Atuagagdliutit - 03.12.1998, Side 7

GRØNLANDSPOSTEN
SISAMANNGORNEQ 3. DECEMBER • 7
Nuummi aallaaniaq ataaseq
43-nik tuttussimavoq -
unioqqutitsinani
Nuup Kommuneani tuttut quliugaangata sisamat
tuttunniarnissamut allagartaqanngitsunit
pisarineqarsimapput
Amitsuarsummi Nuup Kommuneata piniamermik nakkutilliisuisa tuttu una marlunnik ukiulik
aallaaneqarsimalluni qimaannagaq nassaaraat.
I Amitsuarsuk fandt Nuup Kommuneas jagtbetjente dette 2-årige rensdyr skudt - og efterladt.
Nuummi piniamermut
nakkutilliisup tuttut
qimaannakkat nassaarisarpai
Nuup Kommuneani sanilitik unioqqutitsillutik
tuttunniartut oqaatigisarsimavaat
NUUK(KK) - August/sep-
tember tuttunniarnerup na-
laani Nuummi tuttunniartup
ataatsip 43-t pisarisimavai.
Aallaaniarlu inatsisinik u-
nioqqutitsinngilaq.
Allat aavariarusunngitsut
tuttutassaralui pisinnaatitsi-
nikkut pissarsiarisimavai.
Saniatigooralugu aallaani-
artartut ilarpassui isumaqar-
put aallaaniap ataatsip 43-nik
tuttussinnaanera iluarinngi-
vippaat, uffa taama amerlati-
gisut aavariarsinnaanngitsut.
Nuup Kommuneani erseq-
qissaatigineqarpoq uppemar-
sameqarsinnaanngitsoq aal-
laaniap tuttutassiissutit aki-
leitarsimanerai.
Aallaaniamulli taama aa-
varluartigisumut aningaasan-
nassutaalluarsimassaaq.
Nuummi aalisartut piniar-
tullu peqatigiiffiata nalilerpaa
tuttu ataaseq agguaqatigiis-
sillugu 4000 kronit nalinganut
tuniniameqarsinnaasoq.
Taamaalilluni aallaaniap
tuttut 172.000 kronit nalingi-
nut tuttussimavoq.
Ajorpianngilaq, aallaanial-
li ataatsip inatsisinik unioq-
qutitsinani 43-nik tuttussin-
naanera ingasappoq, saniati-
gooralugu aallaaniat hundre-
derpassuit tuttunniarsinnaan-
ngitsut, tamannalu tuttutas-
siisameq pillugu oqallinner-
mik sakkortusaataaqataavoq.
Kommunimi oqallinneq
Nuup Kommuneani sulif-
fissaqartitsiniarnermut i-
nuussutissarsiomermullu im-
mikkoortortaqarfik 15. au-
gustimit 10. septembarimut
kommunimi tuttunniarneq
pillugu nalunaarusiorpoq.
Nalunaarusiaq sapaatip a-
kunnerani kingullermi kommu-
nalbestyrelsimut saqqummi-
unneqarpoq, oqallinnertaqan-
ngitsumillu akuerineqarpoq.
Suliffissaqartitsiniamermut
inuussutissarsiomermullu a-
taatsimiititaliaq Vittus Holm,
Siumut, siulittaasoralugu u-
kioq manna tuttunniarnermi
misilittakkat najoqqutaralu-
git, aappaagumut tuttunniar-
nissami sakkortusaanissaq o-
qallisissiariniarpaat, Nuup
Kommunea 1999-imi 12. fe-
bruar ataatsimeeqqaarpat.
Kommunalbestyrelsi aala-
jangersinnaavoq piniarner-
mut naalakkersuisumut Paa-
viaaraq Heilmannimut saaf-
figinnissanerlutik, tuttut eq-
qissisimatitaasarnerat piniar-
neqartarnerallu pillugit nalu-
naarusiamik allannguutissa-
nik siunnersuuleqarlutik.
Qularutissaanngilaq pisaq
ugguunannguaq nipangiun-
neqassanngitsoq.
1.620-t agguaanneqarput
1998-imi Nuup Kommunea-
ni tuttunniarneq ukiunut siu-
liinut naleqqiullugu allaaner-
mik ingerlavoq.
Nuup Kommunea nammi-
nersornerullutik oqartussanit
1.120-nik tuttutassinneqar-
poq. Kapisilinni tuttuutile-
qatigiit matunerata kingoma
kommuni tuttunik »nujuitsu-
nik« 500-nik Itinneraneersu-
nik qaavatigut tuttutassinne-
qarpoq. Tuttut nujuitsut taak-
ku nujuartanngorsimapput.
Nuup Kommuneani inuus-
sutissarsiutigalugu piniartut
149-t saniatigooralugulu aal-
laaniartartut 1.620-nik tuttu-
tassinneqarput.
Taakkua 75 procentii, tut-
tut 1.078-it, inuussutissarsiu-
tigalugu piniartunut 25 pro-
centillu, tuttut 542-t, saniati-
gooralugu pinialuttartunut
agguaanneqarput.
Taama agguaassinermi i-
nuussutissarsiutigalugu pini-
artut namminersornerullutik
oqartussanit arfineq marlun-
nik tuttutassinneqarput, sani-
atigullu kommunimit tuttu-
nik nujuitsunik »nujuarta-
nik« pisassinneqarlutik, ka-
tillugit qulingiluat.
Saniatigooralugu aallaani-
artartut pissangaqalutik
Nuummi katersortarfimmi
borgmester Agnethe David-
senip marloriarluni makit-
sineratigut pisassinneqarput.
Saniatigooraluguli pinia-
luttartut tuttutassineqartut a-
merlaqisut, imaluunniit i-
nuussutissarsiutigalugu pini-
artut, namminneq tuttunnian-
ngillat.
T aarseraannersuaq
Tuttut eqqissisimatittarneri
piniartarnerilu pillugit nam-
minersornerullutik oqartus-
sat nalunaarusiaat nr. 11, 26.
marts 1998-imeersoq malil-
lugu tuttunniarnissamut aku-
ersissut inuup aqqanik taasil-
luni tunniunneqartussaavoq,
akuersissullu allanut tunini-
aqqusaanani.
Tuttutassinneqartut, tut-
tunniamianngitsulli, piaartu-
mik akuersissut kommuni-
mut utertittussaavaat, aggu-
aasseqqinnermi atortussan-
ngorlugu.
Akuersissulli allamut pisin-
naatitsinikkut allamut pini-
arsinnaatitaasumut 1. maj
1998 tikitsinnagu allagarta-
mut akileereersimasumut tun-
niunneqarsinnaavoq, akuer-
sissummut ateq alla allallugu.
Tamannalu Nuummi ator-
luarneqarsimavoq. Tuttut qu-
liugaangata sisamat akuersis-
suteqartunit pisarineqartarsi-
manngillat.
Taaneqareersutut Nuup
Kommuneani 149-nik inuus-
sutissarsiutigalugu piniarto-
qarpoq, taakkunanngali 35-t
tuttut 245-t namminersome-
rusut agguaassaannik pisas-
sallit allanut tunniussisimap-
put, piniartullu 14-it kommu-
nimit tuttunik nujuitsunik
»nujuartanik« 24-nik pisas-
sinneqarsimasut allanut tun-
niussipput.
Pisinnaatitsissutinik kater-
suisinnaatitaaneq atorlugu
inuussutissarsiutigalugu pi-
niartoq ataaseq 43-nik tuttus-
simavoq, piniartorlu alla 40-
nik tuttussimalluni.
Nuup Kommuneani »pi-
sassinneqamerpaat« katillu-
git 83-inik tuttupput, aggua-
qatigiissillugu 4.000 kroni-
nik nalillit katillugit 332.000
kroninnassutigisinnaasimal-
lugit.
Akiliisarsimanerpat?
Suliffissaqartitsinermut i-
nuussutissarsiomermullu in-
gerlatsiviup nalunaarutaata
apeqquserpaa inuussutissar-
siutigalugu piniartut ilumut
149-uussanersut, piniartut
taama amerlatigisut akuersis-
sutitik allanut tunniussinnaa-
simammatigit.
Saniatigooralugu pinialut-
tartut tuttutassaat nammi-
nersornerusunit tunniussat
70-it, kommunimillu tunni-
ussat 65-it allanut tunniussi-
mavaat.
Tuttutassat 135-t allanut
tunniunneqarsinnaanerannut
peqqutaavoq ilaqutariinni a-
taata, anaana qitornallu pi-
ngasut 12-t sinnerlugit ukiul-
lit piniamermut allagartanik
tallimanik 30 kronikkaartu-
nik pissarsisinnaammata,
taamaalillutuillu tuttunniar-
nissamut qinnuteqaatit talli-
mat nassiussinnaallugit.
Saniatigooralugu pinialut-
tartut tuttutassaat nuliaasut
qitornaasulluunniit pissarsia-
risarpaat, kingornalu ataata-
mut pisinnaatitsissut iluaqu-
tigalugu tunniussisarlutik.
- Pisinnaatitsissutit tunini-
ameqartarsimanersut erseq-
qissumik uppernarsaatissa-
qanngilaq, Nuup Kommune-
ani tuttunniarneq pillugu na-
lunaarusiami allassimavoq.
Nalunaarusiamili allassi-
mavoq tusaamanartoq akuer-
sissutit tuniniameqartarsima-
sut - soorlu 1979-imit 1982-
imut imigassaq killilersorne-
qarmat pointinik tuniniaaso-
qartartoq.
- Tuttutassiissutit tuniniar-
neqartarsimanersut upper-
narsaatissaqartinngilarput,
Suliffissarsiuussinermut I-
nuussutissarsiomermullu pi-
sortaq Thomas Isbosethsen
AG-mut oqarpoq.
- Ingerlatsivilli tuttunniar-
nerup nalaani sianerfigitittar-
poq tuttutassiissutit pisiari-
sinnaanerinut tuniniarsinnaa-
nerinulluunniit malittarisas-
sanik tusamiaasunik. Erseq-
qissartarparput akuersissutit
niuerutiginissaat inerteqqu-
taasoq, akuersissutillu atun-
ngitsuukkat kommunimut u-
tertinneqassasut.
- Sianertut kinaassutsimin-
nik nalunaartanngillat, ma-
lunnarporli tuttutassiissutit
1.000 kronilerlugit tuniniar-
neqakkajuttut, Thomas Isbo-
sethsen oqarpoq.
NUUK(KK) - Nuup Kom-
muneani piniamermut nak-
kutilliisoq Vittus Nielsen
august/september kommuni-
mut tuttutassiissutit 1,625-t
nakkutilliiffiginiarlugit kan-
gerlummi angalaaraangami
tuttorpassuit toqungasut
naammattoortarsimavai.
Tuttorpassuit qimaannak-
kat ilaat arfineq marluk assi-
lineqarput. Assilissatigut up-
pemarsaatit Suliffissarsiuus-
sinermut Inuussutissarsior-
nermullu ingerlatsiviup
1998-imi tuttunniarneq pillu-
gu nalunaarusiaani ilanngun-
neqartut attortinnarput.
- Tuttut quttoraaginnarlu-
gillu oqaaginnarlugillu qi-
manneqartarsimapput, Vittus
Nielsen oqaluttuarpoq.
Nuup Kommuneata piniar-
nermik nakkutilliisuutaata
taama aallaaniartartut paka-
sarsinnaasimanngilai.
Taamaattumik oqaatigiu-
minaatsippaa akuersissutillit
taamaaliorsimanersut, ima-
luunniit unioqqutitsilluni aal-
laaniartoqarsimanersoq.
Taama aallaaniartarneq
nakkutilliisup avoqqaari-
ngaarpaa, Nunatsinni aallaa-
niarnermi ileqqunut unioq-
qutitsilluinnartuusoq.
Kinguneqanngitsumik
ujarlemeq
- Tuttunniarsinnaanerup 15.
august aallartittussap ippas-
saani aallaaniaq ataatsimik
tuttuppoq, politiinullu nalu-
naarutigineqarluni, Vittus
Nielsen oqaluttuarpoq.
Tuttunniarnerup nalaani
nakkutilliisut aamma kalaali-
mineerniarfiit sissamilu put-
tasut nakkutigisaraat.
- Tuttut 723-t misiligutitut
misissorpagut, tamarmillu
unioqqutitsinertaqanngitsu-
mik pisaapput, kommunip
naqissutaanik ilisarnaasik-
kat, Vittus Nielsen oqarpoq.
Aaffarmili ajorluinnarpoq,
nakkutilliisut tuttut aallaasat
qimaannakkalli nassaarisar-
lugit.
Nakkutilliisut Paattusoq-
mi tuttu toqungasoq nutaajo-
ruttormat Nuummi Utoqqaat
llluannut tunniunneqarpoq.
Tusaamanarporlu Paattu-
soq-p eqqaani tuttut qulingi-
luat aallaaneqarsimasut qi-
maannakkat.
Vittus Nielsen ikiortillu
pingasut 26. august takunia-
apput, nassaarnatilli. Tulliani
6. september Paattusoq-mut
takuniaaqqittoqarpoq kingu-
neqanngitsumilli.
- Angut tuttunik naammat-
tuuisimasoq umiatsiaminik
takusaaqataaniarluni nerior-
suigaluarami takkutinngit-
soorpoq, Vittus Nielsen
oqarpoq.
- Tuttut nassaarerusukka-
luaratsigit, allaat Kangiusap
eqqaani tatsit eqqaannut al-
laat ujaasigaluarpugut.
Sianertamerit
Saniatigooralugu pinialuttar-
tut 542-t Katersortarfimmi
makitsinikkut tuttutassinne-
qartut aqqi AG-mi saqqum-
miunneqarput, Kommunillu
Intemet-ianut aamma ilann-
gunneqarlutik.
Nalornissutigineqanngilaq
kikkut tuttunniarsinnaasut
kikkullu tuttunnianngitsoor-
tut.
- Tuttunniarnemp nalaani
aterminnik taasinatik siam-
guttut amerlaqaat unioqqu-
titsillutik tuttunniarsimasu-
nik oqaatiginnittunik, Vittus
Nielsen oqaluttuarpoq.
- Sianertut tamarmik ater-
minnik taasinngillat, misis-
suiffigaavulli. Oqaatiginnin-
nerilli tunngavigalugit uni-
oqqutitsilluni tuttunniarsima-
nernik uppemarsaatissaqann-
gilagut.
- 1997-imut naleqqiullugu
ukioq manna aallaaniat niue-
qatigiilluarput, tuttussinnaa-
nermut allagartanut allaat,
piniamermik nakkutilliisoq
Vittus Nielsen naliliivoq.
Tuttorpassuit
- Ukioq manna Nuup Kom-
muneani tuttutassat amerli-
galuartut tuttut ikilinngillat,
pingaartumik tuttut nujuitso-
qarfinni, Vittus Nielsen kan-
gerlummi maluginiagarpas-
suani tunngavigalugit nalilii-
voq.
- Kangerluup sineriaani
naasoqarluarpoq, malugini-
arparpulli timaani naasut
tamangajammik mangiarne-
qarsimasut, Vittut Nielsen
oqarpoq.
- Tamatumunnga peqqu-
taavoq tuttut neriniartut a-
merlavallaalersimammata.
Taamaattumik pitsaanerussa-
galuarpoq aappaagu tuttutas-
sat 1998-imut naleqqiullugit
amelanerugaluarpata
Danmarks billigste billeje!
Model eksempler
1 uge
1 md.
Fiat Punto 1,2,5-d.......1.800.- 4.500.-
Ford Escort 1,6,5-d......1.900.- 4.750.-
Ford Mondeo 1,8 St.car 2.350.- 6.950.-
Tilbudene er gældende for lejemål som er påbegyndt efter d. 15. august 1998!
Alle priser er incl. moms. 1100 km uge. 4000 km nul. (uld forsikring
og fri levering overall i Danmark.
r M A m
i • i « ■ å ^
I
^ J*■■■■■
Molmarksvej 159
DK - 5700 Svendborg
TH.: + 45 62 21 81 44 - Telefax: -f 45 62 21 81 43 - E-mail: taxfreecars i* post.tclc.dk
ASS./ FOTO: NUUP KOMMUNEA VITTUS NIELSEN