Tíminn - 21.02.1989, Side 2

2 Tíminrí
Seyðisfjarðarkirkja
skemmist í eldsvoða
Seyðisfjarðarkirkja. Talið er að tjónið vegna eldsins ncmi á annan tug milljóna.
Mikið tjón varð þegar
eldur kom upp í Seyðis-
fjarðarkirkju kl. rúmlega
níu í gærmorgun. Kirkjan
sem vígð var 1922 er að
mestu brunnin að innan og
sagði sóknarpresturinn sr.
Kristján Róbertsson í sam-
tali við Tímann að tjónið
væri gróflega áætlað á ann-
an tug milljóna. Eldurinn
barst ekki í safnaðarheimil-
ið sem er áfast kirkjubygg-
ingunni, en það skemmdist
hins vegar af sóti og reyk.
Eldsupptök eru rakin til gastækis
sem verið var að vinna með fyrir
utan kirkjuna. Eldur mun hafa
komist inn í einangrun og síðan
borist í einangruninni um kirkjuna
og varð hún alelda á skömmum
tíma. Sr. Kristján Róbertsson
sagði að slökkviliðið hefði verið
komið á staðinn um liálf tíu og
unnið gott verk og skynsamlega að
hans mati og var búið að slökkva
alla elda um hádegi. „Skemmdirn-
ar á kirkjunni sjálfri eru mjög
miklar. Það má segja að allt innan-
dyra sé meira eða minna skemmt.
Pípuorgelið sem metið er á margar
milljónir króna virðist vera ónýtt,"
sagði sr. Kristján. Hann sagðist
telja að fullur vilji væri fyrir því að
endurbyggja kirkjuna. „Síðan
slökkvistarfi lauk hefur verið stans-
laus straUmur hingað og virðist
vera geysilega mikill samhugur um
þetta allt saman, cn það cr lleiri
mánaða verk að koma kirkjunni í
nothæft ástand," sagði sr. Kristján.
Altaristafla frá 19. öld við hliðar-
altari í kirkjunni varð eldinum að
bráð sem og flestir aðrir innan-
stokksmunir.
Sem áður sagði var kirkjan vígð
1922, byggð úr timbri, með for-
kirkju, sönglofti og svölutn og
tekur um 300 manns í sæti. A
síðustu árum hafa farið fram mikl-
ar endurbætur á kirkjunni og var
verið að vinna að endurbótum
þegar eldurinn kom upp. Safnaðar-
heimilið sem er áfast kirkjunni, var
byggt á árunum 1977 til 1978 og
sagði sr. Kristján að önnur hurðin
milli safnaðarhcimilisins og kirkj-
unnar hcfði verið lokuð og hefði
því eldur ekki komist á miili, en
hins vegar hefði mikil reykur borist
á milli. „Ég sit nú hér á minni
skrifstoíu, sem er í safnaðarheimil-
inu, en hér er varla hægt að koma
við nokkurn hlut fyrir sóti. Við
erum nú ekki byrjuð að þrífa, en
það er vérið að líta yfir og athuga
hve tjónið er mikið, t.d. í bókum
og þess háttar," sagði sr. Kristján.
Hann sagði að mjög fjölmenn og
ánægjuleg messa hefði verið í
kirkjunni á sunnudag og hafi Sig-
urður Helgason sýslumaður sem er
á förum frá staðnum predikað.
-ABÓ
Halldór Ásgrímsson og Jón Baldvin Hannibalsson ræöa við Kazuo Shima frá ríkisstjórn Japans:
Þvinganir bitni ekki
á Islendingum einum
Á fundi tveggja ráðherra Islands
með samningamanni Japansstjórnar
í fiskveiðimálum, Kazuo Shima, var
rætt um hvort Japanar gætu keypt þá
útflutningsframleiðslu íslendinga,
sem ekki er hægt að losna við vegna
mótmælaaðgerða á erlendum mörk-
uðum okkar. Halldór Ásgrímsson,
sjávarútvegsráðherra, sagði í viðtali
við Tímann í gær að það hafi verið
rætt af alvöru um þessa leið til að
losna við vörur sem ekki seljast
vegna mótmæla og efnahagsþving-
ana á evrópskum mörkuðum, sem
beitt er gegn íslandi sérstaklega.
Skyldir aðilar verði að taka á sameig-
inlega í alþjóðlegri kynningu fyrir
málstað sjávarútvegsþjóða.
„Eins var það rætt að kynningar-
starf vegna vísindaáætlunarinnar
hefur verið ófullnægjandi á alþjóð-
legum vettvangi,“ sagði Halldór, en
hann sat fundinn sem haldinn var í
Reykjavík um helgina með Shima,
ásamt utanríkisráðherra, Jóni
Baldvin Hannibalssyni.
Sagði Halldór að það væri ljóst að
íslendingar geta ekki staðið að ár-
angursríku kynningarátaki fyrir vís-
indaáætluninni einir þjóða. „Við
getum ekki hafið slíkt kynningar-
starf með árangri, einir sér. Þess
vegna vorum við sammála um það á
þessum fundi að rétt væri að athuga
með hvaða hætti þær þjóðir sem
mestra hagsmuna hafa að gæta, geti
aukið sitt samstarf,“ sagði Halldór.
Benti hann á að þetta hafi m.a. verið
rætt á ráðstefnu sem Sovétmenn,
íslendingar, Japanar, Norðmenn,
Grænlendingar, Færeyingar og Kan-
adamenn, efndu til fyrir rúmu ári í
Reykjavík. Ákveðið er að halda
aðra slíka ráðstefnu á þessu ári.
„Við gerum ráð fyrir að taka þessi
kynningarmál upp á þeint fundi,
þannig að ékki verði bara um að
ræða Japan og ísland, heldur einnig
önnur ríki,“ sagði ráðherrann.
„Þegar grænfriðungar fara að
Kazuo Shima, samningamaður ríkis-
stjórnar Japans í fiskveiðimálum.
sækja að okkur með þessum mikla
þunga verðum við að gera það sem
í okkar valdi stendur til að mæta því.
Japanar búa við nokkuð svipaðar
aðstæður og við. Þeir eru að berjast
fyrir því að geta tekið upp hvalveiðar
í sinni landhelgi í smáum stíl. Jafn-
framt stunda þeir umfangsmiklar
rannsóknir í S-íshafinu, sem hafa
leitl í ljós mikilsverðar niðurstöður.
Þeir eru þeirrar skoðunar að ef
rannsóknir leggist af og þar með
vísindaveiðar, þá verði næsta bar-
áttumál umhverfissinna að minnka
veiðar á fiskistofnum til að sjávar-
spendýr hafi örugglega næga fæðu.
Slík sjónarmið leynast víða og þar af
leiðandi hafa þeir, sem lifa af sjávar-
fangi, sameiginlegra hagsmuna að
gæta,“ sagði Halldór Ásgrímssori,
sjávarútvegsráðherra.
Sagði hann að það væri alls ekki
hægt að sætta sig við að þessir
grænfriðungar nái verulegum árangri
með ósannindum og miklum fölsun-
um í áróðri sínum, eins og skýrt hafi
komið í ljós með nýlegan áróður
gegn selveiðum Norðmanna. „Það
er ekkert hikað við það að beita
hvers kyns aðferðum til að koma á
framfæri röngum málstað. Mér sýn-
ist að það sé að koma betur og betur
í ljós að hér verði skyldir aðilar að
taka á sameiginlega," sagði Halldór.
KB
■ 2i. febrúar Í989
Fisksölur í Bretlandi
og Þýskalandi vikuna
13. til 17. febrúar:
tonn
seld
ytra
Rúmlega 634 tonn voru seld af
ísfiski á Bretlandsmarkaði í síðustu
viku, fyrir rúmar 70 milljónir króna.
Eitt skip, Sólbergið OF 12, land-
aði í Bretlandshöfnum þessa vikuna
samtals 136,5 tonnum, að heildar-
verðmæti um 13 milljónir króna.
Meðalverð aflans var 96,32 krónur á
kílóið. Uppistaðan var þorskur sem
fyrreða 114,7 tonn, meðalverð99,74
krónur. Þá voru seld um 2,4 tonn af
ýsu, meðalverð 123,41 króna, rúm
sjö tonn voru af bæði ufsa og grálúðu
og fékkst 88,16 króna meðalverð
fyrir grálúðuna og 58,30 fyrir ufsann.
Þá landaði Sólbergið einnig3,2tonn-
um af karfa og fékkst 55,97 króna
meðalverð fyrir hann.
Sala á fiski úr gámum nam samtals
497 tonnum í síðustu viku að verð-
mæti um 57,6 milljónir króna. Með-
alverð gámafisksins var 115,76
krónur. Af þessum 497 tonnum voru
256tonn afþorski, meðalverð 112,74
krónur og 139 tonn af ýsu, meðal-
verð 129,99 krónur. Af ufsa voru
13,7 tonn og fengust 54,22 krónur að
meðaltali fyrir hvert kíló. Tæp sautj-
án tonn voru af karfa, rúm 22 tonn
af kola og rúm 24 tonn af grálúðu.
Þá voru um 24,6 tonn af blönduðum
afla seld úr gámum og fengust 143,75
krónur að meðaltali fyrir kílóið.
Þrjú skip seldu í Þýskalandi í
síðustu viku, samtals 608 tonn og
fengust 71,57 krónur að meðaltali
fyrir kílóið af aflanum. Heildarverð-
mæti aflans sem seldur var á Þýska-
landsmarkaði þessa vikuna nam 43,5
milljónum. 548,9 tonn voru seld af
karfa, meðalverð 74,46 krónur á
kíló. Af blönduðum afla voru seld
um 45 tonn, meðalverð 35,16
krónur, af ufsa voru seld 9,7 tonn,
meðalverð 72,32 krónur og af þorski
voru 4,6 tonn seld fyrir 80,52 króna
meðalverð.
Skipin þrjú sem seldu þennan afla
voru Víðir HF 201, Viðey RE 6 og
Margrét EA 710. -ABÓ
Þríðj'udagu'r
Bráðabirgða-
lög verða lög
Bráðabirgðalög er ríkisstjórn
Þorsteins Pálssonar setti í maí á
síðasta ári voru afgreidd sem lög
frá Alþingi í gær. Lögin voru
óbreytt að öðru leyti en því að
bætt hafði verið við ákvæðum um
Atvinnutryggingarsjóð.
Bráðabirgðalögin sem eru á
þingskjali 20 frá í haust voru
borin undir atkvæði í neðri deild
þingsins í gær, eftir að þriðja
umræða hafði farið fram á föstu-
dag og voru samþykkt af stjórnar-
liðum í deildinni en stjórnarand-
staðan sat hjá.
Bráðabirgðalög þau er ríkis-
stjórn Steingríms Hermannsson-
ar setti í haust voru einnig af-
greidd úr deildinni. -ág