Morgunblaðið - 29.06.2005, Page 11
MORGUNBLAÐIÐ MIÐVIKUDAGUR 29. JÚNÍ 2005 11
FRÉTTIR
ALÞJÓÐLEG samtök fólks með
háa greindarvísitölu munu hefja
prófahald í Reykjavík í sumar en
samtökin, sem ganga undir nafn-
inu Mensa, eru opin öllum þeim
sem geta fært sönnur fyrir því að
greindarvísitala þeirra sé í efstu
tveim prósentum vísitöluskalans.
Lennart Edenfjord, skipuleggj-
andi verkefnisins, segir að tilgang-
urinn sé sá að byggja upp Mensa-
samtök á Íslandi en frá 20. ágúst
næstkomandi geta áhugasamir Ís-
lendingar gengist undir Mensa-
próf, undir eftirliti, til þess að fá
formlega staðfestingu á greindar-
vísitölu sinni. Mælt er með við-
urkenndum prófum en einnig er
hægt að leggja fram gögn um eldri
mælingar sem eru staðfestar af
viðurkenndum sálfræðingi. Til-
gangur samtakanna er að greina
og hlúa að mannlegri greind, til
hagsbóta fyrir mannkynið, styðja
rannsóknir á eðli og notkun
greindar og búa félögum sínum
örvandi félagslegt umhverfi.
„Íslendingar hafa ekki átt þess
kost að taka Mensa-próf hér á
landi og hafa einungis getað orðið
alþjóðlegir meðlimir. Það stendur
nú til bóta en ég held að það sé
mikill áhugi fyrir þessu og margir
eru forvitnir,“ segir Lennart.
Aðspurður segist Lennart ekki
vita til þess að umsækjendur hafi
orðið vonsviknir ef þeir hafi ekki
haft nægilega háa greindarvísitölu.
„Maður veit samt aldrei og það
hlýtur að vera einstaklingsbundið.
Viðmiðið er ekki of hátt og ekki of
lágt. Þannig er einn af hverjum
fimmtíu í tveim efstu prósentum
vísitöluskalans og því gætu hátt í
sex þúsund Íslendingar verið
gjaldgengir í samtökin,“ segir
Lennart en félagar í Mensa eru yf-
ir 100.000 talsins í um fjörutíu
löndum.
Nánari upplýsingar er að finna á
heimasíðu samtakanna.
Samtök fólks með háa greindarvísitölu vilja ná til Íslendinga
Þúsundir Íslendinga
gætu verið gjaldgengar
TENGLAR
..............................................
www.is.mensa.org
JÓN Viðar Matthíasson, slökkviliðs-
stjóri Slökkviliðs höfuðborgarsvæðis-
ins, segir í viðtali í nýjasta hefti
Slökkviliðsmannsins að hann sjái ekk-
ert því til fyrirstöðu að slökkviliðin á
höfuðborgarsvæðinu, Akranesi,
Reykjanesi, Keflavíkurflugvelli og í
Árnessýslu, sameinist í eitt eða auki
að minnsta kosti samstarf sín á milli
verulega.
„Lið af þessari stærðargráðu getur
haft afl til þess að takast á við verk-
efni sem við erum ef til vill vanbúin til
nú. Það nýtist betur til eftirlits og for-
varna, það getur komið upp viðbúnaði
við áföllum á borð við hryðjuverk og
farsóttir, það getur haft betri viðbún-
að vegna mengunarslysa. Síðast en
ekki síst er það líklegt til að geta tekið
við verkefnum á borð við eld í skipum
á hafi úti, jafnvel stórum farþegaskip-
um. Getum við það nú? Mikilvægast
er að í slíku liði myndi felast mikil
hagkvæmni fyrir sveitarfélögin við
uppbyggingu búnaðar og menntun
starfsmanna og gerir þeim kleift að
mæta auknum kröfum um þjónustu,“
segir Jón Viðar.
Hann segir einnig í viðtalinu, að
hann telji að öflugt lið á Faxaflóa-
svæðinu geti orðið hluti af viðbúnaði
víðar á landinu ásamt til dæmis
tveimur öðrum öflugum slökkviliðum
á landsbyggðinni.
Íslendingar taki
að sér reksturinn
Í Slökkviliðsmanninum segir Vern-
harð Guðnason, formaður Landssam-
bands slökkviliðs- og sjúkraflutninga-
manna, að framtíð slökkviliðsins á
Keflavíkurflugvelli sé best tryggð
með því að Íslendingar taki að sér
rekstur slökkviliðsins.
Betri viðbúnaður
með sameiningu
LANDGRÆÐSLAN afhenti í gær Þrista-
vinafélaginu DC-3 vélina Pál Sveinsson til
umráða endurgjaldslaust. Tekur félagið að
sér að sjá um að halda vélinni flughæfri og
sinna áburðarflugi eftir nánara samkomulagi.
Einnig verður vélin notuð til sýningahalds og
mun hún t.d. taka þátt í flugsýningu í Dux-
ford í Englandi um aðra helgi. Afhendingin
fór fram í flugskýli á Reykjavíkurflugvelli að
viðstöddum fjölmörgum félögum í Þristavina-
félaginu og gestum.
Jafnframt var einnig gengið frá þátttöku
vélarinnar í dagskrá á vegum Icelandair í
Glasgow og Kaupmannahöfn þegar þess
verður minnst að 60 ár eru liðin frá því að
fyrst var flogið með farþega í millilandaflugi.
Stórt skref að taka upp áburðarflug
Sveinn Runólfsson landgræðslustjóri sagði
það hafa verið stórt skref að taka flugvél í
notkun við landgræðslu og enn stærra þegar
Þristurinn kom til árið 1973 en Flugfélag Ís-
lands gaf Landgræðslunni vélina til verksins.
Sagði Sveinn að þar hefði Örn Ó. Johnson,
forstjóri félagsins, átt drjúgan hlut að máli
og nafns hans yrði ávallt minnst í því sam-
bandi. Um leið og Þristavinafélagið tók við
rekstri Páls Sveinssonar afhenti Land-
græðslan félaginu DC-3 vélina TF-ISB sem
er óflughæf og hefur félagið tekið að sér að
gera hana flughæfa á ný.
Guðni Ágústsson landbúnaðarráðherra
þakkaði þeim mörgu sem lagt hafa hönd á
plóginn í landgræðslufluginu, þeim sem unnið
hafa við verkið og þeim fyrirtækjum, sveit-
arfélögum og bændum sem hafa stutt það.
Tómas Dagur Helgason, flugstjóri og for-
maður Þristavinafélagsins, sagði félaginu
vera heiður að því að taka við vélinni og
sagði mikið verkefni framundan að bjarga
TF-ISB frá skemmdum og endursmíða hana.
Sagði hann félagið nú leita að húsnæði til
verksins og hvatti félagsmenn til að leggja
fram vinnu þegar það hæfist.
Jón Karl Ólafsson, forstjóri Icelandair,
sagði félagið stolt af því að vera tengt Páli
Sveinssyni. Vélin hefði í áratugi verið í þjón-
ustu forvera félagsins, Flugfélags Íslands,
þar til hún var gefin Landgræðslunni. Hann
sagði Icelandair og Þristavinafélagið hafa
samið um að vélin tæki þátt í athöfnum í
Glasgow og Kaupmannahöfn þegar þess
verður minnst að 60 ár eru liðin síðan fyrst
var flogið með farþega milli Íslands og þess-
ara landa á vegum Flugfélags Íslands. Verð-
ur athöfn í Glasgow 12. júlí. Þá verður vélin
sýnd á viðamikilli flugsýningu í Duxford í
Englandi helgina 9. og 10. júlí. Hefur vélin
verið máluð í litum Icelandair í tilefni af
þessari dagskrá.
Páll Sveinsson leggur upp í þessa för 6. júlí
ef veður leyfir og segir Tómas Dagur að fjöl-
margir aðilar hafi gert hana mögulega með
margháttuðum stuðningi. T.d. sjái Flugþjón-
usta Sveins Björnssonar um allar flugáætl-
anir vegna ferðarinnar og eina nútímatækið í
vélinni sé Garmin-staðsetningartæki sem R.
Sigmundsson styrki félagið með en að öðru
leyti segir hann vélinni flogið upp á gamla
mátann, þ.e. án sjálfstýringar og ýmissa
þæginda sem gefast í flugi nútímans.
Taka við rekstri Páls Sveinssonar
Fjölmargir félagar Þristavinafélagsins og aðrir gestir voru viðstaddir þegar Páll Sveinsson var afhentur félaginu.
Morgunblaðið/RAX
Skrifað undir samninga Þristavinafélagsins, Landgræðslunnar og Icelandair. Frá vinstri: Sveinn Runólfsson landgræðslustjóri, Guðni Ágústs-
son landbúnaðarráðherra, Tómas Dagur Helgason, formaður Þristavinafélagsins, og Jón Karl Ólafsson, forstjóri Icelandair.
Eftir Jóhannes Tómasson
joto@mbl.is