Tíminn - 14.07.1973, Blaðsíða 4

4
TÍMINN
Laugardagur 14. júli 1973.
Við flest verður
að notast
Það er litið um bila i Kina, svo
allir þeir, sem þurfa að fara ein-
hverja vegalengd nota hvert
það farartæki, sem býðst. Þó er
það ekki dagsdaglegur viðburð-
ur, að 10 þurfi að notast við
sama reiðhjólið, eins og þessi
mynd gefur tilefni til að ætla.
Þetta er fimleikafólk frá Shen-
yang, sem er hér bara að leika
listir sinar, en væri þetta úti á
umferðargötu, þá gætu stel'nu-
merkin, sem fólkið gefur með
höndunum ruglað einhvern öku-
manninn.
Pési
pdfagaukur
og aðrar
blaðursk jóður
Pési páfagaukur kenndi manni
að tala. Þeir voru báðir á
sjúkrahúsi i Englandi og mað-
urinn var vangefinn og kunni
ekki að tala. Talkennarar höfðu
lengi reynt að kenna manninum
að tala, en allt kom fyrir ekki,
þangað til hann fór að herma
eftir páfagauknum og þá leið
ekki á löngu þar til hann fór að
byrja að tala. Það eru samt ekki
allir talandi l'uglar, sem verða
að gagni. Sumir eru heldur
hvimleiðir, að þvi er mönnum
þykir, af þvi að þeir eiga það til
að leggja niður heppileg orð i
belg. Þannig var til dæmis einn
fuglanna dæmdur úr leik i
keppni, þar sem saman voru
komnir þeir fuglar, sem bezt
voru talandi i Bretlandi. Einn
dómaranna var nefnilega prest-
ur og honum likaði ekki bölvið
og ragnið i fuglinum. Málgefn-
asti fugl veraldar er sagður
kunna 531 orð. Hann kom oft
fram í útvarpi og sjónvarpi og
lék jafnvel i kvikmyndum, og
hafði unnið sér inn um 225 þús-
und dollara fyrir kvikmynda-
leik, þegar hann dó. Siðustu orð
hans voru ,,ég elska hana
mömmu”. Bókavörður einn
★
brezkur átti fugl, sem alltaf
hrópaði „Vinir, Rómverjar
landar — hlýðið á mig”, þegar
menn komu til þess að fá lánað-
ar bækur. Þá er getið um annan
fugl, sem hafði þann vana að
hanga öfugur i slánni sinni, svo
að hausinn lafði niður, og syngja
lagið — Hann á afmæli i dag.
Annars getur það verið gagnlegt
fyrir fugla að kunn að tala.
Eitt sinn kom fugl niður um
strompinn hjá fjölskyldu sinni i
Englandi og sagði um leið og
hann flaug út úr arninum: ,,Ég
heiti Billy Green og bý á Mal-
vernstræti. Til þess að hægt sé
að kenna fugli að tala verður að
einangra hann frá öðrum fugl-
um, þvi að annars læturhann sig
mennskt mál engu skipa og bara
bara að kvaka eins og aðrir
fuglar. Svo þarf að hæna fuglinn
svo að sér, að hann sitji á fingri
manns og endurtaka svo i sifellu
sama orðið, þangað til fuglinn
fer að herma eftir. Fuglar læra
ekki aðeins orðin sjálf heldur
apa þeir lika eftir rödd kennar-
ans og látbragð. Þetta getur
haft slæmar afleiðingar eins og
sannaðist á manni einum, sem
framdi sjálfsmorð út af fugli á
heimilinu. Þannig var mál með
vexti, að kona manns þessa
hafði kennt fuglinum að segja
„kysstu mig, ástin”. Svo dó
konan, en fuglinn hélt upptekn-
um hætti og þuldi þessi orð i
sifellu yfir vesalings ekkju-
manninum, þangað til hann
stóðst ekki mátið lengur og
framdi sjálfsmorð. Þá er sagt
frá einum fugli, sem gerði eig-
anda sinum töluvert gagn. í
hvert skipti sem konan var búin
að tala lengi i simann- kom
fuglinn nefnilega og sagði: „nú
er nóg komið. Segðu nú bless”.
Myndin sýnir fugla, sem geta
ekki bara talað, heldur sýna lika
ýmsar listir, sem eigandanum
er töluverður ábati að, en hann
er götusöngvari f London.
DENNI
DÆAAALAUSI
t
Hún er húsmúðirin, ég er
garðstrákurinn.