Tíminn - 08.10.1982, Page 8

8
FÖSTUDAGUR 8. OKTÓBER 1982
* LEIKLIST
OFL, OFL,
Smásýnishom úr efnispunktum helgarpakkans
er fylgir Tímanum á föstudögum.
-K VEITIN6ASTJÓRAR -
M HUÓMSVEITARSTJÓRAR-
M FÉLAGSHEIMILASTJÓRAR-
+ SKEMMTINEFNOIR.
Hafið samband og pantið auglýsingar- eða
sendið línu.
Síminn er 86300 - 86396.
Helgarpakkinn
■ Kohl og Schmidt á þingfundinum, sem samþykkti stjórnarskiptin
Kohl breytir ekki
utanríkisstefnunni
Hann fylgir svipaðri stefnu og Schmidt
■ PAÐ VAR eitt fyrsta verk Helmuts
Kohl eftir að hann var kjörinn kanslari,
að efna til blaðamannafundar, þar sem
hann svaraði ýmsum spurningum um
utanríkismál, enda lék blaðamönnum
mest hugur á að kynna sér viðhorf hans
til þeirra. Til þess að árétta það, að Kohl
ætlaði fyrst og frenist að ræða um
utanríkismálin, mætti Genscher utan-
ríkisráðherra einnig á fundinn.
Eftir fundinn voru ályktanir blaða-
manna yfirleitt þær, að Kohl hyggðist
fylgja í stórum dráttum sömu utanríkis-
stefnu og Helmut Schmidt, fyrirrennari
hans í kanslaraembættinu. Helmut
Schmidt hafði að vissu leyti gert Kohl
þetta auðveldara, því að á fundi, sem
hann hélt með erlendum sendiherrum
daginn áður en hann lét af kanslaraemb-
ættinu, hafði hann rifjað upp aðalatriðin
í utanríkisstefnu þeirri, sem hann og
stjórn hans höfðu fylgt.
Á umræddum blaðamannafundi fór
Kohl í þessa slóð fyrirrennara síns og
virtist ekki einu sinni koma fram
áherzlumunur hjá þeim, en við því hafði
verið búizt; þótt efnismunur yrði lítill.
KOHL lagði mikla áherzlu á nána
samvinnu við Bandaríkin, en það hafði
Schmidt einnig gert. Jafnframt tók
hann skýrt fram, að stjórn hans vildi
samvinnu við þau, en ekki að verða háð
þeim.
Þá tók Kohl fram, að hann hefði
áhuga á að svipuð samvinna, eða jafnvel
betri, gæti haldizt milli Vestur-Þýzka-
lands og Austur-Evrópu og verið hefði
að undanförnu. Hann nefndi Sovétríkin
sérstaklega í þessu sambandi.
Við annað tækifæri var hann spurður
um, hvort hann væri mótfallinn því, að
Erich Honecher, leiðtogi austur-þýzkra
kommúnista, kæmi í heimsókn til
Vestur-Þýzkalands, en slík heimsókn
hans hafði verið ákveðin áður en herlög
voru innleidd í Póllandi, en frestast
síðan. Kohl sagðist ekki mótfallinn því.
Hann teldi mikilvægt að vinna að því að
Þjóðverjar í þessum tveimur ríkjum
gætu aukið samskipti sín. M.a. vildi
stjórn hans vinna að því að gagnkvæm
ferðalög gætu aukizt.
Þá sagðist hann leggja mikla áherzlu
á bætta sambúð Evrópuríkja, en í sínum
augum væri Evrópa annað og meira en
Efnahagsbandalag Evrópu. Evrópa er
Vestur-Evrópa, Mið-Evrópa og Austur-
Evrópa, sagði hann.
Gasleiðslumálið, 'sem mestri deilu
hefur valdið milli stjórna Bandaríkjanna
og Vestur-Evrópuríkja að undanförnu
barst ekki sérstaklega í tal á blaða-
mannafundinum, en við önnur tækifæri
hefur verið áréttað af hálfu stjórnar-
innar, að hún muni ekki gera neitt til
þess að hindra vestur-þýzk fyrirtæki í
því að standa við þá samninga, sem þau
hafa gert við Sovétríkin varðandi
gasleiðsluna. Ennfremur hefur verið
áréttað, að verzlunarviðskiptum við
Sovétríkin yrði haldið áfram með sama
hætti og verið hefur.
í varnarmálum og öryggismálum
verður stefnan óbreytt. 1 ræðu þeirri,
sem Schmidt hélt á fundinum með
sendiherrunum, lýsti hann óbreyttu fylgi
sínu við eldflaugaáætlun Nato, ef ekki
næðist samkomulag um takmörkun
meðaldrægra eldflauga í Evrópu. Kohl
lýsti sig að sjálfsögðu sammála fyrirrenn-
ara sínum um þetta efni.
Kohl taldi þátttöku Bandaríkjanna í
vörnum Vestur-Evrópu mjög mikils-
verða. Án hennar væri Vestur-Þýzka-
land ekki það sem þau væru í dag.
Kohl vék sérstaklega að samvinnu
Vestur-Þjóðverja og Frakka og taldi það
eitt meginatriði utanríkisstefnu sinnar
að efla hana. Hann áréttaði þetta með
því að fara í heimsókn til Mitterrands
daginn eftir að hann tók við kanslara-
embættinu.
í BANDARÍSKUM blöðum hefur
stjórnarskiptunum í Bonn verið sæmi-
lega tekið, en viss ótti þó látinn í Ijós
um það, að andstaða gegn eldflaugaáætl-
un Nato geti enn aukizt eftir að Helmut
Schmidt er ekki lengur við stýrið. Hann
hafi haldið vinstri öflunum í flokki
sínum í skefjum.
í rússneskum blöðum hefur Helmuts
Schmidt verið saknað, en farið gætileg-
um orðum um Kohl og nýju stjórnina.
Áður hafði komið fram hjá rússneskum
stjórnvöldum, að þau óttuðust ekki
verulega, þótt Kohl tæki við stjórninni.
Kohl hefði lýst yfir því, að allir
samningar við Sovétríkin yrðu haldnir,
og það hefur hann áréttað eftir að hann
varð kanslari.
Af því, sem þegar er komið fram,
virðist Kohl stefna að því að reyna að
halda utanríkismálum utan og ofan við
flokkadeilur með því að feta sem mest
í fótspor Schmidts. Takist honum þetta
mun kosningabaráttan, sem er framund-
an, snúast mest um efnahagsmálin en
stjórnin vinnur nú að því að undirbúa
ráðstafanir sínar á því sviði. Kunnugt er
um nokkrar fyrirætlanir hennar á því
sviði og miða þær jafnt að skatta
hækkunum og útgjaldalækkunum til að
draga úr rekstrarhalla hjá ríkinu.
í næstu viku mun Kohl flytja
stefnuræðu sína í þinginu sem nýkjörinn
kanslari og mun þá koma nánar í ljós
hverjar efnahagsaðgerðirnar verða, en
þær geta ráðið úrslitunum í þingkosning-
unum, sem hafa verið boðaðar í marz.
Þórarinn Þórarinsson,
ritstjóri, skrifar