elda fyrir 110 manns á fjórum tím-
um og við erum byrjaðir að æfa. Ef
það eru einhver fyrirtæki og stofn-
anir sem vilja styrkja okkur hafa
þau stundum fengið okkur í mötu-
neytið hjá sér og við höfum eldað
fyrir 110 manns. Það er ekki slæmt
að vera með landsliðið í mötuneyt-
inu,“ segir Bjarni Gunnar Kristins-
son að lokum.
Á frönskum grunni Bjarni Gunnar Krist-
insson, yfirmatreiðslumaður á Grillinu,
byggir á frönskum grunni en leggur jafn-
framt áherslu á léttleikann.
Bjarni Gunnar Kristinsson undirbýr sig fyrir Ólympíuleika
Með landsliðið
í mötuneytinu
Bjarni Gunnar Kristinsson
matreiðslumaður byggir
á frönskum grunni í mat-
argerð en leggur þó jafn-
framt áherslu á léttleika.
Hann undirbýr sig nú
ásamt landsliðinu fyrir
Ólympíuleikana í Þýska-
landi næsta haust.
➤ Bjarni lærði á Hótel Sögu á ár-unum 1994-1997.
➤ Hann hefur unnið á HótelSögu mestallan sinn starfs-
feril og er nú yfirmat-
reiðslumaður á Grillinu.
➤ Bjarni hefur verið í landslið-inu frá árinu 2000 og tekið
þátt í mörgum alþjóðlegum
mótum með því.
BJARNI GUNNAR
Ein stærsta matarveisla ársins er
í vændum því að alþjóðlega mat-
arhátíðin Food and Fun verður
haldin í Reykjavík dagana 20.- 25.
febrúar. Von er á úrvalsmatreiðslu-
mönnum frá útlöndum sem munu
sýna listir sínar á veitingastöðum
borgarinnar. Hápunktur hátíðar-
innar er að venju keppni kokkanna
sem fram fer í Listasafni Reykjavík-
ur – Hafnarhúsinu, laugardaginn
23. febrúar. Þar mun hver og einn
kokkur elda þrjá rétti úr íslensku
hráefni og gefst fólki tækifæri til að
fylgjast með þeim að störfum og
jafnvel smakka.
Á heimasíðu keppninnar
www.foodandfun.is má nálgast
upplýsingar um þá veitingastaði og
gestakokka sem taka þátt í mat-
arhátíðinni í ár.
Styttist í Food and Fun hátíðina
Áhersla á íslenskt hráefni
Bocuse d’or akademía Íslands tók
í notkun fullkomið æfingaeldhús
fyrir matreiðslumenn sem keppa
fyrir Íslands hönd erlendis síðast-
liðinn fimmtudag. Slíkt æfinga-
húsnæði hefur ekki verið til áður
hér á landi.
Bocuse d’or akademían var stofn-
uð nýlega í því augnamiði að
styðja við og þjálfa íslenska þátt-
takendur í alþjóðlegum mat-
reiðslukeppnum. Af þeim keppn-
um sem íslenskir
matreiðslumenn taka þátt í ber
Bocuse d’or hæst en hún er eins
konar heimsmeistarakeppni ein-
staklinga í matreiðslu og er hald-
in í Lyon í Frakklandi annað
hvert ár.
Ragnar Ómarsson, matreiðslu-
meistari á Domo, verður fulltrúi
Íslendinga í næstu Bocuse d’or
keppni en hann tók einnig þátt í
henni árið 2005.
Meistaraeldhús Bocuse d’or
akademían hefur tekið í notkun
æfingaeldhús fyrir íslenska mat-
reiðslumenn sem taka þátt í mat-
reiðslukeppnum erlendis.
Eldhús meistarakokkanna
Ungt og óþroskað rauðvín má
gjarnan bæta með umhellingu en
þá er því hellt hratt í karöflu eða
svipað ílát og látið anda í hálf-
tíma til klukkustund fyrir neyslu.
Einnig má umhella eldri og
þroskaðri vínum til að losna við
grugg. Þá er flaskan látin standa
upprétt í um sólarhring og síðan
hellt rólega í karöfluna til að
botnfallið verði eftir.
Umhelling vína
LÍFSSTÍLLMATUR
lifsstill@24stundir.is a
Ef það kemur einhver tískubylgja
er hún voðalega fljót að skila sér.
Þá flykkjast allir kokkarnir í flugvél og
taka hana út.
Elísabet Alba Valdi-
marsdóttir vínþjónn
Torbreck Juveni-
les 2006