Fréttablaðið - 05.09.2007, Qupperneq 4

Undir hafsbotni í
Norður-Íshafi er risavaxnar olíu-
og gaslindir að finna, einkum og
sér í lagi undan norðausturströnd
Grænlands. Að þessari niðurstöðu
komst bandaríska jarðvísindastofn-
unin USGS eftir „fyrstu kerfis-
bundnu og ítarlegu greininguna“ á
málinu, að því er þýska vikuritið
Der Spiegel hefur eftir Mark
Myers, forstöðumanni USGS.
Samkvæmt niðurstöðum USGS
er mestu jarðefnaeldsneytislindir
Norðurhafa að finna undan NA-
Grænlandi; þar undir hafsbotni
liggi jarðgas og olía sem að magni
til samsvari 31 milljarði fata af hrá-
olíu. Frekari rannsóknir þarf hins
vegar til að staðfesta að þetta sé
rétt til getið og enn á eftir að þróa
tækni sem gerir vinnslu á þessum
lindum arðbæra. Með síminnkandi
útbreiðslu Norðurskautsíssins sam-
fara hlýnun loftslags kann þetta
hins vegar að breytast.
Deilur um hvernig ráðstafa skuli
arðinum af nýtingu slíkra auðlinda
í grænlensku lögsögunni í framtíð-
inni hafa nú valdið því að slegið
hefur verið á frest að leggja fram
frumvarp að nýjum heimastjórnar-
lögum fyrir Grænland. Frumvarpið
hefur verið í smíðum í þrjú ár og
höfðu vonir staðið til að unnt yrði
að ganga frá frumvarpinu á áform-
uðum lokafundi grænlensk-dönsku
nefndarinnar, sem samdi frum-
varpið, í Nuuk hinn 13. september.
Því hefur nú verið frestað um
óákveðinn tíma. Athygli vekur þó
að ný viðhorfskönnun sýnir að
mikill meirihluti Dana telur sjálf-
sagt að Grænlendingar sitji einir
að því að njóta góðs af þeim auð-
lindum sem í grænlenskri lögsögu
kunna að finnast. Í könnun sem
Synovate Vilstrup-stofnunin gerði
fyrir Politiken kemur fram, að 63
prósent Dana eru þessa sinnis.
Enn hærra hlutfall Dana, þrír af
hverjum fjórum, telur að Græn-
land ætti að fá fullt sjálfstæði.
Ítrekað hefur komið fram í við-
horfskönnunum í Grænlandi, að
þar styður meirihlutinn stefnuna á
sjálfstæði. Í slíkri könnun frá árinu
2002 sögðust 80 prósent Grænlend-
inga vilja tafarlaus sambandsslit.
Efnahagslega er Grænland hins
vegar enn mjög háð Danmörku.
Niðurgreiðslan úr danska ríkis-
kassanum til grænlenska lands-
sjóðsins nemur árlega 38 milljörð-
um íslenskra króna, eða 790.000
krónum á hvern íbúa Grænlands.
Þessi niðurgreiðsla félli niður ef
Grænland hlyti sjálfstæði.
Risaolíulindir undan
Grænlandsströndum
Ný bandarísk rannsókn bendir til að gríðarmiklar gas- og olíulindir sé að finna
undan Norðaustur-Grænlandi, skammt norður af lögsögu Íslands. Danir og
Grænlendingar deila um hvernig tekjum af slíkum auðlindum skuli ráðstafað.
Geir H. Haarde forsætisráðherra þiggur
ekki boð Guðna Ágústssonar, formanns Framsóknar-
flokksins, um samstarf um endurskoðun á stjórnar-
ráðinu og verkaskiptingu þess.
Geir hefur svarað erindi Guðna sem fyrir helgi
bauð fram krafta flokks síns við verkið og krafði um
leið forsætisráðherra um áform og tillögur á
fyrirhuguðum breytingum.
Í svari sínu segir Geir að ríkisstjórnin hafi notað
sumarið til að útfæra nánar endurskoðaða verka-
skiptingu ráðherra í fullu samræmi við það sem
þegar hafi verið boðað. Kveðst hann jafnframt munu
undirbúa breytingar á reglugerð um stjórnarráðið
sem taki gildi um áramót. Enn fremur segir í
svarinu að í mörgum tilfellum kalli verkefnatil-
færsla einnig á breytingar á sérlögum og muni
ríkisstjórnin flytja frumvarp þar að lútandi í haust.
Þá megi gera ráð fyrir að í einhverjum tilfellum
þurfi að flytja frumvörp til nýrra sérlaga. „Þing-
mönnum munu því að sjálfsögðu gefast eðlileg
tækifæri til að fjalla um áform ríkisstjórnarinnar í
þessu efni,“ segir í niðurlagi bréfs forsætisráðherra.
Sigurður R. Friðjónsson,
mjólkurbússtjóri MS Akureyri,
segir að í ár stefni í að met verði
slegið í mjólkurframleiðslu á
Akureyri. „Við sjáum fram á að
tekið verði á móti um 31 milljón
lítra af mjólk hjá okkur á árinu
2007, sem er met í sögu mjólkur-
vinnslu á Akureyri,“ segir
Sigurður.
Í gær voru liðin áttatíu ár
síðan Mjólkursamlag KEA var
stofnað á Akureyri og færði
Sigurður öllum sjötíu starfs-
mönnum MS á Akureyri gjafir
af því tilefni. Starfsemin hófst
þó ekki fyrr en 6. mars 1928 og
var samlagið þá til húsa neðst í
Grófargili á Akureyri. Allar
götur síðan hefur verið rík hefð
fyrir mjólkurvinnslu á Akureyri.
Stefnir í mjólk-
urmet hjá MS
Starfsmenn á
bæjarskrifstofunum í Megion í
Rússlandi mega ekki lengur segja
„Ég veit það ekki“ eða „Ég get það
ekki“ þegar leitað er til þeirra. Að
öðrum kosti verði þeir reknir.
Bæjarstjórinn Alexander
Kuzmin hefur lagt blátt bann við
öllum undanbrögðum og segir að
starfsmenn bæjarins eigi að „finna
aðferðir til að leysa og afgreiða
vandamál, en ekki að forðast þau“.
Á lista yfir 27 setningar, sem
bannað er að segja, eru meðal
annars þessar: „Það er ekki í
mínum verkahring“, „Það er ekki
hægt“, „Ég er í mat“ og „Ég var í
fríi“.
Hefur bannað
allar afsakanir
Sverrir Hermannsson,
fyrrverandi bankastjóri Lands-
bankans, segist geyma bréf, sem
fjallað var um
í bókarkafla
sem var
felldur úr bók
Pálma
Jónassonar
fréttamanns
um hann, í
bankahólfi.
Sverrir segist
ekki vilja
greina frá efni
bréfsins en
hugsanlega
muni hann gera það síðar.
Pálmi Jónasson segir þá báða
hafa viljað birta kaflann í bókinni,
sem heitir „Sverrir – skuldaskil“
og kom út hjá Eddu árið 2003, en
stjórnendur útgáfunnar hafi
„farið á taugum“ skömmu áður en
bókin fór í prentun. Sverrir hætti
svo við að birta kaflann í bókinni.
Geymir bréfið
í bankahólfi
Greindarskertur
karlmaður á fertugsaldri var í gær
sýknaður af ákæru um að hafa
nauðgað greindarskertri konu. Að
teknu tilliti til vitnisburðar
sérfræðinga taldi dómurinn ekki
rétt að sakfella manninn fyrir
nauðgun.
Í dómnum er tekið fram að
mögulegt sé að vegna andlegs
vanþroska hafi maðurinn misskilið
konuna.
Fólkið hittist á dansleik og fór
saman heim til mannsins, þar sem
þau höfðu samfarir. Dómurinn
taldi jafnframt að ekki hefðu
komið fram haldbærar sannanir
fyrir því að konan hefði ekki viljað
hafa samfarir við manninn.
Sýknaður af því
að hafa nauðgað