Tíminn - 13.04.1984, Blaðsíða 7

Tíminn - 13.04.1984, Blaðsíða 7
FÖSTUDAGUR 13. APRÍL 1984 B.st.ogK.L erlent yf irlit ÆTLAÐIAÐ LEGGJA BLÓM Á LEIÐi MÓÐUR SINNAR — 14 manns og 29 bílar lágu í valnum ¦ ítalir hafa löngum haft orð á sér fyrir að vera blóðheitir og óþolinmóðir. Hvað það varðar eru Napólíbúar ekki eftirbátar landa . sinna. Það mátti því búast við að eitthvað sögulegt ætti eftir að gerast, þegar strætisvagn einn, fullur af farþegum, gafst upp á miðri leið og neitaði að gegna áfram skyldustörfum sínum. Bílstjórinn kvað ekki um annað að ræða en að skilja bflinn eftir, þar sem hann var kominn, og best væri fyrir farþegana að koma sér út á stundinni. Einn farþeganna, Michele Antuzzi, var mjög ósáttur við þessa niðurstöðu og neitaði að yfírgefa vagninn. í staðinn settist hann í bílstjórasætið og ræsti vagninn, sem nú hreyfði engum andmælum. - Ég er orðinn of seinn, hrópaði Michele og gaf vel inn af bensíni. Þar með hófst hin sögulegasta ökuferð, þar sem Michele geystist um götur horgarinnar með lögreglubfla í kjölfarinu. Ekki hægði hann ferðina, þó að hann „straujaði" fleiri og færri bíla í leiðinni, auk þess sem hann þvingaði þá, sem á móti honum komu, til að víkja með ýmiss konar afleiðingum. Alls slösuðust 14 manns af vöidum þessa brjálæðislega leiks og 29 bílar skemmdust illa. Ökuferðinni iauk ekki fyrr en á kirkjugarðsvegg, þar sem strætisvagninn stóð í Ijósum logum. Ekki var Michele enn af baki dottinn. Hann snerist til varnar gegn lögreglumönnum, sem hugðust taka hann í sína vörslu, og slasaði 2 þeirra. Það var ekki fyrr en einn lögreglumannanna skaut hann í kviðinn, að hann varð að gefast upp. Á sjúkrahúsinu, þar sem gert var að sárum hans, varð hann að standa í biðröð ásamt fórnarlömbun- um sínum 14. Nú á Michele Antuzzi yfir höfði sér þungan og strangan dóm fyrir tiltæki sitt. En hvernig stóð á þessu uppátæki hans? - Ég ætlaði að leggja Itloiii á leiði móður minnar, var skýringin, sem hann gaf. ¦ Börnin eru komin vel á legg og nú finnst Paddy tími til kominn að hún fái að spreyta sig á hvíta tjaldinu. - Fyrrverandi „Frú Amerika" leggur Hollywood undir sig ¦ Það er aldrei of seint að byrja í nýju starfi. Að þeirri niðurstöðu komst Paddy Boyd, fyrrverandi „Frú Ameríka". Paddy er orðin 32 ára og hefur undanfarin ár unað sæl við bameignir, uppeldi og önnur húsmóðurstörf í South Carolina. En allt í einu fannst henni nóg komið. Hún dreif sig frá uppþvottinum beinustu leið til Hollywood og þar er henni sagt ganga alveg bærilega að koma undir sig fótunum, enda hefur hún ýmislegt gagnlegt til brunns að bera, eins og myndin ber með sér. Eiginmaðurinn og börnin tvö slógust í fylgd með henni og fylgjast nú stolt með framaferlinum. ¦ Blaðateiknarar sækja mjög efni sitt um þessar mundir til stefnu Reagans í afvopnunarmálum. Þessi mynd birtist í brezka sunnudags- blaðinu The Observer á sunnudaginn var. Bandaríkjastjórn hafnar alþjóðalögum í Mið-Ameríku — Undanskilur sig þar valdi Alþjóðadómsins næstu tvö ár. ¦ ÞAÐHEFURveriðkunnugt um nokkurt skeið, að skærulið- ar, sem eru andvígir stjórn Sand- inista í Nicaragua, hafa reynt að setja landið í eins konar hafn- bann með því að koma fyrir tundurduflum við helztu hafnirn- ar. Skip frá Sovétríkjum, Japan, Hollandi og Panama hafa rekizt á slík tundurdufl og orðið fyrir verulegu tjóni. Sá orðrómur komst fljótt á kreik, að bandaríska leyniþjón- ustan, CIA, hjálpaði til viðþess- ar aðgerðir. í síðastl. viku skýrðu fjölmiðlar frá því, að brezka stjórnin hefði sent Bandaríkja- stjórn viðvörun vegna gruns um, að CIA væri hér að verki. Þetta var þó endanlega ekki uppskátt fyrr en á sunnudaginn var, þegar New York Times greindi frá því og kvaðst styðjast við heimildir frá embættis- mönnum, að CIA veitti ráð um lagnir tundurdufla við hafnir í Nicaragua. Ráðunautar frá CIA hefðu bækistöð á skipi, sem væri utan 12 mílna lögsögu Nicaragua, og stjórnuðu þaðan iagningu tund- urduflanna, en þau væru flutt á hraðbátum til þeirra svæða, þar sem koma átti þeim fyrir. Rétt er að geta þess, að Nicar- agua telur sig hafa 200 mílna lögsögu, en Bandaríkin viður- kenna ekki neraa 12 mílna lög- sögu. Stjórnstöð CIA er eins og áður segir á skipi utan 12 mílna markanna og telur Bandaríkja- stjórn sig því ekki hafa gerzt brotlega við landhelgi Nicaragua þótt svo væri að CIA hefði átt þátt í lagningu tundurdutlanna, en því er hvorki játað eða neitað, að það hafi gerzt. Stjórn Nicaragua hafði áður haldið því fram, að CIA væri hér að verki, en fullur trúnaður hefur ekki verið lagðu; á það fyrr en áðurnefnd frétt birtist í New York Times. Jafnframt hafði stjórn Nicaragua lýst yfir því, að hún myndi kæra Bandaríkin fyrir Al- þjóðadómstólnum fyrir þennan og annan stuðning við skæruliða hópa innan landamæra Nicarag- ua. Þessari yfirlýsingu stjórnar Nicaragua hefur stjórn Banda- ríkjanna svarað nú í vikunni á þá leið, að hún muni ekki næstu tvö árin hlíta neinum úrskurði ¦ Edward Kennedy. Alþjóðadömstólsins, sem fjall- aði um afskipti þeirra af málcfn- um Mið-Ameríku. FREGNIN um þátttöku CIA í lagningu tundurduflanna vakti strax feikna andúð víðs vegar um heim. Hér var um að ræða ótvíræða hernaðaraðgerð, sem er brot á alþjóðalögum og reglum, nema áður hafi viðkom- andi ríki verið sagt stríð á hendur. Flest ríki Norður-At- lantshafsbandalagsins hafa lýst yfir því við Bandaríkjastjórn, að þau séu andvíg þessum verknaði og á ísland vafalaust eftir að bætast í þann hóp. Viðbrögðin hafa ekki síður o;ðið hörð í Bandaríkjunum sjálfum. Strax eftir að fréttin birtist í New York Times, hóf Edward Kennedy öldungadeild- arþingmaður að beita sér fyrir því, að deildin lýsti sig þessu andvíga, með því að neita um allar fjárveitingar til þessara að- gerða. Þessi tillagavarsamþykkt með yfirgnæfandi meirihluta. Þrátt fyrir hana mun Reagan forseti ráða yfir fjármagni til að halda lagningu tundurduflanna áfram, ef hann beygir sig ekki fyrir augljósum vilja öldunga- deildarinnar og miklum meiri- hluta flokksbræðra sinna þar. Menn óttast það ekki sízt í sambandi við umrædda hernað- araðgerð CIA, að ýmsir ósvífnir valdhafar eins og Khaddafi Lí- býuforseti eigi eftir að fylgja þessu fordæmi og leggja tundur- dufl á siglingaleiðum, ef þeir telja það geta þjónað markmið- um sínum. Sértil afsökunargeta þeir sagt, að þeir fylgi fordæmi Bandaríkjastjórnar. í FJÖLMIÐLUM í Vestur- Evrópu og víðar hefur þátttaka CIA í lagningu tundurduflanna ekki aðeins verið fordæmd held- ur litlu eða engu minna sú yfirlýsing Bandaríkjastjórnar, að hún muni ekki í næstu tvö ár hlíta neinum úrskurði alþjóða- dómstólsins varðandi afskipti Bandaríkjanna af málefnum Mið-Ameríku. Margir fjölmiðlar hafa talið Þórarinn Þórarinsson, ritstjóri, skrifar þessa yfirlýsingu jafngilda því, að Bandaríkin séu að lýsa yfir því, að þau ætli að hafa alþjóða- lög að engu, heldur gera það, sem þcim sýnist í þessum hluta heimsins án tillits til laga og réttar. Mcðal blaða, sem hafa gagn- rýnt þetta, cr Aftenposten í Oslo, en fá blöð munu tryggari Bandaríkjunum en Aftcnpost- en. Margir fjölmiðlar hafa dregið af þessu þá ályktun, að Banda- ríkin hyggi á hernaðaraðgerðir í Mið-Ameríku, ef önnur úrræði mistakast til að hindra yfirráð kommúnista þar, enda þótt því sé nú yfirlýst af Bandaríkja- stjórn. að hún hyggi ekki á að beita bandarískum her þar. Þessar ágízkanir hafa fengið meiri byr í vængi vegna annarrar fréttar, sem New York Times birti síðastliðinn sunnudag en þeirrar, sem getið var í upphafi. Þessi frétt var á þá leið, að háttsettir embættismenn viður- kenni, að samin hafi verið áætlun í varnarmálaráðuneytinu um að beita bandarískum herafla í Mið- * Ameríku, ef Bandaríkjastjórn mistakist þau áform, sem nú er verið að framkvæma til að koma í veg fyrir valdatöku róttækra flokka á vinstri væng. Vart kæmi þó til þess að grípa til slíkrar beinnar hernaðarlegrar íhlutunar fyrr en á árunum 1985 eða 1986, því að fyrr yrði tæpast séð, hvort núverandi aðgerðir bæru tilætlaðan árangur, en þá er átt við efnahagslega aðstoð og fjárhagslega og tæknilega aðstoð á hernaðarsviðinu, en ekki beina þátttöku Bandaríkjahers. New York Times segir, að þessi áætlun hafi verið gcrö undir forustu Freds C. Iklé aðstoðar- varnarmálaráðherra og nokk- urra helztu ráðunauta hans. Þá hafi yfirhershöfðingi Bandaríkj- anna á svonefndu suðursvæði, Paul F. Gorman, tekið þátt í þessari áætlunargerð. Hann hef- ur bækistöð sína á yfirráðasvæði Bandaríkjanna við Panama- skurðinn. Margt bendir til, að þessar tvær fréttir í New York Times eigi eftir að dragast inn í kosn- ingabaráttuna og gæti svo farið, að þær hefðu mikil áhrif á úrslitin í forsetakosningunum.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.