Tíminn - 02.09.1992, Blaðsíða 6
6 Tíminn
Miðvikudagur2. september 1992
Horft yfir flötina á 9. braut. Golfskálinn í baksýn.
Hjónin aö Bakkakoti ásamt syninum Magnúsi.
Það var fyrir nokkrum árum
sem tveir eldri menn stóðu upp
í hlíð í Mosfellsdalnum og virtu
fyrír sér nokkurra hektara land-
svæði. Annar mannanna var
bóndi og hafði nytjað iands-
svæðið til margra ára, en hinn
var eigandi þess.
Nú var komið að því að bóndinn
vildi minnka við sig og þeir voru að
velta því fyrir sér hvað hægt væri að
gera við landið. „Það er ábyggilegt
að aldrei hleypi ég hestum hér til
beitar“ sagði eigandi landsins.
„Hvað hefur þú hugsað þér þá að
gera?“ spyr þá bóndinn. „Nú ætli ég
byggi ekki bara golfvöll” svaraði þá
eigandinn. Bóndinn hvessir á hann
augunum því honum vitanlega hafði
landeigandinn aldrei snert á golf-
kylfú.
Uppbygging vallarins
Hugmyndin var komin. Golfvöllur
skyldi það vera. Með það sama hóf
landeigandinn, Steinar Guðmunds-
son og kona hans Jósíana Magnús-
dóttir uppbyggingu golfvallar í Mos-
fellsdal sem síðar fékk nafnið Bakka-
kotsvöllur. Þetta framtak þeirra
vakti töluverða athygli í golfheimin-
um á íslandi. Steinar hafði þá unnið
í meira en 30 ár við ofdrykkjuvamir,
m.a. á Sogni og hafði skrifað bækur
um ofdrykkjuvandamálið. Hann
hafði þá ekki komið nálægt golfí-
þróttinni. Þau fengu Geir Svansson,
kunnan kylfing og golfhönnuð til
þess að teikna upp golfvöll á land-
inu. Og nú tveimur árum síðar er
ekki hægt að segja annað en að
framkvæmdin hafi tekist vonum
framar, því þarna er að finna einn af
skemmtilegri 9 holu golfvöllum á
höfuðborgarsvæðinu.
Áhugamál og vinna
„Það voru margir sem sögðu í upp-
hafi að þessar framkvæmdir væru
hrein og bein fífldirfska. Þetta hefur
vissulega verið töluvert meiri vinna
en við áttum von á, en á móti kemur
að okkur grunaði aldrei að þetta
gæti verið svona dýrðlegt og gef-
andi“ segir Steinar. „Þama gátum
við Jósíana samræmt áhugamál
okkar og vinnu. Við vildum rækta
landið og gera það fallegt. Skóg-
ræktin var því kveikjan að þessu öllu
saman. Og nú er hér að finna tölu-
verða trjárækt á landi þar sem ekki
var hægt að finna hríslu á áður.
Golfið fór síðan ágætlega saman við
þetta áhugamál, en golfarar eru upp
til hópa yndislegt fólk. Þannig hafa
aldrei komið til neinir árekstrar á
öllu þessu tímabili. Hvort sem er
um að ræða eldra fólk eða unglinga;
allir ganga vel um völlinn og aldrei
nein vandamál" bætirSteinar við.
Allir leggjast á eitt
Steinar og Jósíana eru þó ekki ein á
báti því það má segja að öll fjölskyld-
an vinni samhent að rekstrinum og
uppbyggingunni. „Magnús sonur
okkar og Gísli Snorrason, tengda-
sonur okkar em með okkur af full-
um krafti í þessu. Og í raun vinnur
öll fjölskyldan að þessu; bamaböm-
in líka“ segir Jósíana. Magnús er
umsjónarmaður golfklúbbs Bakka-
kots og Gísli er vallarstjóri. Þeir
tveir vinna þó fulla vinnu annars
staðar. „Fjölskyldan verður nú seint
rík á þessu því það er mikill kostnað-
ur sem fylgir því að reka golfvöll. Til
að mynda em slátturvélar og önnur
tæki frekar dýr, en þetta hefst með
þessari miklu sjálfboðavinnu fjöl-
skyldunnar" segir Steinar. „Við hóf-
um fljótlega rekstur golfklúbbs við
völlinn, eða 15. júní 1991 og var
hann þá jafnframt “tekinn út” af
Golfsambandinu og í dag em um
140 meðlimir í klúbbnum og fer sí-
fellt fjölgandi. Við viljum þó ekki fá
of marga inn í klúbbinn; völlurinn
ber það einfaldlega ekki“ segir son-
urinn Magnús.
Merkilegt landsvæði
„Þetta er í rauninni merkilegt land.
Þannig má nefna að forveri traktors-
ins á íslandi, hinn svokallaði Þúfna-
bani var fyrst notaður hér á landi á
því svæði sem 1. og 3. brautin em
nú. Þetta er rétt fyrir 1930. Og svo
má einnig nefna að teigurinn á 3.
braut er nákvæmlega á þeim stað
þar sem baðstofan var á bænum
Bakkakoti sem völlurinn er kenndur
við“ segir Steinar.
Stefnum hærra
Til marks um gott ræktunarstarf
má nefna að við golfvöllinn má nú
GOlaF
finna meira en 40 mismunandi trjá-
tegundir - sem allar virðast lifa góðu
iífi. Trjágróður er þó enn ekki að
finna í miklum mæli við brautimar,
en þau rækta þess meira við skálann
í sérstökum gróðurlundi. „Það er
bara byrjunin; meiningin er að hefja
skipulagða trjárækt meðfram öllum
brautum vallarins" segir Steinar. Og
til marks um náttúrusjónarmiðin þá
er sú regla í gildi á vellinum að
menn mega færa klúlu sína ef þeir
eiga á hættu að slá í tré; regla sem
þekkist ekki annars staðar. „Lykill-
inn að góðum golfvelli er natni og
virðing fyrir náttúrunni. Maður þarf
að hafa persónulegt samband við
hverja holu. Og allar eru holurnar ó-
líkar hverri annarri. Þannig má
finna hér margar mismunandi flatir.
Undir sumum er mýrlendi, öðrum
er grjót, enn öðrum er mold og
svona mætti lengi telja. Hver braut
er meðhöndluð á sinn sérstaka
hátt“.
Hafa ekki ánetjast
bakteríunni
„Fjölskyldan leikur golf af og til.
Maður er þó aldrei fyrr byrjaður að
leika þegar maður sér verkefni sem
þarf að sinna. Þá hættir maður og
fer að vinna að lagfæringum. Maður
kemst því aldrei margar holur í
einu. Það er nú einnig svo að þetta
er mikið starf og því gefst lítill tími
fyrir að leika sjálfur. Við erum þó að-
eins farin að snerta kylfurnar meira"
segir Steinar að lokum. Og það er
ekki annað hægt að segja en að fjöl-
skyldan uni sér vel þarna í Mosfells-
dalnum; skáhallt á móti Nóbels-
skáldinu. Þetta er greinilega líf
þeirra og yndi.
Upphafshögg á 6. braut.
Sarajevo
— Serbar og múslimar hafa
háð harða baráttu umhverfis
Sarajevo og undir hefur tekið
í borginni af sprengingum og
skothríð, þrátt fyrir alþjóðleg
tilmæli um að friður verði
saminn. Flóttamannahjálp
Sameinuðu þjóðanna í Genf
segir að finna verði landleið til
að koma birgðum til Sarajevo
í vetur til þess að koma í veg
fyrir hungursneyð.
Moskva
— Eduard Shevardnadze,
Georgíuleiðtogi, segir herfor-
ingja hafa skýrt sér frá því að
margir Georgíumenn hefðu
verið drepnir af Rússum í
Abkhaziu. Rússneska vamar-
málaráðuneytið þverneitar
þessum áburði.
Moskva
— Rússar hafa tilkynnt að
þeir hafi í hyggju að senda
tvö herskip til Persaflóa sem
lið í alþjóðlegri friðargæslu
þar.
Bagdad
— Kjarnorkurannsóknarmenn
SÞ byijuðu að kanna svæði í
(rak í gær og enn hefur allt
gengið vel, að sögn tals-
manna þeirra.
Baku, Azerbadjan
— Háttsettur aðili innan
varnamálaráðs Azera sakar
Armena um að hafa rofið
vopnahléið í Nagorni-Karab-
akh með því að notfæra sér
það til þess að flytja þangaö
fleiri vopn og hersveitir.
Kabul
— Herflugvélar vörpuðu
sprengjum á flugvöll skæru-
liða í vesturhluta Afganistan á
sama tíma og menn, sem
voru að semja um vopnahlé,
sögðust vera að leita leiða til
þess að aöskilja stríðsaðila
fyrir utan stríðshrjáða Kabul.
Jóhannesarborg
— Þrír áhafnarmeðlimir fórust
þegar flugvél, sem var að
flytja fréttamenn til Suður-Afr-
íku, fórst í Suður-Angóla á
mánudagskvöldiö.
Prag
— Alexander Dubcek, leiðtogi
vorsins í Prag árið 1968, slas-
aðist illilega í bílslysi og lækn-
ar segja að hann kunni að
vera með brotinn hrygg,
mjaðmargrind og rifbein, að
sögn sovésku fréttastofunnar
CSTK.
Homestead, Flórída
— George Bush Bandaríkja-
forseti kom til þeirra svæða í
gær sem verst hafa orðið úti
af völdum fellibylsins
Andrews. Þetta er í annað
skiptið sem forsetinn kemur á
þessar slóðir frá þvi fellibylur-
inn geisaði fyrir átta dögum.
Washington
— Stjórn Bush hefur gefið
það í skyn við leiðtoga
bandarískra gyðinga að hún
hafi í hyggju að selja Sádí-
aröbum allt að 72 F-15
herflugvélar. Talsmenn Hvíta
hússins segja slíka sölu hafa
komið til tals en að engar
ákvarðanir hafi veriö teknar.
Belgrad
— Forsætisráðherra
Júgóslavíu Milan Panic býr
sig nú undir pólitísk átök til að
verjast vantrausti sem
stuðningsmenn Serbaforseta,
Slobodan Milosvec hafa lýst á
hendur honum.