Fréttablaðið - 07.05.2008, Blaðsíða 8
MARKAÐURINN 7. MAÍ 2008 MIÐVIKUDAGUR8
Ú T T E K T
F
yrsta flug Icelandair til Toronto, stærstu
borgar Kanada, síðastliðinn föstudag
markaði ákveðin tímamót hjá félaginu og
er liður í áherslubreytingum á flugi vestur
um haf, en sem kunnugt er er stutt síðan
félagið lagði af flug til Baltimore.
Toronto er langstærsta borg Kanada og helsta
samgöngumiðstöð landsins. Í kjölfar loftferða-
samnings milli Íslands og Kanada er nú auð-
veldara en áður fyrir ís-
lensk flugfélög að bjóða
upp á flug til borga í
Kanada, boðið var upp á
flug til Halifax á nýjan
leik í fyrra og nú standa
vonir forsvarsmanna Ice-
landair til þess að Tor-
onto muni njóta mikilla
vinsælda.
„Kanada er auðvit-
að gríðarlega stór og
spennandi markaður sem
getur falið í sér marg-
vísleg tækifæri. Í Kan-
ada eru miklar tenging-
ar við Ísland í sögulegu
samhengi og við finnum
mikinn velvilja. Ég er því
mjög bjartsýnn á þennan
markað,“ segir Gunnar
Már Sigurfinnsson, fram-
kvæmdastjóri sölu- og
markaðssviðs Icelandair.
Gunnar Már segir að
tilgangur breytinganna
sé að skapa Icelandair
sérstöðu á meðal flug-
félaga með því að leggja
áherslu á tenginguna við
Ísland, en einnig aukin
gæði þjónustunnar og
að skapa eftirminnilegt
flug í lengri eða skemmri
ferðum.
„Samkeppnin í alþjóð-
legu flugi fer sífellt harðn-
andi og við töldum mikil-
vægt að skapa félaginu
sérkenni og ímynd um-
fram önnur flugfélög sem
við berum okkur saman
við. Vitaskuld þurfa allir
sem reka alþjóðleg flug-
félög að standa sig í skil-
virkni, öryggi og sann-
girni í verði, en við vild-
um fara þá leið að bæta
enn frekar þjónustuna
við okkar farþega, gera
flugið að sérstakri upp-
lifun þannig að þeir sæk-
ist eftir því að koma til
okkar aftur,“ segir Gunn-
ar Már og bendir á að Ice-
landair geti ekki keppt
við alþjóðleg lággjalda-
félög eins og olíuverð
og annar kostnaður við
flug hafi þróast að undan-
förnu. Af þeim sökum
þurfi að bjóða upp á sér-
staka og öðruvísi þjón-
ustu til að geta réttlætt
hærra verð.
„Við berum okkur alls
ekki saman við lággjalda-
félögin. Við sækjumst fremur eftir þeim sem kann
að meta þjónustuna og er tilbúinn að borga fyrir
hana,“ bætir Gunnar Már við.
FJÁRFESTING SEM BORGAR SIG
Björgólfur Jóhannsson, forstjóri Icelandair, segir
að vitaskuld sé um mikla fjárfestingu að ræða
og hún komi ekki á besta tíma, nú þegar einhver
tegund af heimskreppu ríði yfir og olíuverð sé í
hæstu hæðum.
„Við verðum hins vegar að horfa til lengri tíma,
því auðvitað fer afleitlega saman að horfa á slíka
fjárfestingu upp á seinni partinn í þrjá millj-
arða í slíku árferði og gæti virst
sem óðs manns æði. Til lengri tíma
er hins vegar ljóst að kominn var
tími á viðhald flugvéla að innan og
við töldum um leið þörf á að poppa
aðeins upp félagið og ímynd þess,“
segir Björgólfur, sem tók nýlega við
stóli forstjóra af Jóni Karli Ólafssyni
eftir að hafa verið forstjóri Icelandic
Group og einnig formaður Landssam-
bands íslenskra útvegsmanna.
Björgólfur bendir jafnframt á að
ekki megi gleyma því að aðalatriðið
sé að auka tekjur í rekstri félagsins
og samkeppnin sé hörð. Undir þetta
tekur Gunnar Már og bendir á að enn
þurfi að auglýsa og halda uppi öflugu
markaðsstarfi í fjölmörgum löndum.
„Þegar krónan veikist verður álitlegra fyrir út-
lendinga að sækja Ísland heim. Þegar einn mark-
aður fær á sig högg getur rofað til á öðru svæði.
Icelandair hefur aðeins um þrjátíu prósent af
sínum tekjum frá Íslandi. Allt annað kemur að
utan og við finnum engar meiriháttar breytingar
enn, þótt eflaust sé farið að kreppa að víða,“ segir
hann.
FLEIRI VERÐA AÐ KOMA AÐ KYNNINGU Á ÍSLANDI
Í ÚTLÖNDUM
Icelandair ver um einum milljarði króna á ári
hverju til auglýsinga og markaðsstarfs um allan
heim. Um árabil hefur þungamiðjan í því kynn-
ingarstarfi falist í hreinni og beinni markaðssetn-
ingu á Íslandi sem ferðamannastað.
Á aðalfundi fyrirtækisins nýlega,
lýsti Gunnlaugur M. Sigmundsson,
stjórnarformaður félagsins, því
yfir að ekki væri hægt að ætlast
til þess að fyrirtækið legði eitt og
sér svo mikið af mörkum til land-
kynningarinnar, fleiri þyrftu þar að
koma að.
„Við munum áfram leggja áherslu
á að kynna landið og þjóðina í okkar
markaðsstarfi,“ segir Gunnar Már.
„En ég held að í þessum efnum séu
margir hér innanlands orðnir of
góðu vanir. Við megum ekki gleyma
því að áratugum saman hefur þetta
fyrirtæki, með fullri virðingu fyrir
öllum öðrum, verið langstærsti
aðilinn í markaðssetningu á Íslandi erlendis. Ég
held að menn verði að gæta sín á því að sofna
ekki á verðinum, því ferðamennskan er mest vax-
andi starfsgreinin á Íslandi og felur í sér geysileg
tækifæri til framtíðar. En það kostar mikla pen-
inga að kynna land og þjóð erlendis, því öll önnur
lönd eru einnig að höfða til ferðamanna og bjóða
upp á spennandi möguleika. Það er ekki hægt að
ætlast til þess að einkafyrirtæki beri þær byrðar
að mestu leyti, en aðrir njóti fyrst og síðast góðs
af. Við munum fyrst og fremst horfa til hagsmuna
félagsins í þessum efnum til framtíðar og taka
auðvitað þátt í að markaðssetja Ísland, en við ætl-
umst um leið til þess að aðrir komi með myndar-
legri hætti að því borði.“
New Icelandair:
Risavaxin fjárfesting sem hugsuð er ti
Þessa dagana er ráðist í umfangsmikla endurskipulagningu og uppstokkun á ímynd og útliti Icelandair. Kostnaður við
örðum króna. Ekki hætt við þrátt fyrir erfitt árferði. Nýir markaðir að opnast, nú síðast með beinu flugi til Toronto. B
vestur um haf, fjallar um breytingarnar og ræðir við stjórnendur félagsins sem hefur verið mikið í fréttum vegna brey
Björgólfur Jóhannsson, sem tók nýlega við starfi
forstjóra Icelandair Group, segir að vissulega
hafi umræða um eignarhald félagsins ávallt áhrif
á starfsemi þess, en nýlega kom fram í fréttum
að stórir hluthafar í Icelandair, undir forystu
Finns Ingólfssonar í eignarhaldsfélaginu Lang-
flugi, væru að leita að kaupendum fyrir bréf sín
og hefðu meðal annars átt viðræður við SAS í því
sambandi.
Björgólfur telur erfiða rekstrarstöðu SAS ekki
benda til þess að raunhæft sé að telja það líkleg-
an kaupanda að Icelandair. „Það er að mínu mati
ekki gott að slík óvissa sé uppi, en þetta fylgir
því að vera með félag skráð á markaði. Þá er
hlutverk okkar stjórnenda að haga málum með
þeim hætti að reksturinn gangi eins vel og unnt
er og minnka þannig líkur á einhverjum meiri-
háttar breytingum,“ segir Björgólfur enn frem-
ur og bætir við að ef rétt sé að stórir hluthafar
í félaginu vilji selja sinn hlut voni hann auðvit-
að að í staðinn komi traustir aðilar sem horfi til
lengri tíma.
Hvað varðar möguleg kaup erlendra aðila á fé-
laginu segir Björgólfur það sína skoðun að mjög
hollt væri ef unnt væri að hafa Icelandair áfram
í eigu Íslendinga, að minnsta kosti sjálfan flug-
reksturinn, enda skipti hann sköpum fyrir sam-
göngur til og frá landinu.
„Ég vil þess vegna skora á okkar sterku lífeyris-
sjóði að koma að rekstri þessa félags og tryggja
þannig að það verði áfram í eigu landsmanna,“
bætir hann við.
DULIÐ EIGIÐ FÉ Í DREAMLINER
Fyrir nokkrum vikum ákvað Icelandair að hætta
við fyrirhuguð kaup og leigu á fjórum Airbus-
fraktflugvélum frá fyrirtækinu Avion Aircraft
Trading og bar meðal annars því við að þetta
væri gert til að draga úr áhættu í rekstri fyrir-
tækisins. Björgólfur viðurkennir að hann hafi
talið nauðsynlegt að hætta við umrædd kaup í
ljósi gjörbreyttra aðstæðna á markaði og þreng-
ingar á lánamörkuðum.
„Við áttum möguleika á að hætta við og það
var eina vitið fyrir okkur. Sjálfsagt hefði félagið
getað klofið þennan stóra samning, en ég taldi
enga skynsemi fólgna í því að binda stórar upp-
hæðir í staðfestingargjöld þremur árum áður en
nokkrar tekjur færu að koma á móti.“
Forstjórinn segir á hinn bóginn að annar stór
flugvélasamningur hafi reynst félaginu dýrmæt-
ur. Þá er hann að vísa til fyrirframpantana Ice-
landair á nýrri framtíðarþotu Boeing-flugvéla-
framleiðandans, Dreamliner. „Félagið tók mikla
áhættu á sínum tíma með því að panta slíkar
þotur áður en nokkur vissi hver reynslan yrði
af þeim eða aðstæður í flugrekstri. Nú er hins
vegar ljóst að mikil eftirspurn er eftir þessum
vélum og þá er valréttur okkar orðinn mikils
virði. Ég tel ljóst að fyrstu vélar okkar, sem áttu
að koma 2010 en tefjast líklega í afhendingu til
2012, fara ekki í notkun hjá okkur, heldur í fram-
leigu annars staðar. Það getur gefið mjög vel af
sér. Hvað seinni vélarnar varðar er of snemmt
að segja til um nú, en þó er ljóst að það var rétt
ákvörðun að kaupa vélarnar á sínum tíma.“
En hvernig finnst forstjóranum nýja að skipta
úr slorinu í flugið?
„Það er mjög skemmtilegt, en einnig mikil við-
brigði. Þetta er ekki eins rekstur. Nú þegar þarf
að horfa í hverja krónu er kannski ágætur tími til
að stimpla sig inn. Í þeim efnum getur verið gott
að horfa til sjávarútvegsins, þar eru menn vanir
miklum sveiflum og þekkja mikilvægi þess að
fara ekki á taugum yfir því.“
Væri mjög hollt að hafa félagið
áfram í eigu Íslendinga
Björgólfur Jóhannsson, forstjóri Icelandair Group
BJÖRGÓLFUR JÓHANNSSON
GUNNAR MÁR
SIGURFINNSSON
Icelandair skilgreinir sig
sem íslenskt flugfélag sem
starfar á alþjóðlegum mörk-
uðum. Undir merkjum New
Icelandair er áherslan lögð á
það sem Ísland stendur fyrir.
Með markaðsrannsóknum og
þátttöku starfsfólks í undir-
búningsvinnu hafa verið þróuð
ákveðin gildi (e. Inspiring,
Creative og Refreshing) sem
eru þau gildi sem höfð verða
að leiðarljósi við þróun á þjón-
ustu félagsdins, sölustarfsemi
og markaðssetningu.
Afrakstur þessarar vinnu
er langur listi af hugmynd-
um sem hrint verður í fram-
kvæmd á næstu mánuðum og
misserum. Þessar hugmynd-
ir spanna allt frá þróun á vef-
svæðum og viðskiptamanna-
gagnagrunnum félagins, yfir
á þjónustu á flugvöllum, um
borð í vélum félagsins og að
fluginu loknu.
Þær hugmyndir sem fyrst
verða kynntar eru:
■ Ný sæti og afþreyingarkerfi
þar sem lögð er áhersla
á upplifun af Íslandi, t.d.
með íslensku efni, íslensku-
kennslu og upplýsingum um
land og þjóð.
■ Nýir búningar á áhafnir
sem eru hannaðir af Stein-
unni Sigurðardóttur og hafa
sterka íslenska skírskotun.
■ Frumsamin tónlist sem inni-
heldur íslenska náttúru-
stemningu, t.d. fugla-
söng. Höfundar hennar og
flytjendur eru Einar Örn,
Curver, Skúli Sverrisson og
Finnbogi Pétursson.
■ Nýtt nafnaþema fyrir flug-
flotann – en hann verður
nefndur eftir íslenskum eld-
fjöllum.
Breytingin
í hnotskurn