Tíminn - 14.09.1994, Qupperneq 11
Miövikudagur 14. september 1994
fflmfam
ii
Framkvæmdastjórn Sjálfsbjarg-
ar vottar eiginkonu Jóhanns Pét-
urs samúð sína, móður hans og
systkinum.
Þökk fyrir allt og allt, far þú í
friði.
Fyrir hönd framkvæmda-
stjórnar Sjálfsbjargar, landssam-
bands fatlaðra.
Guðríður Ólafsdóttir
varaformaður
Þegar mér barst sú hörmulega
fregn að góður vinur minn og
félagi, Jóhann Pétur, væri látinn,
var eins og einhvers konar sam-
bland af tómleika og óraunveru-
leika helltist yfir.
Það er erfitt að meðtaka það
að þessi kyndilberi lífsorku, lífs-
gleði og baráttukrafts sé fallinn
frá, einmitt þegar lífið blasti við
með gjöfum sínum og verkefn-
um sem aldrei fyrr.
Stundum skilur maður ekki
tilgang orðinna hluta.
Við Jói kynntumst fyrst fyrir
átján árum og fljótt kom í ljós
að sameiginleg áhugamál voru
mörg. Samverustundirnar urðu
margar og fjölbreyttar. Jói var
mjög félagslyndur og alltaf var
líf og fjör í kringum hann. Það
var teflt, spilað bridge, farið í bíó
og böll eða bara rabbað um lífið
og tilveruna.
Við fórum ungir að taka þátt í
starfi Sjálfsbjargar og tilheyrðum
þar hinum „órólega æskulýð". í
þeim hópi var oft mikið brallað
og margt sér til gamans gert.
Einhvern veginn var það ávallt
svo að Jói var leiötogi í hópn-
um, átti gjarnan frumkvæðið,
hugmyndina, lausnina á því
sem gera skyldi.
Jóa var gefin mikil þrautseigja
og viljastyrkur. Hann ruddi
hindmnum úr vegi, sem margir
hefðu hrasað um. Menntaskól-
inn og lögfræðin voru verkefni
sem leyst vom af ákveðni og ör-
yggi, enda Jói mjög góöur náms-
maður.
Samhliða náminu var hann á
kafi í málefnum fatlabra, var
kominn í framkvæmdastjórn
Sjálfsbjargar, landssambands
fatlaðra, 25 ára og var einn af
stofnendum æskulýbsdeildar
Bandalags fatlaðra á Norður-
löndum um svipaö leyti. Stjórn-
málin vom líka á dagskrá og svo
aubvitað söngurinn. Áhugamál-
in virtust nánast óþrjótandi.
Þegar litið er til baka, er svo
margs að minnast að fátt verður
nefnt. Þó eru sérlega minnis-
stæðar margar feröir, sem farnar
vom heim til Jóa að Varmalæk í
Skagafirði. Þar var ævinlega tek-
ib höfðinglega á móti borgar-
börnunum og ekki vantaði
glaum og gleði.
Ég vil nefna hér sérstaklega
ferð, er farin var í Skagafjörðinn
á vordögum 1991 til að sam-
fagna Jóa og Hörpu á brúb-
kaupsdegi þeirra. Sú hamingju-
stund var ljúf, og þegar ég hugsa
til hennar rennur mér í hug al-
þekkt sönglag, sem Jói endaði
vanalega með eftirfarandi hætti:
„Ekkert er fegurra en vorkvöld í
Skagafirði."
Nú hefur hann kvatt þennan
heim svo skyndilega, svo alltof
fljótt og eftir stöndum vib sem
þekktum hann og nutum vin-
áttu hans. Það er horfinn stafur
úr stafrófi tilverunnar og lit-
brigbi hennar em ekki söm.
Mínar innilegustu samúðar-
kvebjur sendi ég til Hörpu. Guð
veiti henni styrk í nútíð og
framtíb.
Einnig vil ég votta fjölskyld-
unni á Varmalæk og aðstand-
endum öllum samúð mína.
Guð geymi góban dreng, vin
og félaga, sem svo sannarlega
kunni ab lifa lífinu lifandi.
Sigurður Bjömsson
UTLOND. . . UTLÖND. . . UTLÖND. . . UTLÖND. . . UTLÖND. . . UTLÖND. . .
Ítalía:
Grunaðir um að svíkja 4.5 millj-
arða úr heilbrigðiskerfinu
Palermo - Reuter
Yfirheyrslur eru hafnar yfir
stjórnendum nokkurra
þekktra lyfjafyrirtækja sem
grunaðir eru fyrir umfangs-
mikil fjársvik er tengjast nýj-
asta hneykslinu sem dunið
hefur yfir heilbrigðiskerfið á
Ítalíu. Samkvæmt dómsúr-
skurði í Palermo voru a.m.k.
tólf manns handteknir í sam-
bandi við máli sl. mánudag,
yfirmenn lyfjafyrirtækja og
embættismenn í heilbrigðis-
kerfinu. Meðal hinna hand-
teknu eru starfsmenn tveggja
þýskra fyrirtækja, Bayer AG
og Böhring Mannheim, auk
starfsmanns hjá bandaríska
fyrirtækinu Beckman Instru-
ments. ítölsk fyrirtæki þar
sem handtökur hafa einnig
farið fram heita Dasit Spa og
Reachman. Þeir sem hand-
teknir hafa verið em grunaðir
um að hafa tekið þátt í að
svíkja um 4.5 milljarða ísl.
króna út úr kerfinu á sl. 10 ár-
um.
ítalskir fjölmiðlar halda því
fram ab fjársvikin hafi í meg-
indráttum farið þannig fram
að starfsmenn umræddra
lyfjafyrirtækja hafi látið
sjúkrastofnunum í té tækja-
búnab til greiningar og blóð-
rannsókna nánast endur-
gjaldslaust, gegn því þó að
greitt væri allt að fjórfalt
gangverb fyrir þau efni og lyf
sem notuð eru í tengslum vib
tækin. Blaðið Corriere -della
Sera hefur eftir Salvatore De
Luca, sem er dómari í Paler-
mó, að þau málsefni sem
komin eru til rannsóknar séu
„ekki nema toppurinn á ísjak-
anum," en réttarskjölum hef-
ur verið dreift til annarra
borga á Ítalíu til athugunar á
því hvort víðar sé um slíkt
misferli að ræða.
ítalska heilbrigðiskerfið þykir
bæði dýrt og illa skilvirkt. Því
fer fjarri ab svikamál af því
tagi sem hér er um að ræða
séu nýlunda, en sl. tvö ár hafa
áþekk spillingarmál tröllriðiö
velferðarkerfinu á Ítalíu með
þeirri afleiðingu að hið hefð-
bundna flokkakerfi landsins
er nú í molum. Francesco De
Lorenzo, fyrrum heilbrigðis-
málaráðherra, situr í gæslu-
varðhaldi í Napolí, ákærður
fyrir ab þiggja háar mútur af
lyfjafyrirtækjum gegn því að
tryggja kaup kerfisins á ýms-
um vörum frá þessum sömu
fyrirtækjum.
Ítalía:
Átök um
ellilífeyri
Berlusconi, forsætisráðherra
Ítalíu, ræddi í gær við verka-
lýbsleiðtoga í landinu um
leiðir til sparnaðar í ellilífeyr-
iskerfinu. Stjórn Berlusconis
Iítur svo á að lífeyrisgreiðslur
séu að sliga þjóðina en marg-
ir telja að sparnaður á þessu
sviði sé fyrsti prófsteinninn á
það hvernig forsætisráðherr-
anum takist að ná tökum á
útgjöldum ríkisins. Stjórnin
hefur einsett sér að lækka
þennan útgjaldalið um and-
virði a.m.k. 35 milljarða ísl.
króna á fjárlögum næsta árs.
Ellilífeyrisþegar á Ítalíu eru
um 20 milljónir að tölu, þ.e.
um þriðjungur íbúa landsins,
og greiðslur til þeirra nema
um þriðjungi ríkisútgjalda.
Almennt er talið að um
mikla misnotkun á lífeyris-
kerfinu sé að ræða, en auk
þess eru uppi efasemdir um
að ítalir hafi efni á kerfi sem
gerir ráð fyrir því að karlar
hætti að vinna þegar þeir
verða 61 árs en konur við 56
ára aldur og fái eftir það op-
inberan ellilífeyri. Sérstakra
forréttinda njóta svo ríkis-
starfsmenn sem geta komist á
þokkaleg eftirlaun eftir aðeins
fimmtán ára starf hjá hinu
opinbera. Forystumenn laun-
þega sætta sig ekki við að
sparnaður beinist að mestu
leyti að þessum útgjaldalið.
Þeir vilja að aukin áhersla
verði lögð á að endurheimta
fjármuni úr klóm skattsvikara
og þrýsta jafnframt á um sölu
ríkiseigna. Þeir hóta „heitu
hausti" ef fjárlagadrög verði
ekki endurskoðuð, en Berlus-
coni ætlar að leggja þau fyrir
þingið í lok þessa mánaðar.
Sjálfur gerir Berlusconi ekki
mikið úr ágreiningi um hvar
beri að spara. Hann hefur
sagt að ellilífeyrisþegar í land-
inu þurfi ekki að óttast um
sinn hag, - tilgangur stjórnar-
innar sé fyrst og fremst sá að
afnema ranglæti og forrétt-
indi. Hann segir að lífeyris-
þegar muni halda áunnum
rétti sínum en endurskipu-
lagning lífeyriskerfisins sé
óhjákvæmileg meb tilliti til
ellilífeyrisþega framtíðarinn-
ar. ■
Angóla:
Stjórnarherinn
situr um Soyo
Sao Tome - Reuter
Unita-menn í Angólu segja að
stjórnarherinn sé að undirbúa
árás á olíubæinn Soyo, sem er
nyrst og vestast í landinu, en
bærinn hefur verið á valdi upp-
reisnarmanna í nærfellt tvö ár.
Soyo er miðstöb olíuvinnslu fyr-
ir ströndum landsins. Bærinn
gegnir einnig mikilvægu hlut-
verki fyrir olíuvinnslu í landi,
sem ein sér nemur um 30 þús-
und tunnum á dag.
Ef olíuflutningar um Soyo
stöbvast verður Malongo helst
bækistöð ailra olíuvinnslustöbva
í Angólu norðanverðri, en þær
framleiða um 570 þúsund tunn-
ur af hráolíu á dag. Malongo er
rekið á vegum bandaríska fyrir-
tækisins Chevron, en olían er
helsta tekjulind Angólumanna.
Unita-útvarpib segir að fjöl-
mennt herlið stjórnarinnar, búið
skriðdrekum og sprengjuflaug-
um, sitji um Soyo, en Unita hef-
ur átt í skæruhernaði við stjórn
MPLA allt síban landið fékk sjálf-
stæði 1975. Angóla var áður
portúgölsk nýlenda. Unita og
MPLA sömdu frib árib 1991 og
lágu bardagar þá niðri um eins
árs skeið, en blossuðu síöan upp
á ný. ■
Áætlun til
20 ára um
fjölgun
mannkyns
Ráðstefnu SÞ um leibir til að
stemma stigu við fólksfjölgun
lauk í gær með samþykkt 20
ára áætlunar sem felur í sér
að mannkyninu fjölgi ekki
um nema 1.6 milljarð á því
tímabili. Fram til aldamóta er
áætlað ab ráðstafanir í þessu
skyni kosti sem svarar 1.100
milljörðum ísl. króna.
Tíðindum sætir að þessa ráð-
stefnu sótti aðeins einn full-
trúi frá íslandi. Það var Þröst-
ur Ólafsson sem er stjórnar-
formaður Þróunarsamvinnu-
stofnunar íslands.
Frá fjárlaganefnd
Alþingis
Fjárlaganefnd Alþingis ráðgerir ab gefa sveitarstjórnar-
mönnum kost á ab eiga fund meb nefndinni dagana 26.-
29. september fyrir hádegi. Upplýsingar og tímapantanir
í sfma 630700 frá kl. 9-16 eigi síðar en 23. september nk.
Þökkum samúb og vinarþel okkur sýnt, vegna and-
láts systur okkar
Ingigeröar Þorsteinsdóttur
frá Vatnsleysu
jörfabakka 22
Sérstakar þakkir til lækna og hjúkrunarfólks á deild
7 vib Borgarspítala og heimahjúkrunar vib heilsu-
gæslustöbina í Mjódd.
Steingerbur Þorsteinsdóttir
Sigurbur Þorsteinsson Elnar Ceir Þorsteinsson
Kolbeinn Þorsteinsson Bragi Þorsteinsson
Sigríbur Þorsteinsdóttir Vibar Þorsteinsson