Morgunblaðið - 26.08.2005, Qupperneq 6

6 B FÖSTUDAGUR 26. ÁGÚST 2005 MORGUNBLAÐIÐ
bílar
Sími 567 6744 • Bíldshöfða 14 • 110 Reykjavík
höggdeyfar eru orginal
hlutir frá USA og E.E.S.
Aisin kúplings-
sett eru orginal
hlutir frá Japan
varahlutir í miklu úrvali
Getum útvegað nokkrar FORD ESCAPE XLT 4X4 bifreiðar frá Hertz í USA.
Bílarnir eru 2005 árgerð, í óaðfinnanlegu ástandi. Eknir 35 til 45 þús. km.
Vel búnir þægindum s.s V6 3000cc vél, 200 hestöfl, loftkælingu, CD spil-
ara, Cruise Control, ABS, sjálfskiptingu o.m.fl. Verðið er aðeins 2.299.000
kr. Fyrir 99 þúsund aukalega getum við boðið ábyrgð frá íslensku trygg-
ingafélagi til 130.000 km eða til þriggja ára. Afgreiðslutími er um 6 vikur.
FORD ESCAPE 2005 Á ÓTRÚLEGU VERÐI!
Frekari uppl. veitir Magnús í síma 891 8277
ÞRÁTT fyrir að verðlag sé almennt
mjög hátt hérlendis, ekki síst vegna
þess hversu hátt gengi er á íslensku
krónunni, koma ferðamenn til lands-
ins eftir sem áður, og kannski í meira
mæli en nokkru sinni fyrr. Hátt verð-
lag hefur þó haft sýnileg áhrif nú þeg-
ar, því minna sést orðið af „bakpoka-
ferðalöngum“ en þeim mun meira af
ferðamönnum sem hafa meiri fjárráð.
Erlendir ferðamenn hafa undan-
farin ár, eða jafnvel áratugi, fyrst og
fremst ferðast með hópferðabílum
um landið í allt að tveggja vikna
ferðalögum sem ýmist eru kringum
landið s.s. um hringveginn, eða um
hálendið. En einnig þetta ferða-
mynstur er að taka á sig breytingar.
Styttri ferðir og minni hópar
Ólöf V. Bóasdóttir, framkvæmda-
stjóri Hópferðamiðstöðvarinnar –
Vestfjarðaleiða, segir að nokkuð erfitt
sé að átta sig á því hvort breyting sé
að verða á þessu ferðamynstri þar
sem fyrirtækið sé fyrst og fremst að
aka fyrir ferðaskrifstofur með hópa í
löngu ákveðnar ferðir. Umfang í
akstri sé svipað og undanfarin ár en
athygli veki að hóparnir séu minni,
þ.e. færri í hverjum hóp, og eins vilji
erlendir ferðamenn ferðast í styttri
ferðum en áður.
„Fyrir áratug og lengur voru 10 og
12 daga hringferðir langalgengastar
og farið var á 50 manna bílum, en
þessar ferðir heyra nú til undantekn-
inga. Í þessar 12 daga ferðir duga nú
oftast 12 til 15 manna bílar. Vegakerf-
ið hefur batnað, netnotkun hefur auk-
ist og þar með er fólk orðið sjálfstæð-
ara. Margir þessara erlendu
ferðamanna vilja fara í 5 til 6 daga
skipulagða ferð en eru hérlendis í
a.m.k. tvær vikur og taka mjög oft
bílaleigubíl á leigu hinn helming dval-
artímans og ferðast á eigin vegum.
Það er helsta breytingin sem er að
verða á ferðamynstri erlendra ferða-
manna að mínu mati. Þetta er auðvit-
að gott fyrir einyrkja í ferðaþjónustu,
s.s. bændur, sem bjóða upp á fá gisti-
rúm, en aukning bílaleigubíla hefur
aukið nýtinguna hjá þeim. Ef ég ber
saman sumarið nú við síðasta sumar
finnst mér að bílar með 40 sætum hafi
ekki stoppað einn einasta dag en í dag
hafa 9 og upp í 30 sæta bílar ekki
stoppað einn einasta dag. Þeir hafi
verið á snúningi allt sumarið í ár, og
eru enn.
Svo er það algjör undantekning að
sjá gangandi ferðamann með bak-
poka ferðast um landið. Ferðalangur-
inn sem gekk um með bakpoka og
gisti þar sem hann gat drepið niður
fæti heyrir nánast sögunni til. Hann
hefur ekki efni á að koma til Íslands
vegna verðlagsins. Mér finnst líkleg-
ast að því valdi m.a. aukning í reið-
hjólum og svo koma margir með sína
bíla eða húsbíla og svipuð farartæki
með sér til Seyðisfjarðar með Nor-
röna. Samsetning hefur breyst hægt
og rólega,“ segir Ólöf V. Bóasdóttir.
„Landið er orðið dýrara, bæði þjón-
usta, matur og gisting, svo eðlilega
hefur samsetning ferðamannahópa
breyst. Hins vegar eru erlendir ferða-
menn almennt mun skipulagðari en
við Íslendingar, þeir ákveða kannski
með þriggja ára fyrirvara að ferðast
til Íslands, og láta ekki hækkandi
verðlag breyta þeirri ákvörðun. Mér
finnst að hlutfall Þjóðverja hér hafi
minnkað í samburði við önnur þjóð-
erni. Það er kannski vegna þess að
þeir hugsi meira um verðlagið.“
Fleiri nýir hópferðabílar
– Hefur rútuflotinn endurnýjast
markvisst á síðustu árum?
„Já, umtalsvert síðustu tvö ár. Því
valda ákveðnir þættir, s.s. með eftir-
gjöf í virðisaukaskatti en þá sáu menn
ekki fyrir þessa gríðarlegu olíuverðs-
hækkun og eins áttu menn ekki von á
að það bættist virðisaukaskattur ofan
á vörugjald. Svo hefur gengið verið
hagstætt til innflutnings á hópferða-
bílum síðasta ár, jafnvel síðustu 18
mánuði. Smíðaðir hafa verið bílar fyr-
ir íslenska aðila t.d. í Portúgal og á
Spáni jafnframt smíði hér heima, og
svo hefur orðið gífurleg breyting á
samsetningu flotans, ekki síst vegna
aukinnar komu skemmtiferðaskipa til
landsins, en ferðir með farþega þess-
ara skipa austur að Gullfossi og Geysi
eða eitthvað annað hafa kallað á sér-
stakar gerðir hópferðabíla.“
„En því miður er of lítið um það að
gamlir bílar detti út vegna þess að
þegar t.d. hluthafi hjá Hópferðamið-
stöðinni selur bíl og kaupir nýjan í
staðinn þá fer gamli bílinn oftast í
samkeppni við seljandann og fleiri.
Fólk vill mjög góða þjónustu og
mjög góða bíla en vill ekki borga
lægra gjald fyrir eldri bíl, heldur
lægra gjald fyrir nýju bílana! Það er
því ekki við lýði neitt úreldingardæmi
svipað og tíðkast við endurnýjun
fiskiskipaflotans. Það er því miður allt
of lítið um það að eldri bílarnir fái ein-
hvers staðar „gröf“. Fólk byrjar að
leita að lægsta verðinu, síðan kemur
góð þjónusta en vill fyrir lægsta verð
fá nýrri bíla. Það helst hins vegar alls
ekki alltaf í hendur.“
– Hefur dregið úr fjölda erlendra
ferðamanna hingað til lands í sumar
að þínu mati?
„Nei, ég held ekki þrátt fyrir allt.
Sumarið hefur verið býsna gott og svo
fagnar maður því að það hefur verið
til þessa slysalaust hjá okkur. Það eru
ekki færri ferðamenn, aukningin er í
útleigu á bílaleigubílum en ferðamenn
skila sér í minna mæli í rúturnar,“
segir Ólöf V. Bóasdóttir.
Aldrei fleiri bílaleigubílar
með útlendinga
Örn Magnússon, bílstjóri hjá Hóp-
ferðabílum Jónatans í Mosfellsbæ,
segist hafa grun um að hlutfall ferða-
manna sem velji frekar að leigja bíl en
fara með rútu sé að aukast jafnt og
þétt. Einnig sé erfitt að gera sér grein
fyrir þróuninni vegna þess að rútun-
um hafi fjölgað umtalsvert. En í sum-
ar hafi verið miklu meira um bíla-
leigubíla á þjóðvegunum og inni á
hálendinu en undanfarin sumur.
„Ég hef aldrei séð eins mikið af
bílaleigubílum með útlendinga á hefð-
bundum ferðamannastöðum eins og
t.d. við Gullfoss, Akureyri, Hljóða-
kletta, Víðimýrarkirkju, Skaftafelli
og víðar. Þegar ég er að aka um há-
lendið mæti ég stundum útlendingum
á fólksbílum á leiðum sem ekki eru
taldar færar fólksbílum auk þess sem
akstur þar fer mjög illa með bílana.
Ég hef lent í því að fá fólk sem er á
leið inn í Þórsmörk á litlum bílum til
þess að snúa við, sumir hafa tekið því
vel en aðrir hlusta ekki á neinar for-
tölur. Enda er mér í raun alveg sama
þó þeir standi fastir í einhverri
sprænunni!“ segir Örn Magnússon.
Bergþór Karlsson, framkvæmda-
stjóri Reykjavíkurdeildar Bílaleigu
Akureyrar, segir að kröfur ferða-
manna séu að breytast. Þeir séu fyrst
og fremst í smærri hópum og taki oft-
ar saman á leigu bíl. Það hljóti að
koma niður á umfangi rútuferða.
Lægra verð á bílaleigubílum
„Það er áþreifanleg aukning hjá
okkur sem og öðrum bílaleigum frá í
fyrra þó heildarfjöldi ferðamanna hafi
ekki aukist að neinu marki. Ferðalög
inn á hálendið hafa þó ekki aukist
neitt en það er hins vegar mjög slæmt
hversu margir reyna að fara um há-
lendið á smærri bílum, eins og t.d.
Toyota Yaris, og lenda oft í vandræð-
um þegar þeir eru komnir inn á
Sprengisand. Okkur finnst einnig það
hið versta mál að ferðamenn skuli aka
um Kjöl á litlum bílum en Vegagerðin
á þar nokkra sök á. Hún breytti
merkingu vegarins frá fjallvegi til
sveitavegar vegna þess að þar er ekki
lengur nein óbrúuð á, og það sjá út-
lendingarnir og telja óhætt að fara þá
leið þótt vegurinn sé fjarri því að vera
góður. Við bönnum okkar leigutökum
að aka Kjöl á fólksbílum.
Aukninguna í leigu bíla má kannski
að hluta til rekja til þess að verð á
bílaleigubílum hjá okkur hefur farið
lækkandi sem og hjá öðrum bílaleig-
um. Á sama tíma er verð á sæti í rútu
að hækka og ég veit að mörgum hugn-
ast þessi ferðamáti ekki eins vel og oft
áður,“ segir Bergþór Karlsson.
Þrjár stærstu bílaleigurnar, Bíla-
leiga Akureyrar, Hertz og Avis/Bud-
get, eru með svipaðan bílafjölda, eða
um 1.000 bíla hver fyrir sig.
Ferðamynstur erlendra ferðamanna um landið hefur smám saman tekið breytingum
Morgunblaðið/Hilmar Bragi
Löngum hefur tíðkast að erlendir ferðamenn hópist í rútuferðir sem nú eru á undanhaldi þegar þeir kjósa í auknum mæli að ferðast á eigin vegum í bílaleigubíl.
Morgunblaðið/RAX
Taka í auknum mæli bílaleigubíl í stað rútu
Erlendir ferðamenn hafa löngum farið um landið í rútum. Geir A.
Guðsteinsson kannað breytingar á þessari tilhögun þeirra en nú
aka ferðalangarnir sífellt meira um landið í bílaleigubílum
KROYMANS Hummer Europe er nafn
á hollensku fyrirtæki sem mun í
framtíðinni selja Hummer í Evr-
ópulöndum. Verða bílarnir framleiddir
í verksmiðju í Suður-Afríku og á fram-
leiðslan að hefjast þar seint á næsta
ári. Kemur þetta fram í bílatímaritinu
Automotive News Europe.
Hollenska sölufyrirtækið verður
eina Hummer-umboðið fyrir 22 Evr-
ópulönd innan ESB auk Íslands, Nor-
egs og Sviss. Kroymans fyrirtækið
stofnaði Evrópudeildina eftir að hafa
skrifað undir samning um dreifinguna
í Evrópu við GM. Kroymans annast
einnig sölu á Cadillac í 32 Evr-
ópulöndum. Fyrirtækið byrjar raunar
sölu á Hummer í Belgíu, Þýskalandi,
Lúxemborg og Hollandi. Þeir bílar eru
framleiddir í Bandaríkjunum og hafa
ekki gerðarviðurkenningu fyrir Evr-
ópu, en hver og einn bíll er tekinn út.
Fyrirtækið hefur ekki gefið út vænt-
anlegar sölutölur en blaðið telur að á
milli 5 og 10 þúsund Hummer bílar
geti selst í Evrópu á ári hverju.
Hummer frá Suður-
Afríku til Evrópu