Mánudagsblaðið - 02.11.1981, Blaðsíða 3
2. nóv. 1981 MÁNUDAGSBLAÐIÐ 3
Sjóræningjar ráðast á flóttafólk og
SVfVKÐA OG NAUBfiA
Nguyen Phuong Thuy er
fimmtán ára gömul. Einn dag í
maí sl. laumaðist hún burt frá
Viet Nam í 33 feta bát ásamt 67
öðrum flóttamönnum. Bátur
flóttafólksins var kominn góðan
spöl inn í Thailandsflóa, þegar
annar bátur með átta thailensk-
um fiskimönnum, sem gerst
höfðu sjóræningjar, gerði árás á
þau.
Sjóræningjarnir rændu Thuy og
annari stúlku og sökktu síðan bátnum
með hinu flóttafólkinu, sem margt
hélt dauðahaldi í hinn sökkvandi far-
kost.
„Eg gleymi ekki svipnum á litlu
systur minni, Tran, meðan hún var að
hverfa í djúpið", segir Thuy. „Þetta
heldur fyrir mér vöku. Sjóræningjarn-
ir voru svo grimmir“.
Og víst voru þeir grimmir. A næstu
þremur og hálfum mánuði var Thuy
nauðgað að meðaltali sjö eða átta sinn-
um á dag. „Mér var haldið í klefa“,
segir hún. „Ég fékk vatn og hrísgrjón,
en þarna var engin sápa“. Oðru hverju
var hellt saltvatni yfír hana áður en
henni var nauðgað. Vinstúlka hennar,
sem rænt var með henni, þoldi ekki
ógnirnar og dó.
Lifði af ógnirnar
Thuy lifði skelfingarnar af og var að
lokum látin laus í skiptum fyrir körfu-
fylli af fiski til annarra báta - 14 allt í
allt. Loksins setti síðasti báturinn
hana í land, en þar tóku yfirvöld í
Thailandi hana fasta sem ólöglegan
innflytjanda. Það var ekki fyrr en í síð-
astliðnum mánuði, sem hún var send í
flóttamannabúðir í Songkhlo, sem er í
sunnanverðu Thailandi.
Nguyen Phuong Thuy er ekki sú
eina, sem hlotið hefur slíka meðferð.
Þó að yfirmaður flóttamannahjálpar
Sameinuðu þjóðanna hafi reynt að
halda sögunni frá blaðamönnum, þá er
saga Thuy því miður bara ein af
mörgum sams konar. A fyrra árshelm-
ingi 1981 er staðfest, að 701
flóttakonu, sem kemst til flóttamanna-
búða í Thailandi, hafi verið nauðgað,
flestum oftar en einu sinni. Sumar
voru ekki eldri en 12 ára. Meiri hlut-
anum, eða 533, hafði verið rænt undan
ströndum Thailands af thailenskum
flskimönnum, sem gerst höfðu sjó-
ræningjar. Hin raunverulega tala er þó
álitin miklu hærri, því að margar
kvennanna skammast sín að segja frá
nauðgunum og aðrar lifðu ekkí hörm-
ungarnar af.
Hrollvekja
I hrollvekjandi skýrslu, sem tíma-
ritið Time komst yfir og ætluð var að-
alstöðvum CARE (flóttamannahjálp
S.Þ.), sagði læknir, sem skoðað hafði
flóttakonu í Songhia, frá einum bát,
þar sem 24 af 32 kvennanna hafði verið
nauðgað.
Ofbeldismennirnir, margir hverjir
með lekanda, bæði sýkja konurnar og
misþyrma þeim. Margar hafa orðið
óléttar. Nær allar bera ævilangt ör eft-
ir hryllinginn.
Skýrslan til CARE lýsir einni slíkri
árás á konurnar: „Allt og sumt sem
þær gátu skynjað, meðan þetta fór
fram, var hinn megni óþefur af
nöktum, sveittum sjóræningjum, og
glottið og hláturinn meðan ein nauðg-
unin kom í kjölfar annarrar með við-
eigandi barsmíðum og hrottaskap".
Harmleikur
Það eru fleiri en Thailendingar, sem
stunda þessa iðju. í skýrslum er líka
minnst á Malaysíumenn. Ríkisstjórn
Thailands bendir með réttu á, að ein-
ungis brot af 200 þúsund fiskimönn-
um þeirra hafi snúið sér að sjóræn-
ingjaskap og enn færri að nauðgunum.
Því verður hins vegar ekki neitað, að
megnið af sjóræningjunum er hluti
þess brots. Breyting þessara óbreyttu
fiskimanna í sjóræningjaersannarlega
harmleikur fyrir Tahiland.
Sá harmleikur hófst 1965, þegar
'Thailendingar juku fiskisókn sína til
að standast kröfur nýrra, arðvænlegri
markaða. Tíu árum síðar var flóinn
ofveiddur, tæmdur af fiski, og fiski-
mennirnir fluttu sig á önnur mið und-
an ströndum nálægra ríkja. Vandræð-
in hófust svo 1978 þegar Burma og
Malaysía lýstu yfir 200 mílna fisk-
veiðilögsögu, samtímis sem flótta-
menn streymdu inn í Thailand frá
Viet Nam, Laos og Kambódíu. Hin
opinbera stefna í Bankok breyttist
skyndilega: Vietnamar voru álitnir
ógnun við öryggi Thailands. Fiski-
mennirnir, sem áður hafði verið hrós-
að fyrir mannúð, voru nú settir í
þriggja daga varðhald fyrir að draga
flóttamannabát til lands. Sumir fiski-
mannanna, sem voru illa stæðir fjár-
hagslega, tóku hina nýju stjórnar-
stefnu sem opinbert leyfi til að stunda
s jórán. Vietnamar, sem Thailendingar
líta yfirleitt niður á sem younan (villi-
menn), urðu sjálfsögð bráð.
„Þetta er bara leikur“, sagði einn
togaramaður við blaðamann frá Time.
„Það er engin synd að nauðga flótta-
konum, þær eru Vietnamar".
Nokkrar tilraunir, með fjárhags-
aðstoð frá Bandaríkjunum, hafa verið
gerðar til að bæta ástandið, en með litl-
um árangri. A meðan þrauka fórnar-
lömbin af furðulegri þrautseigju.
Nýlega skrifaði Nguyen Phuong
Thuy móður sinni, sem enn er í
Saigon, og hvatti hana til að gleyma
öllum flóttatilraunum sjóleiðis. „Ég
treysti mér ekki til að fara í kirkju“,
skrifaði hún móður sinni. Þær eru
kaþólskar. „Ég baðst bara fyrir. Dótt-
ir þín var dauð, en er nú lifandi".
Stytt úr „Time“.
HARMLEIKUR. SEM
HALDIÐ ER LEYNDUM