Morgunblaðið - 31.03.2005, Síða 2

2 B FIMMTUDAGUR 31. MARS 2005 MORGUNBLAÐIÐ

      




   
   


!

 
    

 "#$  
     

 
 

%#&&'(
    


   
!

!

!




%) *+,  
Viðskiptablað Morgunblaðsins Kringlunni 1, 103 Reykjavík, sími 5691100, netfang
vidsk@mbl.is Útgefandi Árvakur hf. Umsjón Agnes Bragadóttir, fréttastjóri,
agnes@mbl.is Auglýsingar sími 5691111 netfang augl@mbl.is Bréfsími 5691110
Prentun Prentsmiðja Morgunblaðsins
NOKKRIR af stærstu hluthöfum í Samherja,
sem samtals eiga 55,48% hlutafjár í félaginu, hafa
gert með sér samkomulag um stjórnun og rekstur
þess. Þetta eru Kristján Vilhelmsson, Þorsteinn
Már Baldvinsson, Fjárfestingarfélagið Fjörður
ehf., Bliki ehf., Tryggingamiðstöðin hf., F-15 sf.,
Finnbogi A. Baldvinsson og fjárhagslega tengdir
aðilar. Tilkynning þessa efnis var send til Kaup-
hallar Íslands í gær, en þar kemur fram að sam-
komulagið hafi verið gert í kjölfar kaupa Fjárfest-
ingafélagsins Fjarðar ehf. á 7,33% eignarhlut í
Samherja af Burðarási, en félagið eru í eigu Krist-
jáns, Þorsteins Más og Finnboga.
Vegna samkomulagsins milli hluthafanna er
þeim skylt að gera öðrum hluthöfum í Samherja yf-
irtökutilboð á grundvelli laga um verðbréfaviðskipti
og verður það lagt fram innan fjögurra vikna. Þá
segir í tilkynningunni að samhliða samkomulagi
hluthafanna verði óskað eftir því að hlutabréf Sam-
herja verði afskráð úr Kauphöll Íslands.
Ekki áhugi fyrir sjávarútvegsfyrirtækjum
Yfirtökutilboð hluthafanna miðast við gengið 12,1,
sem er hæsta gengi hlutabréfa sem þeir hafa átt
viðskipti með í Samherja síðastliðna sex mánuði.
Fyrir liggur tillaga stjórnar Samherja til aðalfund-
ar um greiðslu á 30% arði og verði sú tillaga sam-
þykkt samsvarar tilboðið genginu 12,4.
Þorsteinn Már Baldvinsson, forstjóri Samherja,
segir að það sem nú sé að gerast hjá fyrirtækinu
hafi verið að gerast hjá mörgum sjávarútvegsfyr-
irtækjum hér á landi á umliðnum árum. Þetta sé ef
til vill lýsandi fyrir þá stöðu sem sjávarútvegurinn
er í um þessar mundir. „Fyrirtækin þurfa að geta
haft skýra framtíðarstefnu og gert framtíðarplön,“
segir Þorsteinn Már. „Stjórnmálin hér á landi eru
þannig að menn hafa mjög mismunandi skoðanir á
því hvernig eigi að stunda þá matvælavinnslu sem
fiskveiðar og vinnsla eru. Umræðan hefur hins veg-
ar verið á þann veg að áhugi fjárfesta fyrir sjáv-
arútvegsfyrirtækjum er ekki mikill.“
Hann segir stærstu eigendur Samherja, ákveð-
inn hóp starfsmanna og nokkra aðrir fjárfestar,
hafa komið sér saman um stefnu og rekstur Sam-
herja. „Við höfum trú á því að hluthafar sem eiga í
kringum 35–40% hlutafjár í félaginu muni selja sín
bréf. Og við munum væntanlega fá einhverja nýja
aðila til að koma að 10–15% af fyrirtækinu.“
Þrjú fyrirtæki eftir
Þorsteinn Már segist reikna með því að einhverjar
breytingar verði á Samherja eftir að félagið verður
afskráð úr Kauphöll Íslands. Möguleikar fyrirtæk-
isins og aðgangur að fjármagni muni væntanlega
minnka. „Það hefst nýr kapituli hjá Samherja og
starfsmönnum fyrirtækisins með þessu. Og ég von-
ast til að skilja við hluta af hluthöfum í sátt,“ segir
Þorsteinn Már.
Samherji var skráður í Kauphöll Íslands á árinu
1997. Hluthafar eru nú liðlega 1.500 talsins. Krist-
ján Vilhelmsson er stærsti einstaki hluthafinn með
um 16% hlut. Næstur kemur Þorsteinn Már með
um 15,7%. Samtals fara þeir því með um 44% hlut
þegar tæplega 12% hlutur fjárfestingarfélagsins
Fjarðar hefur verið talinn með.
Eftir að Samherji verður afskráður úr Kauphöll
Íslands verða þrjú sjávarútvegsfyrirtæki skráð í
Kauphöllinni. Þau eru HB Grandi, Vinnslustöðin og
Þormóður rammi-Sæberg. Fyrir þremur árum
voru samtals 16 sjávarútvegsfyrirtæki skráð í
Kauphöllinni.
Stærstu hluthafar Sam-
herja yfirtaka félagið
Morgunblaðið/Kristján
Hafa gert samkomulag um stjórnun og rekstur fyrirtækisins og munu óska eftir afskráningu
Eftir Grétar J. Guðmundsson
gretar@mbl.is
Samherji hækkaði
VIÐSKIPTI í Kauphöll Íslands
námu í gær 4.845 milljónum króna,
mest með hlutabréf fyrir um 2.962
milljónir en næstmest með banka-
víxla fyrir 938 milljónir. Mest hluta-
bréfaviðskipti voru með bréf Sam-
herja hf. fyrir um 1.479 milljónir
króna og hækkaði virði þeirra um
2,1%, sem var mesta hækkun dags-
ins. Mesta lækkunin var hinsvegar
á bréfum Bakkavarar en þau lækk-
uðu um 1,6%.
Burðarás selur allan
hlut sinn í Samherja
BURÐARÁS hefur selt 7,33% hlut
sinn í Samherja, samtals tæplega
122 milljónir króna að nafnverði.
Frá þessu er greint
í tilkynningu til
Kauphallar Íslands.
Friðrik Jóhanns-
son, forstjóri Burð-
aráss, segir að
ástæðan fyrir söl-
unni sé einfaldlega
sú að félaginu hafi borist gott tilboð
og ákveðið hafi verið að taka því.
Miðað við gengið 12,0 krónur á
hlut í Samherja hefur söluverðið
verið tæplega 1,5 milljarðar króna.
Kaupandi að hlut Burðaráss í
Samherja var Fjárfestingarfélagið
Fjörður, sem er í eigu Þorsteins Más
Baldvinssonar, forstjóra Samherja,
Kristjáns Vilhelmssonar, útgerð-
arstjóra félagsins, og Finnboga A.
Baldvinssonar. Eftir kaupin á Fjörð-
ur samtals 11,97% hlut í Samherja.
Burðarás eignaðist rúmlega 7%
hlut í Samherja í september á síð-
asta ári þegar félagið keypti 76,77%
hlutafjár í Kaldbaki af Samherja,
Baugi Group og Samson Global
Holding.
STJÓRNENDUR líftæknifyrirtæk-
isins Prokaria tilkynntu á starfs-
mannafundi í gær að 7 af 23 starfs-
mönnum fyrirtækisins yrði sagt upp.
Samkvæmt heimildum Morgun-
blaðsins hefur verið talsvert tap á
rekstri fyrirtækisins sem er óviðun-
andi að mati stjórnar félagsins.
Engu að síður hafa tekjur þess farið
vaxandi. Þær voru um 110 milljónir
króna á síðasta ári, sem var tæplega
tvöföldun frá árinu áður, en tap árs-
ins var um 80 milljónir.
Félagið er enn samkvæmt heim-
ildum fjárhagslegt sterkt og á enn
töluvert fé í sjóði. Stjórnin vill
vernda þá stöðu og nýta þann styrk
til frekari sóknar. Þannig er verið að
grípa til aðgerð í tíma. Stefnt er að
því að ná félaginu í fjárhagslegt jafn-
vægi fyrir árslok og standa vonir til
að þessar aðgerðir muni duga til
þess. Félagið mun leggja áherslu á
að halda áfram af fullum krafti með
öll samningsbundin verkefni og
óbreytta þjónustu við viðskiptavini.
Hins vegar verður dregið úr rann-
sóknum og vöruþróun á verkefnum,
sem fjármögnuð hafa verið af eigin
fé fyrirtækisins.
Prokaria er sprotafyrirtæki í líf-
tækni og fjármagnað með 13 millj-
ónum dollara í framtaksfé frá inn-
lendum fjárfestum á árinu 2000.
Erfðagreining og ensímþróun
Jakob K. Kristjánsson, líftæknipró-
fessor og forstjóri Prokaria, var einn
helsti frumkvöðullinn að stofnun fyr-
irtækisins, en það var stofnað á
árinu 1998 og hét þá Íslenskar
hveraörverur. Árið eftir fékk fyrir-
tækið sérleyfi til fimm ára frá rík-
isstjórn Íslands á leit að hitakærum
örverum á helstu hvera svæðum
landsins.
Prokaria stundar rannsóknir og
hagnýtingu á erfðaauðlindum nátt-
úrunnar á sviði erfðagreininga og
ensímþróunar. Fyrirtækið starfar
fyrir alþjóðleg stórfyrirtæki í efna-
og matvælaiðnaði, þjónar innlendum
og erlendum fyrirtækjum í erfða-
greiningum á fiski og fleiri dýrum,
og framleiðir og selur eigin ensím til
erfðagreininga.
Markmið fyrirtækisins er að
skapa verðmæta þekkingu og þróa
ný líf efni til nota í iðnaði, rannsókn-
um og í lyfjaframleiðslu.
Þriðjungi starfsmanna Prokaria sagt upp
gretar@mbl.is
Spánverjar buðu
hæst í Cesky
EINKAVÆÐINGARNEFND í
Tékklandi tilkynnti í gær að
spænska símafyrirtækið Telefonica
SA hefði boðið hæst í 51,1% hlut
tékkneska ríkisins í landssímanum
Cesky Telecom. Tilboðið hljóðaði
upp á 218 milljarða króna. Mælt
verður með því við ríkisstjórnina að
hún taki þessu tilboði en reiknað er
með að niðurstaða fáist í málið í
byrjun aprílmánaðar.
Næsthæsta tilboðið, 208 millj-
arðar króna, var frá SwissCom. Þá
bauð Belgacom 178 milljarða, að
því er segir í Forbes.
ll STUTT