Fréttablaðið - 06.10.2006, Side 33
FÖSTUDAGUR 6. október 2006 5
E
N
N
E
M
M
/
S
ÍA
/
N
M
2
0
6
5
9
Eitt kíló af dýrasta marm-
elaði heims kostar um 660
þúsund krónur.
Marmelaði er gott og þarft á
brauðið og láta flestir sér nægja
að kaupa einfalt marmelaði í mat-
vöruverslunum. Hins vegar lætur
breska fyrirtækið Duerr ekki
bjóða sér neitt miðlungsmarmel-
aði og hefur því framleitt „alvöru“
marmelaði, það dýrasta í heimi.
Mun það kosta um 76 pund eða
um tíu þúsund krónur að smyrja
þessu ágæta marmelaði á eina
brauðsneið en kílóverðið af marm-
elaðinu er um 660 þúsund krónur.
Spyrja nú margir sjálfan sig
hvort marmelaði þetta sé búið til
úr gulli, nógu hátt er verðið til að
ætla það. Hins vegar má segja að
Duerr-marmelaðið sé búið til úr
gulli. Ætar blaðgullsræmur, líkar
þeim sem notaðar eru í kampa-
vín, eru ein af uppistöðunum í
marmelaðinu ásamt 62 ára gömlu
Dalmore-maltviskíi og Pol Roger-
eðalkampavíni.
Marmelaðið var búið til í til-
efni af 125 ára afmæli fyrirtækis-
ins. Ekki fylgdi sögunni hvernig
marmelaðið bragðaðist en þeir
sem hafa áhuga á að smyrja
gullnu marmelaði á brauðsneið-
ina sína geta nálgast eins kílóa
marmelaðikrukku á uppboðs-
vefnum eBay síðar á árinu. Sölu-
verðið mun renna til góðgerðar-
mála. - jóa
Marmelaði úr gulli
Duerr marmelaðið er heldur dýrt á ristaða brauðið en það kostar um tíu þús-
und krónur að fá sér það á eina sneið. MYND/GUNNAR SVERRISSON.
Flestum þykir hamborgari og
franskar góður matur, enda er
þetta sennilega einn vinsælasti
réttur allra tíma.
Eflaust hafa margir velt því fyrir
sér af hverju hamborgari heitir
hamborgari, en margir Banda-
ríkjamenn telja þetta hafa eitt-
hvað með skinku að gera vegna
þess að skinka er ham á ensku, og
halda að upphaflega hafi ham-
borgari verið skinkusamloka. Evr-
ópubúar eiga auðveldara með að
átta sig á því að nafnið kemur frá
Hamborg, en þar var algengt að
menn settu kjöt inn í brauð, og má
segja að þarna sé kominn frum-
gerð hamborgarans. Hamborgar-
inn eins og við þekkjum hann varð
að sjálfsögðu til í Bandaríkjunum.
Óljóst er hver það var nákvæm-
lega sem varð fyrstur með ham-
borgarana, en það var á markaði í
Wisconsin sem maður að nafni
Charlie Nagreen, reyndi að selja
viðskiptavinum sínum kjötbollur.
Þeim þótti þó erfitt að borða þær á
meðan þeir löbbuðu um markað-
inn, svo hann tók upp á því að
fletja þær út, og setja á milli
brauðsneiða og kallaði það ham-
borgara samloku.
Nú vita allir hvernig hamborg-
ari lítur út, og hér látum við fljóta
með uppskrift að hamborgara
ásamt uppskrift af hinu fullkomna
meðlæti, frönskum kartöflum.
Hamborgari og franskar
Fáir standast góðan hamborgara með frönskum.
HAMBORGARI
600 gr nautahakk
Maldon salt og malaður svartur pipar
1 msk. matarolía
4 sneiðar af feitum osti, eða gráðostur
4 hamborgarabrauð
Meðlæti:
4 stórar tómatsneiðar
Iceberg salat
Sinnep að eigin vali
8 sneiðar af steiktu og stökku beikoni
Aðferð:
Skiptu hakkinu með höndunum og dreifðu því lauslega,
en jafnt á bökunarplötu með bökunarpappír. Kryddaðu
það vel með salti og pipar.
Hitaðu ofninn í 250°C. Hafðu grind í ofninum með
bökunarpappír
Skiptu hakkinu í fernt og mótaðu hamborgara. Varast skal
að þrýsta á kjötið og hafa borgarana of þétta.
Hitaðu pönnu á meðalhita í 5 mínútur eða svo (best er
að nota pönnu úr pottjárni). Settu hitann í botn og settu
olíuna á pönnuna. Steiktu hamborgarana, u.þ.b. 2 mínútur
öðrum megin og í 1 mínútu hinum megin.
Notaðu spaða og settu hamborgarana á grindina í ofn-
inum og haltu áfram að steikja þá þar. Það tekur þá 8-9
mínútur að verða medium rare, 10-11 mínútur að verða
medium og 13-15 mínútur að gegnsteikjast.
Settu ostinn á borgarana síðustu mínúturnar sem þeir eru
í ofninum svo hann bráðni örlítið.
Á meðan skaltu léttrista brauðið á pönnu. Taktu svo ham-
borgarana út úr ofninum, settu þá á brauðið og raðaðu
meðlætinu á.
FULLKOMNAR FRANSKAR:
4 stórar bökunarkartöflur, flysjaðar og skornar í báta
200 ml hnetuolía (peanut oil)
Salt og pipar
Hreinsaðu kartöflubátana vel undir köldu rennandi vatni. Settu þær í ílát ásamt vatni (vatnið
á að fljóta yfir þær), og settu svo ísmola yfir allt saman. Geymdu þær í ísskáp í a.m.k. 30
mínútur eða í allt að 2 daga.
Hitaðu olíuna í hálfs lítra potti, með djúpsteikingarhitamæli, á meðalháum hita eða þar til
mælirinn sýnir 165°C. Hafðu um 8 cm bil frá olíunni og að brún pottsins.
Sigtaðu ísvatnið frá kartöflunum og vefðu kartöflunum inn í hreint viskustykki til að ná vökv-
anum af þeim. Þerraðu allan umfram vökva varlega af.
Hækkaðu hitann og settu eins og eina lúku í einu af kartöflunum út í. Steiktu þær í olíunni,
þar til þær eru mjúkar og linar og fá á sig gylltan lit, það ætti að taka 6-8 mínútur. Notaðu
skeið með götum til að ná kartöflunum upp úr pottinum, leggðu þær á pappír, og láttu þær
þorna. Leyfðu þeim að liggja þar í 10 mínútur, eða í allt að tvo klukkutíma.
Þegar bera á kartöflurnar á borð, skaltu hita olíuna aftur upp í180°C hita og settu þær út í olí-
una og steiktu þær aftur. Hrærðu vel í olíunni á meðan, þar til þær fá á sig fallegan gulbrúnan
lit. Það ætti að taka um eina mínútu. Settu þær á disk og kryddaðu með salti og pipar.