Atuagagdliutit - 20.06.1984, Side 11

Aalisartut raajanik
Aasiannut
tunioraalissapput
Taamaattumik Ilulissani kommunalbestyrelsep
akerleraa Aasianni raajaleriffiliornissaq
Ilulissani kommunalbestyrelse atu-
agaaqqiortitsisimavoq qulequta-
limmik »Aasianni raajanut suliffis-
sualiorniarnermi ajornartorsiutaa-
lersinnaasut pillugit atuagaaqqi-
aq«.
Atuagaaqqiami tassani allassi-
masut naapertorlugit Ilulissat kom-
munalbestyrelseata piumasaraa
Aasianni rajaaleriffiliornissamik
pilersaarutit allanngortinneqarnis-
saat. Raajaleriffiliornissamut taar-
siullugu siunnersuutigineqarpoq
aalisakkeriviliortoqassasoq aali-
sakkanik allanik nioqqutissiorfiu-
sussamik.
Qoqassiineq
Taamatut piumasaqarnermut tu-
nuliaqutaasoq tassaavoq Ilulissat
kommuneata misigisimanera qo-
qassineqarsimasutut— 1983imija-
nuarimi Diskobugtimi kommunet
kiisalu Namminersornerullutik
Oqartussat akornanni isumaqati-
giissutaasimasoq uniorlugu. Taa-
mani Ilulissat Qasigiannguillu aku-
ersisimapput Aasianni raajaleriffi-
liortoqarsinnaaneranut ukiumut
raajanik 2.000 tonsinik suliarinnif-
fiusinnaasumik. Kisiannili 1983-
imi ukiakkut Aasiaat kommunal-
bestyrelseata isumaqatigiissut taan-
na saneqquppaa, tassami Aasiaat
borgmesteriata Edvard Møllerip
nunatsinnut ministerimik Tom Hø-
yem-imik ataatsimeeqateqartilluni
kissaatigisimammagu ukiumut
4.000 tons sinnerlugu raajaleriffiu-
sinnaasumik fabrikkiliornissaq.
Aammattaaq Ilulissat Qasigi-
annguillu akuersinerminnut atatil-
lugu piumasaqaatigisimavaat raa-
janik tulaassisarneq pilersaarusior-
luarneqassasoq aammalu Ilulissani
Qasigiannguanilu raajarniutit pigi-
neqareersut nutarterneqassasut.
Illoqarfiit taakkua qulakkeeru-
suppaat raajat illoqarfiit taakkua
fabrikkiinnut tulaanneqartartut
ikilisinneqannginnissaat Aasianni
nutaamik raajaleriffiliortoqarne-
ratigut.
Maannali Ilulissani kommunal-
bestyrelse isumaqarpoq raajanik
tulaassuinerup pilersaarusiorluar-
nissaa ajornakusuulerlunilu ajor-
narsissasoq Aasianni fabrikkilior-
toqarpat ukiumut 4.000 tonsinik
raajaleriffiusinnaasumik. Ilulissa-
ni fabrikkinut marluusunut 1983-
imi raajat 6.000 tonsit tunineqarsi-
mapput, pisarineqartartullu ukiuni
kingullerpaani kinguariartulersi-
mapput.
Ilulissani fabrikkit marluusut —
KGH-ip fabrikkia kiisalu Ilulissat
Fiskeindustri — ataatsimut ukiu-
mut raajanik 9.000 tonsinik sulia-
rinniffiusinnaapput. KGH-llu fa-
brikkiani pisortaq Poul Bagger
oqarpoq nioqqutissiornerup mar-
loriaammik annertusisinnissaanut
periarfissaqarlutik.
Allilerneqarnissaa
annilaanngatigigaat
Aammattaaq Ilulissat kommunal-
bestyrelseata annilaanngatigaa uki-
uni aggersuni Aasiaat raajaleriffit-
taassaata suli allilerneqarnissaanik
piumasaqartoqalersinnaanera uffa
Diskobugtimi raajat pisarineqar-
tartut annikilliartoraluartut.
Atuagaaqqiami oqaatigineqar-
portaaq kutterit raajarniutit ullu-
mikkut Ilulissanut tulaassisartut
amerlanersaat Aasiannut tulaassi-
salerumaartut. Tassami raajaqar-
fiit amerlanersaat pissarsinarner-
saallu Aasiaat eqqaanniimmata.
Ilulissani fabrikkit marluk maa-
jip naaneraniit novemberimut
270-it 350-illu akornanni amerlas-
suseqartunik sulisoqartarput. Kisi-
annili januarimiit maajimut taa-
maallaat ataatsimut 150-it sulisori-
neqartarput.
Ilulissat raajat
pinngitsoorsinnaanngilaat
Ukiunut aggersunut Ilulissat kom-
muneata pilersaarusiaani atuarne-
qarsinnaavoq siunissami inissaqar-
niarnikkut inuutissarsiornikkullu
ineriartortitsinissami tunngavissa-
ritinneqarmat pinngortitap pisuus-
sutaanik iluaqutiginninniarneq
soorlu aalisakkanik, raajanik nioq-
qutissiassanillu allanik.
Kommunep siunissaanut Qeqer-
tarsuup tunuata imartaa pingaaru-
teqarluinnarpoq. Taamaattumillu
kommunep soqutigisaraa tamaani
aalisakkat raajallu pitsaanerpaa-
mik iluaqutiginiarneqarlutillu iller-
sorneqarnissaat. Taamaattumik
kommunalbestyrelsep kissaatigaa
tamaani aalisarneq pillugu aalaja-
ngigassanut pingaaruteqartunut
sunniuteqarnissani.
Diskobugtimi raajat 8.000 tonsit
Innuttaasut amerliartornerannut
tunngatillugu oqaatigineqarpoq in-
nuttaasut 18-iniit 59-inut ukiullit —
tassa sulisinnaasut — ukiuni agger-
suni amerleriarujussuarumaartut.
Ilulissani nioqqutissiornermut
tunngatillugu erseqqissarneqarpoq
tassani pisuussutinik iluaqutigin-
ninniarneq tamakkiusavilluni aali-
sarnermik aammalu raajanik qale-
ralinnillu suliarinninnermik tun-
ngaveqarmat.
Taakkunani pingaaruteqarner-
paavoq raajarniarneq tamakku-
ninngalu nioqqutissiorneq 70 pro-
centinik naleqartoq, tulleralugit
qaleralinniarneq kapisilinniarner-
lu.
Naatsorsuutigineqarpoq Disko-
bugtimi ukiumut amerlanerpaamik
raajat 8.000 tonsit pisarineqarsin-
naasariaqartut. Taamalu amerlati-
gisut Ilulissani fabrikkit pioreersut
suliarisinnaavaat namminneq.
Taamaattumik Ilulissani kom-
munalbestyrelse isumaqarpoq aali-
sartut Ilulissani najugaqartut Di-
skobugtip eqqaani »raajakarsi-
mik« ilangeeqataasariaqartut,
aammalu Diskobugtip kitaani ku-
jataatalu kitaani raajaqarfiit sullat-
saaliorneqartariaqartut.
Nioqqutissiorneq
sisamariaatinngorsimavoq
Ilulissani sulisut 40 procentii aali-
sartuupput, piniartuupput fabrik-
kinilu sulisuullutik. Innuttaasut
amerlanersaat aalisakkanik nioq-
qutissiornerup toqqaannartumik
inuussutissaqartippai.
1970-ikkunni nioqqutissiornik-
kut siuariartornerup takutippaa aa-
lisarneq aningaasarsiornikkut ine-
riartornermut annerpaamik tun-
ngaviusimasoq. Raajartat pingaso-
riaammik/sisamariaammik amerli-
simapput, aalisagartallu tallimari-
aammik. Kisiannili piffissami tas-
sani aalisartut sulisartullu amerlas-
sutsimikkut allanngungaarsiman-
ngillat, taamaattumillu sulisup
ataatsip suliassaqarnera annertusi-
simalluni. Agguaqatigiissitsigaanni
sulisoq ataaseq 1969-imut naleqqi-
ullugu raajanik sisamariaammik
tallimariaammilluunniit suliassa-
qarnerulersimavoq.
Atuagaaqqiami oqaatigineqar-
poq taamaakkaluartoq 1980-ik-
kunni tamatuma assinganik siuari-
artoqarnissaa ilimagineqassanngit-
soq. Ilaatigut pissutigalugu Disko-
bugtimi raajat iluaqutigineqarnerat
annerulissannginnguatsiarmat, i-
laatigullu pissutigalugu aalisarnik-
kut suliffissuaqarneq atuutilereer-
simammat.
Raajat Ilulissanut
Qasigiannguanullu
Kommunalbestyrelse isumaqar-
portaaq raajanik nioqqutissiorneq
imatut isumannaallisartariaqar-
toq: Siullermik Diskobugtip raajai
Ilulissani Qasigiannguanilu fabrik-
kinut inniminnerlugit. Aappassaa-
nik, Diskobugtip avataatungaani
»raajakarsimi« raajartassat tamaa-
sa Diskobugtimi fabrikkinut inni-
minnerlugit.
Ilulissani fabrikkit saniatigut
Qasigiannguani Qeqertarsuarmilu
raajaleriffeqarpoq. Qeqertarsuar-
mi fabrikki akuerineqangajalerpoq
allilernissaminut, taamaalilluni
ukiumut raajat 2.000 tonsit suliari-
sinnaanngussallugit. Qasigianngu-
ani fabrikki allanngortiterneqarsi-
mavoq taamaalilluni piffissaq sivi-
kinnerusoq atorlugu raajalerisin-
naanngorluni. TV-iikkut aallakaa-
titami oqaatigineqarpoq Qasigi-
annguani fabrikkip ullup unnuallu
ingerlaneranni raajat 80 tonsit suli-
arisinnaagai, tamatuma assigai Di-
skobugtimi raajartassat tamarmik
ukiumut.
Aamma Qasigiannguit kommu-
neat atuagaaqqiortitsivoq Aasianni
raajaleriffittaassap Qasigianngua-
nut qanoq kinguneqarnissaa pillu-
gu.
Officielt
Under 24. maj 1984 er der i Aktiesel-
skabs-registeret, Afdelingen for Anparts-
selskaber optaget følgende ændringer ved-
rørende »NORDGLAS ILULISSAT
ApS« af Jakobshavn:
Schøbel & Marholt De forenede Revisions-
firmaer er fratrådt som, og Dieter Hugo
Fritz Zillmann, Jørgen Sverdrupsvej 34,
3952 Jakobshavn, Grønland, er valgt til
selskabets revisor.
POLITIMESTEREN I GRØNLAND
Godthåb, den 11. juni 1984.
ATUAGAGDLIUT1T
NR. 25 1984 1 1