Tíminn - 12.04.1983, Síða 10

ÞRIÐJUDAGUR 12. APRÍL 1983
10
viðskiptalffid
umsjón Skafti Jónsson
Ný tegund
þakplatna
■ Danska fyrirtækið Villadscn, sem
hér á landi er þekkt fyrir framleiðslu á
Idopan þakpappa, hefur hafið fram-
leiðslu á þakplötum, nokkurs konar
bárujárni, Icopal - Decra, sem upprunn-
ar eru á Nýja Sjálandi. Hafa plötur
þessar verið settar á markað hér a‘ landi
fyrir milligöngu Þóris Jónssonar.
Á blaðamannafundi sem haldinn var
á Hótel Sögu í gær til að kynna Icopal -
Decra kom fram að plöturnar eru fram-
leiddar í mörgum löndum, m.a. Dan-
mörku, Belgíu, Bandaríkjunum, Japan,
Suður Afríku, Ástralíu og á Nýja Sjá-
landi.
Framleiðendurnir segja plöturnar
henta mjög vel við íslenskar aðstæður,
þær hafi gengið í gegnum allskyns
prófanir, sem sérstaklega væru gerðar
með það í huga að betrumbæta plöturnar
svo þær þyldu veðráttu á Norðurlöndum,
jafnt í nyrstu byggðum Noregs,-Sví-
þjóðar og Finnlands sem í Danmörku.
Plöturnar eru um margt líkar venju-
lcgu bárujárni. Þær eru sinkhúðaðar
beggja vegna en á efri flötunum er bætt
við þremur lögum; akrilbíandaðri
tjöru, sérstökum steinefnum og síðast
akrýlhúð.
Hægt er að fá plöturnar í tveimur
litum, rauðbrúnum og dökkgráum.
■ Gustav Brant, sölustjóri fyrir Dekramastic og Þórir Jónsson, umboðsmaður
fyrirtækisins á Islandi.
Útflutraingur
á
fiskkössum
■ Plasteinangrun hf. á Akurcyri fram-
leiðir eins og kunnugt er fiskkassa í
stærðunum 70 og 90 lítrar, og undanfarið
hefur verið talsverður útflutningur á
þeim til allmargra landa. Til Kanada
seldi fyrirtækið þannig um sex þúsund
kassa á síðasta ári, og í ár er búið að
semja um sölu á þúsund kössum til
viðbótar. Til Grænlands er búið að selja
talsvert, en í fyrra og nú í ár verður salan
þangað samtals um 7500 kassar. Þá er
frágengin sala á 1-2 þúsund kössum til
Spánar, og framundan er einnig sala á
um 6 þúsund kössum sem fara alla
leiðina til Nýja-Sjálands. Þá er einnig
framundan að selja fiskkassa til Norður-
Noregs, og eru horfur á að þangað fari
5-6 þúsund kassar. Gunnar Þórðarson
frkvstj. Plasteinangrunar hf. sagði okkur
að þeir gerðu sér vonir um að áframhald
yrði á þessum útflutningi, enda réru þeir
að því öllum árum að finna markaði fyrir
kassana í hinum ýmsu heimshornum.
■ Plasteinangrun hf á Akureyri seldi 6000 Hskkassa úr plasti til Kanada á s.l. ári.
BVKO
■ Jón Þór Hjaltason, verslunarstjóri í byggingavöruversluninni á Nýbýiaveginum, og Jón H. Guðmundsson, framkvæmda-
stjóri BYKO. Jón Helgi Guðmundsson, versiunarstjóri timburafgreiðslunnar á Skemmuveginum, var erlendis þegar viðtalið
var tekið. Tímamynd Árni Sæberg.
„Fólk spilar ekki á
verdbólguna lengur"
— Rætt við Guðmund H. Jónsson og
Jón Þór Hjaltason hjá BYKO
■ „Auövitað höfum við fundiö fyrir
einhverjum samdrætti. En það er
kannski ekki marktækt hjá okkur þessa
fyrstu mánuði ársins, þar er svo margt
sem þar spilar inn í, t.d. tíðarfar, sem
hefur verið slæmt í vetur,“ sagði Guð-
mundur H. Jónsson, framkvæmdastjóri
BYKO, Byggingavöruverslunar Kópa-
vogs, þegar Tíminn hitti hann og Jón
Þór Hjaltason, verslunarstjóra, að máli
og spurði hvort þeir hefðu orðiö varir við
samdrátt í sölu verslunarinnar, en mikið
cr nú rætt um samdrátt í byggingaiðnaði
cins og kunnugt er.
„Við finnum fyrir miklum fram-
kvæmdavilja hjá fólki ekki síður en
hingað til. Hins vegar virðist fólk hafa
tiltölulega lítil fjárráð um þessar mundir.
Sérstaklega verðum við þess varir að
lánastofnanir hafa verulega dregið úr
lánum til húsabygginga," sagði Jón Þór.
„Ég hef grun um að húsbyggjendur séu
meira hikandi nú en fyrir nokkrum
árum. Fjármagnið er orðið svo dýrt, öll
lán eru verðtryggð og það spilar enginn
á verðbólguna lengur," bætti Guðmund-
ur við.
■ Ársfundur samstarfsnefndar Bú-
vörudeildar og afurðasölufélaganna inn-
an Sambandsins var haldinn í Reykjavík
fyrir skömmu. Á fundinum fluttu skýrsl-
ur þeir Þorsteinn Sveinsson formaður
samstarfsnefndarinnar og Agnar
Tryggvason frkvstj. Búvörudeildar, og
Gunnar Guðbjartsson frkvstj. Fram-
leiðsluráðs landbúnaðarins flutti erindi
um ástand og horfur í sölumálunum. Þá
ræddi Sigurður Örn Hansson, forstöðu-
maður Rannsóknastofu Búvörudeildar,
um kjötpökkun og rýrnun kjöts, Sigur-
jón Bláfeld ráðunautur talaði um loð-
dýrarækt, og Árni G. Pétursson ráðu-
nautur ræddi um hlunnindavörur.
Fram kom á fundinum að á síðasta ári
var um 942 þúsund fjár slátrað í landinu,
þar af 679 þús. í sláturhúsum kaupfélag-
anna eða um 72%. Heildarvelta Búvöru-
deildar, sem nam 602,3 milljónum, jókst
um 43,9%. Umboðslaun deildarinnar
námu aðeins 1,87% afveltu,samanborið
Mestur samdráttur
í timbursölu
- Það má reikna með að timbursala
gefi gleggsta mynd af ástandinu. -
Hvernig hefur hún verið?
„Við höfum sennilega fundið mest
fyrir samdrætti í sölu á óunnu timbri nú
í vetur, en eins og ég sagði áðan er
ómögulegt að dæma ástandið í þjóðfé-
laginu út frá því, vegna þeirrar miklu
ótíðar sem verið hefur. Einnig eru fyrstu
mánuðir ársins lökustu sölumánuðirnir
hjá okkur, nema að eitthvað sérstakt
komi til, eins og gengisfellingin um
áramótin í fyrra, hún hleypti sölunni
upp.“
- Hvernig var útkoman í fyrra miðað
viö 1981?
„Reikningarnir eru nú í lokameðferð
hjá endurskoðanda. En þó getum við
sagt að í fyrra varð samdráttar ekki vart
miðað við árið þar á undan, salan var
álíka bæði árin.“
- Nú hefur BYKO vaxið mjög ört og
er orðið stæríta fyrirtæki á landinu á sínu
sviði. - Getur fyrirtækið vaxið öllu
meira?
við 2,03% árið 1981, og hækkuðu þau
um 32,3% eða mun minna en veltan.
Útflutningur minnkaði í magni á milli
áranna.en útflutningsmagn deildarinnar
nam 4.440 lestum á móti 6.640 lestum
árið 1981. Munar þar mest um útflutt
dilkakjöt, sem minnkaði um 36%. Á-
fram er stöðugt unnið að markaðsleit
erlendis fyrir dilkakjötið, og eru nokkrar
vonir bundnar við markaðsmöguleika í
Bandaríkjunum og Japan. Áætluð út-
flutningsþörf af haustframleiðslunni
1982 nemur 3.000-3.300 lestum, og fer
það eftir því hvernig sala á heimamark-
aði gengur.
Dilkalifur hefur um árabil verið seld til
Bretlands, en sá markaður lokaðist nú í
ár. Talsverðar birgðir eru því af henni í
landinu, og verður af þeim sökúm efnt
til söluherferðar á næstunni hér innan-
lands og reynt að vekja áhuga fólks á
hollustu þessarar fæðutegundar, jafn-
framt því sem gefnarverða leiðbeiningar
um matreiðslu hennar.
Má alltaf bæta við
„Auðvitað má alltaf bæta við nýjung-
um. Við hófum til dæmis vinnslu á timbri
eftir að við fluttum timbursöluna inn á
Skemmuveg 2, sem náttúrlega er vöxt-
ur þótt hann komi ekki fram í beinni
sölu. Sala á unnu timbri er alltaf að
verða stærri liður í okkar rekstri."
- Það hefur mikið vérið talað um
offjárfestingar í tréiðnaði. Hvað segir
þú um það?
- Það á ekki við hjá okkur. Það sem
við raunverulega erum að gera er að
vinna timbur sem áður var flutt óunnið
til landsins. Aftur á móti er líklegt að í
húsgagnaiðnaði, svo dæmi sé tekið, hafi
átt sér stað offjárfesting.
- Hvað er margt starfsfólk hjá fyrir-
tækinu?
„Fastráðið starfsfólk losar hundraðið
en ef sumarafleysingafólk er meðtalið
stækkar hópurinn nokkuð, sérstaklega
ef tillit er-tekið til orlofslengingarinnar.
Lenging sumarleyfa gerir okkur svolítið
kvíðna, því yfir sumarmánuðina, þegar
mest er að gera ríður mikið á að hafa
vant starfsfólk.“
- Verslanir fyrirtækisins eru á tveimur
stöðum - verður það svo í framtíðinni?
„Fyrirheitni staðurinn fyrir alla starf-
semina er inni á Skemmuvegi. En hve-
nær við komumst þangað fer eftir því
hvernig úr rætist almennt á næstunni.“
Efnisvaran íslensk
- Frá hvaða löndum flytjið þið aðal-
lega inn?
„Ef við tökum verslunina á Nýbýla-
veginum þá kemur Þýskaland númer 1,
síðan kemur Svíþjóð, Ítalía og eiginlega
flest lönd Vestur-Evrópu. Timbur kemur
aftur mikið frá austantjaldslöndum, So-
vétríkjunum og Póllandi, og talsvert frá
Kanada.“
- Hvað með innlenda vöru?
„Við höfum hana á boðstólum svo
framarlega sem hún býðst samkeppnis-
hæf við innflutta vöru. Ef hún er jafn góð
eða betri en innflutt vara leitum við ekki
út fyrir landsteinana. í því sambandi
getum við nefnt næstum alla efnisvöru,
svo sem málningu, lím og fleira. Allt
galvaniserað þakjárn og næstum allur
saumur sem við seljum fáum við frá
Borgarnesi, enda ekki fáanlegt betra.“
- Hvernig gengur ykkur að gera fram-
tíðaráætlanir í þeirri verðbólgu sem hér
hefur ríkt? •
„Það er afskaplega erfitt að gera
marktækar áætlanir. Maður sér svo stutt
fram fyrir sig. Þetta á ekki bara við hjá
þeim sem reka fyrirtæki heldur eins
hjá fólki almennt. í vérsluninni finnur
maður það t.d. mjög greinilega að fólk
veltir hlutunumi meira fyrir sér en áður
var.Enda ekki skrítið að hrollur fari um
fólk þegar komið er fram með verð-
bólguspár upp á 110% eða meira.“
Búvörudeild Sambandsins:
Útflutningur
minnkaði um
2200 lestir