Morgunblaðið - 29.06.2005, Page 21

MORGUNBLAÐIÐ MIÐVIKUDAGUR 29. JÚNÍ 2005 21
MINNSTAÐUR
AKUREYRI
Vilhjálmur sleppir þorskinum eftir aðgerðina. Fiskurinn var sprækur á
eftir, var fyrst settur í kar um borð í bátnum og síðar sleppt í sjóinn.
GPS-staðsetningartæki voru um
síðustu helgi sett í nokkra þorska í
Eyjafirði með lítilli skurðaðgerð,
eins og greint var frá í blaðinu á
sunnudaginn. Lítil senditæki sem
verða um borð í smábátum ey-
firskra sjómanna senda boð í stað-
setningartækið og þegar fiskurinn
veiðist og tækið verður skoðað á
ný verður hægt að sjá nákvæm-
lega hvar fiskurinn hefur haldið
sig.
„Í dag vitum við hvar merktum
fiskum er sleppt og hvar þeir veið-
ast, en lítið um hegðun þeirra þess
á milli. Nú verður bætt úr því, við
getum útskýrt ýmsa þætti sem
ekki hefur verið hægt að skýra.
Við getum því spáð betur í fram-
tíðina; tækið á að geta hjálpað
okkur að sjá hve mikið er í sjónum
og hve mikið má veiða. Það ætti að
geta minnkað óvissu í stofnmati,“
sagði Hreiðar Þór Valtýsson í
samtali við Morgunblaðið, þegar
blaðamaður brá sér á sjó með
fulltrúum Hafrannsóknastofnunar
og fylgdist með aðgerðunum.
Hreiðar Þór er forstöðumaður
Hafró á Akureyri og lektor við
Háskólann á Akureyri.
Tilhlökkun
Það er fyrirtækið Stjörnu-Oddi í
Reykjavík sem hefur þróað um-
rætt staðsetningartæki í samvinnu
við m.a. Simrad í Noregi og Hafró.
„Við hlökkum mikið til að fá nið-
urstöðu úr verkefninu. Að stað-
setja fiska með svona mikilli ná-
kvæmni er brautryðjendastarf;
íslenskt hugvit og þekking gera
það að verkum að þetta er verk-
efni á heimsmælikvarða,“ sagði
Gunnar Sigurðsson, markaðsstjóri
fyrirtækisins, í samtali við Morg-
unblaðið.
Fyrirtækið er leiðandi í heim-
inum við hönnun og framleiðslu
rafeindamerkja í fiska, að sögn
Gunnars, og fyrirtækið er með
einkaleyfi í heiminum á þessum
nýju tækjum, þar sem GPS-
staðsetningartækni hefur verið
bætt við eldri gerð merkjanna, en
þau nema t.a.m. einnig dýpi og
sjávarhita. „Við seljum fiskmerki
og rannsóknartæki til 50 landa,
meðal annars til helstu hafrann-
sóknarstofnana í heimi, t.d. þeirra
bandarísku, norsku, bresku og jap-
önsku. Við höfum þó ekki sérlega
gott aðgengi að slíkum stofnunum
og því er samstarfið við Hafró
mjög mikilvægt,“ sagði Gunnar.
Þeir Hreiðar Þór og Gunnar
segja þátttöku smábátasjómanna í
verkefninu mjög mikilvæga. Tækj-
um sem nema sendingar úr GPS-
tækjunum verður komið fyrir um
borð í bátum þeirra, og þannig
safnast saman upplýsingar um
hegðun fisksins. „Við byrjum á því
núna að rannsaka fisk við hvera-
strýturnar í Eyjafirði, í því skyni
m.a. að sjá hvort það er staðbund-
inn fiskur. Næsta ár stefnum við
að því að gera þessar rannsóknir í
öllum firðinum og seinna á öllum
Íslandsmiðum,“ sagði Hreiðar Þór
við Morgunblaðið.
Brautryðjendastarf að
staðsetja fiska með svo
mikilli nákvæmni
Hreiðar Þór Valtýsson, forstöðumaður Hafró á
Akureyri, kemur með fyrsta þorskinn sem
veiddist í túrnum til „skurðaðgerðar“.
Morgunblaðið/Skapti Hallgrímsson
Fagmannleg vinnubrögð. Vilhjálmur Þorsteinsson, fiskifræð-
ingur hjá Hafrannsóknastofnun, ristir á kvið þess gula.
Fingri stungið í gatið sem orðið er nógu stórt til að koma GPS-tækinu fyrir.
Vilhjálmur með GPS-tækið, sem á
eftir að segja til um ferðir fisksins.
Tækið komið á sinn stað, og Vil-
hjálmur saumar saman skurðinn.