Tíminn - 28.09.1972, Blaðsíða 11

Real Madrid
snillingar á
- knatfspyrnu-
spariskónum
— leikmenn liðsins eru leiknir með knöttinn, en þeim tókst ekki að skora mark
hjá baráttuglöðum Keflvíkingum, fyrr en mínútu fyrir leikslok.
Hér á myndinni sjást sóknarleikmenn Keflavíkurliðsins, Ólafur Júlfusson og Steinar Jóhannsson hefja sókn. En þeir réðu ekki tveir við hina
geysisterku varnarmenn Real Madrid. (Timamynd Róbert)
Það trúðu þvi fáir fyrir fram,
að Keflvikingar mundu standa i
knattspyrnusnillingunum úr Real
Madrid, þegar þcir mættu þeim á
l. augardalsvellinum i gærkvöldi.
Keflvikingar stóðu sig eins og
hetjur gegn hinum margreyndu
og léttleikandi leikmönnum Real
Madrid. Þegar aðeins ein minúta
var til leiksloka var staðan 0:0, en
þá skoruðu Real Madrid eina
mark leiksins og greinilega mátti
sjá á leikmönnum liðsins, að þeir
önduðu léttara. Markið kom upp
úr aukaspyrnu, scm var tekin
meter fyrir utan vitateig Kefla-
vikurliðsins — á brot hjá Guðna
Kjartanssyni. Keflvikingar röð-
uðu sér i vegg til að varna mark
inu. Knettinum var spyrnt að
marki — lenti i Grétari Magnús-
syni og þaðan til vinstri bakvarð-
ar Real Madrid, Juan Verdugo,
sem var staðsettur út i vitateigs-
horni — hann spyrnti knettinum
viðstöðulaust að marki og hann
lenti óverjandi efst upp i hliðar-
netinu fjær — stórglæsileg spyrna
þaö. Þar með bjargaði Real
Madrid andlitinu og þvi létta hlut-
verki, sem leikmenn liðsins hafa
fengið, nefnilega að sigra áhuga-
mannalið á norðurhjara ver-
aldar. En nú skulum við snúa
okkur að gangi leiksins:
Fyrri hálfleikur var frekar
daufur og ekki er hægt að segja
annað en að áhorfendur hafi verið
óánægðir með knattspyrnu-
snillingana úr Real Madrid, sem
virtust spila á spariskónum, þeir
voru leiknir með knöttinn, en skot
sáust ekki fyrr en á 30. min.,
þegar Pirri skaut hörkuskoti af 25
m. færi, sem strauk samskeytin.
A 35. min. fengu leikmenn Real
Madrid þrjár hornspyrnur i röð
og munaði þá litlu, að Astráður
Gunnarsson hefði skorað sjálfs-
mark, hann ætlaði að hreinsa frá
markinu, en hitti knöttinn illa 'og
hann strauk slá. Staðan i hálfleik
var 0:0, nokkuð sem fáir höföu
rennt grun i fyrir fram. Þegar við
höföum tal af Albert Guðmunds-
syni, formanni KSI i hálfleik og
spurðum hann, hvernig honum
fyndist leikurinn, sagöi hann:
„Ég er mjög ánægður með leikinn
og frammistöðu Keflavikurliðs-
ins. Að sjálfsögðu er það skiljan-
legt, aö leikmenn Real Madrid
nái ekki að sýna góðan leik, þeir
eru óvanir að leika á blautum
völlum og ná ekki upp þeirri
snerpu og samspili, sem þeir ná á
þurrum völlum. Þeir eru vanir
samleik og gegnumbrotum, sem
taka örfáar sek., en á blautum
velli er mjög vont aö ná upp góðu
starti, leikmennirnir verða
þyngri og samleikur ekki eins ná-
kvæmur”.
Það var greinilegt, að leikmenn
Real Madrid hafa fengiö orð i
eyra i hálfleik, þeir byrja siðari
hálfleikinn á miklum krafti og
strax á 2. min. kemst hinn 18 ára
Santillana (hann kom inn á i hálf-
leik) i m jög gott færi út við mark-
teigshorn, en skot hans var ekki
nógu nákvæmt og knötturinn
strýkur stöngina fjær. Eftir þetta
er mesta loftiö úr leikmönnum
Real Madrid og Keflvikingar fara
aösækja. A 10. min. leikur Hörður
Ragnarsson upp völlinn, gefur
stungubolta inn á Steinar
Jóhannsson, en markveröi tókst
að bjarga. Þremur min. siðar
skorar Santillana markfyrir Real
Madrid, en þaö var dæmt af
vegna rangstöðu. A 17. min, var
Ólafur Júliusson i góðu færi út við
vitateig, en hitti knöttinn illa og
skaut yfir. Stuttu siöar á Steinar
skot af 25 m. færi, sem strýkur slá
og á 35. min. kemur svo bezta
marktækifæri leiksins. Hár bolti
kemur inn i vitateig Real Madrid,
Steinar stekkur upp með
Gregorio Benito, knötturinn
hrekkur frá þeim til Ólafs Július-
sonar, sem var staddur i dauða-
færi fyrir utan markteig, i fljót-
færni þrumar hann knettinum i
átt að marki, hittir illa og
knötturinn fer himinhátt yfir. Ef
Ólafur hefði gefið sér góðan tima,
þá hefði hann átt að skora og ef
hann heföi litiö upp, hefði hann
séö Steinar frian i enn betra færi,
þvi að hann stóð fyrir miðju
marki — markvörðurinn var á
leiðinni til Ólafs. En svona er það
oftast, áhorfendur sjá oft atvik,
sem leikmenn sjá ekki. Þaö skeði
svo ekkert fyrr en á 44. min.,
þegar markið var skorað og út i
þá sálma höfum við farið áöur.
Það er ekki annað hægt að
segja en að Keflvikingar hafi
staðið sig vel i leiknum, sem var
vel leikinn miöað við aðstæður.
Bezti maöur Keflavikurliðsins og
þaö er óhætt að segja aö hann hafi
verið bezti maður vallarins, var
Hjörtur Zakariasson, en hann
barðist allan timann og hélt
knattspyrnusnillingnum Amancio
algjörlega niöri. Einar Gunnars-
son og Guðni Kjartansson voru
drjúgir að vanda i vörninni, þá
átti Gisli Torfason þokkalegan
leik, sömuleiðis Ólafur Júliusson,
sem átti góða spretti.
Leikmenn Real Madrid? Það er
ekki annað hægt aö segja en að
þetta Real Madrid liö var allt
annað en lék fyrri leikinn á Spáni,
það var greinilegt að leikmenn
liðsins fundu sig ekki á blautu
grasinu á Laugardalsvellinum og
er það skiljanlegt. Maður trúði
þvi varla, að leikmenn geti breytzl
svona á blautum velli. Beztu leik-
menn liðsins voru Andres og
Pirri.
Dómari leiksins var frá Irlandi
— J. Carpenter og dæmdi hann
mjög vel.
SOS.
Hér á myndinni sjást Juan Verdugo (3) og Steinar Jóhannsson berjast um knöttinn. Það var einmitt
Verdugo, sem skoraði eina mark leiksins og færði Real Madrid þar meðsigur á siðustu mínútu.
(Timamynd Róbert)