Morgunblaðið - 01.06.2005, Blaðsíða 24
24 MIÐVIKUDAGUR 1. JÚNÍ 2005 MORGUNBLAÐIÐ
MENNING
Hlíðasmára 11, Kópavogi
sími 517 6460
www.belladonna.is
Réttu stærðirnar
VIÐ erum stödd í sirkus. Á sviðinu er
trúður sem heldur á stiga, papp-
írstungli og stól. Hann hengir tunglið
í loftið, sest í stólinn við stigann og
horfir brosandi upp til himins í áttina
að tunglinu. Þetta er atriði trúðsins
Gústa. Í byrjun eru áhorfendur
ánægðir og veltast um úr hlátri en
þegar líður á pirrast þeir og undir
lokin finnst þeim atriðið innihalds-
laust og leiðinlegt. Fólk kom ekki til
að horfa á svona atriði.
Franski sirkusinn Cirque er stadd-
ur hér á landi og í sýningu hans er
sögð sagan af trúðinum Gústa sem
byggð er á smásögu Henry Millers,
„The Smile at the Foot of the Ladd-
er.“ Gústi þráir mest að veita áhorf-
endum sínum eilífa gleði en kemst að
því að það er ógerlegt. Hann verður
leiður og einmana þar til hann upp-
götvar að til að finna hamingju verð-
ur hann að vera hann sjálfur, trúð-
urinn.
Cirque fjallar um listina í sirkus og
túlkun rithöfundarins á sirkusfyr-
irbærinu.
Leikstjórinn, Ueli Hirzel, segir
sirkusinn vera óhefðbundinn. „Mark-
mið okkar er að sýna sirkus frá öðru
sjónarhorni en fólk er vant. Það eru
engin dýr eða hefðbundnir trúðar á
sviði heldur fjöllum við um sirkusinn
eins og við upplifum hann. Þetta er
fyrsti sirkusinn sem túlkar sjálfan
sig.“
Að leika sig sjálf
Í sýningunni taka þátt fjórir lista-
menn; tvær mexíkóskar systur, Dani
og franskur tónlistarmaður. Þau eru
öll sirkuslistamenn og því er leiktúlk-
unin tiltölulega ný fyrir þeim. Hirzel
segir þau samt sem áður eiga auðvelt
með að tileinka sér leikarahlutverkið
því þau séu í raun að leika sig sjálf.
Sirkusinn er ekki einungis leiksýn-
ing heldur inniheldur einnig sjón-
hverfingar og loftfimleika. Tónlistin
er sambland af trommuslætti og ýms-
um fallegum tónum sem framkallaðir
eru á eins konar hljóðskúlptúr.
Cirque hefur ferðast með söguna
af trúðinum Gústa um heiminn síð-
astliðin þrjú ár og nú síðast dvaldi
hópurinn í fjóra og hálfan mánuð í
Chile þar sem hann ferðaðist um og
skemmti landsmönnum. Ísland er svo
síðasti áfangastaður þessa leik-
ferðalags.
Sirkussýningarnar, sem Listahátíð
í Reykjavík, Hátíð hafsins og Síminn
standa að, verða sýndar 2., 4.,5. og 6.
júní.
Sýningarnar fara fram á ensku en
þeir sem vilja geta fengið leikskrá á
íslensku.
Listahátíð | Franski sirkusinn Cirque á hafnarbakkanum
Morgunblaðið/ÞÖK
Ayin de Sela við æfingar á sirkusnum Sagan um Gústa trúð.
Eftir Völu Ósk Bergsveinsdóttur
valaosk@mbl.is
Sirkus sem fjallar um sirkus
LJÓST er að gefnar hafa verið út
að minnsta kosti tvær milljónir
eintaka af bókum Gunnars Gunn-
arssonar rithöfundar, sem stóð á
hátindi ferils síns á fjórða áratug
síðustu aldar, en greint var frá
því í Morgunblaðinu í gær að ein-
tök af bókum Arnaldar Indr-
iðasonar væru orðin
fleiri en milljón tals-
ins og voru í því sam-
hengi nefndir þrír
aðrir íslenskir rithöf-
undar sem líklegt er
að hafi gefið út bæk-
ur í meira en milljón
eintökum; Halldór
Laxness, Jón Sveins-
son og Gunnar Gunn-
arsson.
Að sögn Skúla
Björns Gunnarssonar,
forstöðumanns Gunn-
arsstofnunar á
Skriðuklaustri, hafa
vel á aðra milljón ein-
taka verið seld af
skáldsögunni Aðventu einni sam-
an. „Þegar hún kom út í Banda-
ríkjunum árið 1940 var upplagið
um 600 þúsund eintök, og þá var
hún meðal annars gjafabók í
Book of the Month-klúbbnum.
Frá árinu 1948 hefur Reclam-
forlagið í Þýskalandi selt 330
þúsund eintök af henni, og þar
kemur hún reglulega út á nokk-
urra ára fresti,“ segir hann.
Skúli Björn segir ekki alveg
ljóst hvað seldist af henni þar
fyrir utan. „En þar sem bókin
hefur verið þýdd á um 20 tungu-
mál má örugglega bæta við 2–300
þúsund eintökum, þannig að í
heildina hafa verið seld að lág-
marki 1.200 þúsund eintök af Að-
ventu.“
Á metsölulista í New York
Aðrar skáldsögur Gunnars en
Aðventa hafa ekki selst í viðlíka
upplögum, en Skúli
Björn segir margar
þeirra hafa selst í
tugum þúsunda ein-
taka og hafi nokkrar
klárlega farið yfir
100 þúsund eintök.
„Hann átti iðulega
bækur á topp tíu list-
um í Danmörku og
Þýskalandi og þegar
fyrra bindi Fjall-
kirkjunnar, Ships in
the sky, kom út í
Bandaríkjunum árið
1938 stökk það beint
í 6. sæti metsölulist-
ans í New York, svo
dæmi sé tekið um
vinsældir hans. Að mínu mati hef-
ur Gunnar Gunnarsson að
minnsta kosti selt um 2 milljónir
eintaka af verkum sínum, þó að
erfitt sé að fullyrða nákvæmlega
um sölutölur einstakra bóka
nema leggjast í ítarlegar rann-
sóknir. En fyrir ritlaunin gat
hann meðal annars byggt stór-
hýsið á Skriðuklaustri sem kost-
aði eins og tíu einbýlishús í
Reykjavík árið 1939,“ segir Skúli
Björn að lokum.
Útgefnar bækur
Gunnars Gunn-
arssonar yfir
tvær milljónir
Gunnar Gunnarsson
Eftir Ingu Maríu Leifsdóttur
ingamaria@mbl.is
ÆFINGAR Leikhópsins Á senunni
á söngleiknum Kabarett eftir Mast-
eroff, Ebb og Kander eru byrjaðar
og var sýningin kynnt á blaðamanna-
fundi í Íslensku óperunni í gær.
Söngleikurinn er gerður eftir leik-
riti John van Druten „I am Camera“
en það leikrit var unnið upp úr bók-
inni „The Berlin Stories“ eftir rithöf-
undinn Christopher Isherwood.
Verkið fjallar um Berlín á milli-
stríðsárunum, uppgangstímum nas-
ista. Bandaríkjamaðurinn Cliff
Bradshaw kemur til borgarinnar að
skrifa skáldsögu en dregst inn í
hringiðu öfgasamfélagsins. Annars
vegar er það skemmtunin á Kit Kat
klúbbnum og hins vegar stjórnmálin.
Leikstjóri verksins, Kolbrún Hall-
dórsdóttir, segir tíðarandann nú
vera rétta tímann fyrir verk eins og
Kabarett. „Nú eru 60 ár liðin frá
seinni heimsstyrjöldinni og mér
finnst fólk vera mjög móttækilegt
fyrir verkum sem fjalla um þennan
tíma sem við þekkjum vel úr sög-
unni.“
Kabarett hefur þrisvar áður verið
settur á fjalir atvinnuleikhúss, síðast
fyrir ellefu árum. Kolbrún segir að Á
senunni muni fara að einhverju leyti
nýjar leiðir í uppsetningu.
„Haft er að leiðarljósi að sagan
byggist á raunverulegum persónum
en við erum að framleiða sýningu
fyrir áhorfendur ársins 2005. Við för-
um kraftmikla leið nútímaleikhúss
þar sem útlitið er svolítið hrátt og
nútímasvipur er á dansi og söng.
Samt sem áður höldum við okkur við
tímabil sögunnar en förum þó nú-
tímaleiðir,“ segir Kolbrún.
Sýningin mun skarta fjölmennu
liði leikara, þar á meðal Eddu Þór-
arinsdóttur, sem lék í fyrstu upp-
setningu Þjóðleikhússins á Cabaret
á áttunda áratugnum, Borgari Garð-
arssyni, Þórunni Lárusdóttur,
Magnúsi Jónssyni og Felix Bergs-
syni. Notast verður við nýja þýðingu
Veturliða Guðnasonar.
Leikhópurinn Á senunni var stofn-
aður árið 1999 og er Kabarett sjö-
unda verkefni hópsins og jafnframt
það langstærsta til þessa.
Sýningar hefjast í Íslensku óp-
erunni 4. ágúst næstkomandi og
stefnir leikhópurinn á sýningar fram
að áramótum.
Leiklist | Leikhópurinn Á senunni frumsýnir söngleik í ágúst
Æfingar á
Kabarett
hafnar
Morgunblaðið/ÞÖK
Magnús Jónsson, sem mun leika eitt af aðalhlutverkum í Kabarett, tók lagið á blaðamannafundi í Óperunni í gær.
Eftir Völu Ósk Bergsveinsdóttur
valaosk@mbl.is
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni
AUGLÝSINGADEILD
netfang: augl@mbl.is eða sími 569 1111