Fréttablaðið - 02.09.2002, Qupperneq 2

2 2. september 2002 MÁNUDAGUR
BYGGÐAMÁL Fjórðungsþing Vest-
firðinga lauk í Bolungarvík í gær.
Þar var Guðni Geir Jóhannesson
kjörinn formaður í stað Ólafs
Kristjánssonar sem verið hefur í
forsæti í 36 ár. „Þetta þing var
afskaplega árangursríkt þar sem
þrjú mál voru aðalmál þingsins. Í
fyrsta lagi var lögð fram byggða-
áætlun sem við Vestfirðingar
unnum í kjölfar byggðaáætlunar
ríkisstjórnarinnar en við vorum
ekki nægilega hressir með okkar
hlut í henni. Síðan voru tvö af-
skaplega mikilvæg mál, annað
var um samgöngubætur og hitt
um fjárhagastöðu hafna á Vest-
fjörðum,“ segir Ólafur. Hann seg-
ist vera afar sáttur við að láta
formannssætið af hendi enda
komin tími á það.
Aðrir í stjórn eru Ragnheiður
Hákonardóttir, Ísafjarðarbæ,
Þuríður Ingimarsdóttir, Vestur-
byggð, Elías Jónatansson, Bol-
ungarvík, og Haraldur V. A.
Jónsson, Hólmavík.
Sturla Böðvarsson sam-
gögnuráherra sat þingið báða dag-
ana og Valgeður Sverrisdóttir iðn-
aðar- og viðskiptaráherra sat það
seinni daginn. 
VIÐSKIPTI Stjórnendur Baugs og
fulltrúar Philips Greens funduðu
langt fram á kvöld
í gær. Þeir leituð-
ust við að komast
að niðurstöðu um
hvert yrði fram-
hald tilrauna fé-
laganna til að
kaupa Arcadia.
Breskir fjölmiðlar
töldu í gær allar
líkur á því að
Green myndi gera
nýtt tilboð í hluta-
féð í Arcadia. Í þetta sinn án þess
að vera í samfloti við Baug.
Niðurstaða hafði ekki fengist í
viðræðunum þegar blaðið fór í
prentun í gærkvöldi. Jón Ásgeir
Jóhannsson, stjórnarformaður
Baugs, sagði að þrjár leiðir væru í
stöðunni. Ein væri að hætt yrði
við allt saman. Önnur væri að
Green keypti Baug frá tilboðinu.
Þriðja að menn kæmust að sam-
komulagi um útfærslu á fyrra
samkomulagi.
Breskir fjölmiðlar voru þeirr-
ar skoðunar að litlar líkur væru á
því að Baugur yrði áfram hluti af
tilboðinu í Arcadia. Green sagði í
The Observer að hann myndi ekki
eiga í neinum vandræðum með
fjármögnunina á viðskiptunum.
Vinna þyrfti úr því hvaða áhrif
breytt staða hefði á samninginn.
Lögfræðingar Greens munu hafa
lagt lokahönd á nýtt tilboð í hluta-
féð um helgina. Í upphaflega til-
boðinu var gengið út frá því að
Baugur keypti Top Shop, Top Man
og Miss Selfridge verslanakeðj-
urnar. Samkvæmt The Financial
Times er verðmæti verslanakeðj-
anna þriggja ekki undir 27 millj-
örðum króna. Hlutur Baugs í
Arcadia er metinn á 21 milljarð
miðað við að 408 pens séu greidd
fyrir hlutinn.
„Menn gera sér ekki grein fyr-
ir því hvað þeir eru búnir að gera
okkur,“ segir Jón Ásgeir um áhrif
húsrannsóknar ríkislögreglu-
stjóra á kauptilboðið. „Baugur,
sem á að vera fórnarlamb okkar
Tryggva samkvæmt kæru lög-
reglunnar, er sleginn í rot af lög-
regluyfirvöldum.“ Jón segir ekki
ólíklegt að leitað verði skaðabóta.
Samningsstaða Baugs í kaupferl-
inu og trúverðugleiki fyrirtækis-
ins hafi skaðast. „Einhver verður
að svara til saka fyrir það.“
Ekki náðist í Jón H. B. Snorra-
son, yfirmann efnahagsbrota-
deildar Ríkislögreglustjóra, þegar
leitað var viðbragða hjá honum
við gagnrýni Baugs á starfsemi
deildarinnar.
brynjolfur@frettabladid.is
RANNSÓKN Ungt fólk sem lét af
námi í framhaldsskóla á síðasta
áratug hætti flest vegna þess að
því leiddist námið eða því bauðst
nýtt starf. Þessar upplýsingar
koma fram í nýútkominni bók
þeirra Jóns Torfa Jónassonar og
Kristjönu Stellu Blöndal, Ungt
fólk og framhaldsskólinn. Auk
þess var algengt að peninga-
vandræði og aðstæður á heimili
kæmu í veg fyrir nám. Þessar
niðurstöður eru í samræmi við
sænska langtímarannsókn með-
al 16 ára unglinga sem hættu
námi.
Athygli vekur að 11,7% svar-
enda voru stúlkur sem sögðust
hafa látið af námi vegna þess að
þær áttu von á barni eða höfðu
eignast barn.
Rannsóknina gerðu þau Jón
Torfi og Kristjana Stella á ár-
gangnum sem fæddist 1975
sem þau fylgdu eftir til 24 ára
aldurs. 
Níu ökumenn voru stöðvaðirvegna gruns um ölvun við
akstur í Reykjavík aðfaranótt
sunnudagsins. Að öðru leyti var
rólegt samkvæmt upplýsingum
frá lögreglunni í Reykjavík.
Bíll keyrði út af á móts viðbæinn Fagraskóg norðan Ak-
ureyrar um miðnætti aðfaranótt
sunnudags. Þrír voru í bílnum
en reyndist enginn þeirra alvar-
lega slasaður. Einn var fluttur á
slysadeild til aðhlynningar.
Ekið var á gangandi vegfar-anda fyrir utan veitingahús-
ið Sjallann á Akureyri um
tvöleytið aðfaranótt sunnudags-
ins. Maðurinn féll í götuna og
var ekið yfir annan fótlegg hans
auk þess sem hann hlaut höfuð-
högg. Maðurinn var fluttur á
sjúkrahúsið á Akureyri.
Lítil aurskriða féll í Álftafirðivið Djúpavog gærdag. Sam-
kvæmt upplýsingum frá Vega-
gerðinni var skriðan það lítil að
hún hamlaði ekki umferð. Þá
var mikið sandfok á Mýrdals-
sandi. Á Holtavöruheiðinni fór
vindhraði mest í 30 m/sek. Þá
var mjög hvasst á Hellisheið-
inni. Talsmaður Vegagerðarinn-
ar segir alla vega hafa verið
greiðfæra.
Innanlandsflug lá niðri stórahluta gærdagsins eftir að flog-
ið hafði verið til nokkurra staða
klukkan níu um morgunin. Flugi
til Ísafjarðar, Bíldudals, Sauðár-
króks, Vestmannaeyja og Hafn-
ar var aflýst. Ekki var búið að
taka ákvörðun um flug til Akur-
eyrar og Egilsstaða þegar
Fréttablaðið hafði samband um
kvöldmatarleytið. Þá lá Herjólf-
ur við bryggju í Vestmannaeyj-
um í allan gærdag. Ástæðan var
bilun í hliðarskrúfu og óveðrið.
Rafmagnslaust var í gærdagfrá Flúðum upp í Gnúpverja-
hreppa, hluta af Skeiðum og í
Hrunamannahreppi. Að sögn
talsmanns RARIK á Hvolsvelli
slitnuðu vírar vegna óveðursins.
Rafmagnið hafi farið af um hálf-
þrjúleytið og þegar Fréttablaðið
hafði samband var stærsti hlut-
inn kominn á aftur. Rafmagn
var ekki komið á í Árnesi í
Gnúpverjahreppi um kvöldmat-
arleytið. Var talið að tækist að
komast fyrir bilunina um síðar
um kvöldið.
Um eitthundrað bátar og skipvoru úti á miðum í gærdag
samkvæmt upplýsingum frá til-
kynningarskyldunni. Minni bát-
ar sem höfðu farið út í gær-
morgun snéru fljótlega til baka
aftur.
LÖGREGLUFRÉTTIR
ÓVEÐURSMOLAR
FRÁ ÍSAFIRÐI
Mikilvægustu málin á þingingu voru byggðamál og samgöngumál enda Vestfirðingar ákaf-
lega háðir góðum vegum.
Fjóðungsþing Vestfjarða í Bolungarvík:
Guðni Geir í stað
Ólafs Kristjánssonar
Fellibylurinn Rusa geng-
ur yfir Suður-Kóreu:
Að minnsta
kosti 50 látnir
HAMFARIR Að minnsta kosti 50
manns létu lífið og rúmlega þrjátíu
er saknað eftir að fellibylurinn
Rusa reið yfir Suður-Kóreu um
helgina. Fellibylurinn var sá
stærsti sem gengið hefur yfir land-
ið í fjörutíu ár. Að sögn yfirvalda í
Suður-Kóreu er talið að mannfall
sé mun meira og gæti tala látinna
farið upp fyrir hundrað.
Rusa, sem þýðir dýr, er kraft-
mesti fellibylur sem gengið hefur
yfir Kóreu síðan fellibylurinn
Sarah reið yfir árið 1959. Þá létust
um 840 manns. Árið 1987 reið felli-
bylurinn Thelma yfir og þá létust
um 350 manns. 
ÝMSAR ÁSTÆÐUR
Ástæðurnar sem framhaldskólanemar fæddir 1975 nefndu fyrir að láta af námi voru
vegna atvinnu og námsleiða. Auk þess voru nefnd peningavandræði og stúlkur nefndu að
þær ættu von á barni.
Rannsókn á námsgengi þeirra sem fæddust 1975:
Námsleiði og atvinna
algengustu ástæður brottfalls
Iain Duncan Smith,
formaður breska
Íhaldsflokksins:
Styður
loftárásir
á Írak
ÍRAK Iain Duncan Smith, formaður
breska Íhaldsflokksins, styður
hugmyndir Bandaríkjamanna um
árásir á Írak þar sem hann telur
Saddam Hussein vera ógn við
Bretland. Smith telur að Írakar
séu að þróa flugskeyti sem geti
náð til Evrópu. Írakar hafa á und-
anförnum dögum aukið varnir í
kringum Bagdad sem eru orðnar
þær mestu síðan í Persaflóastríð-
inu, vegna hugsanlegra loftárása
Bandaríkjamanna. Írakar ætla að
leita stuðnings Evrópuþjóða í von
um að Bandaríkjamenn falli frá
árásum á landið. Varaforseti
Íraks segir árásirnar geta ógnað
heimsfriði. Evrópusambandið
hefur lýst því yfir að diplómatísk-
ar leiðir verði farnar í málum
Íraks í stað árása. 
Green líklegastur til
að halda áfram án Baugs
Fulltrúar Philips Greens og Baugs funduðu stíft um helgina til að ákveða framhald kauptilboðs-
ins í Arcadia. Lögreglurannsókn hefur skaðað meint fórnarlamb segir Jón Ásgeir.
SKAUTAÐ Á BROTHÆTTUM ÍS
Staðan sem komin er upp hefur vakið mikla athygli breskra fjölmiðla. The Times var með
úttekt á Baugi fyrir lesendur sína.
UPPHAFIÐ
Fulltrúar Baugs og Philips Greens funduðu
stíft í gær. Leitast var við að finna lausn
sem aðilar gætu sætt sig við. Baugur sækir
fast að fá verslanakeðjurnar þrjár. Stjórn
Arcadia vill ekki eiga viðskipti við Baug.
„Baugur, sem
á að vera
fórnarlamb
okkar Tryggva
samkvæmt
kæru lögregl-
unnar, er sleg-
inn í rot af
lögregluyfir-
völdum.“