Fréttablaðið - 15.08.2006, Blaðsíða 2

2 15. ágúst 2006 ÞRIÐJUDAGUR
OPIÐ HÚS
Opið hús í nýju húsnæði að Laugavegi 116, 2. hæð kl. 17:30 – 19:00
Allir velkomnir
Innritun hefst 21. ágúst – 1. september alla virka daga frá kl. 13:00-18:00
Domus vox Laugavegi 116, 105 Reykjavík sími 511-3737,
GSM 893-8060, www.domusvox.is,domusvox@domusvox.is
Söngskólinn
FERÐAMENN Frá næstu áramótum
verður farið að telja ferðamenn
frá fleiri löndum en áður hefur
verið gert.
Nú eru taldir sérstaklega ferða-
menn frá sextán löndum og aðrir
flokkaðir undir „önnur lönd“. Frá
áramótum verður fjórum löndum
bætt við og er Kína þar á meðal.
Magnús Oddson ferðamála-
stjóri segir fá, ef nokkur lönd,
hafa jafn nákvæman gagnagrunn
um erlenda ferðamenn og Ísland.
Magnús segir þennan gagnagrunn
mikilvægan í allri markaðs- og
kynningarvinnu ferðaþjónustunn-
ar á erlendum mörkuðum. -hs
Meiri flokkun ferðamanna:
Fjórum lönd-
um bætt við
BANDARÍKIN, AP Bandarísk kona
sem óttaðist að kærastinn myndi
yfirgefa hana á meðan hún lá veik,
tók til þess ráðs að lána honum
fimmtán ára gamla dóttur sína til
afnota í rúminu. Parið og stúlkan
skrifuðu undir samning þess efnis,
en í staðinn átti stúlkan að fá föt
og líkamsgötun.
Upp komst um málið eftir að
stúlkan sagði frá samningnum, en
þá hafði kærasti móður hennar
haft mök við hana um 20 sinnum.
Konan og kærastinn, sem er 37
ára, hafa verið ákærð fyrir grófa
misnotkun á stúlkunni. Móðirin
hefur verið leyst úr haldi, en mað-
urinn situr inni fyrir aðild sína að
málinu. - smk
Bandarísk móðir:
Lánaði kærast-
anum dótturina
FERÐAMENN Ferðamenn frá fleiri löndum
verða taldir sérstaklega.
HVALVEIÐAR Hvalur 9, eitt hval-
veiðiskipanna sem legið hafa við
Ægisgarð í Reykjavíkurhöfn und-
anfarin ár, fer í slipp síðar í þess-
ari viku í fyrsta sinn í sautján ár
eða síðan 1989, að því gefnu að
pláss losni hjá Stálsmiðjunni í
Reykjavíkurhöfn.
Kristján Loftsson, fram-
kvæmdastjóri Hvals hf., sem er
eigandi skipanna, segir engin rök
til fyrir því að hefja ekki hvalveið-
ar í atvinnuskyni hér við land.
„Stofninn hér við land er í miklu
betra ásigkomulagi núna heldur
en þegar við vorum að veiða,“
segir Kristján. „Það er hægt að
veiða hval hér við land til eilífðar
ef veiðunum er stjórnað skynsam-
lega.“ Að sögn Kristjáns er stór
markaður fyrir hvalkjöt erlendis,
bæði í Japan og Noregi. Hann
segir að ýmsir fyrirvarar sem
settir voru fyrir inngöngu Íslands
í Alþjóðahvalveiðiráðið séu runnir
út og því sé ekkert því til fyrir-
stöðu að leyfa hvalveiðar hér við
land í atvinnuskyni, og því var
ákveðið að ráðast í að kanna ástand
hvalveiðiflotans.
„Þegar skip eru búin að liggja
svona lengi þarf heilmikið að gera
eins og gefur að skilja,“ segir
Kristján. „Skipið hefur ekki farið í
slipp síðan 1989, eða í sautján ár,
og við viljum sjá í hvaða ástandi
skipið er þessa stundina.“
Til þess að fá haffæri þarf skip-
ið að fara í klössun, þar sem botn-
inn er yfirfarinn, þykktarmældur
og þar fram eftir götunum. Skip
þarf öllu jöfnu að fara í klössun á
fjögurra ára fresti, en eins og áður
segir eru sautján ár frá því að
skipið fór upp á þurrt land. „Þetta
er heilmikil vinna. Það þarf að
öxuldraga og taka stýrið niður og
annað slíkt til að koma því í horf-
ið og það má vel reikna með að
skipið verði rúmar þrjár vikur í
slipp,“ segir Kristján.
Kristján segist ekki hafa gert
upp hug sinn hvort eða hvenær
hin hvalveiðiskipin fari í slipp,
hann segist ætla að bíða og sjá í
hvernig ástandi Hvalur 9 er, en
skipið er yngst skipanna fjög-
urra, smíðað 1952 og er því 54 ára
gamalt.
Kostnaðurinn við að halda
flotanum í skikkanlegu ásig-
komulagi yfir árin hefur verið
verulegur að sögn Kristjáns. „Ég
er búinn að eyða óhemju fjár-
munum í þennan rekstur og
myndi örugglega bilast ef ég færi
að velta því fyrir mér. Það kostar
auðvitað að halda þessu við eins
og allt annað hér á landi,“ segir
Kristján. „Það kostar allt hér á
landi nema víxileyðublöðin í
bankanum,“ segir Kristján og
hlær.
Að sögn Kristjáns hefur hann
ekki fengið vilyrði fyrir kvóta.
aegir@frettabladid.is
Hvalur 9 tekinn í
slipp síðar í vikunni
Eitt hvalveiðiskipanna fjögurra sem legið hafa í Reykjavíkurhöfn undanfarin ár
fer í slipp síðar í þessari viku, í fyrsta sinn í sautján ár. Framkvæmdastjóri Hvals
hf., kveðst bjartsýnn á að hvalveiðar í atvinnuskyni hefjist fljótlega.
FLUGSAMGÖNGUR Icelandair hefur
ákveðið að breyta reglum um
hámarksþyngd farangurs á áætlun-
arleiðum félagsins. Tilmælum er
þó enn beint til farþega að tak-
marka handfarangur eins og auðið
er.
Kílóafjöldinn sem hver farþegi
má ferðast með hefur verið aukinn
úr 20 kílóum í 23 kíló og farþegi
borgar nú 750 krónur fyrir hvert
aukakíló umfram heimildina. Flug-
félagið vekur athygli á að um tíma-
bundna lækkun gjalda er að ræða.
Fyrir sérfarangur eins og golf-
sett, reiðhjól, skíði og annan íþrótta-
farangur sem fer yfir 23 kíló, greið-
ist eitt gjald, 2.500 krónur. - æþe
Reglum um farangur breytt:
Farangur má
nú vega 23 kíló
BRETLAND, AP Yfirvöld í Bretlandi
lækkuðu í gær viðbúnaðarstigið
vegna yfirvofandi hryðjuverka-
hættu lítillega. Ákvörðunin veitir
langþreyttum flugfarþegum kær-
komnar tilslakanir frá þeim
hámarksöryggisráðstöfunum
sem gripið var til er upp komst
fyrir helgi um áform um að
granda allt að tíu farþegaþotum í
flugi milli Bretlands og Banda-
ríkjanna.
Tilslakanirnar voru þó ekki
miklar og ferðalangar þurftu enn
að sætta sig við langa bið við
öryggishlið og innritun, auk þess
sem miklar tafir urðu á mörgum
flugleiðum og um einni af hverj-
um tíu áætlunarflugferðum var
aflýst.
Rannsóknin á hryðjuverkasam-
særinu beindist í gær meðal annars
að velgjörðarsamtökum í Pakistan,
sem sagt var að gætu hafa átt þátt í
að fjármagna áformin. Var líkum
að því leitt að féð væri komið úr
sjóðum sem ætlaðir voru til að
standa straum af neyðaraðstoð
vegna jarðskjálftanna miklu í Pak-
istan. Dómstóll í Lundúnum fram-
lengdi gæsluvarðhald yfir þeim 23
sakborningum sem í haldi eru,
grunaðir um aðild að samsærinu.
Lækkun viðbúnaðarstigsins
þýðir það að flugfarþegum á
breskum flugvöllum er nú heimilt
að taka með sér eina litla tösku í
handfarangur. Fartölvur, vasa-
diskó og bækur voru einnig heim-
ilaðar á ný. - aa
Viðbúnaðarstig vegna hryðjuverkahættu lækkað í Bretlandi:
Handfarangur heimilaður á ný
LÖNG BIÐ Flugfarþegar á Heathrow-flug-
velli bíða eftir innritun í gær. FRÉTTABLAÐIÐ/AP
KRISTJÁN LOFTSSON, FRAMKVÆMDASTJÓRI HVALS HF. Hvalveiðiskipið Hvalur 9 fer í fyrsta
skiptið í sautján ár í slipp í vikunni. Kristján er vongóður um að hvalveiðar í atvinnuskyni
hefjist á næstunni. Hvalur 9 er skipið í bakgrunni. FRÉTTABLAÐIÐ/GVA
SPURNING DAGSINS
Guðjón, ykkur hefur ekki
langað að taka annan hring?
„Nei takk, ekki nema KB Banki heiti
því að stofna útibú í Tógó og borga
öllum sömu laun þar og þeir gera hér.“
Guðjón Heiðar Valgarðsson hjólaði hringinn
í kringum landið ásamt tveimur félögum
sínum til að styrkja Spes-samtökin sem
vinna að því að koma upp og reka heimili
fyrir munaðarlaus börn í þróunarlöndum.
TRÚARBRÖGÐ Steinunn Arnþrúður
Björnsdóttir, verkefnisstjóri upp-
lýsingasviðs Biskupsstofu, segir að
auglýsing sem birtist í Morgunblað-
inu á laugardag á vegum óháðra
trúfélaga sé ekki í anda þeirrar
vinnu sem fer fram innan þjóðkirkj-
unnar um samkynhneigð. Hvíta-
sunnukirkjurnar á Íslandi, Kross-
inn, Vegurinn og Betanía stóðu á
bak við heilsíðuauglýsinguna, en í
henni voru samkynhneigðir hvattir
til að leita sér hjálpar til að „losna
úr viðjum samkynhneigðar“.
„Það er alveg ljóst af ályktun
kenningarnefndar sem var lögð
fram fyrir prestastefnu í apríl á
þessu ári og er til umræðu innan
kirkjunnar nú að þjóðkirkjan viður-
kenni að kynhneigð fólks er mis-
munandi,“ segir Steinunn, en biskup
Íslands, herra Karl Sigurbjörnsson,
hefur ekki tjáð sig um málið.
„Við erum ekki að fordæma sam-
kynhneigða. Við erum bara að segja
að lífsmáti þeirra sé ekki eðlilegur
og að það sé til önnur leið,“ segir
Kristinn Ásgrímsson, sem veitir
Hvítasunnusöfnuðinum í Reykja-
nesbæ forstöðu og er einn upphafs-
manna auglýsingarinnar. „En mér
finnst þetta náttúrulega ekki
jákvætt,“ segir Kristinn.
Hrafnhildur Gunnarsdóttir, for-
maður Samtakanna ´78, segir að
samtökin hafi áhyggjur af því að
verið sé að auglýsa meðferðir sem
eru mjög skaðlegar. „En auglýsing
er auglýsing og fólk verður að fá að
hafa sínar skoðanir. Ýmsir eru fjötr-
arnir og sumir myndu álíta að svona
kristin trú væru fjötrar,“ segir
Hrafnhildur. - rsg
Buðust til að frelsa fólk úr fjötrum samkynhneigðar í blaðaauglýsingu:
Ekki í anda þjóðkirkjunnar
HRAFNHILDUR GUNNARSDÓTTIR Formaður
Samtakanna ´78 tekur auglýsinguna ekki
inn á sig en hefur áhyggjur af málinu.
HEILBRIGÐISMÁL Það er mikilvægt
að veita þeim aðstoð sem farnir eru
að líða vegna ofþyngdar sinnar að
mati Laufeyjar Stein-
grímsdóttur, næring-
arfræðings og sviðs-
stjóra rannsókna hjá
Lýðheilsustöð.
Í Fréttablaðinu í
gær var sagt frá því
að tæplega 400 manns
biðu innlagnar á nær-
ingarsvið Reykja-
lundar og teldust þeir
allir lífshættulega feitir.
Laufey segir mikilvægt að bæta
þjónustu við þennan hóp enn frekar
og segir það stundum gleymast í
umræðunni að offita sé ekki ein-
ungis vandi einstaklinganna heldur
einnig vandi samfélagsins. - hs
Offita vandi samfélagsins:
Feitir þurfa
betri þjónustu
LAUFEY STEIN-
GRÍMSDÓTTIR
SJÁVARÚTVEGUR Samkvæmt tölum
Fiskistofu um úthafsveiðar í júlí
komu 34.312 lestir af norsk-
íslenskri síld á land í júlímánuði
og fékkst stærsti hluti þess afla
innan færeyskrar lögsögu.
Meira hefur aflast af kolmunna
í ár heldur en í fyrra, þrátt fyrir
að kolmunnaafli í júlí síðastliðn-
um hafi verið helmingi minni en í
fyrra. Kolmunnaaflinn frá ára-
mótum er kominn í 287.729 lestir
en á sama tíma fyrir ári var búið
að landa 251.385 af kolmunna.
Svipað magn veiddist af úthafs-
karfa í síðasta mánuði og í júlí í
fyrra, en úthafskarfinn í júlí var
4.024 tonn. -rsg
Tölur frá Fiskistofu:
Kolmunnaafli
meiri en í fyrra
Eftirför stöðvuð Lögreglan stöðvaði
för tveggja bíla á Miklubraut í fyrrinótt.
Í þeim voru góðkunningjar lögreglu.
Menn í öðrum bílnum töldu sig eiga
sitthvað óuppgert við þá í hinum og
veittu þeim því eftirför.
LÖGREGLUFRÉTTIR