Fréttablaðið - 13.11.2002, Side 24
Prófkjör Sjálfstæðismanna í Vest-urkjördæmi hefur komið óorði á
stétt kosningasmala. Í ljós kom að 10
smalar höfðu smalað í heila viku og
elt fólk á röndum inn á heimili og
vinnustaði með kjörgögn í vasanum
og blýanta og yddara og boðið upp á
mjög þægilega utankjörstaðarkosn-
ingu. Með fyrirhöfn og fagurgala
tókst 10 smölum þó aðeins að rífa
upp 81 atkvæði á heilli vinnuviku.
Þetta er álíka lélegt og ef gangna-
menn og hundar kæmu lafmóðir af
fjalli eftir vikugöngur með 81 sauð.
Til samanburðar má geta þess að
lágmarksinntökuskilyrði í Alþjóða-
samband atkvæðasmala
(International Association of Vote
Shepherds) er að geta reddað 200 at-
kvæðum með einu símtali við næsta
íþróttafélag.
GUÐMUNDUR SMALI, formað-
ur FÍS (Félags íslenskra kosninga-
smala), segir að þeir hljóti að vera
sturlaðir sem ætla að taka þessi af-
köst kosningasmalanna góð og gild í
staðinn fyrir að taka af þeim rétta-
pelann og harðfiskinn og slá þá leift-
ursnöggt í höfuðið og senda þá af
stað aftur. Menn óttast að ný Sturl-
ungaöld sé í aðsigi í hinu villta Vest-
urkjördæmi, nema Jeb Bush fylkis-
stjóri verði fenginn frá Flórída til
endurtelja atkvæðin.
SVIKSEMI í smalamennsku hefur
löngum verið vandamál. Í margar
aldir hafa smalamenn látið útbúa
handa sér nesti til þess eins að laum-
ast í hvarf og leggjast fyrir við lækj-
arsitru og eta upp úr malsekknum.
Sænskur smalamaður og nýbúi,
Glámur að nafni, kom snemma óorði
á stéttina með óábyrgri framkomu
sinni uns hann dó úr leti og ómerki-
legheitum og réðst þá með ofbeldi að
Gretti Ásmundarsyni, rólyndum
sveitapilti úr kjördæminu.
SMALAMENNSKA með gamla
laginu er deyjandi starfsgrein. Í
framtíðinni mun verða samið við
Skotveiðifélagið um þá hagræðingu
að slátra lífrænt ræktuðu sauðfé á
fæti, en atkvæðasmölun og kosning-
ar munu fara fram á Internetinu. Þá
verður fyrirhafnarminna að leið-
rétta kjörseðla þeirra 75% undan-
villinga sem ekki kunna að kjósa
hinn rétta foringja og hver stuðn-
ingsmaður fær að kjósa eins oft og
hann lystir. Þannig mun takast að ná
milljón prósent samstöðu í kjördæm-
inu – og hugtakið „sturlun“ mun fá
splunkunýja merkingu.
yfirdráttarvexti
ert þú að fá?
Hvaða
www.s24.is 533 2424 Kringlan
S24 er sjálfstæð rekstrareining
innan Sparisjóðs Hafnarfjarðar
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Sturlun
Bakþankar
Þráins Bertelssonar
Byggðu á þínum tíma
Grafarvogi
Vestur í bæ
Kópavogi
Ármúla