Fréttablaðið - 30.01.2008, Blaðsíða 2

MARKAÐURINN 30. JANÚAR 2008 MIÐVIKUDAGUR2
F R É T T I R
„Ég tel að árið 2007 hafi verið
mjög gott hjá Straumi,“ segir
William Fall, forstjóri bankans.
Straumur skilaði ríflega fjór-
tán milljarða króna hagnaði á
árinu, eða sem nemur um 163
milljónum evra. Þetta er umtals-
vert minna en árið 2006, þegar
hagnaðurinn var vel yfir 500
milljónir evra. Hagnaður á hlut
nam 0,017 evrum.
William Fall bendir á að fjöl-
breytni í tekjum bankans hafi
aukist mikið milli ára auk þess
sem umsvifin hafi aukist mikið.
Þóknunartekjur hækkuðu til
dæmis um meira en 50 prósent
og vaxtatekjur um 60 prósent,
þótt gengishagnaður hafi dreg-
ist saman.
„Þriðji fjórðungur ársins var
erfiður og við höfum orðið fyrir
áhrifum af erfiðum aðstæðum á
alþjóðlegum fjármálamörkuðum.
Hins vegar þá erum við alls ekki
í sömu slæmu stöðu og marg-
ir aðrir,“ segir Fall. Hann bendir
á að Straumur eigi til að mynda
enga hagsmuni í undirmálslánum
eða skuldabréfavafningum.
William Fall segir að árið 2008
geti orðið erfitt „en ég teldi það
ógætilegt að ætla að spá fyrir um
horfurnar hjá Straumi á árinu.
Ég tel að enn eigi eftir að koma
vond tíðindi af fjármálamörkuð-
um. Einnig er erfitt að spá fyrir
um hvaða áhrif það mun hafa á
Íslandi.“
Fram kom í máli Williams Fall
við kynningu á uppgjörinu að
fjármálaóróleikinn hefði minni
áhrif eftir því sem austar dreg-
ur í Evrópu. Á árinu yrði horft til
Finnlands og Tékklands. En ætlar
Straumur lengra austur? „Það
stendur ekki til að við förum til
Rússlands eða Úkraínu. Það eru
næg tækifæri fyrirliggjandi á
þeim mörkuðum sem við störfum
á nú þegar.“ - ikh
„Þetta er mjög ánægjuleg þróun
sem sýnir að bankastörfin eru
að verða mikil sérfræðistörf,
en fólki í beinum afgreiðslu- og
þjónustustörfum fækkar hlut-
fallslega,“ segir Friðbert Trausta-
son, framkvæmdastjóri Samtaka
starfsmanna fjármálafyrirtækja.
Ríflega helmingur starfs-
manna fjármálafyrirtækja er há-
skólamenntaður, en fyrir áratug
hafði innan við fimmtungur lokið
háskólaprófi. Þetta kemur fram í
könnun sem Hagfræðisetur Há-
skólans í Reykjavík gerði fyrir
Samtök fjármálafyrirtækja. Um
5.200 manns í tíu fjármálafyrir-
tækjum svöruðu í könnuninni.
Friðbert Traustason segir að
fjármálastofnanir hafi í auknum
mæli tekið að sér ráðgjöf fyrir
fólk og fyrirtæki. „Heildarþjón-
ustan við fólk og smærri fyrir-
tæki er margfalt meiri en hún
var. Fólk er til dæmis komið í alls
kyns greiðsluþjónustu og hefur
því minni áhyggjur af sveiflum
milli mánaða.“
Hann nefnir einnig alþjóða-
væðinguna, en starfsfólk fjár-
málafyrirtækjanna sinni erlendri
starfsemi þótt það hafi aðsetur
hér á landi. Þá hafi fjölbreytni
í menntun líka aukist. „Þetta
er eitthvað sem ég held að við
eigum bara almennt eftir að sjá
aukningu á.“ - ikh
H Á S K Ó L A M E N N T U N
B A N K A M A N N A
Hlutfall starfsmanna fjármálafyrirtækja sem lokið
hafa háskólaprófi hefur vaxið jafnt og þétt undan-
farin ár, samkvæmt könnunum Samtaka fjármála-
fyrirtækja og Samtaka íslenskra bankamanna.
1996 17%
2004 30%
2007 52%
G E N G I S Þ R Ó U N
Vika Frá ára mót um
Atorka -8,7% -15,3%
Bakkavör -1,8% -13,7%
Exista -13,3% -33,5%
FL Group 0,6% -23,0%
Glitnir 0,7% -7,3%
Eimskipafélagið -7,5% -15,0%
Icelandair 3,0% -0,4%
Kaupþing -1,4% -17,4%
Landsbankinn -1,6% -11,4%
Marel -2,5% -2,5%
SPRON -16,8% -26,6%
Straumur 6,2% -6,1%
Teymi 1,4% -1,5%
Össur -1,4% -5,9%
Miðað við gengi í Kauphöll á mánudag
Helmingur fjármála-
fólks með háskólapróf
Áhersla á Finnland og Tékkland
S T R A U M U R Í T Ö L U M
2007 2006
Hagnaður eftir skatta 162,9* 515,4*
Hagnaður á hlut í evrum 0,017 0,051
Gengishagnaður 111,4* 392,3*
Rekstrarkostnaður 118,9* 44,1*
Heildareignir 7.136,9* 4.357,8*
Arðsemi eigin fjár 11,3% 42,0%
Fjármögnun utan Íslands 60% 47%
Fjöldi starfsfólks 486 109
* milljónir evra
Hagnaður hollensku iðnsamstæð-
unnar Stork N.V. jókst um fimmt-
ung á lokafjórðungi síðasta árs
samkvæmt ársuppgjöri félags-
ins sem birt var í gær. Árið var
viðburðaríkt hjá félaginu, en í
lok þess var samið um yfirtöku
félagsins af eignarhaldsfélagi í
eigu breska fjárfestingarsjóðs-
ins Candover og íslensku félög-
unum Eyri Invest og Landsbanka
Íslands, en þau fara saman með
fjórðungshlut.
Hagnaður Stork dróst engu að
síður mikið saman milli ára, var
67,2 milljónir evra (6,4 milljarðar
króna), miðað við 149,7 milljónir
evra (14,2 milljarðar króna) 2006.
Sjoerd Vollebrecht, forstjóri
Stork, segir félagið nú komið á
lygnari sjó eftir mikil átök síð-
ustu ára. Hann segir síðasta ár
hafa verið erfitt fyrir flugiðn-
aðarhluta Stork og ákveðin svið
matvælavinnsluvélahlutans, sem
nú hefur verið seldur Marel Food
Systems. „Flugiðnaðurinn og
tækniþjónustan mynda nú heild
með veltu upp á einn og hálfan
milljarð evra og næstum 13.000
starfsmenn. Núna erum við aftur
í stöðu til að leggja áherslu á
eflingu og vöxt starfseminnar,“
sagði hann. - óká
Hagnaður Stork jókst
um fimmtung í lok árs
Ávöxtun sl. 1 ár m.v. 31.12.07 – ávöxtun í fortíð er ekki ávísun á ávöxtun í framtíð. Sjóður 9 – peningamarkaðsbréf er fjárfestingasjóður
skv. lögum nr. 30/2003 um verðbréfa- og fjárfestingasjóði. Glitnir Sjóðir er rekstrarfélag sjóðsins. Útboðslýsingu og nánari upplýsingar
er hægt að nálgast á heimasíðu Glitnis, www.glitnir.is. Athygli er vakin á að fjárfestingarsjóðir eru áhættumeiri fjárfestingarkostur en
verðbréfasjóðir skv. lögum.
*
KYNNTU ÞÉR MÁLIÐ Á WWW.GLITNIR.IS/SJODIR EÐA HJÁ EIGNASTÝRINGU GLITNIS Í SÍMA 440 4900
FRÁBÆR SKAMMTÍMAÁVÖXTUN
Sjóður 9 – peningamarkaðsbréf hentar þeim sem leita að jafnri og stöðugri hækkun eigna. Sjóðurinn
fjárfestir í víxlum, innlánum eða öðrum skammtímaverðbréfum. Hann hentar sérlega vel sem
skammtímaávöxtun og fyrir þá sem vilja hafa greiðan aðgang að sparifé sínu. Inneign í sjóðnum er alltaf laus
til útborgunar samdægurs og enginn munur er á kaup- og sölugengi í sjóðnum.
15.3% ávöxtun*
SJÓÐUR 9 ÞINN ÁVINNINGUR
Jón Aðalsteinn Bergsveinsson
skrifar
„Stór hluti efnahagsreikningsins er í Noregi og
meirihluti tekna okkar er á svæðum sem eru ein-
angruð frá þeim öflum sem hafa hrjáð markaði upp
á síðkastið. En efnahagsreikningurinn mun ekki
vaxa mikið á næstu tveimur fjórðungum,“ sagði
Lárus Welding, forstjóri Glitnis, er hann kynnti
fyrsta ársuppgjör sitt í gær ásamt Alexander K.
Guðmundssyni, framkvæmdastjóra fjármálasviðs.
Hagnaður bankans nam 27,7 milljörðum króna á
síðasta ári samanborið við 38,2 milljarða krónur í
hittifyrra. Þar var hagnaðurinn á fjórða ársfjórð-
ungi 2,5 milljarðar króna samanborið við 9,3 millj-
arða ári fyrr. Það jafngildir 73 prósenta samdrætti
á milli ára. Á sama tíma jukust tekjur af kjarna-
starfsemi bankans um 20,6 prósent og hafa þær
aldrei verið meiri.
Nokkrir þættir skýra samdráttinn öðru fremur.
Í fyrsta lagi hafi starfsmönnum bankans fjölgað
mjög á síðasta ári sem hafi keyrt upp launakostnað
en hann nam 27,9 milljörðum króna í fyrra og jókst
um 77 prósent á milli ára. Þeir Lárus og Alexand-
er sögðu aukninguna hins vegar mun minni sé litið
til einskiptikostnaðar vegna fjölgunar starfsfólks.
Um þessar mundir standi yfir skipulagsbreyting-
ar sem stuðla eigi að hagkvæmni og kostnaðarað-
haldi. Lárus vildi þó ekki tjá sig um hvort til standi
að fækka starfsfólki.
Í öðru lagi spili aðstæður á fjármálamörkuð-
um inn í. Umhverfið hafi verið erfitt, þar af hafi
skuldatryggingaálag verið nálægt hæstu hæðum.
Fram kemur í uppgjöri bankans að hann sé vel
varinn gegn skakkaföllum. Lausafé hans nemi sex
milljörðum evra, jafnvirði rúmra 576 milljarða
íslenskra króna, auk þess sem hann hafi tekið sjö-
tíu milljarða gjaldeyrisstöðu til að verja sig gegn
lækkun á gengi krónunnar. Þetta er í samræmi við
spá greiningardeildar Glitnis sem horfir til á bilinu
fimm til tíu prósenta lækkunar krónu á árinu. Lárus
segir að sú spá hafi þegar ræst þótt hún hafi geng-
ið til baka að nokkru leyti. Hins vegar séu tekju-
póstar bankans dreifðir og skapi það Glitni ákveðið
öryggi. Fram kemur í uppgjörinu að staða bankans
sé sterk enda hafi hann ekki fjárfesti í skuldabréfa-
vöndlum og undirmálslánum á borð við þá sem hafi
sett skarð í afkomu nokkurra af stærstu bönkum
heims.
Lárus sér lítinn vöxt á næstu tveimur ársfjórð-
ungum en að betur gefi í sjóinn á seinni hluta árs.
Mikilvægt sé í aðstæðum á borð við þær sem nú
gangi yfir alþjóðalega fjármálamarkaði að missa
ekki sjónar á boltanum. Glitnir hefur fjárfest í
verkefnum á borð við sjávarútveg á Norðurlöndun-
um og í Kína og jarðvarmaverkefnum. „Verkefnin
til næstu fimm ára eru að halda áfram með það sem
við höfum lagt upp með,“ segir Lárus.
FORSTJÓRINN KYNNIR FYRSTA ÁRSUPPGJÖRIÐ Lárus
Welding, forstjóri Glitnis, segir mikilvægt að missa ekki sjónar á
boltanum í erfiðu árferði. MARKAÐURINN/VILHELM
Hagnaður Glitnis
dróst saman í fyrra
Forstjórinn sér fram á betri tíð seinni hluta ársins.
H A G N A Ð U R Á H L U T Í G L I T N I *
Tímabil Upphæð
Jan.-des. 2007 1,85 krónur
Jan.-des. 2006 2,68 krónur
*þynntur hagnaður