Morgunblaðið - 01.06.2005, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 1. JÚNÍ 2005 VERÐ Í LAUSASÖLU 220 KR. MEÐ VSK.
Í dag er
mi›vikudagur
GERT er ráð fyrir að greiðslumark mjólkur
aukist um 6–7 milljónir lítra á næsta verð-
lagsári og verði 112–113 milljónir lítra.
Greiðslumark mjólkur hefur aldrei áður
aukist jafn mikið milli ára og má það fyrst
og fremst rekja til mikilla vinsælda skyr-
drykkja.
Þessi hækkun greiðslumarksins þýðir þó
ekki auknar beingreiðslur til bænda úr rík-
issjóði, þar sem þær miðast við 105 milljónir
lítra. Hins vegar fá bændur greitt fyrir um-
frammjólkina frá afurðastöðvunum og þær
greiðslur eru talsvert yfir breytilegum
kostnaði, að sögn Þórólfs Sveinssonar, for-
manns Landssambands kúabænda. Þórólf-
ur sagðist hafa áhyggjur af þurrki og kulda
undanfarið því til þess að ná þetta mikilli
framleiðsluaukningu milli ára þyrftu þeir á
að halda mjög góðu fóðri.
Mjólkurfram-
leiðsla aldrei
jafn mikil
FORSETI Indlands, dr. A. P. J. Abdul Kalam,
lagði ásamt fylgdarliði leið sína niður í Reykja-
víkurhöfn í gærmorgun í þeim tilgangi að skoða
frystitogarann Engey RE 1. Þar tóku forsvars-
menn HB Granda, sem á Engeyna, á móti for-
seta og leiddu hann um skipið sem er stærsta
fiskiskip landsins, smíðað á Spáni fyrir rúmum
áratug, en tiltölulega nýkomið til Íslands.
Á fylgdarliði forseta var að heyra að mikill
áhugi hefði verið á því að fara í smásiglingu á
Engeynni, en þar sem dagskrá heimsókn-
arinnar er þéttskipuð var ljóst að ekki gæfist
tími til þess. Skoðunarleiðangur forseta hófst í
brúnni þar sem Eggert B. Guðmundsson, for-
stjóri HB Granda, ræddi við forsetann um fisk-
veiðar Íslendinga sem og fiskveiðistjórnun á
miðum úti. Abdul Kalam spurði út í kvótakerfið
og hvernig fiskveiðikvótum væri úthlutað. Einn-
ig sýndi hann því mikinn áhuga að skoða kort af
veiðisvæðum og sýndi Þórður Magnússon, skip-
stjóri Engeyjarinnar, honum veiðisvæðin í tölvu
skipsins auk þess sem hann sýndi forseta són-
arinn sem notaður er til fiskileitar.
Næst lá leiðin um vistarverur skipsins þar
sem forsetinn fékk að sjá hvernig aðbúnaður
áhafnarinnar er, en þaðan lá leiðin undir dekk
þar sem sjálf vinnslan fer fram. Að sögn Egg-
erts spurði Indlandsforseti margra glúrinna
spurninga. Segir Eggert greinilegt að þarna
hafi vísindamaður verið á ferð, hann hafi verið
einstaklega fljótur að átta sig á hlutum og spurt
mikið út í tækjabúnað togarans.
Áður en Indlandsforseti hélt frá borði hafði
hann orð á því að hann hefði mikinn áhuga á að
fá sendar myndbandsupptökur af veiðum Eng-
eyjarinnar. | Miðopna
Morgunblaðið/Golli
Dr. A. P. J. Abdul Kalam Indlandsforseti sýndi tækjabúnaði Engeyjarinnar mikinn áhuga og fékk Þórð Magnússon, skipstjóra (t.h.), til að sýna sér
m.a. tölvukort af veiðisvæðum í brúnni. Forsetanum á hægri hönd er Eggert B. Guðmundsson, forstjóri HB Granda.
Skoðaði stærsta fiskiskip landsins
Eftir Silju Björk Huldudóttur
silja@mbl.is
BANDARÍSKA hljómsveitin Blonde Red-
head, sem komið hefur tvisvar til lands-
ins, mun spila á Inni-
púkanum í Reykjavík
um verslunarmanna-
helgina. Verið er að
ganga frá samningum
við fleiri sveitir, inn-
lendar og erlendar, um
að spila á hátíðinni.
Innipúkinn er
„innihátíð“ sem haldin
hefur verið í Iðnó und-
anfarin ár, en ekki er
ljóst hvar í höfuðborginni hún verður
haldin í ár. Amedeo Pace, einn þriggja
liðsmanna Blonde Redhead, ræddi við
blaðamann Morgunblaðsins á dögunum
og sagði Ísland veita sér innblástur. | 47
Amedeo Pace
Blonde Red-
head á Inni-
púkanum
MIKILL verðmunur reyndist á milli mat-
vöruverslana í verðkönnun sem verðlags-
eftirlit ASÍ gerði í 63 verslunum um land
allt miðvikudaginn 25. maí sl. Mestur
mældist munurinn á verði gulróta, 1.451%,
en minnstur á Egils maltöli 119%.
Nokkuð bar á ósamræmi í verði milli
verslana innan sömu verslanakeðju, en í
nokkrum tilfellum var farið í keðjuversl-
anir sem eru með útibú víða. Reyndist
ósamræmið mest í verslunum Samkaupa-
Úrvals, en þar kom fram ósamræmi í verði
milli verslana í 18 tilvikum af 20. | 22
1.451% verð-
munur milli
verslana
STARFSMENN Landspítalans –
háskólasjúkrahúss (LSH) segja
það mikla mildi að ekkert alvarlegt
tilfelli kom upp í gær á meðan
tæknimenn glímdu við bilun í tölvu-
kerfi spítalans. Öll síma- og upplýs-
ingakerfi LSH lömuðust. Að sögn
starfsmanna bitnaði þetta mjög á
öllu upplýsingastreymi og töfðust
allar rannsóknir og niðurstöður
sýnatöku og röntgenmynda vegna
bilunarinnar.
Davíð Arnar, yfirlæknir á bráða-
móttöku LSH, segir ástandið hafa
verið afar bagalegt. „Margt sem við
gerum er háð símakerfi og tölvu-
kerfum,“ segir Davíð, en rannsókn-
ir eru pantaðar gegnum tölvukerfið
og niðurstöður skoðaðar. „Þá var
hægt að taka röntgenmyndir en
ekki hægt að skoða þær. Þannig
gekk allt hægar fyrir sig, en sem
betur fer urðu engar stórar uppá-
komur, stórslys eða hjartastopp,
svo við komumst klakklaust í gegn-
um daginn.“
Davíð segir að rökrétt sé að
skoða möguleika á varakerfi til að
bregðast við svona ástandi.
Gyða Baldursdóttir, deildar-
stjóri á bráðamóttöku við Hring-
braut, segir allri vinnu hafa seink-
að, en ástandið hefði getað orðið
mun verra. „Við gátum ekki skrifað
inn sjúklinga eða fengið svör við
rannsóknum. Við vorum ekki held-
ur í símasambandi við umheiminn
svo að við óttuðumst alltaf að sjúk-
lingar næðu ekki inn á spítalann.“
Neyðaráætlun virkaði
Gyða segir neyðaráætlun gera
ráð fyrir notkun talstöðva, en þær
voru mikið notaðar auk þess sem
GSM-símasamband virkaði.
Gyða segir einnig miklu hafa
skipt að öll mælitæki gengu rétt, en
þau eru keyrð á aðskildum tölvu-
þjónum.
Ingólfur Þórisson, framkvæmda-
stjóri Tækni og eigna hjá LSH,
segir aðalnetkerfi spítalans grunn
allra þjónustukerfa, en kerfið, sem
er frá Cisco, er í hæsta gæðaflokki.
„Það sem gerðist var að einn skipt-
ir, af um 250 sem eru hér í kerfinu,
bilaði sérkennilega og olli miklu
álagi á netkerfinu,“ segir Ingólfur.
Að sögn Ingólfs hefði skiptirinn
átt að stoppa og detta út, en þá
hefðu nokkrar tölvur dottið úr sam-
bandi við netið, en þess í stað olli
hann álagi á kerfinu eins og áður
segir. „Við munum gera allt til að
koma í veg fyrir að þetta gerist aft-
ur,“ segir Ingólfur og bætir við að
kerfið hafi staðið sig mjög vel til
þessa og verið stöðugt og við fulla
virkni í tvö og hálft ár.
Bilun í tölvukerfi LSH olli miklum töfum en engum stórvandræðum
Mikil mildi að engin
alvarleg tilfelli komu upp
Eftir Svavar Knút Kristinsson
svavar@mbl.is
ÍSLENSKA ríkið hefur í Héraðsdómi
Reykjavíkur verið dæmt skaðabótaskylt
gagnvart útgerðarfélaginu Síldey ehf.
vegna þess hvernig staðið var að kvóta-
setningu á löngu og keilu. Telur dómurinn
að kvótasetningin hafi falið í sér að alfarið
var litið fram hjá veiðireynslu Síldeyjar og
þar með atvinnuhagsmunum félagsins af
áframhaldandi veiðum. Aðferð sem reglu-
gerðin byggðist á við ákvörðun aflahlut-
deildar hafi þannig komið með óvenjuleg-
um og verulega íþyngjandi hætti niður á
Síldey, samanborið við aðra. | B1
Ríkið dæmt
vegna kvóta-
setningar
♦♦♦
♦♦♦
♦♦♦