Tíminn - 28.09.1990, Blaðsíða 5

Föstudagur 28. september 1990
Tíminn 5
Félagsmálaráðherra á 14. landsþingi Sambands íslenskra sveitarfélaga:
MJOG BRYNT AÐ JAFNA
UPPHITUNARKOSTNAÐ
„Það stórfellda misrétti, sem í því felst að íbúar sumra sveitarfé-
laga þurfa að greiða margfalt hærri upphitunarkostnað en algeng-
ast er, er gjörsamlega óviðunandi. Þetta misrétti nær ekki eingöngu
til einstaklinga og fjölskyldna heldur einnig til sveitarfélaga sem
flest þurfa að standa straum af rekstri margs konar sameiginlegs
húsnæðis í þágu sinna íbúa. Ég mun leggja áherslu á að ríkisvaldið
beiti sér fyrir aðgerðum til að jafna húshitunarkostnað. Ég trúi ekki
öðru en að íbúar þeirra sveitarfélaga, sem búa við skaplegan húshit-
unarkostnað, vilji stuðla að því að afnema það misrétti sem allt of
lengi hefur viðgengist í þessu efni.“
Þetta sagði Jóhanna Sigurðardóttir
félagsmálaráðherra við setningu 14.
landsþings Sambands íslenskra
sveitarfélaga, en það hófst í Reykja-
vík í gær. Ráðherra kom víða við í
ræðu sinni. Hún sagði að á komandi
þingi myndi hún leggja fram frum-
varp um félagsþjónustu sveitarfé-
laga, en þetta mun vera fyrsti vísir
að heilstæðri félagsmálalöggjöf á ís-
landi. Jóhanna sagði brýnt að þetta
frumvarp yrði að lögum, en eldri lög
sem snerta þennan málaflokk eru
orðin úrelt. í því sambandi nefndi
ráðherrann framfærslulögin frá ár-
inu 1947.
í gær var á þinginu fjallað vítt og
breitt um hlutverk sveitarstjórnar-
manna. Flutt var erindi um um-
hverfismál og sveitarfélög, en mörg
mjög stór verkefni í umhverfismál-
um bíða sveitarfélaganna og telja
margir að sveitarstjórnirnar ráði
ekki við þau ein og óstudd. Stærstu
verkefni á þessu sviði er frágangur á
skolpræsum og bygging sorpeyð-
ingastöðva. Þá var í gær rætt um
fjármál sveitarfélaga.
í dag lýkur þinginu en þá verður
rætt um helstu stjórntæki sveitarfé-
laga, Steingrímur J. Sigfússon sam-
gönguráðherra fjallar um samgöng-
Frá 14. landsþingi Sambands íslenskra sveitarfélaga. Magnús L Sveinsson forseti borgarstjómar Reykjavikur
er í ræðustóli. Sigurgeir Sigurðsson formaður stjómar sambandsins er til vinstri á myndinni. Timamyrxi Pjetur
ur og jafnvægi í byggð landsins og
Davíð Oddsson borgarstjóri ræðir
um verkefni, þjónustu og fjármál
sveitarfélaga næsta áratuginn.
Landsþing Sambands íslenskra
sveitarfélaga er haldið fjórða hvert
ár að loknum sveitarstjórnarkosn-
ingum. Rétt til setu á þinginu eiga
fulltrúar allra sveitarfélaga landsins,
en þau eru 204, 30 bæir og 174
hreppar. Talið er að um 300 manns
sitji þingið að þessu sinni. Á morg-
un verður sambandinu kosin ný
stjórn, en núverandi formaður er
Sigurgeir Sigurðsson bæjarstjóri á
Seltjarnarnesi. Þá verða og afgreidd-
ar lagabreytingatillögur, en eins og
kunnugt er urðu miklar deilur um
túlkun laga sambandsins í tengslum
við ráðningu nýs framkvæmdastjóra
sambandsins. Stefnt er að því að
setja í lög ótvíræð ákvæði um setu-
rétt í stjórn sambandsins.
-EÓ
Málverkasýningu
Þóru aö Ijúka
Málverkasýningu Þóru Sigurjóns-
dóttur í Eden í Hveragerði, sem opn-
uð var 18. september, lýkur sunnu-
daginn 30. september n.k. Um fjöru-
tíu myndir eru á sýningunni, flestar
nýlega málaðar með akrýl, olíu, pa-
stel og vatnslitum. Sumar þessara
mynda eru málaðar á gluggavið og
grjót. Þetta er þriðja einkasýning
Þóru, en auk þess hefur hún tekið
þátt í samsýningum. Þóra Sigur-
jónsdóttir er með Iistaverkagallerí
heima á Lækjarbakka. Þangað hafa
margir, sem leið eiga um þjóðveginn
upp með sjónum frá Stokkseyri, lagt
leið sína í sumar. -Stjas.
Alþjóðagjaldeyrissjóðurinn:
Sovétríkin gestur
Ársfundir Alþjóðagjaldeyrissjóðsins,
Alþjóðabankans og systurstofnana
hans eru haldnir í Washington dag-
ana 25.-27. september og lýkur þeim
á morgun. Fundina sækja af íslands
hálfu Jón Sigurðsson iðnaðar- og
viðskiptaráðherra, Ólafur Ragnar
Grímsson fjármálaráðherra, Jó-
hannes Nordal seðlabankastjóri og
Ingimundur Friðriksson forstöðu-
maður alþjóðadeildar Seðlabankans.
Auk þeirra sitja fundina þeir Már
Guðmundsson efnahagsráðunautur
fjármálaráðherra, Finnur Svein-
björnsson hagfræðingur í Iðnaðar-
ráðuneytinu, Sigurgeir Jónsson for-
stjóri Lánasýslu ríkisins, Jónas Har-
alz fulltrúi Norðurlandanna í banka-
stjórn Alþjóðabankans og Indriði H.
Þorláksson varafulltrúi Norðurland-
anna í sjóðstjórn Alþjóðagjaldeyris-
sjóðsins.
Aðildarríki Alþjóðagjaldeyrissjóðs-
ins og Alþjóðabankans eru nú orðin
154 að tölu og voru sambandsríki
Tékka og Slóvaka, Búlgaría og
Namibía boðin velkomin í hópinn á
ársfundunum. Fyrir liggja umsóknir
um aðild frá Mongólíu og Sviss. Sov-
étríkjunum var sérstaklega boðið að
senda áheyrnarfulltrúa á ársfundina
en þess er vænst að þau sæki um að-
ild að þessum alþjóðastofnunum í
náinni framtíð.
Starfsmannabreyt-
ingar hjá íþrótta-
sambandi fatlaðra
Markús Einarsson, útbreiðslu- og
fræðslufulltrúi hjá íþróttasambandi
fatlaðra, hefur sagt upp störfum hjá
sambandinu eftir 10 ára starf, og
hafið nám við íþróttaháskólann í
Ósló. Þá hefur framkvæmdastjóri
sambandsins í hálfu starfi, Ólafur
Magnússon, fengið eins árs orlof frá
störfum og stundar nú nám við
íþróttaháskólann í Kaupmanna-
höfn. Stjórn ÍF hefur ráðið Önnu
Karólínu Vilhjálmsdóttur til starfa í
stað Markúsar, en hún mun einnig
gegna starfi framkvæmdastjóra í
fjarveru Ólafs.
(Fréttatilkynning.)
Ingibjörg Sólrún Gísladóttir
Anna Kristine Magnúsdóttir
Björg Eva Erlendsdóttir
Fólki
fækkar á
Pressunni
Þremur blaðamönnum og einum
ljósmyndara á Pressunni hefur ver-
ið sagt upp störfum frá og með
mánaðamótunum september-októ-
ber. Blaðamennirnir heita Anna
Kristine Magnúsdóttir, Ingibjörg
Sólrún Gísladóttir og Björg Eva Er-
lendsdóttir en Ijósmyndarinn heitir
Einar Ólason.
Alþýðubandalagið á Suðuriandi
Opinn fundur
um málefni
garðyrkjunnar
Alþýðubandalagið á Suðurlandi boðar til opins
fundar um málefni garðyrkjunnar í Aratungu
þriðjudaginn 2. október kl. 21.00
Frummælendur verða:
Hjördís B. Ásgeirsdóttir.
Kjartan Ólafsson.
Magnús Ágústsson.
Steingrímur J. Sigfússon.
Öm Einarsson.
Fundarstjórí: Margrét Frímannsdóttir '
Allirvelkomnir.
Aiþýðubandalagið á Suðuríandi