Atuagagdliutit - 07.09.1992, Page 16
Suliniutissat nutaat
Kalaallit Røde Korsiata suliniutigiligassaanut aal-
larnisaatitut Dansk Røde Kors tassani ilaasortaa-
lerumaartunik pingasoriarluni pikkorissartitsis-
saaq.
Kalaallit Røde Korsiannik pilersitsineq malunnar-
tinniarlugu Dansk Røde Korsip aaqqissuussaanik
septemberip tallimaata missaani pingasoriarluni
Nuummi pikkorissartitsisoqartassaaq.
Pikkorissartitsinerit imaat Kalaallit Røde Korsiata
suliniutigisalerumaagassaanut sammisuusussaapput
taamalu ilaasortat Røde Korsimi sulilluarnerunis-
saannut kaj umissarutaasussaallutik.
Pulaartartoqarneq
Pingaarnerutillugu Røde Korsip innuttaasunik sullis-
sinera pikkorissartitsissutigineqassaaq. Tassanilu u-
toqqarnut, innarluutilinnut kiserliortunullu pulaar-
tartoqarneq pingaarnerutinneqassaaq.
Kiserliorneq Danmarkimi malunnartorujussuuvoq,
tamatumunngalu Røde Korsip pulaartartoqarfiata u-
kiuni 25-ini atuussimanermini maanna 7000-inik pu-
laartartuuteqalersimanera takussutissaavoq. Piu-
massutsiminnik pulaartartuusup ataatsip kiserlior-
toq inoqatiminillu takusaqarneq ajortoq ataaseq i-
kinnerpaamik sapaatip akunneranut ataasiarluni pu-
laagassarisarpaa.
Qularutigineqanngilaq Kalaallit Nunaannissaaq ki-
serliortut ikiorserneqartariaqartoq, apeqqutaavorli
tamanna qanoq aaqqissuunneqassanersoq. Tamanna
pikkorissarnermi oqaluuserineqareerpat peqataasut
angerlarunik ingerlateqqittussaassavaat. Pisariaqar-
titsineq tamani assigiinngilaq, pisariaqarnerpaaffii-
nili Kalaallit Røde Korsiat suleqatissarsiorluni qanoq
iliuuseqarniartariaqarpoq.
Ikinngutigiilerfiit
Røde Kors silarsuarmi tamarmi suliniaqatigiiffiuvoq,
tamannalu pikkorissarnermi sammisassat ilaasigut
malugineqarsinnaavoq, tassani pineqassammat Røde
Korsip nunani tamani suliniarnera ikinngutitullu su-
leqatigiinnermut peqataanissamut periarfissat.
Suliniutit ataatsimut »Ikinngutigiilerfissaq«-mik
taaguuserneqarsimasut aqqutigalugit Dansk Røde
Kors ukiuni arlalinngortuni iluatsilluartunik suliniu-
teqartarsimavoq. Tassuunakkut immikkoortoqarfiit
aningaasatigut tapiissuteqarnermik saniatigut peqa-
taasut atassuteqaqatigiinniarnerannut iluaqutaasus-
sanik ineriartortitsiniartarsimapput — Røde Korsip
immikkoortoqarfiisa piumassutsiminnillu peqataa-
sut akisussaaffigisaannik.
Taamaaliornikkut ikiorsiiniarnermi periarfissat nu-
nanilu ineriartortitassani innuttaasut ulluinnarni
inuuniarnermi atugassarisaasa ilisimasaqarfigineru-
lernissaannut periarfissiisoqarluartarpoq.
Ataqatigiilernikkut paaseqatigiittoqartarpoq ta-
mannalu tikeraarfigeqatigiittarnikkut ilisimatusaqa-
tigiittarnikkullu pitsanngorsarneqartarpoq. Inuiaqa-
tigiit assigiinngitsut paaseqatigiinnerulernissaat
Røde Korsip anguniagaasa ilagaat, tamannalu sooru-
nalimi aamma Kalaallit Nunaata nunanik allanik ilisi-
masaqarnerulernissaanut Kalaallillu Nunaata nunani
allani ilisimaneqarnerulernissanut iluaqutaasussaa-
voq.
Nunatsinnut iluaqutaasumik
Kalaallit Nunaata Rødekorsia pilersinneqarpat Ka-
laallit Nunaanni namminermi Dansk Røde Korsimillu
suleqatiginninnissaq nutaamik ilusilersorneqassap-
put. Pikkorissarnermi »Røde Korsip isumaa aaqqis-
suussaaneralu«-mi nunatsinni sulinerup qanoq aaq-
qissuunneqarsinnaanera illoqarfinnilu siulersuisut
suliassanik qanoq aaqqissuussisarnissaat oqaluuseri-
neqassapput. Suliassammi immikkoortoqarfinni illo-
qarfinniittuni aallartinneqartartussaapput.
Aningaasaateqarfiit suliffeqarfiillu arlallit, pi-
ngaartumillu SASip Grønlandsflyllu billettit akiinik
apparsaanerisigut pikkorissartitsinissat tamakku
piviusunngortinneqarsinnaalersimapput. Tipsertitsi-
sarfik pikkorissartitsinermut tamatumalu kingorna
innuttaasunik sullissinerup aaqqissuunneqarnissaa-
nut aningaasaliissuteqangaatsiarsimavoq. Det Kon-
gelige Grønlandsfond aamma Kong Frederik og
Dronning Ingrids Fond aaqqissuussinerup iluarsaan-
neqarnissaannut tapiissuteqarsimavoq.
Dansk Røde Korsilu Danidap nunani tamani qaam-
marsaataasumik pikkorissartitsinermut aningaasaa-
teqarfianiit tapiiffigineqarsimavoq.
utaaq Carlsberg
imeersoq.
Akikinneri
'SAMii /»„,/lJASSi
3,6 et en ny pilsner fra Carl
Dén smager som (Jen, du k