Morgunblaðið - 24.10.2005, Qupperneq 10
10 MÁNUDAGUR 24. OKTÓBER 2005 MORGUNBLAÐIÐ
FRÉTTIR
Stjórntækniskóli Íslands
Bíldshöfða 18
Sími 567 1466
MARKAÐSFRÆÐI
Hnitmiðað 250 stunda nám í sölu og markaðsfræðum. Náminu er
ætlað að koma til móts við sívaxandi kröfur atvinnulífsins um
hæfari starfskrafta. Námið er ætlað fólki sem vill bæta við
þekkingu sína og fá innsýn í heim markaðsfræðinnar, og að
nemendur tileinki sér markaðshugsun í íslensku viðskipta og
athafnalífi, og nái þannig betri árangri. Kennslan fer fram í formi
fyrirlestra og verkefnavinnu.
Helsu námsgreinar:
Markaðsfræði Sölustjórnun og sölutækni
Vöruþróun Vörustjórnun
Auglýsingar Áætlanagerðir
Viðskiptasiðferði Lokaverkefni
Starfsmenntun. Fjárfesting til framtíðar.
WWW.menntun.is Sími 567 1466. Opið til kl. 22.00.
„Ég mæli með náminu
fyrir alla þá, er starfa við
markaðs- og sölustörf.
Ég hef verið í sölu-
mennsku í 6 ár og nám-
skeiðið hefur nýst mér vel
í starfi. Fjölbreytt og
áhugavert námskeið.“
Elísabet Ólafsdóttir
Eggert Kristjánsson hf.
„Ég mæli tvímælalaust
með þessu námi fyrir
alla þá sem eitthvað eru
tengdir markaðs-, sölu-,
upplýsinga-, skipulags-
og/eða framleiðslumál-
um sinna fyrirtækja.“
Hendricus Bjarnason
Tæknilegur ráðgjafi og umsjónarmaður
markaðstengdra verðbréfa kerfa
ING-bankans í Amsterdam
„Sölu- og markaðsfræði-
nám Stjórntækniskóla Ís-
lands er afar hagnýtt og
ott nám fyrir alla þá er
starfa við sölu- og mark-
aðsmál. Námið er mjög
markvisst og hefur nýst
mér vel í starfi frá upp-
hafi og kemur til með að
gera það í framtíðinni.“
Gróa Ásgeir dóttir,
Flugfélag Íslands.
FUNDARMÖNNUM á landsfundi
Vinstrihreyfingarinnar – græns
framboðs lá margt á hjarta eins og
kom í ljós þegar liðurinn „önnur
mál“ var tekinn á dagskrá. Meðal
þess sem upp kom í líflegum um-
ræðum var spurningin hvort breyta
þyrfti nafni flokksins, rætt var um
gróðapunga og nýja tegund þræla-
halds, gerð tillaga um málefni aldr-
aðra og rætt um landbúnaðarmál.
Jón Hannesson stakk upp á því
að farið yrði í hugmyndasamkeppni
um að breyta nafni flokksins. Nafn-
ið, og sér í lagi orðið „framboð“
ætti e.t.v. ekki við þegar ljóst væri
að VG væri sterkur flokkur á lands-
vísu og núverandi nafn bæri það
ekki nægjanlega í för með sér að
um væri að ræða fullgildan stjórn-
málaflokk. Hann lagði til að frekar
yrði notast við nafnið Vinstri græn-
ir, en eftir frammíkall úr sal breytti
hann því í Vinstri græn.
Ásta Þorleifsdóttir tók undir orð
Jóns Hannessonar um nafn VG, og
sagði hún að fyrir löngu hefði átt að
vera búið að fella niður orðið
„framboð“ úr nafni flokksins.
Guðrún Jónsdóttir steig í pontu
og ræddi málefni aldraðra, en hún
sagði þær hugmyndir sem unnið
hefði verið út frá um þjónustu við
aldraða í gegnum tíðina hafa verið
fremur karllægar. Þjónustan væri í
hótelformi á heimilum, sem passaði
við hugmyndir eldri karla um mat á
borðum á matartímum og annað í
þeim dúr. Hún lagði til að flokk-
urinn legði áherslu á nýjar hug-
myndir í öldrunarmálum, sem
leyfðu öldruðum að halda reisn
sinni og sjálfstæði eins lengi og þess
væru nokkur tök. Guðrún gerði það
að tillögu sinni að landsfundurinn
fæli stjórn VG að skipa starfshóp til
að leggja drög að stefnu flokksins í
málefnum aldraðra. Tillagan var
samþykkt samhljóða og flytjanda
fagnað með lófataki.
Sigurður Magnússon lýsti þeirri
skoðun sinni að of lítið hefði verið
rætt um þensluáhrif og afleiðing-
arnar af stóriðjustefnu stjórnvalda.
„Gróðapungum“ hefði verið gefið
frítt spil með stóriðjufram-
kvæmdum til að flytja inn fólk í
nýrri tegund hlekkja í gegnum
vinnumiðlanir. Þeir sem það gerðu
séu að nýta sér örbirgð og slæmt
ástand í heimalöndum þess fólks
sem þeir flyttu hingað til lands.
Skoraði hann á þingmenn VG og
landsfundarmenn alla að halda
þessu máli á lofti.
Freyr Rögnvaldsson sagðist
sakna umræðu um landbúnaðarmál
í flokknum, hann hefði lítið orðið
var við áhuga á umræðu um þessi
málefni og óskaði eftir því að farið
yrði í virka vinnu við að endur-
skoða landbúnaðarstefnu flokksins
svo að þeirri vinnu yrði lokið fyrir
alþingiskosningar árið 2007.
Stefán Pálson ræddi reynsluna af
því að raða á lista fyrir borgar-
stjórnarkosningar með forvali, og
sagði þetta í fyrsta skipti sem það
hefði verið gert hjá VG, flokkurinn
hefði hingað til notast við uppstill-
ingar. Hann sagði það einnig mik-
ilvægt að forvalinu væri lokið eins
snemma og raunin var í Reykjavík
til þess að hópurinn sem veldist til
forystu gæti stillt saman strengi
sína og unnið að málefnum framtíð-
arinnar.
Stefán Pálson kom einnig með þá
hugmynd að í stað þess að velja á
lista með hefðbundnum hætti í hin-
um þremur kjördæmum á höfuð-
borgarsvæðinu, Reykjavík norður,
Reykjavík suður og Suðvesturkjör-
dæmi, væri vel hugsanlegt að vera
með eitt forval eða uppstillingu fyr-
ir öll þrjú svæðin. Þá myndu þeir
sem hlytu efstu þrjú sætin deilast
niður á kjördæmin þrjú, og þeir
sem kæmu neðar á lista fylgdu eftir
með jafnri skiptingu. Stefán sagðist
ætla að halda áfram að vinna að
þessari hugmynd sinni, enda ljóst
að almennt gerði fólk lítinn grein-
armun á þessum kjördæmum, sér í
lagi Reykjavík norður og suður.
Gróðapungar,
aldraðir og
nýtt nafn
HÉR á landi ríkir kynbundinn
launamunur og þrátt fyrir að fara
eitthvað minnkandi blasir við að
ríkið hefur vanrækt skyldur sínar
og látið mannréttindabrot, sem
kynbundinn launamunur er, við-
gangast, sagði Atli Gíslason, hæsta-
réttarlögmaður og varaþingmaður
Vinstri grænna, á líflegum um-
ræðufundi um kvenfrelsi á lands-
fundi VG á laugardag. Erindum
Þorgerðar Einarsdóttur, lektors í
kynjafræði við Háskóla Íslands,
Höllu Gunnarsdóttur blaðakonu,
Halldóru Friðjónsdóttur, formanns
Bandalags háskólamanna, sem og
Atla var vel tekið af fjölmennum
hópi fólks sem á hlýddi og í kjölfar-
ið voru pallborðsumræður sem
stóðu í á aðra klukkustund.
Meðal þess sem kom fram hjá
Atla er að launaleynd sé rót kyn-
bundins launamunar og brýnna
væri að veita jafnréttisdómi heim-
ildir til að rjúfa þá kyrrstöðu sem
ríkt hefur gagnvart konum heldur
en að eltast við fjármálafyrirtæki
sem hvort eð er fari sínu fram. „Ís-
lenska ríkið verður að tryggja með
virkum úrræðum að konur og karl-
ar njóti jafns réttar í hvívetna og
fái sömu laun fyrir sambærileg
störf.“
Halldóra Friðjónsdóttir tók í
sama streng og sagðist ekki í
nokkrum vafa um að launaleynd
auki á launamun kynjanna og bætti
við að mjög mikilvægt væri að góð-
ar kjararannsóknir séu stundaðar.
Atli fjallaði einnig um kynfrelsi
og réttinn til að ráða yfir eigin lík-
ama. Hann gagnrýndi dómskerfið
og sagði miklu meira þurfa til sak-
fellis í nauðgunarmálum en þegar
kæmi að öðrum brotum. Einblínt
væri á líkamlegt ofbeldi og lík-
amlegar afleiðingar á meðan skelfi-
legar andlegar afleiðingar væru
látnar skipta minna máli. Hann
sagði vanta í hegningarlögin
ákvæði þar sem líkama og sálarlífi
kvenna, og karla, væri gert jafn
hátt undir höfði og heimilum og
bréfum í ákvæðinu um friðhelgi
einkalífs og tók sitt eigið ákvæði
sem dæmi.
„Hver sá sem heimildalaus hefur
holdlegt samræði eða önnur kyn-
ferðismök við mann skal sæta fang-
elsi ekki skemur en eitt ár og allt
að 16 árum.“
Mikið að löggjöfinni
Atli sagði stjórnvöld hafa alvar-
lega brugðist skyldum sínum
hvernig sem á réttarvernd kyn-
frelsis er litið og burtséð frá orða-
lagi nauðungarákvæðislaganna.
„Það er eitthvað mikið að löggjöf-
inni, rannsóknaraðferðum, sönnun-
armatinu og afstöðu ákæruvalds og
dómstóla og ég fullyrði að reynslu-
heimur kvenna og reynsluheimur
þolenda kemur lítt til skoðunar.“
Hann birti jafnframt tölur unnar
upp úr skýrslu frá saksóknaraemb-
ættinu en árið 2003 bárust lögregl-
unni í Reykjavík 103 kærur eða til-
kynningar um kynferðislegt
ofbeldi. Ákært var í sextán málum
og sakfellt í fimm en sýknað í ell-
efu. Árið 2000 voru 36 mál sem
bárust, nítján mál fóru til saksókn-
ara sem felldi niður fjórtán en
ákært var í fimm málum og fengust
fjórar sakfellingar.
Til viðmiðunar tók Atli tölur um
meiri háttar líkamsmeiðingar en
árið 2003 fékk lögreglan 49 tilkynn-
ingar um meiri háttar líkamsmeið-
ingar. Eitt mál var fellt niður,
ákært var í 31 og sakfellt í 25 mál-
um og árin 1999 og 2000 var ákært
í öllum þeim málum sem kærð
voru.
Lítil sem engin fræðsla
um kynferðisofbeldi
Halla Gunnarsdóttir, sem vann
meðal annars verkefnið um fræðslu
kynbundins ofbeldis í grunnskólum,
sagði henni vera mjög ábótavant og
furðaði sig á því að kynferðislegt
ofbeldi skyldi ekki vera til í aðal-
námskrá grunnskóla. „Kennarar
eiga hreinlega að skila nemendum
fullkomnum út í samfélagið með
þekkingu á verðbréfaviðskiptum á
meðan ekki er talað um kynferðis-
ofbeldi.“ Enn fremur benti hún á
að á ráðstefnu í Kennaraháskól-
anum fyrir ári hefði enginn fulltrúi
fagstétta getað staðið upp og sagt
að fræðsla um kynferðislegt ofbeldi
væri inni í þeirra námi.
Líflegar umræður um kvenfrelsi á landsfundi VG
Eftir Andra Karl
andri@mbl.is
Morgunblaðið/Árni Sæberg
Steingrímur J. Sigfússon og Katrín Jakobsdóttir voru endurkjörin í embætti formanns og varaformanns.
Launaleyndin rót kyn-
bundins launamunar
ENGAR breytingar urðu á forystu-
sveit Vinstri grænna eftir lands-
fundinn um helgina og þurfti ekki
að kjósa um helstu embættin. Stein-
grímur J. Sigfússon verður því
áfram formaður flokksins næstu tvö
ár, Katrín Jakobsdóttir varaformað-
ur, Drífa Snædal ritari og Tryggvi
Friðjónsson gjaldkeri.
Í ræðu sinni þakkaði Steingrímur
J. innilega það traust sem honum er
veitt og tekur áframhaldandi for-
mennsku með þakklátum huga og
auðmýkt. „Ég lít í raun á það sem
forréttindi að fá að vera formaður í
þessari hreyfingu, að fá að vera
áfram með í því ævintýri og hóp-
starfi sem það er að halda áfram að
byggja upp hreyfinguna og efla
hana,“ sagði Steingrímur og bætti
við að „ef einhver efakorn hafi verið
djúpt í hjarta mínu um það að þetta
væri ekki að ganga eins vel og við
höfum ætlað þá hafa þau öll horfið
hér og núna á þessum fundi. Hann
er langstærsta og öflugasta sam-
koma sem við höfum hingað til hald-
ið af þessu tagi og það er óumflýj-
anlegt að fyllast bjartsýni og gleði
þegar maður er þátttakandi í slíku.“
Hallar á karla
Á landsfundi VG voru einnig
kjörnir meðstjórnendur, þar sem
Árni Steinar Jóhannsson, Árni Þór
Sigurðsson, Bjarkey Gunnarsdóttir,
Dögg Hugosdóttir, Guðrún Jóns-
dóttir, Lilja Rafney Magnúsdóttir
og Þórunn Friðriksdóttir náðu
kjöri. Þótti uppstillingarnefnd frek-
ar hallað á karla í hópi meðstjórn-
enda, og tilnefndi því fjóra karl-
menn í varastjórn, og náðu þeir allir
kjöri.
Engar breytingar á helstu
stjórnarembættum
HART var tekist á í afar fjölmennum
vinnuhópi um trúmál á landsfundi
Vinstrihreyfingarinnar – græns
framboðs um helgina. Ekki náðist
samstaða í hópnum um ályktun til að
bera upp við fundinn, en drög að
ályktun sem unnin var af formanni
hópsins og nokkrum meðlimum hans
var að lokum samþykkt á fundinum.
Talsverðar umræður spunnust um
ályktunina, sem fjallaði um trúfrelsi
og rétt til trúleysis, einkum orðalag
þess hluta sem snýr að aðskilnaði rík-
is og kirkju. Í ályktuninni, sem sam-
þykkt var óbreytt, segir m.a.:
„Landsfundur VG telur að afnám
stjórnarskrárákvæðis um samband
ríkis og kirkju hljóti að koma til skoð-
unar fyrr eða síðar og hvetur til að því
verði hraðað en þó þannig að um það
verði sem mest sátt.“
Skömmu áður en bera átti álykt-
unina upp til atkvæða á landsfund-
inum kom fram breytingartillaga þar
sem þessum hluta var breytt á þann
veg að landsfundurinn samþykkti að
afnema beri stjórnarskráratkvæði
um samband ríkis og kirkju. Var
breytingartillagan borin upp á fund-
inum, og skiptist hann í tvær svipað
stórar fylkingar í málinu. Þurfti að
kalla til talningarmenn í fyrsta skipti
í atkvæðagreiðslu á fundinum, og var
tillagan felld með atkvæðum 51 fund-
armanns gegn 49 sem vildu sam-
þykkja hana.
Kristin trú
samofin menningu
Eftir það var ályktunin um trú-
frelsi og rétt til trúleysis samþykkt
með meginþorra atkvæða. Þar segir
m.a. að fundurinn álykti að fullt trú-
frelsi og jöfn staða trúar- og lífsskoð-
unarfélaga sé grundvallaratriði sem
öll löggjöf og stjórnsýsla þurfi að
miða við. Eðlilegt sé að taka mið af
því að kristin trú sé umfram önnur
trúarbrögð samofin menningu og
sögu þjóðarinnar, sem eigi einnig að
endurspeglast í löggjöfinni.
Fundurinn lagði þó áherslu á að
réttur einstaklinga sem aðhyllist önn-
ur trúarbrögð en kristni, eða aðhyll-
ast engin trúarbrögð, sé ekki fyrir
borð borinn, og fyllsta hlutleysis sé
gætt gagnvart trúarbrögðum og af-
stöðu til trúar í skólum. | 37
Tekist á um
aðskilnað
ríkis og
kirkju