Atuagagdliutit - 07.03.1984, Síða 10

Tasiilaq Kitaanit
avissaassava?
Namminersornerullutik Oqartussat ajornartorsiutivut
aaqqiivigiumanngippatigik tamanna
periarfissaasariaqarpoq, Tasiilami borgmesteri Ole
Mathiassen oqarpoq
All. ass.: Roland Thomsen
(Fot.: L1L)-
— Innuttaasut Tunumi najugaqar-
tut ikiorserneqarnissaat pillugu
Namminersornerullutik Oqartus-
sat qanoq iliussamaarnerat pillugu
maannakkorpiaq akineqarumavu-
gut. Ukiumi ataatsimi marlunni-
luunniit utaqqisinnaanngilagut. U-
kiup naannginnerani akineqarluta-
lu suliffigineqalersariaqarpugut.
Ajornartorsiutittali qaangerneqar-
nissaat pillugu Namminersornerul-
lutik Oqartussat suleqataajuman-
ngippata taava Tasiilap kommunea
allanik aqqutissarsiortariaqarpoq
ajornartorsiutitta Namminersorne-
rullutik Oqartussat avataannit paa-
sineqarsinnaanerat aaqqinniarne-
qarsinnaanerallu anguniarlugu,
Tasiilap borgmesteria Ole Mathia-
ssen taama oqarpoq, aperineqara-
milu Tunu Kitaaniit avissaaruma-
sinnaanersoq akivoq: — Periarfis-
saq taanna ammatinneqartariaqar-
poq.
Aningaasatigut ajornartorsiortut
Borgmester Ole Mathiassen Atas-
summeersoq 1975-imi borgmesteri-
tut qinigaasoq ajornartorsiuterpas-
suaqarpoq. Oqarporlu:
— Kommune aningaasaqarniar-
nikkut ajornartorsiuteqartorujus-
suuvoq. Naak akileraarutit qaffa-
sinnerpaaffissaat angusimagaluar-
lutigu aammalu ingerlatsinikkut sa-
naartornikkullu ileqqaarniaqqis-
saaraluarluta innuttaasut naamma-
ginartumik sullinneq saperpavut. I-
laatigulluunniimmi inatsisitigut
piumasarisaasut minnerpaaffissaat
naammassineq sapertarpavut.
Tasiilap kommuneani inuit
2.700-iuupput illoqarfimmut nuna-
qarfinnullu kiisalu piniariartarfip-
paalunnut agguataarsimasut.
Kommunep 1984-imut aningaasar-
tuutissatut pilersaarutai 55,7 mio.
kr-iupput, taakkulu 26 pct-ii akile-
raarutitigut isertissanganeqarput.
Ataatsimoortumik tapiissutinit Ta-
siilap kommuneata siorna pissar-
siai 5 mio. kr-iupput.
Suunnginnerutitaasoq
— Misigisimaqaarput Kalaallit Nu-
naanni suunnginnerutitaasutut isi-
gineqarluta, borgmester Ole Mat-
hiassen oqarpoq. Avammmut atas-
suteqarniarnerput ajorluinnarpoq.
Qanittoq tikillugu Grønlandsfly ki-
simi periarfissaavoq — islandimiul-
lu Reykjavikimiit Ammassalimmut
timmisartuussisaleqqammerput —
Grønlandsflylu pisinnaariaraanga-
mi timmisartuussisarluni. Timmi-
sartuussisarneq tamanna isornarto-
qangaarmat innuttaasut tamarmik
piumasarigaluarpaat kisermaassi-
sussaatitaaneq taamaatinneqassa-
soq. Silarsuarmut avatangiisitsin-
nut atassuteqarniarneq taama ajor-
nakusoortigitillugu inuutissarsior-
nermik piorsaaniarneq ingerlatsi-
niarnerlu ajornaqaaq.
Tasiilami innuttaasut 60 pct-ii
unaqarfinni najugaqarput radiuk-
kut naalaamiarfiluttorujussuullu-
tik taamalu paasissutissanik pissar-
sineq ajungajallutik.
Tasiilarlumi aamma isumagin-
niffinnit nunamut tamarmut atuut-
tunit isumagineqarlugaaqaaq.
— Pissusissamisoorsorinanngi-
laq innarluutillit inissiisarfinni Ki-
taaniittuni Danmarkimiittuniluun-
niit inissinneqartarmata. Nammi-
nersornerullutik Oqartussat Tasii
lami isumagisarialinnut inissiisarfi-
liortuugaluarpata arlalitsigut oqili-
saanneqassagaluarpugut, borg-
mester Ole Mathiassen oqarpoq.
Ikioqqusut tusaaneqanngillat
— Naluneqanngilaq inuttaasut taa-
ma amerlatigut piniarnerinnakkut
aalisarnerinnakkulluunniit inuu-
tinniarneqarsinnaanngitsut. Innut-
taasut ullormut pissarsiorniartar-
nerat ajornakusoorneruleriartor-
poq. Tamanna ilaatigut takuneqar-
sinnaavoq ileqquusimanngikka-
luartut soorlu inuussutissanik til-
linniartarnerit nalinginnaaleriar-
tornerisigut, Ole Mathiassen oqar-
poq nangillunilu:
— 1981-imi isumaginninnermi
pisortaqarfik ilisimatipparput i-
nuussutissat amigaatigineqartut —
allaammi inuit kaattut — ikioqqul-
lutali kalerrisaaruterput akineqan-
igdloKarfiup pisoKartå Tasilame.
Den gamle bydel i Tasiilaq.
ngilaq. Pisortaqarfiup ajornartor-
siutit tamakku tusaajumanngilai
pissusiviusullu upperiumanagit.
Skjoldugen inuleqqinneqassaaq
Ukiuni kingullerni inuit 80-100-il
missaanniittut kommunemit tapiif-
figineqarlutik piniariarfinni ukii-
sarsimapput. Piniartarfinniittar-
nerli atuartitaanikkut, peqqinnis-
sakkut pilersugaanikkullu ajornar-
torsiutinik pilersitsisarpoq. Ilaqu-
tariittaaq inatsisitigut tunngaviusu-
tigut pisussaatitaaffitik annaasar-
paat soorlu assersuutigalugu qiner-
sisoqartillugu taaseqataasinnaa-
junnaartaramik.
— Skjoldungenip inuleqqinne-
qarsinnaanera misissuiffigaarput.
Ilaqutariit arfineq-pingasut nam-
minneq illuliorumallutik qinnute-
qaateqarsimapput — Tasiilamid
500 km-inik kujasinnerusumi.
Uagullu piniariartarfinniittar-
neq assartuisarnerlu aaqqissuus-
saanerusumik ingerlasalersinniar-
lugit suliniuteqalereerpugut-
Maannakkulli isumalluutit eqqar'
saatigissagaanni kommunep ava-
taaniit ikiorserneqanngikkuni su"
liassaq taanna kisimiilluni artussa-
vaa. Suliassat taakku iluarsinis-
saannut Namminersornerullutik O-
qartussaniit ikiorsiiffigineqartaria-
qarpugut. Tamatigulli aporfissin-
neqartarpugut. Ajornartorsiutivut
Namminersornerullutik Oqartus-
sat tungaanniit paasineqanngilluin-
narput, Ole Mathiassen naggasu-
voq.
HEJ
Jeg er en 30-årig dansk kvinde. Jeg bor i Godthåb og vil gerne i
kontakt med andre kvinder, der lige som jeg mærker savnet af ens
familie og bekendte. Jeg søger en eller flere gode veninder at mø-
des med i fritiden, når denne føles lang, til en kop kaffe og en god
sludder.
SKRIV til mig på adressen
BILLET MRK. 11, c/o AG, Box 39, 3900 Godthåb.
Reservedele til alt. ■
Mangler du reservedele
til biler, lastvogne, entre-
prenørmaskiner, trucks,
maskiner m.m. - så kontakt os.

Kontakt os før eller når
driftsproblemer opstår!
Så er du altid godt kørende.
GRØNLANDS AFD.
Skibshavnsvej - Box 433 - 3900 Godthåb - Tit. 23 213 - Telex 90626 Liwood
10 NR. 10 1984
ATUAGAGDLIUT1T