Tíminn - 21.02.1989, Qupperneq 7

Þriðjudagur 21. febrúar 1989
Tíminn 7
Helgi Skúlason segir ávítur Félags leikstjóra hálfgeröan brandara:
„Samtr ygging
hinna < >hæfu“
Helgi Skúlason segist standa fast við ummæli sín þess efnis
að Inga Bjarnason hefði ekki valdið hiutverki leikstjóra
verksins „Hver er hræddur við Viginíu Woolf?“ Félag
leikstjóra á Islandi hefur tekið ummæli hans óstinnt upp en
Helgi segist helst sjá broslegu hliðina á því máli.
Helgi Skúlason og Helga Bachmann í hlutverkum sínum í „Hver er hræddur
við Virginíu Woolf?“
Félag leikstjóra á íslandi hefur
gert ályktun þar sem segir að stjórnin
sjái sig knúna til að gera athugasemd
við ummæli Helga.
í athugasemdinni segir meðal
annars: „Opinberar yfirlýsingar af
þessu tagi um aðgerðir listamanna
eru að dómi félagsstjórnar í eðli sínu
heimskulegar og geta ekki vakið
skynsömum mönnurn spurningar um
neitt annað en hugarfar þess sem
lætur slíkt frá sér fara."
Einnig er minnst á að í lögum
félagsins sé kveðið á um að hver sá
meðlimur sem starfi andstætt hags-
munum þess megi sæta brottrekstri.
Félag íslenskra leikstjóra mun halda
fund varðandi þetta málefni í heild
sinni áföstudaginn kemur. Þarverða
að öllum líkindum lagðar fram og
ræddar yfirlýsingar sem beðið er
eftir frá Leikfélagi Akureyrar og
Ingu Bjarnason auk ummæla Helga
og Arnórs Benónýssonar.
María Kristjánsdóttir formaður
félagsins sagði Tfmanum að miðað
við þau viðbrögð sem hún hefði
orðið vör við, bæði meðal leikara og
leikstjóra, þá teldi hún líklegt að til
brottreksturs Helga gæti komið.
„Ég stend alveg við það sem ég
sagði og við öll. Aumingja mann-
eskjan réð ekkert við þetta. Tilvilj-
unin ein réði því að það var ég sem
sagði þetta þegar ég sat fyrir svörum
hjá útvarpinu. Ég heyrði tilkynningu
þess efnis að Inga Bjarnason þvægi
hendur sínar af sýningunni í hádegis-
fréttum og því hefði verið hálf
kjánalegt að svara ekki þegar ég var
spurður hvernig á þessu stæði í
útvarpsþætti seinna sama dag,“ sagði
Helgi Skúlason í samtali við
Tímann.
„Það skondnasta við þetta er að
Félag leikstjóra á íslandi hefur ekki
haft samband við okkur varðandi
málið. Jafnvel þó að helmingur leik-
arahópsins sé í félaginu.“ En Helgi
er auk þess að vera einn af stofnend-
um félagsins fyrsti formaður þess.
„Þetta virkar allt saman mjög
fyndið á mig og ég get ómögulega
tekið þessa samtryggingu hinna
óhæfu alvarlega. Einn brandarinn í
viðbót er síðan að í þriggja manna
stjórn félagsins er Inga Bjarnason
gjaldkeri," sagði hann.
Helgi benti jafnframt á að sér
þætti furðulegt að Félag íslenskra
leikstjóra ætlaði að halda fund á
föstudaginn kemur þar sem þetta
mál verður tekið fyrir. „Hjá leik-
stjóra- og leikarafélögum eru alltaf
haldnir fundir á mánudögum eða
þriðjudögum þegar leikhús sýna
ekki. Manni dettur einna helst í hug
að föstudagurinn hafi verið valinn
vegna þess að þá er einmitt sýning
hjá okkur á Akureyri og því útilokað
að við Helga komumst á fundinn."
Helgi sagði að fyrir sig myndi
brottvikning úr félaginu ekki skipta
nokkru einasta máli. Hann hefur
ekki leikstýrt í ein fjögur ár og er því
orðinn aukafélagi. „Það eina sem
gerist er að ég hætti að fá rukkun
fyrir félagsgjöldum sem ég hef greitt
árlega frá stofnun félagsins.“
jkb
Leikfélag Akureyrar:
Hver er hræddur
við Virginíu Woolf?
Föstudaginn 17. febrúar frum-
sýndi Leikfélag Akureyrar leikritið
„Hver er hræddur við Virginíu
Woolf?“, eftir bandaríska leikrita-
höfundinn Edward Albee. Leikrit-
ið var sýnt í Þjóðleikhúsinu árið
1964, en frumsýning þess var á
Broadway árið 1962 við mikla
hneykslun áhorfenda en jafnframt
hrifningu.
Að sögn Arnórs Benónýssonar
leikstjóra gerist verkið á einni
næturstund í gleðskap tvenna
hjóna. Það leiðist síðan útí rökræð-
ur og uppgjör og endar í fullkomnu
einvígi milli eldri hjónanna. Þetta
er svona dæmigert uppgjörspartý
um ástir ósamlyndra hjóna. Ann-
ars er ekki vert að segja of mikið
um verkið, það leikur svolítið laus-
um hala, sagði Arnór.
Eldri hjónin eru leikin af þeim
Helgu Bachmann og Helga Skúla-
syni, en þetta er í fyrsta skipti sem
þau hjón leika hjá L.A. Yngri
hjónin eru leikin af þeim Ellert A.
Ingimundarsyni og Ragnheiði
Tryggvadóttur, en þau hafa bæði
leikið á Akureyri áður. Aðrir að-
standendur sýningarinnar eru
Ingvar Björnsson sem hannar lýs-
ingu, Guðrún Svavarsdóttir sem
hannaði leikmynd og búninga,
Leifur Þórarinsson sem samdi tón-
listina og hljóðstjórnandi er Gunn-
ar Sigurbjörnsson. HÍA, Akureyri
Skrá yfir íslensk skip 1989 komin út:
MEDALALDURISLENSKRA
FISKISKIPA ER 17,5 ÁR
1103 þilfarsskip voru skráð í
aðalskipaskrá 1. janúar 1989.
Af þeim eru 957 skráð sem
fiskiskip, 32 þilfarsskip eru
skráð sem vöruflutningaskip og
önnur skip, sem eru skráð með
hliðsjón af verkefnum sínum,
svo sem varðskip, farþegaskip,
rannsóknaskip o.s.frv. eru sam-
tals 114 talsins. Elsta skráða
skipið í flotanum er smíðað
1912, en meðalaldur fiskiskipa
er nú 17,5 ár og hefur lækkað
um 1 ár frá því 1. janúar 1988.
Þetta kemur fram í nýútkominni
„Skrá yfir íslensk skip 1989“
sem Siglingamálastofnun ríkis-
ins gefur út.
Um stærð skipanna kemur fram
að af þessum 1103 skipum eru 1011
skip samtals 199.838 brúttórúmlestir
og 92 skipanna alls 3.281 brúttótonn.
Mismunandi mælieiningar eru vegna
nýrra reglna sem nú er farið að skrá
eftir. í stað brúttórúmlesta verða
skip eftirleiðis mæld í brúttótonnum.
32 þilfarsskipin sem skráð voru sem
vöruflutningaskip voru 64.861
brúttórúmlestir að stærð. Meðal-
stærð þeirra fiskiskipa sem mæld eru
í rúmlestum var þann 1. janúar
1989, 135.1 brúttórúmlestir. Meðal-
stærð þeirra 82 fiskiskipa sem mæld
eru í brúttótonnum er 38,7 brúttó-
tonn. Opnir vélbátar sem eru á skrá
hjá Siglingamálastofnun ríkisins
voru þann 1. janúar 1.623 talsins,
alls 6.560 brúttórúmlestir.
Við áramótin 1988 voru á skrá
1037 þilfarsskip, alls 187.829 brúttó-
rúmlestir. Á árinu voru skrásett 25
skip, samtals 20.303 brúttórúmlestir
að stærð og 74 skip 3.100 brúttótonn
að stærð. Af skrá voru tekin 33 skip,
samtals 7.314 brúttórúmlestir að
stærð. Á árinu fjölgaði þilfarsskipum
um 66 og brúttórúmlestastærð þeirra
jókst um 12.009 brl og 3.218 brúttó-
tonn. Fiskiskipum fjölgaði um 58 og
jókst heildarstærð þeirra um 2.155
brúttórúmlestir og 3.173 brúttótonn.
Vöruflutningaskipum fækkaði um
tvö, en heildarstærð þeirra jókst um
9.884 brúttólestir. Opnum vélbátum
fjölgaði um 137 báta, samtals um
1.079 brúttórúmlestir að stærð.
Búið er að semja um smíði, eða í
smíðum eru 22 þilfarsskip hér innan-
lands og erlendis eru 14 fiskiskip í
smíðum fyrir íslenska aðila.
-ABÓ
Herstöðvaandstæðingar:
Varaflug-
völlur er
hernaðar-
framkvæmd
Samtök herstöðvaandstæðinga
hafa beint þeirri áskorun til ríkis-
stjórnarinnar að hún beiti sér
gegn því að Nató kosti byggingu
flugvallar hérlendis.
Samtökin samþykktu ályktun
á fundi sínum nýverið þar sem
meðal annars segir „Kostnaðar-
tölur fyrir þennan umrædda flug-
völl eru það háar að augljóslega
er um hernaðarframkvæmd að
ræða.“
Þeir telja að framkvæmd við
lengingu flugvalla sem fyrir eru,
þannig að þeir nýtist sem alþjóð-
legir flugvellir, sé aðeins um 2-
300 milljónir. Hins vegar yrði
kostnaður við Nató-völlinn um
9-10 milljarðar. „Nató mun ekki
leggja í slíkan kostnað við völl
sem ekki er ætlunin að nota.“
Samtökin telja yfirlýsingar
Nató þess efnis að flugvöllurinn
verði ekki notaður á friðartímum
lítils virði. Þau minna í þessu
sambandi á ratsjárstöðvarnar
sem sagt var að gætu nýst íslensk-
um fiskiskipum. „Nú er komið í
ljós að engar ratsjár eru í þessum
stöðvum. jkb