Morgunblaðið - 29.06.2005, Blaðsíða 37

MORGUNBLAÐIÐ MIÐVIKUDAGUR 29. JÚNÍ 2005 37
DAGBÓK
Útvarp Saga frábært útvarp
FLÓRA útvarpsstöðva á Íslandi í
dag er fjölbreytt en upp úr stendur
Útvarp Saga. Þar eru frábærir
þættir, fræðandi, upplýsandi og
mjög áhugaverðir.
Það er mikil synd að hvergi sé
hægt að líta á dagskrá Útvarps
Sögu í prentmiðlum því að yfirleitt
eru margir áhugaverðir þættir alla
daga vikunnar. Ég sem hlustandi
útvarps Sögu hvet fólk til að stilla á
99,4 og kanna hvað er í boði á
hverjum degi. Útvarp Saga býður
upp á frábært útvarpsefni kl. 8–10
á morgnana sem Arnþrúður Karls-
dóttir, útvarpsstjóri, sér um og því
næst samfellda dagskrá allan dag-
inn þar sem m.a. síminn er opinn
fyrir hlustendur í þættinum Blá-
horninu. Rósa Ingólfsdóttir er allt-
af með frábæra þætti hvern virkan
dag kl. 10 og þá má nefna að eftir
hádegi er mjög áhugaverður þáttur
sem Kjartan Gunnar Kjartansson,
heimspekingur og blaðamaður, sér
um en í þeim þætti kafar hann
mjög djúpt í bæjar- og borgarmál.
Eina stöðin sem er með þáttinn
Mín skoðun sem allir landsmenn
hafa aðgang að og geta þar sagt
sína skoðun, sem er skoðun dags-
ins. Þar koma fram margir áhuga-
verðir einstaklingar sem flytja
pistla, m.a. ráðherrar, þingmenn
og fólk úr öllum stéttum sam-
félagsins.
Útvarpshlustandi.
Grein um greinar
UNDIRRITUÐ hefur gaman af að
sjá hvernig árstíðin og samborg-
arar hafa lagst á eitt við að fegra
borgina okkar. Þó mætti enn gera
betur. Í því tilliti má benda garð-
eigendum á að klippa greinar trjáa
sinna, sem teygja sig út á nærliggj-
andi gangstíga, og gera gangandi
vegfarendum erfitt um vik að kom-
ast leiðar sinnar. Þar sem verst
lætur geta greinarnar hæglega
valdið hjólreiðamönnum og gang-
andi vegfarendum slysum, þar sem
víkja þarf af gangstéttum og út á
umferðargötur til að komast hjá
því að fá greinar í andlit og augu.
Vegfarandi.
Hálsmen týndist
í Salahverfi
HÁLSMEN, sem er silfurlitt fiðr-
ildi með bleikum steinum, týndist í
Salahverfi 15. júní sl. Skilvís finn-
andi hafi samband í síma 567 4994.
Högna vantar heimili
MJÖG blíður, rauðbröndóttur
högni óskar eftir ástríku heimili.
Er geltur og eyrnamerktur. Mjög
þrifinn. Upplýsingar í síma
699 3388.
Velvakandi
Svarað í síma 5691100 kl. 10–12
og 13–15 | velvakandi@mbl.is
Hlutavelta | Þær Sóldís
Birta Reynisdóttir, Ólöf
María Gunnarsdóttir og
Dagbjört Silja Bjarna-
dóttir söfnuðu kr. 3.561 til
styrktar hjálparstarfi
Rauða kross Íslands.
Hlutavelta | Þær Heiðrún María Möller, Júlía Grétarsdóttir, Klara Grétarsdóttir,
Melkorka Arnarsdóttir, Erika Dorielle, Helga Jóna Gylfadóttir Hansen og Svandís
Dögg Þrastardóttir söfnuðu kr. 7.168 til styrktar hjálparstarfi Rauða kross Íslands.
Þakkir
Hjartans þakkir til barna okkar og fjölskyldna
þeirra, sem héldu með okkkur höfðinglega af-
mælisveislu á 50 ára brúðkaupsafmæli okkar
þann 17. júní sl.
Innilegar þakkir fær einnig frændfólk okkar og
vinir sem sendu okkur hlýjar kveðjur með sím-
tölum, blómum og gjöfum þennan dag.
Blessunaróskir og kveðjur,
Guðríður Sigurðardóttir og
Jónas Ásmundsson.
SÝNINGIN „Augnablik, the Blink
of an Eye“ verður opnuð í dag í the
Govett Kerr, 52 Hoxton Square,
London.
Augnablik er samsýning þriggja
listamanna, Hildar Margrétar-
dóttur, Ali Silverstein og Phoebe
Unwin, en sýningarstjóri er rithöf-
undurinn Mel Gooding. Sýning-
arskrá verður gefin út samhliða
sýningunni en hún er í umsjón
Andrew Brown, ritstjóra hjá
Thames and Hudson.
Opnunin er í dag kl. 18–21. Sýn-
ingin stendur yfir til 3. júlí. Opið
daglega kl. 10–18.
Austur eftir Hildi Margrétardóttur.
Hildur sýnir
í London
Síðastliðinn mánudag hófst sumarskólinnSmáríki og Evrópusamruninn við Há-skóla Íslands, en hann er samvinnu-verkefni níu háskóla frá Evrópu og
Washington-háskóla í Seattle í Bandaríkjunum.
Á þriðja tug nemenda frá Evrópu og Bandaríkj-
unum sækja skólann en þetta er þriðja árið sem
hann er starfræktur. Baldur Þórhallsson, dósent
í stjórnmálafræði og formaður Rannsóknarset-
urs um smáríki við Háskóla Íslands, hefur sér-
hæft sig í rannsóknum á smáum ríkjum og sam-
runaþróuninni í Evrópu. Hann segir mikilvægt
að skoða smærri þjóðfélög sérstaklega þar sem
smáríkjum fer stöðugt fjölgandi í heiminum og
meirihluti ríkja heims teljist til smærri ríkja.
„Rannsóknir í alþjóðamálum tóku hér áður fyrr
að mestu leyti mið af stærri þjóðfélögum og smá-
ríkjunum var þá haldið til hliðar. Þetta er sem
betur fer að breytast og í dag einblínir fjöldi
fræðimanna á stöðu smáríkja í alþjóðakerfinu,“
segir Baldur en aðild að Rannsóknarsetrinu eiga
fræðimenn víðsvegar að úr Evrópu og Norður-
Ameríku. „Hugmyndin var að mynda brú milli
þessara fræðiheima og það hefur tekist nokkuð
vel og sumarskólinn er gott dæmi um það. Þar
koma tíu kennarar að kennslunni, bæði íslenskir
og erlendir, og í ár eru mjög þekktir fræðimenn í
þessum fræðum, þ.e. Evrópufræði, smáríkja-
fræði og varnamálum, sem koma og halda erindi
í skólanum. Námskeiðið samanstendur af fyrir-
lestrum og málstofum frá níu á morgnana til
fjögur á daginn og utanríkisráðuneytið, Samtök
iðnaðarins og Alþingi eru heimsótt en hug-
myndin er að kynna fyrir nemendum íslenska
stjórnsýslu, utanríkisþjónustu, atvinnulíf og
störf á þinginu,“ segir Baldur og bætir við að í ár
séu allir fyrirlestrarnir sendir beint út til Seattle
með fjarfundabúnaði en það er tilraunaverkefni
sem virðist ætla að gefa góða raun. „Allir fyrir-
lestrar eru sendir beint til Washington-háskóla
en þar sitja nemendur einnig og taka nám-
skeiðið. Nemendur geta horft á fyrirlestrana í
beinni útsendingu eða síðar um daginn þar sem
þeir fá fyrirlestrana senda í gegnum Netið. Einn
kennari, Christine Ingebritsen, er svo staðsettur
í Seattle og heldur hún utan um nemendahópinn.
Christine hélt svo fyrirlestur frá Seattle í gær
sem horft var á í beinni útsendingu hér heima.
Ef þessi fjarkennsla gengur vel á ég von á því að
henni verði haldið áfram og með þessu má segja
að okkur hafi tekist að mynda brú á milli Evrópu
og Bandaríkjanna.“
Allir fyrirlestrar hafa verið teknir upp á
myndbandstökuvél og verið er að þróa vefnám-
skeið upp frá þeim sem allir skólarnir sem eiga
aðild í sumarskólanum geta nýtt sér í framtíð-
inni.
Rannsóknir | Sumarskólinn Smáríki og Evrópusamruninn settur í þriðja skipti
Brú mynduð yfir Atlantshafið

Baldur er fæddur á
Selfossi 25. janúar
1968. Hann lauk stúd-
entsprófi frá Mennta-
skólanum að Laugar-
vatni 1988, BA-prófi í
stjórnmálafræði frá
Háskóla Íslands árið
1991, meistaraprófi frá
stjórnmálafræðideild
háskólans í Essex í
Englandi árið 1994 og
doktorsprófi frá sama
háskóla 1999. Frá árinu 2002 hefur Baldur
verið dósent í stjórnmálafræði og formaður
stjórnar Alþjóðamálastofnunar og Rannsókn-
arseturs við Háskóla Íslands.
EM á Tenerife.
Norður
♠103
♥102
♦ÁG87
♣ÁK973
Vestur Austur
♠875 ♠DG962
♥G8643 ♥D75
♦K10 ♦52
♣D108 ♣642
Suður
♠ÁK4
♥ÁK9
♦D9643
♣G5
Tor og Gunn Helness unnu gull-
verðlaunin í fyrstu tveimur mótum
bridsleikanna á Tenerife, sveitakeppni
para og tvímenningi para. Sannarlega
engin fýluferð hjá þeim hjónum.
Það gekk á ýmsu í tvímenningnum
og heppnin var ekki allaf á bandi sig-
urvegaranna. Þau fengu til dæmis
hreinan botn í spilinu að ofan gegn
þýska parinu Nehmert og Waldow:
Vestur Norður Austur Suður
Tor Nehmert Gunn Waldow
-- -- Pass 1 lauf *
Pass 2 lauf Pass 2 grönd
Pass 3 tíglar Pass 4 tíglar
Pass 4 spaðar Pass 4 grönd
Pass 6 grönd Pass 7 grönd
Pass Pass Pass
Suður opnar á sterku laufi (Prec-
ision) og norður sýnir lauf og tígul.
Hækkun Waldows í fjóra tígla var
spurning um lykilspil, en Pony Nehm-
ert vissi ekki hvernig skilja ætti fjögur
grönd og ákvað að ljúka sögnum á
hreinlegan hátt. En dr. Waldow hafði
síðasta orðið.
Alslemman er hreint út sagt hræði-
leg, en svínliggur til vinnings – tígul-
kóngur réttur annar og D10x í laufi í
vestur.
BRIDS
Guðmundur Páll Arnarson | dagbok@mbl.is