Fréttablaðið - 13.06.2007, Blaðsíða 18

13. JÚNÍ 2007 MIÐVIKUDAGUR10 fréttablaðið verk að vinna
Margt þarf að hafa í huga þeg-
ar baðherbergi eru flísalögð
og ekki er sama hvernig staðið
er að framkvæmdunum. Bjarni
Rúnar Einarsson, eigandi List-
lagna.is, hefur mikla reynslu af
flísalögnum í alls konar rýmum
og getur gefið góð ráð.
„Baðherbergi og önnur blautrými
getur verið vandasamara að flísa-
leggja en önnur rými og margt
sem þarf að hafa í huga. Undir-
efnin þarf að athuga, hvernig á að
vatnsþétta, hvort á að nota borða
og hvaða flísar henta best,“ segir
Bjarni, sem hefur sjálfur flísalagt
fjölda baðherbergja.
Undirbúningurinn er að sögn
Bjarna mjög mikilvægur. „Út-
koman fer alveg eftir undirbún-
inginum. Nauðsynlegt er að kítta á
réttum stöðum og athuga hvernig
undirlagið er en það getur verið
margs konar, úr gifsefni, tré eða
steinefni. Núna er til dæmis al-
gengast að fólk sé með steyptar
plötur og gifsveggi og það þarf að
fara mjög varlega þegar er verið
að flísaleggja gifsveggi. Ef rýmið
er blautrými verður að ganga sér-
taklega vel frá því áður en byrjað
er. Grunna þarf flötinn og nota
kvartborða til þess að þétta öll
horn, upp við veggi, í kverkarnar
niðri og kringum niðurföll. Borð-
arnir eru þá lagðir í gúmmíkvoðu
og gott er að fara einar þrjár um-
ferðir á alla fleti með svona vatns-
þéttikvoðu áður en er flísalagt.
Þetta á líka við um spónaplötur
og önnur efni sem ekki eru steypt
og þar sem hreyfanlegir fletir og
steyptir fletir koma saman verður
að nota sílikon í allar fúgur.“
Bjarni segir að nauðsynlegt
sé að nota mismunandi flísar við
ólíkar aðstæður. „Mismunandi
þéttleiki er í flísum og þær eru
annað hvort gólf eða veggflís-
ar. Leirflísar með glerjungi eru
til dæmis mikið notaðar notað-
ar á veggi, þar sem ekki er mik-
ill ágangur og sterkar gegnheil-
ar flísar á gólf. Fjöldinn allur er
til af flísum, einbrenndum, tví-
brenndum og úr náttúruefni eða
náttúrusteini. Í raun skiptir ekki
máli hvað er valið ef það á við að-
stæður. Mósaíkflísar er til dæmis
ekkert sérstaklega gott að setja
á baðherbergi nema það sé þeim
mun betur gert því svo mikið af
fúgu getur skapað vandamál. Ef
vandað er til verksins á það hins
vegar að vera í lagi.“
Margs konar fúgur eru til og
eigi að setja mósaíkflísar á bað-
herbergi er nauðsynlegt að nota
sterka fúgu. „Sterkustu og bestu
fúgurnar sem er líka leiðinlegast
að vinna með eru epoxíð-fúgur,
en þær eru notaðar í sundlaugar
og þar sem er gríðarlega mikill
ágangur. Flex-fúgur eru líka góðar
en þær eru sterkar og teygjan-
legar með íblöndunarefnum sem
hrinda frá sér raka og drullu. Svo
er hægt að nota venjulegar fúgur
á rými þar sem er ekki vatn og
ágangur.“
Á heimasíðu Listlagna, www.
listlagnir.is má finna ýmis ráð
sem Bjarni gefur þeim sem vilja
flísaleggja. „Ég ráðlegg öllum
að fara ekki af stað nema kynna
sér hvað þeir eru að fara að gera.
Nauðsynlegt er að verða sér úti
um ráðleggingar því það þrefald-
ar kostnaðinn við flísalagnirn-
ar ef rífa þarf allt niður, gera við
og byrja upp á nýtt, kannski út af
einu smáatriði sem gleymdist,“
segir hann. emilia@frettabladid.is
Ekki sama hvaða flísar eru notaðar hvar
Bjarni hefur mikla reynslu af flísalögnum og veit hvað er best að nota á baðherbergi. FRÉTTABLAÐIÐ/HÖRÐUR