Fréttablaðið - 05.04.2005, Page 26

Selja á allan eignarhlut
ríkisins í Símanum til
eins hóps fjárfesta. Þó
má enginn eiga meira en
45 prósent í fyrirtækinu.
Ekki er búið að ákveða
hvaða vægi aðrir þættir
en verð hafa þegar tilboð
verða metin. Með sölunni
nú lýkur ferli sem hófst
2001 og hefur verið í und-
irbúningi frá 1999.
VIÐSKIPTI „Ákvörðun hefur verið
tekin um það að selja allan eignar-
hlut ríkisins í einu lagi til hóps
fjárfesta,“ segir Jón Sveinsson,
formaður framkvæmdanefndar
um einkavæðingu, um sölu Sím-
ans sem á að vera lokið í júlí næst
komandi. Hann segir helstu rökin
fyrir því að selja Símann í heilu
lagi vera fyrst og fremst þau, að
þá fáist hærra verð fyrir hlut rík-
isins.
„Í öðru lagi er tryggt með kvöð
og síðari samningum við væntan-
legan kaupanda að fyrirtækið
verði skráð á aðallista í Kauphöll
fyrir árslok 2007. Og í þriðja og
síðasta lagi er talin töluverð
áhætta í því að skipta sölunni upp
og draga seinni áfanga, því eng-
inn getur sagt fyrir um það
hvernig markaðsaðstæður í þessu
sambandi muni þróast.“
Í gærmorgun hittist ráðherra-
nefnd um einkavæðingu og sam-
þykkti sölufyrirkomulag Símans.
Í hádeginu kom ríkisstjórnin sam-
an og fjallaði um málið og að því
loknu var boðað til blaðamanna-
fundar til að kynna næstu skref.
Stuttu áður kynnti Halldór Ás-
grímsson, forsætisráðherra, mál-
ið á Alþingi.
Jón vill ekki gefa upp neitt
verð á fyrirtækinu. Nú sé hafið
uppboðsferlið þar sem hæstbjóð-
andi sé í góðri stöðu til að kaupa
Símann að uppfylltum öðrum skil-
yrðum. Hann segir markaðsað-
stæður nú hagstæðar og áhugi sé
á fyrirtækinu hjá innlendum og
erlendum fjárfestum.
Ekki á að skilja grunnetið frá
við söluna. „Það eru engin dæmi
um það að slíkt kerfi hafi verið
skilið frá við sölu á öðrum síma-
fyrirtækjum sem að minnsta
kosti við þekkjum til,“ segir Jón.
Samkeppni sé í rekstri grunnneta
á EES svæðinu og lög hér á landi
tryggi aðgang annarra markaðs-
aðila að því.
Jón segir aðspurður ekki búið
að ákveða vægi þeirra þátta sem
horft verður til við mat á tilboð-
um. Verð er einn þáttur, fjárhags-
legur styrkur, reynsla af rekstri
fyrirtækja og framtíðarsýn eru
meðal þeirra atriða sem munu
skipta máli. Jón segir þetta skýr-
ast síðar í ferlinu.
Hvað varðar sölu á 30 prósenta
hlut til almennings og annarra fjár-
festa fyrir árslok 2007 segist Jón
reikna með að almennar reglur um
sölu hlutabréfa muni gilda. Fram-
kvæmdin verði í höndum eigenda
fyrirtækisins samkvæmt samningi
við ríkið. Miðað verði líklega við
það verð sé á Símanum á þeim
tíma. bjorgvin@frettabladid.is
Íslenskir víkingar keppa við glaumgosa
Breska dagblaðið Independent fjallaði um væntan-
lega yfirtöku á verslunarkeðjunni
Somerfield um helgina. Baugur
hefur sem kunnugt er haft auga-
stað á verslunarkeðjunni og
gerði tilboð í febrúar upp á
milljarð punda – um 115
milljarða króna. En Baugs-
menn eru ekki einir um
hituna, því tveir aðrir
íhuga tilboð – og í báð-
um tilfellum er um
bræður að ræða. Annars
vegar Tchneguiz bræður,
Robert og Vincent, sem
eru þekktir fyrir áhuga sinn á
sportbílum, snekkjum og fögrum
fljóðum. Annar bróðirinn var um
skeið í tygjum við Caprice, fyrir-
sætu og söngkonu, en hinn
komst í fréttirnar eftir að hafa grætt milljón pund á
veðmálum í tengslum við Evrópukeppnina í fót-
bota síðasta sumar.
...og huldumenn
Hinir bræðurnir sem taldir eru keppa við Baug um
Somerfield eru sagðir heldur lítillátari en Tchenguiz
bræður. Þvert á móti eru Livingstone bræðurnir,
Ian og Richard, annálaðir fyrir að forðast kastljós
fjölmiðla. Þeir eru hins vegar taldir búa yfir gríðar-
legum auði en hlutabréfaeign þeirra er metin á 1,7
milljarða punda – um 200 milljarða íslenskra
króna. Linvingstone bræður hafa auðgast á fast-
eignaviðskiptum og eru taldir hafa áhuga á
Somerfield fyrst og fremst þar sem þeir sjái
tækifæri til að koma fasteignum og lóðum fé-
lagsins í betri not. Livingstone bræðurnir eru
rétt rúmlega fertugir en hafa þó marga fjör-
una sopið í viðskiptum en grunnurinn að við-
skiptaveldi þeirra er fyrirtæki í fasteignamiðl-
um sem þeir stofnuðu og seldu árið 1992.
MESTA HÆKKUN
ICEX-15 3.981
KAUPHÖLL ÍSLANDS [ HLUTABRÉF ]
Fjöldi viðskipta: 306
Velta: 1.037 milljónir
+0,41%
MESTA LÆKKUN
MARKAÐSFRÉTTIR...
18 5. apríl 2005 ÞRIÐJUDAGUR
vidskipti@frettabladid.is
Peningaskápurinn…
Actavis 40,60 -0,25% ... Atorka 6,00 -
1,64% ... Bakkavör 31,90 +0,63% ... Burðarás 14,30 -0,35% ... FL Group
13,70 -0,72% ... Flaga 5,26 -1,68% ... Íslandsbanki 12,60 – ... KB banki
547,00 +1,30% ... Kögun 60,00 -0,50% ... Landsbankinn 14,95 -0,33%
... Marel 57,50 +1,41% ... Og fjarskipti 4,18 -0,48% ... Samherji 12,05 -
1,63% ... Straumur 10,35 -0,48% ... Össur 84,00
Síminn seldur í heilu lagi
SS 8,33%
Fiskimarkaður Ísl. 1,82%
Marel 1,41%
Flaga -1,68%
Atorka -1,64%
Samherji -1,63%
HLUTABRÉF Í ÚRVALSVÍSITÖLU:
nánar á visir.is
Björgólfur Thor, Jón
Ásgeir og Bakkabræður
Fjórir Íslendingar eru á lista
Sunday Times yfir ríkustu menn
Bretlands og eiga þeir samtals 64
milljarða króna.
Eignir Björgólfs Thors Björg-
ólfssonar eru metnar á 400 millj-
ónir punda eða 46 milljarða króna,
eignir Lýðs og Ágústs Guðmunds-
sonar eru metnar á 100 milljónir
punda eða rúma 11 milljarða ís-
lenskra króna. Eignir Jóns Ás-
geirs Jóhannessonar eru metnar á
65 milljónir punda eða 7,4 millj-
arða króna.
Athygli vekur að Sunday
Times metur eignir Björgólfs
Thors mun lægra en Forbes en
þar voru eignir hans metnar á 84
milljarða króna, mismunurinn er
hátt í 40 milljarðar. Sunday Times
metur eignir fólks eftir landar-
eignum, fasteignum og verðmæt-
um eignarhlutum í skráðum félög-
um. Líklegt þykir að eignir þess-
ara einstaklinga séu verðmætari
en Sunday Times telur.
Íslendingar eru ekki einu út-
lendingarnir á listanum og sjö af
10 ríkustu Bretunum koma frá
öðru landi en Bretlandi og eru
Skandínavar og Rússar áberandi á
listanum. - dh
BJÖRGÓLFUR THOR Er meðal margra
útlendinga á listanum yfir ríkasta fólk Bret-
lands og er ríkastur Íslendinganna.
Fjórir Íslendingar meðal
ríkustu manna í Bretlandi
Í dag er Síminn auglýstur til sölu í fjölmiðlum. Stefnt er að því að sölu-
ferlinu verði lokið í júlí og Landssími Íslands þá að öllu leyti kominn úr
höndum ríkisvaldsins. Þeir fjárfestar sem hafa áhuga verða að fara í
gegnum eftirfarandi skref:
1 Þeir sem hafa áhuga á að kaupa Símann, einstaklingar eða stjórnend-ur félaga, gefa sig fram við einkavæðinganefnd. Gegn því að undirrita
trúnaðaryfirlýsingu eru þeim afhend gögn sem geyma nokkuð ítarleg-
ar upplýsingar úr rekstri fyrirtækisins.
2 Til og með 6. maí næst komandi geta fjárfestar sem enn hafa áhugaskilað inn óbindandi tilboði í Símann. Á það að gefa grófa mynd af
þeim hugmyndum sem þeir hafa um kaupin og framtíð fyrirtækisins.
Verða að minnsta kosti þrír óháðir aðilar að standa á bak við hvert til-
boð.
3 Einkavæðinganefnd fer yfir tilboðin og flokkar þau. Þeir einstaklingarog hópar sem eru taldir uppfylla lágmarksskilyrði fá að gera bindandi
tilboð í Símann. Fá þeir í hendur enn ítarlegri upplýsingar úr rekstri
Símans til að geta unnið tilboðið.
4 Í júlí tekur ráðherranefnd um einkavæðingu ákvörðun um það, hverj-um Síminn verður seldur. Þá hefur einkavæðinganefnd flokkað tilboð-
in eftir verðtilboði, fjárhagslegum styrk tilboðsgjafa, reynslu hans af
rekstri fyrirtækja, framtíðarsýn og hvernig hann hyggst ná markmiðum
ríkisins um einkavæðingu.
5 Fyrir árslok 2007 skal bjóða almenningi og öðrum fjárfestum aðkaupa ekki minna en 30% af eignarhlut Símans. Þá á að skrá fyrir-
tækið á aðallista í Kauphöll Íslands.
EINKAVÆÐINGANEFND KYNNIR SÖLU SÍMANS Enginn má
eiga meira en 45 prósent í Símanum til ársloka 2007. Eftir það á
fyrirtækið að vera komið á aðallista Kauphallar Íslands og öll skil-
yrði um eignarhald falla niður. Þá skal vera búið að bjóða almenn-
ingi og öðrum fjárfestum 30 prósent af heildarhlutafé til kaups.
FR
ÉT
TA
B
LA
Ð
IÐ
/H
AR
I
Söluferli Símans
Helstu skilyrði
1 Enginn einn einstakur aðili máeignast meira en 45% hlut.
Það þýðir að þrír aðilar verða
að vera á bak við hvert tilboð.
2 Ekki minna en 30% af heildar-hlutafé Símans verði boðin al-
menningi og öðrum fjárfest-
um til kaups fyrir árslok 2007.
3 Síminn verði skráður á aðal-lista Kauphallarinnar að upp-
fylltum skilyrðum sem þar
gilda fyrir sama tíma.
4 Kjölfestufjárfestir fari ekki meðbeina eða óbeina eignaraðilda
í fyrirtækjum í samkeppni við
Símann hér á landi.
Úrvalsvísitalan hækkaði í gær
og hefur aldrei verið hærri.
FTSE vísitalan lækkaði um 0,35
prósent í gær. DAX vísitalan í
Þýskalandi lækkaði um 0,73 pró-
sent og í Japan lækkaði Nikkei
um 0,48 prósent.
Á næsta aðalfundi Líftækni-
sjóðsins, sem haldinn verður í
næstu viku, verður rætt hvort
afskrá eigi félagið úr Kauphöll Ís-
lands.
Marel tilkynnti í gær að félagið
hefði innleitt nýja alþjóðlega
reikningsskilastaðla. Við þetta
hækkar hagnaður félagsins árið
2004 úr 10,6 milljónum evra í
12,1 milljón.
Sigurður Gísli Jónsson, 25 ára
sjávarútvegsfræðingur, hefur verið
ráðinn framleiðslustjóri hjá
Vinnslustöðinni.