Lesbók Morgunblaðsins - 14.01.2006, Síða 14

14 | Lesbók Morgunblaðsins ˜ 14. janúar 2006
Þegar myrkur þjakar sál
og þungi grúfir yfir,
umhyggjan er meginmál
á meðal alls sem lifir.
Þegar lægst á lofti er sól
en ljós í hverjum glugga
halda skulum heilög jól
og hrinda burtu skugga.
Þegar angrar uppgjörið
af ársins kvíða’ og tári
lítum frekar fram á við
og fögnum nýju ári.
Þegar kuldi kvelur tær
og kinnar eru að frjósa
finnst á himni fegurð skær
í flögri norðurljósa.
Þegar löng er lífsins bið
og leysingarnar voma,
innst í hjarta vitum við
að vorið er að koma.
Vetrarkvíði
Sigurlín Hermannsdóttir
Höfundur er ritstjóri á skrifstofu Alþingis.