Tíminn - 10.08.1989, Page 4

4 Tíminn
Fimmtudagur 10. ágúst 1989
ARMULA 11 SIMI 681500
Rafgirðingar
knúnar solarorku !
Nýju RED SN/^P’R rafgirðingastöðvarnar nota
solarorkuna til að gefa straum á allt að 40 km
langa rafgirðingu. Innbyggð rafhlaða. Sérlega
auðveld uppsetning.
FRÁ MENNTAMÁLARÁÐUNEYTINU
Lausar stöður
Við Flensborgarskóla f Hafnarfirði er laus til umsóknar
1/2 staða kennara í frönsku.
Við Fósturskóla íslands er laus til umsóknar 1/2 staða
kennara í fslensku og barnabókmenntum. Frekari upplýs-
ingar veittar á skrifstofu skólans milli kl. 10.00-15.00 alla
virka daga.
Við Menntaskólann á Egilsstöðum er laus til umsóknar
staða kennara í tölvufræði, stærðfræði og viðskiptagrein-
um.
Við Fjölbrautaskóla Suðurnesja, framlengdur er um-
sóknarfrestur um stöðu kennara í íslensku.
Við Menntaskólann f Hamrahlíð er laus til umsóknar
staða stundakennara í vélritun. Frekari upplýsingar veittar
á skrifstofu skólans.
Umsóknir ásamt upplýsingum um menntun og fyrri störf
sendist menntamálaráðuneytinu, Hverfisgötu 6, 150
Reykjavík, fyrir 21. ágúst næstkomandi.
Við Landsbókasafn íslands er laus til umsóknar staða
deildarstjóra í deild erlendra rita. Ráðið verður f stöðuna
frá 1. október næstkomandi.
Æskilegt er að umsækjendur hafi lokið háskólaprófi f
bókasafnsfræði.
Umsóknir ásamt upplýsingum um menntun og starfsferil
skulu hafa borist menntamálaráðuneytinu fyrir 4. sept-
ember næstkomandi.
Við sjávarútvegsdeild Háskólans á Akureyri eru eftirtald-
ar stöður lausar til umsóknar:
1) Staða forstöðumanns sjávarútvegsdeildar.
2) Staða lektors í stærðfræði, aðal kennslugreinar stæi
fræði og tölfræði.
3) Staða lektors í tölvufræði.
Umsóknir ásamt rækilegri skýrslu um vísindastörf um-
sækjanda, ritsmíða og rannsóknir, námsferil og störf,
skulu sendar menntamálaráðuneytinu, Hverfisgötu 6,150
Reykjavík, fyrir 10. september 1989.
Laun samkvæmt launakerfi starfsmanna ríkisins.
PÓSTFAX TÍMANS
Ný ópólitísk stjórnmálasamtök að fæðast? Gunnar Harðarson:
Samtökin ísland verða
vettvangur meðaljónsins
„Viðbrögðin hafa verið góð og miðað við að auglýsingin birtist í
dagblaði fyrir verslunarmannahelgina þá mega þau teljast afbragðs-
góð,“ sagði Gunnar Harðarson í Hafnarfirði, en hann birti
svohljóðandi smáauglýsingu í dagblaði rétt fyrir helgina: „Hefur þú
ekki fengið nóg af pólitískri óráðsíu, sóun, sukki og skattpíningu?“
Finni menn jákvætt svar við þessu í hugskoti sínu geta þeir hringt í
Samtökin ísland í vinnusíma Gunnars.
„ Við höfum komið saman nokkrar
sálir sem erum óánægð með þjóðfél-
agskerfið og þá hrikalegu skattpín-
ingu sem hér viðgengst. Það er verið
að drepa allt og alla með sköttum og
ofstjórn og þetta er tilefni þess að
við hittumst og að ég birti auglýsing-
una,“ sagði Gunnar.
Hann sagði að ekki væri komið
fast form enn á Samtökin ísland en
í undirbúningi væri fundur þar sem
stefna yrði mörkuð og félag formlega
stofnað með þeim kjama sem þegar
hefði hist og vildi láta að sér kveða
um breytingar á þjóðfélagskerfinu.
Vonir stæðu til að sá fundur yrði
haldinn um næstu helgi.
„Auðvitað vaknar sú spurning;
hvernig á að gera hlutina en beinast
tel ég liggja við að verulegur fjár-
magnsflutningur verði frá opinbera
geiranum til heimilanna sérstaklega
en auk þess til bæði íslensks iðnaðar
og annarra atvinnufyrirtækja. Mér
sýnist að flestir séu sammála um
þetta þótt deilt sé um aðferðir,"
sagði Gunnar.
Hann vildi ekki tilgreina neina
skatta sem hann og þeir sem að
auglýsingunni standa, hefðu sérstak-
an ímugust á og vildu koma fyrir
kattarnef. Þó sagði hann ljóst vera
að söluskatturinn væri orðinn brjál-
æðislegur en auk hans mætti tiltaka
fasteignagjöld sem kæmu illa við
marga, einkum eldra fólk. „Mér
finnst í slíkum tilfellum sé verið að
tvískatta fólk; leggja skatt á tekjur
sem þegar væri búið að greiða skatta
af,“ sagði hann.
í augnablikinu er ég forsvarsmað-
ur Samtakanna ísland. Ég birti aug-
lýsinguna og gegnum hana hef ég
náð saman smá kjama sem mun
móta stefnuna á næstu dögum. Mik-
ill fjöldi fólks hefur síðan hringt og
rætt málin og ég á von á að í kjölfar
þess muni margir slást í hópinn
þegar línur skýrast frekar.
Gunnar sagði að ekki væri um að
ræða neina pólitík í málinu í skiln-
ingnum hægri-vinstri. Aðaláherslan
væri á að skapa meðaljóninum úti í
bæ, sem væri að berjast við að hafa
í sig og á, gmndvöll til að koma
sjónarmiðum sínum á framfæri. „í
jafn gjöfulu þjóðfélagi og okkar
hlýtur eitthvað að vera að þegar fólk
rétt skrimtir þótt það skili fullri
vinnu. Það eiga allir að geta haft vel
til hnífs og skeiðar og jafnframt haft
tíma til að sinna fjölskyldu sinni og
bömum. Á þetta leggjum við höfuð-
áherslu," sagði Gunnar Harðarson.
-sá
í nýjasta tölublaði tímaritsins
Heilsuvernd er að fínna viðtal
við dr. Hallgrím Magnússon
svæfíngalækni um leyndir lífs og
heilsu. Kennir margra grasa í
spjalli Hallgríms, en hann veitir
forstöðu Heilsuræktarstöð úti á
Seltjarnarnesi og iðkar þar m.a.
nálarstunguaðferðina víðfrægu.
Lætur læknirinn vel af lækninga-
mætti hennar, og kveður sannað
að hún reynist halddrjúg gegn
hinum margvíslegustu meinum,
þó einatt þurfi reyndar bæði
tíma og þolinmæði til.
Þú ert það sem þú borðar
Dr. Hallgrímur ræðir nokkuð
forvarnir við sjúkdómum og fjallar í
því sambandi sérstaklega um mikil-
vægi mataræðis: „Ég trúi því, að
matur sé mannsins megin og að
maður sé það sem maður lætur í
sig“, segir hann, en bætir reyndar
við: „En við erum öll svo ólík og það
sem hentar einum er ekki víst að
annar þoli.“
í viðtalinu predikar dr. Hallgrím-
ur gegn „kemískum" efnum og tekur
sérstaklega fyrir það hið fræga
Nutrasweet. Staðfestir hann þrálát-
an og útbreiddan orðróm um að
gervisykur þessi geti valdið sjóntrufl-
unum eða jafnvel blindu. Mun hann
einkum varasamur, að sögn
Hallgríms, sé efnisins neytt í bland
við önnur á borð við koffein og
nikótín. Einnig slævist geta líkamans
til að brjóta þessi efni niður, sé
nauðsynlegum vítamínum og stein-
efnum ekki fyrir að fara: „Við erum
fyrsta kynslóðin sem neytir mikið
unninnar fæðu og við vitum raun-
verulega ekkert hvað við erum að
gera... Neyti menn mestmegnis
fæðu sem er mikið unnin og bæti-
efnasnauð , fer ekki hjá því að
vítamínskortur fari að gera vart við
sig.“
Eftirtektarverð er sú skoðun
Hallgríms, að sannfæringarkraftur
sjúklings fái flutt fjöll, jafnt til betri
sem verri vegar. Trúi fólk nógu
sterkt á bata sinn, fái það a.m.k.
stórlega bætta líðan sína og með
sama hætti fari ekki hjá því að sá
veikist er staðfastur trúir
á eigin krankleika.
Grasrótin gæðafæða
Sá kafli í i;æðum Hallgríms, sem
líklegastur er til að ýta við skeyting-
arlausum sælkerum, er þó þau um-
mæli hans, að maðurinn sé grasæta.
Hann hafi ekki rándýrseðli og kjötát
sé honum ekki eðlilegt frekar en
neysla hvers kyns kemiskra efna sem
nú megi finna í mörgum fæðuteg-
undum. Við hringdum í Hallgrím og
inntum hann eftir hvort kjötát gæti
þá verið mannskepnunni skaðlegt.
Hann staðfesti að undir vissum
kringumstæðum gæti svo verið, eink-
um ef meltingarvegur viðkomandi
skilaði ekki úrgangi, gerlum og
gróðri úr þörmunum með reglu-
bundnum hætti. Nái Ieifar að gerjast
í þörmunum, geti neysla kjöts verið
líkamanum skaðvæn. Erfitt væri þó
að alhæfa nokkuð í þessu efni.
Fjallalambið blífur
Hallgrímur kvað helstu tímarit
um heilsuvemd, báðum megin At-
lantsála, mæla með að kjöt væri ekki
á borðum nema einu sinni til tvisvar
í viku. Hér væri þó um „ræktað
kjöt“ að ræða, þ.e. kjöt af skepnum
sem ekki séu aldar á náttúruefnum.
Hormónar og „kemiskar" fæðu-
blöndur berist með þessu móti í
líkama fólks með ófyrirsjáanlegum
afleiðingum. Ekki er íslenskur land-
búnaður öllum heillum horfinn, því
slíkur ófögnuður fyrirfinnst ekki í
íslensku sauðfé, enda mun lamba-
kjötið eina kjötmetið sem „eðlilegt"
er að snæða, miðað við núverandi
aðstæður.
Á misjöfnu
þrífast börnin best
Að sögn Hallgríms hefur sitthvað
í rannsóknum bandarískra aðila hin
síðari ár fært að því rök að kjöt-
neysla sé manninum ekki eðlileg.
Sjálfur segist hann þó ekki vera
hallur undir einstefnu í mataræði,
hvorki í neyslu jurtafæðis né annars.
Vandamál nútíma-neytenda sé þó
fyrst og fremst fólgið í þeim ónátt-
úrulegu aðferðum sem beitt sé við
framleiðslu, ekki aðeins kjötvara
heldur og annarra fæðutegunda.
Neysla unninna matvæla, hvíts
sykurs, hvíts hveitis og brauða er
gerjuð væru fram mjög hratt í bakar-
íum væri óhófleg. Sem dæmi nefndi
hann að aðeins væri unnt að fá
ósvikin heilhveitibrauð í einu bakar-
íi í Reykjavík, önnur notuðust við
hveitiklíð og litað hveiti.
Einasta vörnin sé sú, að vekja
neytendur til umhugsunar og hvetja
þá til að gaumgæfa matarinnkaup, í
stað þess að hrúga hugsunarlaust
ofan í körfumar. - JBG