Tíminn - 24.07.1992, Side 8

8 Tíminn
Föstudagur 24. júlí 1992
Sumarferð Framsóknar-
félaganna í Reykjavík
laugardaginn 8. ágúst 1992
Farifl verður um:
Gullfoss — Geysi — Hveravelli — Blönduvirkjun
Kl. 08:00 Lagt af stað frð BSl og ekið að Geysi I Haukadal, þar sem fólki gefst
kostur á aö skreppa i sjoppu.
Kl. 10:30 Lagt af stað frá Geysi. Ekiö norður Kjöl að Hveravöllum.
Þar munu feröalangar borða nesti sitt.
Kl. 15:00 Lagt af stað frá Hveravöllum og ekið norður að Blönduvirkjun, þar
sem virkjunin verður skoðuð I fylgd leiðsögumanns.
Kl. 18:00 Lagt af stað frá Blönduvirkjun og er ekiö aö Staöarskála.
Kl. 21:00 Lagt af stað frá Staðarskála og ekiö til Reykjavlkur.
Áætlaö er að koma til Reykjavlkur kl. 23:45.
Fargjald kr. 2.800,-.
Tekiö verður á móti sætapöntunum I slma 624480 eða á skrifstofu Framsóknar-
flokksins, Hafnarstræti 20, 3. hæð, 4.-7. ágúst.
Sumartími skrifstofu
Framsóknarflokksins
Frá 18. mal er skrifstofa okkar I Hafnarstræti 20, III. hæð, opin frá kl. 8.00 til 16.00
mánudaga-föstudaga.
Verið velkomin. Framsóknarflokkurinn.
Framsóknarfólk Noröurlandi eystra
Nú gróöursetjum við
Skógræktarferðin verður farin á morgun, laugardaginn 25. júll n.k. Gróðursett verður
að lllugastöðum kl. 14.00-17.00.
Grillveisla i Vaglaskógi aö gróöursetningu lokinni.
Dagskrá: Ávarp, Guömundur Stefánsson.
Gamanmál, Stefán Vilhjálmsson.
Þingmenn og bæjarfulltrúar keppa.
Fjöldasöngur við harmonikuundirieik Stefáns Þórissonar.
Takið með ykkur útileguborðið og stólana.
Nú mætum við öll og tökum þátt í landgræðsluátaki. Stjórn K.F.N.E.
SUF-þing á Egilsstöðum
28.-30. ágúst
DAGSKRÁ
Föstudagur 28. ágúst:
Kl. 16.00 Setning. Siv Friöleifsdóttir, formaður SUF.
Kl. 16.30 Kosning embættismanna, skipað I nefndir
Kl. 16.45 Ávörp gesta.
Kl. 17.15 Lögð fram drög að ályktunum.
Almennar umræður.
Kl. 19.00 Kvöldveröur.
Kl. 20.00 Fyririestrar um sjávarútvegsmál.
Fyrirspurnir og umræður.
Kl. 21.30 Nefndastörf.
Kl. 22.30 Óvæntar uppákomur á Munaðarhóli og/eða i Hliöskjálf.
Laugardagur 29. ágúst:
Kl. 08.30 Arbitur.
Kl. 09.00 Nefndastörf.
Kl. 11.00 Umræður.
Kl. 12.00 Hádegisveröur.
Kl. 13.00 Umræöur og afgreiðsla ályktana.
Kl. 14.30 Hlé.
Kl. 16.00 Afgreiösla stjómmálaályktunar.
Kl. 17.00 Kosningar.
Önnur mál.
Kl. 18.00 Þingslit.
Kl. 19.30 Grillveisla að hætti Héraðsbúa.
Kl. 23.00 Sveitaball (með þverpólitísku yfirbragði).
Sunnudagur 30. ágúst:
KJ. 09.00 Árbítur.
Brottför.
Skaftfellingar— Ferðafólk
Héraðsmót framsóknarmanna I V- Skaftafellssýslu verður haldiö I Tunguseli laugar-
daginn 25. júlí og hefst kt. 23.00.
Hljómsveitin Upplyfting leikur fyrir dansi.
Mætum öll.
Stjómln.
Sumarhappdrætti
Framsóknarflokksins 1992
Dregið var I Sumarhappdrætti Framsóknarftokksins 10. júli 1992. Vinningsnúmer eru
sem hér segir:
1. vinnlngur nr. 29595
2. vinningur nr. 26487
3. vinnlngur nr. 1668
4. vinnlngur nr. 36086
5. vinningur nr. 9702
6. vinningur nr. 23897
7. vinnlngur nr. 24772
8. vinningur nr. 39900
Ógreiddir miðar eru ógildir. Vmnings skal vitja innan árs frá útdrætti. Frekari upplýs-
ingar eru veittar I slma 91-624480.
Með kveðju og þakklæti fyrir veittan stuðning.
Framsóknarflokkurinn.
9. vinnlngur nr. 715
10. vinningur nr. 17477
11. vinningur nr. 4527
12. vinningur nr. 36239
13. vinnlngur nr. 3146
14. vinningur nr. 30173
15. vinningur nr. 1992
MINNING
Magnús Einarsson
Enginn skilur líf okkar og sjálf-
sagt ekki til þess ætlast. Við eigum
alltaf erfítt með að átta okkur á þeim
snöggu umskiptum sem fylgja, þeg-
ar samferðamenn í blóma lífsins
burtkallast. Það eina, sem við getum
gert, er að minnast þeirra með þakk-
læti í huganum, fyrir vel unnin störf
og gott viðmót.
Algengt er nú orðið að fólk lifi há-
aldrað, mikið komið úr tengslum
við lífið, en sumt deyr ungt. Ennþá
erum við minnt á þetta.
Magnús Einarsson bankaútibús-
stjóri á Egilsstöðum varð bráð-
kvaddur miðvikudaginn 3. júní sl. á
miðjum aldri.
Fyrst verður manni hugsað til
heimilis þess framliðna. Þar er nú
mikið skarð fyrir skildi, sem seint
verður að fullu bætt, og út á við
gegndi Magnús ábyrgðarmiklu
starfi, þar sem hann gat sér gott orð
og vinsældir allra sem til þekktu. En
tíminn læknar öll sár, sem betur fer,
og oftast kemur maður í manns stað
og lífið heldur áfram eins og ekkert
hafi ískorist. Minning Magnúsar
mun lengi geymast í hugum Hér-
aðsbúa, enda standa þeir margir í
þakkarskuld við hann.
Magnús var alinn upp á Valþjófs-
stað, hjá foreldrum sínum, Einari
Sveini Magnússyni bónda þar og
Maríu Jónsdóttur konu hans, frá
Bessastöðum, sem var ein af 14
systkinum. Á þessum árum bjuggu
Unnur hálfsystir hans og maður
hennar, Ingólfur Gunnarsson frá
Egilsstöðum í Fljótsdal, á móti for-
eldrum hans á Valþjófsstað. Allt
fólkið bjó undir sama þaki í myndar-
legum bæ með stóru timburhúsi,
sem Þórarinn Þórarinsson prestur
hafði látið reisa, en hann var þá lát-
inn fyrir nokkrum árum. Fyrri kona
Einars Sveins var Þuríður dóttir
séra Þórarins og Ragnheiðar Jóns-
dóttur konu hans. Þau Einar Sveinn
og Þuríður áttu tvær dætur, Ragn-
heiði, sem búsett er í Reykjavík, og
Unni húsfreyju á Valþjófsstað.
Maggi litli var sólargeislinn á
heimilinu. Man ég eftir að Unnur
systir hans sagði: „Ég veit bara ekki
hvernig við færum að hérna, ef við
hefðum ekki hann Magga." Snemma
kom í ljós að hann var ýmsum góð-
um hæfileikum gæddur. Hann var
músikalskur með afbrigðum, og átti
enda ekki langt að sækja það úr báð-
um ættum. Hann spilaði á hvaða
hljóðfæri sem hann komst yfir og
þandi gamlan harmonikuræfil af
miklu fjöri, svo hljómaði um allan
bæinn. Slíkt framtak er ekki lítils
virði í einangrun sveitalífsins, jafn-
vel á gestkvæmu heimili eins og Val-
þjófsstað.
Magnús flutti ungur að heiman.
Hann nam við Eiðaskóla 1956-1959,
TÖLVU-
NOTENDUR
Við í Prentsmiðjunni Eddu
hönnum,
setjum og prentum
allar gerðir eyðublaða
fyrir tölvuvinnslu
Smiðjuvegi 3,
200 Kópavogur.
Sími 45000
Selási 1, Egilsstöðum
en hélt ekki áfram námi, var sjálf-
menntaður, og bar ekki á öðru en
það dygði honum við þau margvís-
legu og oft flóknu störf sem hann
tók að sér um dagana.
Eftir Eiðadvölina gerðist hann
skrifstofumaður hjá Kaupfélagi Hér-
aðsbúa. Fljótlega var hann gerður að
fulltrúa kaupfélagsstjórans, Björns
Stefánssonar, og síðar Þorsteins
Sveinssonar. Við þetta starfaði hann
samfellt í 17 ár. Ekki var trútt um að
sumum fyndist mikil ábyrgð vera
falin svo ungum manni, en Magnús
óx með ábyrgðinni og öðlaðist
traust viðskiptavina Kaupfélagsins,
þótt ekki væri hann öllum taum-
þægur, enda viðskiptavinirnir marg-
ir og misjafnir.
Líklega hefur Einar Sveinn faðir
hans ekki fundið í honum búmanns-
efni, hugur hans líklega hneigst til
annarra starfa, eins og í Ijós kom.
Heyrði ég þó haft fyrir satt, að öllu
sem Maggi tók sér fýrir hendur, hafi
hann rösklega að gengið og snemma
verið trúr yfir litlu. Kom síðar í ljós,
að trúmennskan var meginþáttur í
eðli hans og leiddi til þess m.a. að á
hann hlóðust ábyrgðarstörf marg-
vísleg.
Árið 1976 var Magnús ráðinn úti-
bússtjóri Samvinnubankans, þegar
opnað var nýtt útibú hans á Egils-
stöðum. Fluttist hann þá úr Kaupfé-
laginu upp í bankann. Breytti það í
raun engu, því hann var hinn sami
trúi starfsmaður þegar þangað kom.
Magnús var sveitamaður í raun og
sannleika. Óhætt er að fullyrða að
margur bóndinn naut frábærrar fyr-
irgreiðslu hans í viðskiptum við
bankann, og fyrir margt eldra fólk
og ellilífeyrisþega var hann eins
konar fjárhaldsmaður, fylgdist ná-
kvæmlega með efnahag þess og að-
stoðaði það við að ná rétti sínum
gagnvart kerfínu, við kaup á bílum,
íbúðum o.s.frv.
Það var álit Magnúsar heitins, að
sveitirnar yrðu ætíð undirstaða ís-
lenskrar menningar og þroska, og
mikilvægt væri því að hlúa sem best
að byggð og búskap í sveitum. Á
seinni árum hafa verið skiptar skoð-
anir um hvað háan víxil hver bóndi
ætti að fá, af því sem sunnanmenn
skömmtuðu úr hnefa. Held ég að ég
fari rétt með að Magnús hafi þar
heldur verið bændunum ríflegri en
hitt, að því marki sem hann gat ráð-
ið. Ekki þar fyrir, að sumum þótti
víxillinn ekki stórmannlegur. En þar
þýddi ekki um að fást, allt stóð eins
og stafur á bók hjá Magnúsi.
Ákvarðanir bankastjóra hljóta æt-
íð að vera umdeilanlegar, því starfið
er vandasamt, en Magnús naut
óskoraðs trausts í því, að flestra
dómi. Búið er að skrifa ýmislegt um
Magnús og störf hans, sem ég ætla
ekki að endurtaka, en skrif þessi
sýna ótvírætt hvaða álits hann naut
og hvaða traust menn báru til hans.
Hann átti sæti í stjórnum flestra fyr-
irtækja og stofnana Egilsstaðakaup-
túns, fyrir utan fjölmargar nefndir,
og endaði oftast með að verða for-
maður. Hann sat fundina ekki eins
og brúða, gæti ég trúað, kannaði
málið frá ýmsum hliðum, rökfastur
vel, og lét til sín taka ef því var að
skipta. Hann tamdi sér ávallt gott
skap, þó var langt í frá að hann væri
skaplaus, hann gat brýnt röddina ef
honum mislíkaði eða fram af hon-
um gekk. Þó voru glettnin og kímn-
in alltaf til staðar þegar á þurfti að
halda, og fór vel saman við fram-
komu hans alla.
Magnús var tryggur vinur vina
sinna, og fagnaði þeim á sinn hlé-
dræga en vingjarnlega hátt, hvenær
sem þá bar að garði. Heimilinu í
Odda var við brugðið fyrir gestrisni
þeirra hjóna, og minnti að því leyti
meira á sveitabæ en heimili emb-
ættismanns í kaupstað við þjóð-
braut, eins og það raunar var. Gam-
an hafði Magnús af að fá sér í glas og
gleðjast með góðum félögum, en í
rauninni breytti það honum lítið,
viðmót hans var alltaf jafn aðlað-
andi. Hann virtist aldrei drekka sér
til vansa.
Eiginkona Magnúsar er Guðlaug
Guttormsdóttir frá Ási í Fellum,
dóttir hjónanna Guttorms Brynj-
ólfssonar bónda þar og Guðríðar Ól-
afsdóttur frá Skeggjastöðum í Fell-
um. Ung missti hún föður sinn og
tvær eldri systur í hræðilegu slysi
sem varð á Ási haustið 1946. Hefúr
sá atburður líklega skilið eftir svöð-
usár, sem seint eða aldrei grær. Guð-
ríður brá búi stuttu eftir að þau
Gulla og Maggi giftust og flutti til
þeirra í Odda á Egilsstöðum, þar
sem hún hefúr átt athvarf síðan, nú
bráðum orðin níræð en við sæmi-
lega heilsu. Það vita allir sem til
þekkja, að Magnús reyndist henni
eins og besti sonur og var einkar
kært á milli þeirra. Sama á við um
Maríu móður hans, er hún dvaldi
nokkur síðustu árin á sjúkrahúsinu
á Egilsstöðum. Er sagt að ekki liði
svo dagur, að Magnús kæmi ekki að
heimsækja hana, þegar hann var
heima.
Þau Guðlaug og Magnús eignuð-
ust þrjár dætur, Maríu, Guðrfði Am-
ey og Droplaugu Nönnu. Allar eru
þær uppkomnar og hafa gengið
skólaveginn, tvær þær eldri eru bú-
settar fyrir sunnan. Dæturnar voru
Magnúsi mikill gleðigjafi, enda löð-
uðust þær mjög að honum, og hann
lét sér annt um þær. Fjölskyldan í
Odda hefur mikils misst við hið
óvænta fráfall heimilisföðurins, sem
var forsjá þeirra í einu og öllu, eins
og reyndar svo margra annarra.
Magnús var fæddur 30. mars 1941
og var því aðeins 51 árs er hann and-
aðist 3. júní síðastliðinn. Hann var
jarðsettur á Egilsstöðum fimmtu-
daginn 11. júní að viðstöddum mikl-
um mannfjölda. Var greinilegt að
margir vildu votta honum virðingu í
síðustu ferðinni og þakka vel unnin
störf.
Magnús var ekki mikið fyrir að
fara troðnar slóðir, nema aö þvf
marki sem skyldan bauð, og
kannske var hann ekki allur þar sem
hann var séður, frekar en svo marg-
ir aðrir. Hið meðfædda listamanns-
eðli hans hefur líklega ekki alltaf átt
auðvelt með að sættast við fjármála-
manninn Magnús, þótt allt virtist
falla í ljúfa löð á yfirborðinu.
Þrátt fyrir langa fjarveru var
Magnús alltaf Fljótsdælingur innst
inni og hélt alltaf uppi góðu og tíðu
sambandi við ættarstöðvar sínar og
fólkið í sveitinni. Þegar talið barst
að Valþjófsstað Ijómaði hann í fram-
an.
Að lokum viljum við Laufey Ólafs-
dóttir, kona mín, þakka Magnúsi og
Guðlaugu fyrir óteljandi ánægju-
stundir á heimili þeirra á Egilsstöð-
um, þar sem við höfum alltaf verið
velkomin hvernig sem á stóð. Eftir-
lifendum óskum við alls góðs á Iífs-
leiðinni, hvort sem hún verður löng
eða skömm.
Hallgrímur Helgason,
Droplaugarstöðum