Morgunblaðið - 31.03.2005, Side 13

verið deild í SPRON sem síðar var
gerð að sjálfstæðri einingu, sjálf-
stæðum sparisjóði. „Þetta fyrirtæki
sker sig frá öðrum fjármálafyrir-
tækjum hvað það varðar að það hefur
engin útibú en er eingöngu til á Net-
inu. NB hefur boðið bestu vexti allra
íslenskra fjármálafyrirtækja alveg
frá því hann tók til starfa. Og við er-
um sannfærð um að mikilvægi þess-
arar dreifileiðar eigi eftir að aukast.
Samskiptin um Netbankann eru orð-
in mjög vel slípuð og þjónustan er
mjög góð. Ég tel að þetta sé einn af
þeim þáttum sem geti gert banka-
þjónustuna hagkvæmari en áður. NB
hefur verið rekinn með ágætum
hagnaði á undanförnum árum.“
SPRON keypti Frjálsa fjárfest-
ingarbankann á árinu 2002. Fram-
kvæmdastjóri hans er Kristinn
Bjarnason. Segir Guðmundur að
bankinn hafi staðið undir öllum þeim
væntingum sem við hann voru
bundnar. „Frjálsi fjárfestingarbank-
inn hefur sérhæft sig á ákveðnum
sviðum markaðarins, fyrst og fremst
í fasteignamálum, og gert það mög
vel. Hann er ásamt NB Netbankan-
um rekinn í fullri samkeppni við
SPRON og önnur fjármálafyrirtæki.
Það á bæði við um Frjálsa fárfesting-
arbankann og NB Netbankann að
þeir sérhæfa sig á vissum sviðum, en
sparisjóðurinn, eins og viðskipta-
bankarnir, veitir hins vegar víðtæk-
ari þjónustu. Þess vegna teljum við
að starfsemi þessara eininga allra
fari mjög vel saman.“
Þrjú svið þvert á stoðirnar
Þjónustusvið SPRON gengur þvert
á afkomueiningarnar sex. Harpa
Gunnarsdóttir er framkvæmdastjóri
þjónustusviðsins. Undir það svið
heyra allir almennir rekstrarþættir,
s.s. starfsmannahald, húsnæðismál,
innri þjónusta sparisjóðsins o.fl.
Fjármálasviðið gengur einnig
þvert á aðrar einingar en því stýrir
Ósvaldur Knudsen. Guðmundur seg-
ir að hlutverk fjármálasviðsins sé að
sjá um fjármögnun á rekstri fyrir-
tækjasamstæðunnar, áætlanagerð,
upplýsingaflæði og skýrsluskil.
Stærsta verkefnið framundan sé hins
vegar að endurskipuleggja reikn-
ingshald samsteypunnar í heild með
tilliti til hins nýja skipurits.
Þriðja sviðið, sem gengur þvert á
meginstoðir SPRON, er upplýsinga-
tæknisviðið sem hefur verið á hendi
Ólafs Haraldssonar um langt skeið.
Þrjú sjálfstæð svið
Áhættu- og útlánastýring, þróun og
almannatengsl og innri endurskoðun
eru þrjú svið sem standa sjálfstætt í
skipuriti SPRON. Tvö þau fyrr-
nefndu heyra beint undir sparisjóðs-
stjóra en innri endurskoðun heyrir
hins vegar undir stjórn sparisjóðs-
ins. Forstöðumaður innri endur-
skoðunar er Þórir Haraldsson.
„Við gerum skýra ávöxtunarkröfu
til alls þess eigin fjár sem er bundið í
rekstri SPRON og höldum utan um
það með áhættu- og útlánastýringu,“
segir Guðmundur. „Það hefur tekist
mjög vel til í þessum efnum þannig
að vanskil hjá SPRON eru til að
mynda í algjöru lágmarki, eða ein-
ungis 1,3% af heildarútlánum. Þetta
er lægra hlutfall en nokkru sinni áð-
ur en vanskil hafa einnig minnkað í
krónum talið.“
Páll Árnason er forstöðumaður
Áhættu- og útlánastýringar SPRON.
Þróun og almannatengsl, sem
Kristján Harðarson heldur utan um
auk kortaþjónustunnar, ná til allra
rekstrareininganna.
Markmiðið að efla SPRON
Guðmundur segist telja líklegt að
sparisjóðunum í landinu muni halda
áfram að fækka eins og á umliðnum
árum. Framhald verði á sameining-
um og auknu samstarfi milli sjóða.
„Við hjá SPRON höfum alltaf sagt
að við erum reiðubúin til að ræða allt
það sem betur má fara á þessu sviði.
Ef sameining SPRON við annan
sparisjóð getur styrkt stöðu okkar á
markaðinum er sjálfsagt að skoða
það. Það eru hins vegar engar slíkar
viðræður í gangi nú. Okkar markmið
er að efla SPRON á þeim vettvangi
sem hann er rekinn í dag,“ segir Guð-
mundur Hauksson.
gretar@mbl.is
MORGUNBLAÐIÐ FIMMTUDAGUR 31. MARS 2005 B 13

„ERTU leiður á norskum bönk-
um sem taka há þjónustugjöld?
Bráðum getur þú flutt lán þín og
innstæður til ódýrari banka í ná-
grannalöndunum,“ segir í undirfyr-
irsögn fréttar norska blaðsins Aft-
enposten en í henni er fjallað um
rannsóknir dönsku neytendastofn-
unarinnar á verðlagningu á þjón-
ustu banka og fjármálastofnana á
öllum Norðurlöndunum. Markmiðið
með rannsókninni, sem norræna
ráðherraráðið stendur straum af, er
að greiða fyrir að fólk geti flutt
bankaviðskipti sín á milli banka á
Norðurlöndunum.
„Trygglyndi gagnvart banka-
stofnunum er mjög algengt. Menn
flytja ógjarna viðskipti sín til ann-
ars banka og að minnsta kosti ekki
til banka í öðru landi. En kannski
eru menn að fara á mis við fjárhags-
legum kostum og möguleikum,“ hef-
ur Jyllandsposten eftir Christine
Holst Maxner hjá dönsku neytenda-
stofnuninni. „Við viljum leiða í ljós
hvort bæta megi kjör neytenda hjá
bönkunum með betra yfirliti yfir
þau gjöld sem bankarnir taka,“ seg-
ir hún.
Rannsókn neytendastofnunarinn-
ar dönsku er aðeins eitt af fleiri
verkefnum sem Danir hafa hrundið
af stað en þeir fara með for-
mennsku í norræna ráðherraráðinu
í ár en neytendastofnanir á öllum
Norðurlöndunum eiga fulltrúa í
vinnuhóp sem stýrir þessari rann-
sóknarvinnu en niðurstöður hennar
á að kynna samnorrænni neytenda-
ráðstefnu í haust.
Aftenposten hefur eftir Jan
Schrøder hjá norsku neytendastofn-
uninni að ef neytendur flytji sig á
milli banka á Norðurlöndunum
muni það auka mjög samkeppnina á
milli þeirra. „Harðari samkeppni
þýðir lægra verð. Neytendur hafa
hag af því. En skilyrðið er að það
verði auðveldara fyrir fólk að kjósa
sér banka á einhverjum Norður-
landanna,“ segir Schrøder.
Vilja opna fyrir bankaviðskipti
innan allra Norðurlandanna