Tíminn - 11.03.1993, Blaðsíða 7

Fimmtudagur 11. mars 1993
Tíminn 7
Eyjólfur Hauksson, yfirflugstjóri
Cargolux I Lúxemborg.
Leikflokkurinn Spuni í
Lúxemborg, sem stofnaður
var fyrir allmörgum árum,
hefur alla tíð starfað af
miklum krafti. Klúbburinn
var stofnaður að frum-
kvæði nokkurra íslenskra
kvenna í Lúxemborg og
enn er það svo að konurnar
bera hitann og þungann af
starfi hans. Klúbburinn
hefur allt frá upphafi leitað
eftir þjálfun og kennslu
fagfólks og það skilaði sér
til áhorfenda í troðfullu Fé-
iagsheimili Kópavogs, þar
sem Spuni var með sýningu
sl. föstudagskvöld.
Sýning Spuna nefndist Klíkan.
Verkið eru samantengd atriði úr lífi
hóps unglingsstúlkna á árunum
þegar Bítlatíminn var genginn í
garð á íslandi og aðalsamkomustað-
ur ungra Reykvíkinga var Glaum-
bær. Skvísumar eru að búa sig und-
ir ball í Glaumbæ, sumar íá að fara,
aðrar fá ekki að fara eða komast ekki
af öðrum sökum. Síðan er brugðið
upp myndum af rúntlífinu, biðröð
utan við ballhúsið, stemningunni
innandyra og samdrætti kynjanna
af ýmsum toga.
Verkið er spunaverk, eins og nafn-
ið raunar bendir til, og er samið af
leikhópnum sjálfum á löngum tíma
þannig að bætt hefur verið í og fellt
úr, að sögn leikstjórans, Oktavíu
Stefánsdóttur.
Oktavía sagði að upphafsgerð
verksins hefði orðið til í samvinnu
leikhópsins og Sigrúnar Valbergs-
dóttur leikstjóra, en söngvar og
söngtextar væru nýrri. Höfundur
þeirra flestra er Guðrún íris Þor-
kelsdóttir, einn leikaranna.
Hljómlistin er frá þessu sama tíma-
bili og Klíkan gerist á og er þekktir
slagarar, sem heyrðust í útvarps-
þáttum á árum áður.
Húmorinn í verki íslenska leik-
hópsins frá Lúxemborg var bæði
léttur og skemmtilegur og fjarri því
að vera illkvittnislegur eða grodda-
legur eins og stundum vill brenna
við. Þá var Ieikgleði tveggja kyn-
slóða Lúxemborgaríslendinga aug-
Ijós, sem og það að leikendur höfðu
Leikendur og gestir hittust í
góöu tómi eftir sýningu Spuna.
Hér eru bekkjarsystur og
saumaklúbbsfélagar sameinað-
ar á ný.
Vinir hittast. Elsa Wal-
derhaug í Lúxemborg
ásamt Sif Knudsen.
Leikflokkurinn Spuni í Lúxemborg:
„Klíkan“ hittist
í Kópavoginum
flestir notið leiðsagnar atvinnufólks
og lengi Iagt líf og sál í leiklistina.
Oktavía leikstjóri sagði við Tímann
eftir sýningu að samvinna við leik-
flokkinn hefði verið með ágætum
og eftirtektarvert væri hversu fólk-
ið, sem margt hefur dvalið um þrjá
áratugi erlendis eða væri fætt og
uppalið þar, talaði skýra og góða ís-
lensku.
Allur ágóði af sýningu leikklúbbs-
ins Spuna frá Lúxemborg rann til
söfnunarsjóðs til styrktar krabba-
meinssjúkum bömum.
Þorsteinn E. Jónsson, fyrrv. flugstjóri hjá Cargolux, er fluttur heim til
íslands, en kom að heilsa upp á kunningjana.
Oktavía Stefánsdóttur leikstjóri (t.h.) segir eftirtektarvert hve „útlagarnir" hafa haldið Islenskunni vel við
og tala fallegt mál. Ásamt Oktaviu er Bjargey Eyjólfsdóttir, einn stofnenda Spuna og leikara í Klíkunni.