Fréttablaðið - 06.10.2006, Side 34

6. október 2006 FÖSTUDAGUR6
Á haustin þegar sláturtíðin stendur sem hæst
og allt grænmeti er ferskt og gott er akkúrat
rétti tíminn til þess að elda kjötsúpu. Þeir sem
ekki treysta sér til þess að elda hana sjálfir geta
farið á Múlakaffi.
Á Múlakaffi er boðið upp á hefðbundinn heimilismat
alla daga. „Við erum oft með pönnusteiktan fisk, hakka-
buff með lauk og spældu eggi og kjötbollur og fiski-
bollur sem eru mjög vinsælar,“ segir Jón Örn Jóhann-
esson, yfirmatreiðslumaður á Múlakaffi.
Reglulega er líka boðið upp á íslenska kjötsúpu á
Múlakaffi. „Kjötsúpan er alltaf mjög vinsæl og við
reynum að vera með kjötsúpu að minnsta kosti tvisvar
sinnum í mánuði. Við höfum notað sömu uppskriftina í
ein fjörutíu ár, síðan staðurinn var opnaður, og hún er
mjög hefðbundin. Mestu máli skiptir að vera með gott
hráefni og því ferskara sem grænmetið er, því betra.
Svo notum við lambaskanka sem við sjóðum í súpunni.
Núna eru gulrætur, rófur og hvítkál ferskt og slátrunin
í gangi, sem skemmir ekki fyrir. Ef það er ekki rétti
tíminn fyrir kjötsúpu núna þá er hann aldrei,“ segir
Jón Örn. emilia@frettabladid.is
Kjötsúpan alltaf mjög vinsæl
Jón Örn Jóhannesson, yfirmatreiðslumaður á Múlakaffi, Subash Singh Thapa, Shyam Singh Thapa og Arthúr Pétursson hræra í
kjötsúpupottunum. FRÉTTABLAÐIÐ/HEIÐA
Kjötsúpa
UPPSKRIFT AÐ ÍSLENSKRI KJÖT-
SÚPU FRÁ MÚLAKAFFI.
Uppskrift fyrir um 5 manns

2 l vatn
400 g gulrætur
400 g rófur
400 g hvítkál
1 dl grautargrjón
2 stórir laukar
1 búnt steinselja
salt og nýmalaður pipar eftir
smekk
1 kg lambaskankar

Setjið vatn og kjöt í pott og sjóðið rólega í um 90 mínútur, fleytið
af alla froðu sem kemur upp. Skerið rófur, gulrætur og lauk í bita
og setjið út í ásamt grautargrjónunum og sjóðið í um 15 mínútur.
Skerið kálið í ræmur og setjið út í og látið sjóða í um 5 mínútur.
Saltið og piprið eftir smekk. Saxið steinseljuna og látið í pottinn.
Fyllt Cannelloni
PASTADEIG:
400 g hveiti
4 stk. egg
Aðferð:
Hveitið er sett í matvinnsluvél og
eggin brotin í skál. Vélin stillt á
mesta hraða og eggin sett í. Vélin er
látin ganga í smástund en þó ekki
lengur en í hálfa mínútu. Þá er deig-
ið tekið úr og hnoðað í höndunum í
u.þ.b. 3-4 mínútur eða þar til það er
orðið mjúkt og teygjanlegt.
CANNELLONI MEÐ KJÚKLINGI, SVEPP-
UM, LAUK OG PARMESAN
3-4 stk. kjúklingabringur
150 g sveppir
70 g laukur
20 g kóngasveppir
100 ml hvítvín
1 stk. hvítlaukur
200 g Ricotta ostur
Salt og pipar
Aðferð:
Kjúklingabringurnar, sveppir, laukur
og hvítlaukurinn eru skorin í litla
bita. Kóngasveppirnir eru settir í
kalt vatn í 10 mín. Allt þetta er svo
steikt á pönnu, svo er hvítvíninu og
safanum af kóngasveppunum bætt
út í og látið malla þar til allt hráefnið
er eldað. Kryddað til með salti og
pipar og Ricotta ostinum hræður
út í. Hráefnið er kælt aðeins og
sett svo í matvinnsluvél þar til allt
hráefnið er smátt skorið. Því næst er
pastadeigið flatt út þangað til það
er orðið þunnt. Það er svo soðið í
vatni eða þar
til það er orðið
eldað. Gott er
að hafa vatn
með klaka í
til að kæla
það strax á
eftir, en passa
að þurrka
pastadeigið
áður svo
engin bleyta
sé í því, þá er
auðveldara
að vinna með það. Því næst er
deigið sett á borð og fyllingin sett í
annan endann á deiginu og rifnum
parmesanosti stráð yfir og deigið
rúllað upp.
Gott er að búa til cannelloni-ið aðeins
áður en það er borið fram og geyma
það í kæli. Það er svo sett í örbylgju-
ofn og eldað í u.þ.b. 1 mínútu.
GEITAOSTASÓSA:
250 ml kjúklingasoð
125 ml rjómi
125 ml geitaostur
Salt og pipar
Aðferð:
Rjómanum er hellt í pott og suðann
látinn koma upp, þá er geitaosturinn
settur út í við vægan hita og látinn
bráðna saman við. Að lokum er
kjúklingasoðið sett út í og hrært
saman við. Sósan er svo krydduð til
með salti og pipar.
Gott er að bera fram ferskt salat með
þessum rétti.
Þessar vörur fást í öllum betri mat-
vörubúðum landsins.
uppskrift Hauks }
PISTILL Til hnífs og skeiðar
GUÐRÚN JÓHANNSDÓTTIR
Steinseljurótin lætur ekki mikið yfir
sér. Þessi litdaufa rót er samt furðu-
lega bragðmikil og góð, sérstaklega
ef hún er maukuð og bragðbætt með
soði og rjóma. Súpan er matmikil og
þétt. Hún hentar vel í litlum skömmt-
um sem forréttur.
5 dl af steinseljurót (flysjuð og
skorin í teninga)
5 dl kjúklingasoð (úr teningi)
1 hvítlauksgeiri (pressaður með
hnífsblaði og saxaður smátt)
2 dl sæt kartafla (flysjuð og skorin
í teninga)
2 dl rjómi
1 msk. sýrður rjómi og steinselja
til skreytingar
1. Setjið olíu í pott og steikið hvítlauk-
inn við miðlungshita í um 1 mínútu.
2. Setjið steinseljurótarbitana og
kjúklingasoðið út í pottinn og sjóðið
í um 7 mínútur.
3. Takið pottinn af hitanum og látið
kólna aðeins. Setjið í matvinnsluvél
og maukið vel. Setjið maukið svo
aftur í pottinn og bætið rjómanum
út í. Smakkið til með salti og nýmöl-
uðum pipar.
4. Sjóðið sætu kartöflubitana í
öðrum potti í um 7 mínútur. Hellið
þá vatninu af og maukið kartöfl-
urnar.
5. Skiptið súpunni á milli 4 skála.
Látið 1 msk. af kartöflumaukinu ofan
á hvern súpuskammt. Skreytið með
dropa af sýrðum rjóma og steinselju.
Steinseljurótarsúpa
www.bistrotimarit.is
Stöllurnar Friðrikka
og Nanna eru
að vinna að
nýju matartíma-
riti sem kallast
Bístró. Búið er að
opna heimasíðu
blaðsins www.
bistrotimarit.is og
geta því spenntir
mathákar fengið
forskot á sæluna.
Hægt er að skrá sig í áskrift á síðunni
en fyrsta tölublað Bístró kemur út í
nóvember.
www.fridgeir.is
Friðgeir Eiríksson,
fulltrúi Íslands í
Bocuse d´Or 2007
matreiðslukeppn-
inni, hefur opnað
vef tileinkaðan
sjálfri keppninni.
Tuttugasta Bocuse
d‘Or-keppnin
verður haldin 23.
til 24. janúar 2007.
Keppnin er með
þeim virtari í heiminum og hefur
Friðgeir æft fyrir keppnina síðastliðin
tvö ár.
www.mosfellsbakari.is
Mosfellsbakarí hefur einnig opnað
nýja vefsíðu, www.mosfellsbakari.
is þar sem sjá
má myndir og
upplýsingar
um helstu
vörur bakarís-
ins. Einnig er
vert að minna
á vefinn www.
konfekt.is en
það er Hafliði, sonur hjónanna sem
eiga Mosfellsbakarí, sem heldur úti
þeim vef þar sem hann kynnir sæl-
kera-súkkulaðiframleiðsluna sína.
nýjar vefsíður }
Steinseljurótarsúpa