Tíminn - 21.02.1989, Side 5

Þriðjudagur 21. febrúar 1989
Tíminn 5
Fjárlagahallinn á síðasta ári var um 7 milljaröar, þar af voru:
AUKAFJÁRVEITINGAR
UM ÞRÍR MILUARDAR?
Ólafur Ragnar segir breytt fyrirkomulag aukafjárveitinga verði rætt í ríkisstjórninni á næstu vikum
Tíminn hefur rökstuddan grun um aö aukafjárveitingar á
síðasta ári hafi numið tæpum þremur milljörðum. Sighvat-
ur Björgvinsson formaður fjárveitinganefndar vildi ekki
tjá sig um málið er haft var samband við hann í gærkvöldi.
Hann vildi ekki heldur tjá sig um hvenær tölur þessar yrðu
gerðar opinberar og benti á fjármálaráðherra í því
sambandi. Ekki náðist í Ólaf Ragnar Grímsson fjármála-
ráðherra til að bera málið undir hann, né forvera hans Jón
Baldvin Hannibalsson.
1 viðtali við Tímann í gærdag
sagði Ólafur Ragnar Grímsson
fjármálaráðherra að á næstu vikum
verði breytt fy rirkomulag aukafj ár-
veitinga tekið til umfjöllunar í
ríkisstjórninni. Ráðherrann vildi
ekki segja til um að svo stöddu
hvort hann legði til að aukafjárveit-
ingar yrðu iagðar af með öllu, en
þessi mál væru til skoðunar í ráðu-
neyti hans.
Ólafur Þ. Þórðarson annar af
fulltrúum framsóknarmanna í fjár-
veitinganefnd hefur lagst mjög á
móti því að aukafjárveitingar væru
veittar og telur að allar þær fjár-
veitingar sem ekki eru samþykktar
af löggjafarvaldinu, þ.e. Alþingi,
séu brot á stjórnarskránni. Rök-
stuðningur Ólafs fyrir því er sá að
ráðherra sé fulltrúi framkvæmda-
valdsins og að ekki sé löglegt að
framkvæmdavaldið úthluti pening-
um sem löggjafarvaldið samþykki
síðan eftirá. Aðrir hafa bent á að
þessi túlkun sé ekki að öllu leyti
rétt þar sem margar aukafjárveit-
ingar séu til komnar vegna verk-
efna sem Alþingi samþykki að
framkvæma, eftir að fjárlög við-
komandi árs hafi verið samþykkt
og í öðrum tilfellum reynist kostn-
aðaráætlanir við verkefni á vegum
ríkisins rangar.
Á valdi þingsins
Ólafur Ragnar mælti fyrir fjár-
aukalögum vegna ríkisreikninga
árin 1979 og 1981-1986 ísameinuðu
þingi í gær. Samþykkt aukafjár-
veitinga frá þessum árum er nánast
Ólafur Ragnar Grímsson fjármála-
ráðherra mun leggja tillögur sínar
um endurskoðun aukafjárveitinga
fyrir ríkisstjórnina á næstu vikum.
formsatriði, þar sem venja er að
fjárveitingar umfram fjárlög séu
færðar inn á lánsfjárlög. Fjármála-
ráðherra sagðist ekki vilja gefa út
yfirlýsingar um þessi mál fyrr en
þau hefðu verið rædd í ríkisstjórn-
inni, en kvaðst persónulega þeirrar
Ólafur Þ. Þórðarson telur allar
fjárveitingar umfram fjárlög brot á
stjórnarskránni.
skoðunar að úr aukafjárveitingum
þyrfti að draga verulega. „Endan-
leg ákvörðun er í höndum Alþing-
is, og það verður að koma í ljós
hvort vilji er fyrir því á Alþingi að
draga mjög verulega úr aukafjár-
veitingum," sagði Ólafur Ragnar.
Fjáraukalög að
vori og hausti?
Viðræður hafa átt sér stað á milli
fjármálaráðherra og fjárveitinga-
nefndar sameinaðs þings, cr fjallar
m.a. um fjárlög milli umræðna, um
hvernig snúa megi þeirri þróun við
að kostnaður ríkisins fari milljörð-
um fram úr áætlunum ár hvert
vegna aukafjárveitinga. Sú hug-
mynd hefur verið viðruð að á vori
hverju verði gefin út fjáraukalög
frá Alþingi, enda sé þá raunveruleg
fjárþörf ríkisins á því ári nokkurn
veginn Ijós. Sé mikil verðbólga
ríkjandi og forsendur fjárlaga
standist ekki þess vegna sé og unnt
að gefa út önnur fjáraukalög að
hausti. Þetta hefur þann kost að
Alþingi mundi samþykkja öll fjár-
útlát svo til jafn óðum og hafa mun
betri yfirsýn fyrir eyðslu ríkisins á
hverjum tíma.
Eins og áður segir munu þessi
mál tekin fyrir af ríkisstjórninni í
næsta rnánuði og er búist við að þá
verði lagt til að heimildir ráðherra
til aukafjárveitinga verði þrengdar
verulega. Ekki getur samt talist
líklegt að þær verði afnumdar með
öllu, enda slíkt erfitt í framkvæmd.
____________________________1ÍÍL
Uthlutun launa
til listamanna
Úthlutunarnefnd listamannalauna
hefur lokið úthlutun fyrir árið 1989.
Samkvæmt undanþágu frá lögum
var aðeins einn flokkur listamanna-
launa á síðasta ári og svo verður
einnig nú. Þeir sem einu sinni hafa
komist á þennan lista detta ekki út
af honum nema þeir látist eða óski
sérstaklega eftir því. Á þessu ári
óskaði Atli Heimir Sveinsson eftir
því að hljóta ekki þessi laun á árinu.
Fjórir listamenn hafa flust upp í
heiðurslaunaflokk samkvæmt ák-
vörðun Alþingis og sex látist. Tólf
listamönnum var því bætt í hópinn
en þau eru Birgir Sigurðsson, Filipp-
ía Kristjánsdóttir, Geir Kristjáns-
son, Guðmundur Karl Ásbjörnsson,
Guðný Guðmundsdóttir, Gylfi
Gröndal, Hafsteinn Austmann,
Hjörleifur Sigurðsson, Leifur Breið-
fjörð, Rut Ingólfsdóttir, Steingrímur
St. Th. Sigurðsson og Þórarinn
Eldjárn.
Launin nema sjötíu þúsund krón-
um en voru 68 þúsund á 99 listamenn
á síðasta ári. Samkvæmt fjárlögum
1989 hafa framlög til lista hækkað
milli ára um 34% að meðaltali en
listamannalaunin aðeins um 4%. Að
mati nefndarinnar er því í raun um
20% lækkun að ræða. jkb
Góð loðnuveiði út af Vík í Mýrdal um helgina:
Verð á loðnu til
frystingar frjálst
Verðlagsráð sjávarútvegsins
ákvað á fundi sínum á föstudag að
gefa frjálsa verðlagningu á loðnu
til frystingar, beitu og skepnufóð-
urs á loðnuvertíð vorið 1989. Það
var hins vegar ákveðið að fresta
ákvörðun um verðlagningu á
loðnuhrognum.
Hörður Árnason hjá Hraðfrysti-
stöð Vestmannaeyja sagði í samtali
við Tímann að nú væru 12 krónur
borgaðar fyrir hvert kíló af loðnu
sem færi til frystingar.
Á föstudagsmorgun fannst loðna
um 10 mílur fyrir austan Eyjar og
voru tveir bátar komir að landi um
hádegi með fullfermi. Sem kunn-
ygt er var bræla frá fimmtudegi í
fyrri viku fram á mánudagsmorg-
un. Þá fóru bátarnir út, en fremur
lítil veiði var framan af vikunni,
þar til á föstudag. Á miðvikudag
var einhver smá veiði vestan við,
Ingólfshöfða og við Alviðru í fyrra-
dag. i
• Á föstudag var tilkyhnt um
12.190 tonn af loðnu frá samtals 19
bátum. Á laugardag tilkynntu
einnig 19 bátar um afla, samtals
12.790 tonn og á sunnudag til-
kynntu 26 bátar um samtals 22.430
tonn. Þennan afla fengu bátarnir
aðallega út af Vík í Mýrdal.
-ABÓ
KIRKJUVÍGSLA A
SELTJARNARNESI
Á sunnudaginn fór fram vígsla
Seltjarnarneskirkju. Fyrsta skóflu-
stungan var tekin 16. ágúst 1981 en
byggipgaframkvæmdir hófust vorið
’82.
I aöal kirkjuskiginu er gert ráð
fyrir 250 manns í sæti. Salur safnað-
arheimilisinslekur 100 manns í sæti,
en framkvæmdum við safnaðarheim-
ilið er ekki að fullu lokið.
Hörður Björnsson bygginga-
tæknifræðingur hannaði kirkjuna en
sonur hans Hörður Harðarson tók
þátt í hönnun hennar á seinni stigum
framkvæmdanna.
Vígsluguðsþjónustan á sunnudag-
inn var ekki fyrsta messan sem
haldin hefur verið í kirkju Seltirn-
inga, því á jólum 1985 var vígður
guðsþjónustusalur í kjallara kirkj-
unnar. Þar áður var messað bæði í
Tónlistarskólanum á Seltjarnarnesi
og í félagsheimilinu.
Sóknarprestur í Seltjarnarnes-
sókn er sr. Sólveig Lára Guðmunds-
dóttir. SSH
ökum
ávallt með tillltt tll
aðstœðna ekkl of hæyt
— ekklof hratt.