Réttur - 01.11.1968, Síða 30

Leo Huberman hefur ritað margar vin-
sælar bækur. Þær kunnustu eru:
„Man’s Worldly Goods”, — veraldleg
gæði mannanna (1936). — Hefur hún verið
þýdd á mörg mál, en í Bandaríkjunum seld-
ust yfir hálf miljón eintaka.
„We, the People" (Við fólkið) kom einnig
út hjá Harper-útgáfufélaginu árið 1932. Það
er saga Bandaríkjanna, sögð á „einstakan og
hugvekjandi hátt," ritaði New York Times.
,prhe Labor Spy Racket" (Vélabrögð við
verkalýðsfélaganjósnir) kom út 1937 og var
ein fyrsta pappírskiljubók í amerískri bóka-
útgáfu og seldist í 50000 eintökum fyrstu
tvær vikurnar.
Huberman og Sweezy heimsóttu Kúbu oft
eftir byltinguna og hafa skrifað um Kúbu
tvær bækur: „Ctiba: Anatomy of a Revol-
ution" (19-0), og „Socialism in Cuba", en
þeir félagar luku við handritið að þeirri bók
rétt áður en Leo dó og kemur hún út vorið
1969. — Alls reit Huberman 11 bækur, gaf
út sex með Paul M. Sweezy og reit hundruð
tímaritsgreina og bæklinga.
Leo Huberman ferðaðist mikið og átti
marga vini, bæði í Evrópu, Asíu og Ameríku,
— jafnt fræga menn eins og Harold Laski,
K. S. Karol, Isaac Deutscher og Peter Weisz
sem og fjölda ungra stúdenta, sem sumir urðu
foringjar þjóða sinna, ráðherrar og fleira,
þegar öldur sjálfstæðishreyfinganna skullu
yfir Asíu, Afríku og rómönsku Ameríku. Sem
kennari verkamanna og stúdenta var hann
frábær.
Eg heimsótti Leo Huberman í desember
1967, í bækistöð tímaritsins og útgáfunnar
í fjórtánda stræti (116 West l4th St.) og átti
við hann langt samtal og minnisstætt. Meðal
annars barst talið að Che Guevara, sem Leo
þekkti vel persónulega. Huberman kvaðst
hafa rætt við Guevara 1965 áður en hann
yfirgaf ráðherradóm í Kúbu til að stunda
skæruhernað í Suður-Ameríku. Kvaðst hann
hafa spurt hann, hvaða lærdómur væri honum
eftirminnilegastur eftir fimm ár völd. Che
Guevara hefði svarað eftir nokkra umhugs-
un: „Að það er engin alþjóðleg verkalýðsstétt
til" („That there is no international working
class").
Leo Hubermann var einn af færustu marx-
istum hinnar sundurleitu heimshreyfingar
vorrar. Hann var snillingur í framsetningu
þeirra fræða, sem flestum finnast erfiðust.
Það er mikil eftirsjá að honum.
Einar Olgeirsson.
194