Tíminn - 19.01.1993, Blaðsíða 3
Þriðjudagur 19. janúar 1993
Tíminn 3
Forstjóri Ríkisspítala segir vá fyrir dyrum, ef hátt í
500 hjúkrunarfræðingar á Landspítalanum hætta:
„Ef 500 hjúkrunarfræðingar ganga
út, stöðvast starfsemi Landspítala,"
segir Davíð Á. Cunnarsson, for-
stjóri Ríkisspítaia, um uppsagnir
hjúkrunarfræðinga og ljósmæðra,
sem ætla að láta reyna á uppsagnir
1. febrúar n.k. Stéttimar krefjast
sambærilegra launa og sambærileg-
ar stéttir á öðrum sjúkrastofnunum
njóta.
„Það er bráðnauðsynlegt að reyna
að leysa þetta mál. Það er að sjálf-
sögðu verið að leita lausna og það
þurfa nú ýmsir að koma að því áður
en það verður hægt,“ segir Davíð og
nefnir heilbrigðisráðuneytið og fjár-
málaráðuneytið.
„Það er ekki hægt að semja við
starfsfólkið án þess að það kosti pen-
inga og þeir þurfa að koma einhvers
staðar fná,“ bætir hann við.
Launakjör hjúkrunarfræðinga á
Borgarspítala hafa verið nefnd til
viðmiðunar, og þar varð enginn út-
gjaldaauki, að sögn stjómenda. „Það
er verið að biðja okkur um býsna
mikið meir heldur en gerðist á
Borgarspítalanum," segir Davíð.
Hann segir að um þetta verði að
ræða við heilbrigðisráðuneytið.
„Það er ekkert sem hefur verið gert
ennþá. Við höfum auðvitað rætt
mikið við hjúkrunarfræðingana."
Davíð vísar því á bug, sem hjúkrun-
arfræðingar hafa haldið fram, að
ekkert hafi verið rætt við þá. „Hjúkr-
unarforstjóri er búinn að eiga við-
ræður við þá og ég er búinn að hitta
þá alloft," bætir hann við.
Hann segist hafa heyrt þetta í frétt-
um og finnst það sérkennilegt.
„Hjúkrunarfræðingar eru mjög
margir og það er ekki víst að þeir viti
allir af því hvað við ræðum við ein-
staklinga," segir Davíð.
Um það hvort ekki þurfi að fara að
huga að því að rýma sjúkrahúsið,
þar sem hjúkrunarfræðingar standi
fast á því að Iáta reyna á uppsagnir
um næstu mánaðamót, segir Davíð:
„Heilbrigðisráðherra hefur tekið
ákvörðun um það að framlengja
uppsagnir. Við trúum ekki að hjúkr-
unarfræðingar fari ekki að landslög-
um.“
Hann segist ekki hafa séð það lög-
fræðilega álit, sem hjúkmnarfræð-
ingarnir bera fyrir sig. „Ég held að
við verðum að sjá það áður en við
getum farið að hafa skoðanir á því,“
sagði Davíð að lokum.
-HÞ
Verða stóla-
skipti í ríkis-
stjórninni?
Umræður um breytingar á ríkis-
stjórninni hafa komið upp á yfir-
borðið að nýju, nú þegar Alþingi
hefur lokið afgreiðslu EES- samn-
ingsins. í árslok 1991 sagði Davíð
Oddsson forsætisráðherra í blaða-
viðtali, að sterklega kæmi til greina
að gera breytingar á ráðherraskipan
ríkisstjómarinnar á árinu 1993 eða
á miðju kjörtímabili stjómarinnar.
Báðir formenn stjómarflokkanna
hafa staðfest að þegar ríkisstjómin
var mynduð, hafi verið rætt um að
vel kæmi til greina að gera breyting-
ar á ríkisstjórninni á miðju kjör-
tímabilinu. Nýlega sagði utanríkis-
ráðherra að ekkert hafi verið rætt
um þetta atriði milli forystumanna
stjórnarinnar síðan og því liggi ekk-
ert fyrir um hvort eða hvenær breyt-
ing verði gerð á stjórninni.
Davíð Oddsson ræddi um þetta mál
í viðtali við Vikuna undir lok ársins
1991. Þar segir forsætisráðherra:
,Árið 1992 gætu hins vegar orðið
breytingar innan ríkisstjórnarinnar.
Rætt var um það, þegar stjórnin var
mynduð, að stuðla að vissri hreyf-
ingu innan hennar á meðan hún
sæti. Hér á ég við að núverandi ráð-
herrar kynnu að færast til innan
stjórnarinnar, sennilega þannig að
ráðherrar úr sama flokki skiptu um
ráðuneyti. Til þess gæti komið á
næsta ári. Líka kemur til greina að
skipta um menn og fá alveg nýja
menn inn í stjórnina. Það verður þó
varla fyrr en á þar næsta ári. Sjálftir
tel ég að jafnan eigi að koma til álita
að skipt sé um ráðherra í ríkisstjóm
á miðju kjörtímabili. Sá háttur er
hafður á í ýmsum ríkjum og þykir
gefast vel. Þannig fást nýjar víddir
inn í stjórnarsamstarfið, sem hlýtur
að vera æskilegt þótt ekki kæmi
annað til. Mér finnst sjálfsagt, að
öðm jöfnu, að gefa nýjum mönnum
tækifæri til að spreyta sig í ríkis-
stjóm, jafnvel þótt þeir, sem þar eru,
standi sig ágætlega."
Það er ekki óalgengt erlendis að
breytingar séu gerðar á ríkisstjórn-
um á miðju kjörtímabili. Nægir í því
sambandi að benda á Bretland og
Frakkland, en þar er þetta mjög al-
gengt fyrirbæri í stjómmálum.
Markmiðið með slíkum breytingum
er tvíþætt. Annars vegar að fá fer-
skari svip á ríkisstjórn, sem á í vanda
og nýtur kannski takmarkaðs
trausts meðal almennings. Hins
vegar geta stólaskiptin haft það að
markmiði að Ieysa innri vandamál í
ríkisstjórnum. Þá er nýr maður sett-
ur í ráðuneyti, sem staðið hefur styr
um.
Stólaskipti er fátítt fyrirbæri í ís-
lenskum stjórnmálum, en þó ekki
óþekkt. Sjálfstæðisflokkurinn
stokkaði upp sitt ráðherralið haust-
ið 1985 í fyrri ríkisstjórn Steingríms
Hermannssonar. Þá var tilgangur-
inn að koma nýkjörnum formanni
flokksins, Þorsteini Pálssyni, í ráð-
herrastól.
-EÓ
, andshagir
1992
Hafðu staðreyndirnar
/ 1 • ^ t
a hretnul
Landshagir1992 hafa aö geyma tölulegar upplýsingar um ísland
Nú er komiö út hjá Hagstofu íslands
ársritið Landshagir. Landshagir
1992 er ómissandi rit öllum þeim
sem þurfa að fá réttar upplýsingar
um hag lands og þjóöar.
í ritinu, sem er afar víötækt, er aö
finna tölur um mannfjölda, atvinnu-
vegi, félags- og heilbrigöismál,
menntamál, þjóðarbúskap, verslun
og margt fleira.
Landshagir svara spurningum um
ólíkustu sviö samfélagsins, eins og
t.d. þessum:
Hve margir fæðast á ári hverju?
Hver hefur verið þróun launa, verðlags og tekna?
Hve margir eru utan þjóðkirkjunnar?
Hver er nýting gistirýmis og af hvaða þjóðerni
eru gestirnir?
Hvernig er peningunum varið í heilbrigðis- og
félagsmálum?
Hvað hefur kjörsókn verið mikil í kosningum?
Hve mikið skulda íslendingar erlendis?
Hve gamlir verða íslendingar?
Hvort var atvinnuleysi meira á Suöurnesjum eða
Vestfjörðum sl. áratug?
Hvað borða íslendingar mörg kíló af kjöti á ári?
Hversu mörg dagsverk eru unnin á
togaraflotanum?
Hvað eru margir bílar á hverja 1000 íslendinga?
Hve miklum hluta þjóðarútgjalda er varið til neyslu?
Hversu margir eru í framhaldsskólum?
Hve þungt vegur olían í orkunotkun landsmanna?
Hagstofa íslands
Ritið er til sölu í afgreiöslu Hagstofunnar,
Skuggasundi 3, sfmi 91-609860 og
91-609866, bréfasími 91-623312 og Bóksölu
stúdenta, Félagsstofnun stúdenta, Hringbraut,
sfmi 91-615961,
bréfasími 91-620256.
Verð 2.100 kr.
Einnig er ritið
fáanlegt á
tölvudisklingum.
Heildaraflinn 1992 um 1.5 milljón tonn og munar þar mest um loðnu og síld:
Aflaverðmætið er
milljörðum minna
Samkvæmt bráðabirgðatölum Fiski-
félags íslands var heildarafli lands-
manna á nýliðnu árí um 1.5 milljón
tonn, sem er um hálfrí milljón meirí
afli en árið þar á undan, og munar
þar mest um loðnu og sfld. Þrátt
fyrir þennan góða heildarafla, er
áætlað aflaverðmæti hans mun
minna, eða 46.680 milljarðar á móti
tæpum 51 milljarði árið 1991.
Botnfiskafli síðasta árs nam aðeins
559.712 tonnum og þar af þorskur
255.844 tonn á móti 654.231 árið
1991, en á því ári nam þorskaflinn
306.670 tonnum. Aftur á móti varð
loðnuveiðin í fyrra mun meiri en ár-
ið þar á undan, eða tæp 795 þúsund
tonn á móti rúmum 254 þúsundum
áið 1991. Sömuleiðis hefur sfldarafli
aukist til muna á milli ára, einnig
rækja og hörpudiskur. Athygli vekur
að af einstökum bátaflokkum hafa
aðeins smábátar aukið heildarafla
sinn í þorski á milli áranna 1991 og
1992, eða úr 32 þúsund tonnum í
tæp 35 þúsund tonn.
Sem fýrr var mestum afla á síðast-
liðnu ári landað í Vestmannaeyjum,
og næstir í röðinni voru loðnubæir
fyrir austan. -grh