Fréttablaðið - 25.08.2003, Side 12
12 25. ágúst 2003 MÁNUDAGUR
Titillinn er tilvísun í Jakobs-glímuna í Biblíunni. Hugsunin
er sú að þarna verði glímt við til-
vistarspurningar og samfélags-
spurningar,“ segir séra Sigurjón
Árni Eyjólfsson. Hann ýtti úr vör
ásamt félögum sínum nýju veftíma-
riti um guðfræði og samfélag sem
heitir Glíman og er vistað á vef
Kistunnar.
„Við höfum hist í nokkur ár og
fengið ýmsa guðfræðinga og fræði-
menn til að halda fyrirlestur fyrir
okkur í hóp sem kallaður er Grettir.
Þar hefur safnast saman þó nokkuð
mikið efni,“ segir Sigurjón.
Þeir fóru að velta því fyrir sér að
koma þessu á framfæri, og þótti
Netið vera hentugur miðill. Sérstak-
lega fengu þeir augastað á Kistunni
og vildu taka þátt í þeirri umræðu
sem á sér stað meðal fræðimanna á
þeirri síðu.
Efnið í tímaritinu skiptist í fjóra
þætti. Einn hlutinn fjallar um þjóð-
félagsmál frá sjónarhóli guðfræð-
inga. Annar hlutinn er fræðilegur,
þar verða birtar fræðilegar greinar
eftir guðfræðinga. Í þriðja hlutan-
um verða pistlaskrif af ýmsu tagi
og loks verða ritdómar um bækur.
Björn Bjarnason dóms- og
kirkjumálaráðherra var fenginn til
að opna síðuna, bæði vegna stöðu
sinnar og þess hve iðinn hann er á
Netinu.
„Við birtum líka ræðuna sem
hann hélt á prestastefnu í sumar,
þar sem hann var að hvetja presta
og guðfræðinga til að taka þátt í
þjóðfélagsumræðunni.“
Megintilgangurinn með Glím-
unni er einmitt sá að gefa guðfræð-
ingum vettvang til þess að taka þátt
í þjóðfélagsumræðunni hverju
sinni.
„Okkur finnst nauðsyn að rödd
guðfræðinnar heyrist eins og ann-
arra. Sýn guðfræðinnar á veruleik-
ann þarf að skýrast í samræðu við
aðra.“
Sigurjón segir mikið um unga
fræðimenn á sviði guðfræði, sem
eru viljugri að taka þátt í umræð-
unni en var áður fyrr þegar fólk hér
á landi forðaðist allar spurningar
sem varða trúmál og guðfræði.
„Rætur þess eru alls konar, bæði
þjóðfélagslegar og sögulegar. Það
er eins og guðfræði og trúmál hafi
hálfpartinn verið bannfærð inn á
svið hins persónulega.“
gudsteinn@frettabladid.is
Brosti í gegnum tárin
Ég vona að ég fari hreinlegabara út í sveit,“ segir Magn-
ús Eiríksson, tónlistarmaður og
eigandi hljóðfæraverslunarinn-
ar Rínar á Frakkastíg. „Væri al-
veg til í að gera eitthvað óvana-
legt og leigja mér fjórhjól. Geri
það stundum að lyfta mér upp og
leigja snjósleða eða eitthvað
slíkt.“
Magnús er 58 ára í dag og
undanfarið hefur verið nóg að
gera hjá honum við rekstur
verslunarinnar, sem hann rekur
með sonum sínum, og svo voru
hann og KK auðvitað að gefa út
disk sem hefur slegið rækilega í
gegn, eins og alþjóð veit. Þetta
er mikill metsöludiskur og
strákarnir fylgja honum eftir
með spilamennsku úti um allt
land. Voru á troðfullum tónleik-
um í Sandgerði á föstudaginn en
eiga frí í dag.
„Ég legg það samt ekki í vana
minn að gera neitt sérstakt á af-
mælisdeginum mínum, sérstak-
lega þar sem þetta er ekkert
stórafmæli, svo kannski enda ég
bara á því að setjast inn á huggu-
legan stað og snæða góðan
kvöldverð,“ segir Magnús en
hann minnist þess að þegar hann
varð fertugur gaf konan hans,
heitin, hún Elsa Stefánsdóttir,
honum flottan amerískan gítar
og það er eina hljóðfærið sem
Maggi Eiríks hefur fengið í af-
mælisgjöf.
„En þegar ég var krakki var ég
alltaf í sveit á þessum tíma og
þetta yndislega fólk sem bjó þar
mundi alltaf eftir afmælisdegin-
um og hélt mér veislu. Það voru
bakaðar pönnukökur og hitað
kakó og sú einstaka íslenska gest-
risni sem einkennir okkur sveif
yfir öllu.“
Þótt Magnús segi að auðvitað
vildi hann helst bara vera þrítug-
ur fannst honum erfiðast að verða
fertugur:
„Þá fannst mér eins og ég væri
hreinlega á grafarbakkanum en
brosti í gegnum tárin og huggaði
mig við að allt á að vera fertugum
fært,“ segir Magnús og hlær. „En
svo hefur þetta nú batnað og ef
maður er við góða heilsu tekur
maður bara einn dag í einu og nýt-
ir hann eins og hann gæti þess
vegna verið manns síðasti. Tím-
inn líður og lítið við því að gera
annað en að njóta ferðarinnar,“
segir Magnús að lokum. ■
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
S
PA
2
15
57
08
/2
00
3
FERSK Í BÚÐIR Á HVERJUM DEGI
Kristbjörg Einarsdóttir, áður til heimilis
að Bárugötu 35, andaðist föstudaginn
22. ágúst.
Anton Líndal Friðriksson, Vesturgötu 7,
lést föstudaginn 22. ágúst.
Guðríður Ástráðsdóttir, Dista, Vestur-
götu 7, andaðist laugardaginn 16. ágúst.
Kjartan Gunnarsson, fyrrverandi apó-
tekari, lést sunnudaginn 17. ágúst.
13.30 Jóhanna Guðmundsdóttir frá
Hellissandi, Austurgerði 6, Reykja-
vík, verður jarðsungin frá Bústaða-
kirkju.
13.30 Einar Kr. Eiríksson verður jarð-
sunginn frá Fossvogskirkju.
14.00 Margrét Ingibjörg Sigurgeirs-
dóttir, Miðtúni 1, Seyðisfirði, verð-
ur jarðsungin frá Seyðisfjarðar-
kirkju.
15.00 Gísli Þorvaldsson, Jörfabakka 14,
Reykjavík, verður jarðsunginn frá
Fossvogskirkju.
Þórunn Valdimarsdóttir er 49 ára.
Ævar Örn Jósepsson er 40 ára.
Tímamót
SVEINN ÁRNI EYJÓLFSSON
■ er einn þeirra sem standa á bak við
Glímuna, nýtt veftímarit um guðfræði og
samfélag þar sem guðfræðingar fá vett-
vang til þess að taka þátt í þjóðfélagsum-
ræðunni..
Afmæli
MAGGI EIRÍKS
■ verður 58 ára í dag og segir eina virki-
lega erfiða afmælisdaginn hafa verið þegar
hann varð fertugur en þá brosti hann bara
í gegnum tárin og huggaði sig við að allt er
fertugum fært.
■ Afmæli■ Andlát
■ Jarðarfarir
SIGURJÓN ÁRNI EYJÓLFSSON
Einn aðstandenda veftímaritsins Glímunn-
ar, sem opnað var á vef Kistunnar á
fimmtudaginn.
Guðfræðin kemur út úr skápnum
MAGNÚS EIRÍKSSON
Er fimmtíu og átta ára í dag og nóg að gera því hann rekur hljóðfæraverslunina Rín með sonum sínum og spilar úti um allar trissur
með KK, vini sínum.
CLAUDIA SCHIFFER
Súpermódelið er 33 ára í dag en hún deilir
deginum með ekki verri stúlku en Joanne
Whalley-Kilmer og gaurunum Sean Conn-
ery, Tom Skerrit, Gene Simmons, Elvis
Costello, Billy Ray Cyrus og leikstjóranum
Tim Burton.
25.ágúst