Fréttablaðið - 06.10.2006, Síða 18

6. október 2006 FÖSTUDAGUR18
fréttir og fróðleikur
Svona erum við
> Útlán bóka almenningsbókasafna á íbúa á Íslandi.
Heimild: Hagstofa Íslands
7,
50
B
Æ
KU
R
7,
56
B
Æ
KU
R
7,
59
B
Æ
KU
R
1995
1998
2001
FRÉTTASKÝRING
GUÐRÚN HELGA SIGURÐARD.
ghs@frettabladid.is
Viljum ekki
þrælahald
Oft heyrist af bágum kjörum erlendra
verkamanna og að þeim gangi illa
að aðlagast íslenskum aðstæðum.
Steinar Þórisson er forstjóri pípulagn-
ingafyrirtækisins Faglagna ehf. og með
fimmtán pólska starfsmenn. Hann var
spurður út í hagi þeirra.
Hvernig gengur Pólverjunum hjá
ykkur?
„Pólverjarnir eru hörkuduglegir og
afbragðs fagmenn. Ég sé ekki betur
en þeim líði vel í vinnunni. Þeir kvarta
í það minnsta aldrei. Þeir vinna
langan vinnudag og þótt þeir séu ekki
skyldugir til þess, sækja þeir í að vinna
á laugardögum,“ segir Steinar. „Þessir
menn eru auðvitað komnir langt að
einmitt til þess að vinna. Ég bauð
þeim upp á bjór um síðustu helgi og
klukkan níu um kvöldið sögðu þeir
bara „nei, takk, ekki meira, við erum
að fara að vinna í fyrramálið.“ Þetta
er eitthvað sem við þekkjum ekki á
Íslandi.“
Eru þeir sáttir við launin?
„Við höfum þá stefnu hjá fyrirtækinu
að gera ekki upp á milli útlendinga
og Íslendinga, enda teljum við að
öllum mönnum beri mannsæmandi
laun. Það er langt síðan þrælahald
var afnumið og við höfum ekki áhuga
á að koma því á aftur. Þetta er ekki
eingöngu af góðmennsku gert, því
auðvitað kunna menn að meta það að
þeim séu greidd sómasamleg laun og
þeir sýna það í verki. Mínir menn eru
allir í Sveinafélaginu og ég greiði þeim
yfirtaxta.“
SPURT & SVARAÐ
PÓLSKIR VERKAMENN
STEINAR ÞÓRISSON FORSTJÓRI
Nyhedsavisen kemur út í
fyrsta sinn í Danmörku í
dag. Blaðinu verður dreift í
allt að hálfri milljón ein-
taka og verður dreifingin
til að byrja með bundin við
stærstu borgirnar, Kaup-
mannahöfn, Árósa og Óðins-
vé og verður blaðinu dreift í
hús að íslenskri fyrirmynd.
Á öðrum stöðum verður hægt að
nálgast blaðið í verslunum og á
bensínstöðvum svipað og hér á
landi.
„Við stefnum að því að dreifa
blaðinu í 550 þúsund heimili fyrir
jól. Það tekur einhvern tíma að
byggja það upp. Það er ekki fræði-
legur möguleiki á því að maður
geti byrjað strax að dreifa í öll
þessi hús en við munum byrja á
því að dreifa í lungann af þessari
tölu og bæta svo við tíu til fimmt-
án þúsund heimilum á viku,“ segir
Gunnar Smári Egilsson, forstjóri
Dagsbrún Media.
Vinnslan prufukeyrð í viku
David Trads ritstjóri segir að
mikil stemning hafi verið hjá
Nyhedsavisen síðustu daga og rit-
stjórnin hafi unnið dag og nótt við
að undirbúa blaðið og koma í veg
fyrir vandamál á síðustu stundu.
Blaðið hafi verið unnið frá A til Ö
í sjö daga til að prófa kerfið og
engin alvarleg vandamál komið
upp.
„Við áttum í smávegis erfið-
leikum fyrsta daginn með nokkur
tæknileg atriði en höfum leyst
það. Þetta gengur mjög vel og í
rauninni alltaf betur og betur eftir
því sem dagarnir líða,“ segir
David Trads.
Nyhedsavisen hefur verið
prentað tvisvar í örfáum eintök-
um í hvort skipti. Gunnar Smári
segir að það hafi verið gert til að
sjá hvernig ferlið gangi og sjá
annmarka í útliti og efnistökum
sem mætti laga. „Við gerum ekk-
ert við þessi blöð annað en að
hengja þau upp á vegg og læra af
þeim,“ segir hann.
Þurfum ekki að skammast okkar
„Við byrjum þetta af meiri krafti
en Fréttablaðið á sínum tíma, það
er meiri vissa í þessu þannig að
við byrjum með öflugri ritstjórn
en var á Fréttablaðinu til að byrja
með. Það er alveg ljóst að við þurf-
um ekki að skammast okkar fyrir
þetta nýja blað, segir Gunnar
Smári.“
Nyhedsavisen er 98 síður að
stærð í dag og líkist Fréttablaðinu.
Blaðið er með alla hefðbundna
efnisflokka, innlendar og erlendar
fréttir, íþróttir, menningu,
skemmtanir og margt fleira.
Starfsmenn eru 190 í heildina, þar
af eru blaðamenn eitt hundrað
talsins.
„Við skiptum ritstjórninni í
þrennt. Við erum með hefðbundn-
ar fréttir innanlands og utan, Lífið
okkar þar sem við fjöllum um dag-
legt líf fólks og svo fjöllum við um
ýmislegt athyglisvert, hrífandi og
spennandi,“ segir Trads.
Auglýsingasala hefur gengið
vel. Í fyrsta blaðið hafa verið seld-
ar auglýsingar fyrir eina milljón
danskra króna eða tæpar tólf
milljónir íslenskra króna sem
þykir gott. Í Danmörku er fjöldi
heimila 2,2 milljónir og í stóru
borgunum þremur eru heimilin
rúmlega hálf milljón talsins.
Gríðarleg samkeppni er á fjöl-
miðlamarkaði í Danmörku. Fyrir
eru fjögur ókeypis dagblöð, 24
timer, Dato, Urban og Metro
Express, en Trads segir að Nyheds-
avisen komi ekki síður til með að
vera í samkeppni við stóru blöðin
eins og Berlingske Tidende og Jót-
landspóstinn. „Við erum í sam-
keppni við öll blöð í Danmörku,“
segir Trads.
Lesendur móta blaðið
Gunnar Smári segir að Nyheds-
avisen verði fullur þátttakandi í
fréttaumhverfinu í Danmörku.
„Við verðum í fullri samkeppni
um fréttir og gæði frétta við
gömlu morgunblöðin,“ segir hann.
„Það er fátt skemmtilegra en að
stofna blöð þannig að þetta hefur
verið mjög skemmtilegt og gaman
að fylgjast með þessu,“ segir hann
og bendir á að lesendur móti sín
dagblöð ekkert síður en ritstjórn-
irnar.
„Berlingske Tidende er frekar
leiðinlegt blað fyrir yngra fólk
vegna þess að lesendahópurinn
er mjög gamall. Ég býst við að
ritstjórnin á Nyhedsavisen muni
móta sitt blað í takt við sína les-
endur sem eru miklu breiðari
hópur. Það hefur áhrif á blaðið
til lengri tíma þegar gagnvirknin
milli lesenda og blaðs hefur feng-
ið að þróast. Lesendur móta blaðið
ekki síður en blaðamennirnir.“
Dagsbrún Media er að skoða sjö
aðra markaði af svipaðri stærð og
Danmörk. Þetta eru Írland, Skot-
land, Belgía, Holland, Noregur,
Svíþjóð og Finnland. „Markmiðið
er að velja þrjá af þessum mörk-
uðum fyrir árslok og hefja undir-
búning á blaði með sömu formúlu
og Fréttablaðið og Nyhedsavisen á
næsta ári.“
Nyhedsavisen komið út
Á þriðjudaginn lýstu Norður-Kóreumenn því
yfir að þeir ætluðu sér að gera tilraunir með
kjarnorkuvopn, en tilgreindu þó ekki hvenær
af því yrði. Yfirlýsingin hefur vakið hörð við-
brögð, en óvíst er hvað Norður-Kóreumenn
hafa í raun í hyggju.
Hvenær hófust deilurnar?
Í janúar árið 2002 sagði George W. Bush
Bandaríkjaforseti í stefnuræðu sinni að
Norður-Kórea væri, ásamt Írak og Íran, part-
ur af „öxulveldi hins illa“ sem ógni heims-
friðnum. Í október það ár jókst spennan
milli ríkjanna þegar Bandaríkjastjórn sakaði
Norður-Kóreu um að vera að koma sér upp
kjarnorkuvopnum á laun. Í ársbyrjun 2003
sögðu stjórnvöld Norður-Kóreu upp aðild
sinni að samningi um bann við útbreiðslu
kjarnorkuvopna og telja sig síðan vera laus
undan öllum kvöðum hans. Eftir það hafa
allir tilraunir til að fá Norður-Kóreumenn að
samningaborði skil-
að litlum árangri.
Eiga Norður-
Kóreumenn
kjarnorkuvopn?
Norður-Kóreumenn
fullyrða sjálfir að
þeir hafi yfir kjarn-
orkuvopnum að
ráða, en það hefur
ekki verið staðfest.
Sérfræðingar telja
hugsanlegt að þeir
eigi nógu mikið af plútóni til þess að duga
þeim í nokkrar sprengjur, kannski þó varla
fleiri en eina eða tvær. Í byrjun júlí gerðu
Norður-Kóreumenn tilraunir með flugskeyti
og skutu sjö slíkum á loft, en með misjöfn-
um árangri.
Hvað ætla þeir sér?
Í sjálfu sér er ekkert vitað um það, hvort
Norður-Kóreumenn ætli sér að standa við
yfirlýsingar sínar eða hvort þeir séu yfirhöf-
uð færir um að gera tilraunir með kjarnorku-
sprengjur. Hugsanlega eru þeir eingöngu að
þrýsta á Bandaríkin og fleiri ríki í þeirri von
að fá góða samninga, fé og aðstoð af ýmsu
tagi, í skiptum fyrir loforð um að gera engar
kjarnorkutilraunir. Árið 1993 hótuðu Norður-
Kóreumenn því að gera tilraunir með kjarn-
orkuvopn, en hættu við allt saman árið eftir
þegar þeir fengu samning um aðstoð við að
koma sér upp kjarnorkuverum í friðsamleg-
um tilgangi.
FBL-GREINING: KJARNORKUHÓTANIR NORÐUR-KÓREU
Kjarnorkuútspil veldur fjaðrafoki
Ekkert blað?
550 5600
Fyrst þú ert að lesa þetta þá hefurðu
fengið Fréttablaðið. En til vonar
og vara skaltu klippa þetta símanúmer
út og hringja ef blaðið berst ekki.
- mest lesið
DAVID TRADS Ritstjórinn segir ritstjórn-
ina þrískipta og auk hefðbundinna frétta
verði fjallað um daglegt líf fólks.
GUNNAR SMÁRI EGILSSON „Við verðum
í fullri samkeppni um fréttir og gæði
frétta við gömlu morgunblöðin,“ segir
Gunnar Smári Egilsson, forstjóri Dags-
brún Media.
RITSTJÓRN NYHEDSAVISEN Unnið að fyrsta tölublaði Nyhedsavisen í gærdag. Blaðið
í dag er 98 síður. Starfsmenn ritstjórnar eru 190, þar af eru blaðamenn um eitt
hundrað.
RITSTJÓRI NYHEDSAVISEN David Trads segir starfsfólk hafa unnið dag og nótt við að
koma útgáfunni af stað. Mikil og góð stemning sé á ritstjórn blaðsins.