Morgunblaðið - 09.02.2006, Blaðsíða 6

6
MYNDLIST
TEIKNI-
MYNDASAGA
Nú stendur yfir í Galleríi Gyllinhæð, nem-
endagalleríi Listaháskólans, sýning sem fjórar
stelpur á fyrsta ári í myndlistardeild halda. Þær
heita Rakel McMahon, Eva Ísleifs, Katrín Inga
og Una Björk. Stelpurnar voru allar hlaupandi
um Laugaveginn að redda hinu og þessu dag-
inn fyrir opnunina, þegar MÁLIÐ dró þær í
kaffi.
Það er ekki venjan að nemendur á fyrsta ári
haldi sýningar en þessar stelpur létu vaða.
„Þótt við séum á fyrsta ári þá þurfum við ekki
að halda kjafti,“ segir Katrín. „Það er rosalega
gott að hafa aðgang að Gyllinhæð, sér-
staklega af því að hún er miðsvæðis og það er
mjög gott að vera að sýna fyrir almenning en
ekki bara fyrir kennara og fólk í skólanum,“
segir Rakel og þær eru sammála um að það sé
ekki auðvelt fyrir unga myndlistarmenn að fá
að sýna í galleríum og þess vegna sé frábært
að hafa Gyllinhæð.
Mismunandi verk
Stelpurnar sýna allar mismunandi verk og
nota mismunandi miðla. Una Björk er með
vídeóverk og skúlptúra. „Skúlptúrarnir henn-
ar eru þannig að maður verður bara að sjá
þá,“ útskýrir Rakel en Una Björk var fjarver-
andi einhvers staðar úti í bæ að redda ein-
hverju. „Ég er með þrjú málverk en það er
mikil teikning í þeim, svo nota ég líka gifs og
blek,“ heldur Rakel áfram. „Ég mála á rúm-
gafla,“ segir Eva og skellihlær. „Þetta eru tákn
sem ég sé í draumi, mér finnst rosalega gaman
að grúska í draumum og skoða táknkerfi
draumanna.“ Katrín er með hljóðverk, „þetta
er svona dáleiðslu-, hugleiðslu-hljóðverk. Þú
dáleiðir í rauninni hugrekki inn í þig í gegnum
hljóðverkið,“ útskýrir hún og Rakel bætir við:
„Það þarf ákveðið hugrekki til þess að geta
tjáð tilfinningar sínar og hugsanir.“
Stelpugengi
Hvernig tengist þið fjórar?
„Við kynntumst í skólanum og það mynd-
aðist eiginlega strax þessi grúppa. Við
tengdumst allar frekar náið,“ segir Rakel.
„Við köllum okkur The Grissom gang,“ segir
Eva og skellihlær aftur. „Þetta er gömul bíó-
mynd frá sjöunda áratugnum og plakatið er
kona með vélbyssu. Okkur fannst það bara
fyndið,“ segir Katrín.
Er mikið mál að setja upp svona sýningu?
„Já,“ svarar Katrín og er allt í einu komin
með tvær sígarettur, líklega út af stressi. „Já,
eins og þú sérð þá er þetta smá mál,“ segir
Eva og fær hláturskast. „Ég hef haldið sýn-
ingar mikið ein og þess vegna finnst mér
miklu skemmtilegra að halda sýningu með
hóp. Það er meiri hvatning og við höfum
styrk hver af annarri,“ segir Katrín.
Stelpurnar eru vissar um að þær eigi eftir að
sýna aftur undir þessu nafni og að fleiri eigi
líklega eftir að bætast í hópinn. Þær taka
sérstaklega fram að strákar megi vera með.
Skapandi fólk
Hvernig er að vera nemi í Listaháskólanum?
„Það er rosalega fínt og fyrsta árið er mjög
aktívt“ svarar Rakel. „Við erum ofboðslega
lukkulegar með þá aðstöðu sem við höfum í
skólanum,“ segir Eva. „Kennararnir okkar
eru alveg yndislegir og vilja allt fyrir okkur
gera,“ segir Katrín og Rakel bætir við:
„Bekkurinn okkar er líka alveg ótrúlega
góður. Það eru allir að gera eitthvað mis-
munandi og enginn er eins. Það fá líka allir
að vera eins og þeir vilja og að vinna í því
sem þeir vilja.“
„Maður lærir líka á því að vera í kringum
svona skapandi fólk, og að vera í svona skap-
andi umhverfi,“ segir Katrín.
Gallerí Gyllinhæð er á Laugavegi 23 og sýn-
ingin stendur aðeins í eina viku þar til 12.
febrúar. Opið er milli 17.00 og 20.00 og
stelpurnar sitja sjálfar yfir sýningunni.
GRISSOM-GENGIÐ
Í GALLERÍI GYLLINHÆÐ
Texti
Hanna Björk
Myndir
Sigurjón Guðjónsson
Stelpurnar stilltu sér
upp á opnuninni. Frá
vinstri, Katrín, Una
Björk, Eva og Rakel.
Norski myndasöguhöfundurinn Jason sló fyrst í gegn með
bókinni Hey wait! sem fjallaði um endalok æskunnar og
vinamissi. Svo kom Sshhhh!, orðlaus sorgarsaga um óum-
flýjanlega eymd einstaklingsins. Hún vakti einnig verð-
skuldaða athygli. Aðrar bækur fylgdu í kjölfarið og vin-
sældir höfundarins jukust. Allar bækurnar eru ósköp
ljúfsárar, sökum þess að þar eru dýrafígúrur í óham-
ingjusömum og mannlegum heimi. Hundar, kettir og fugl-
ar sem upplifa höfnun, ást og vonarbresti. Svolítið eins og
ef Ingmar Bergman leikstýrði Andrési Önd.
Það er þó bjartara yfir nýjustu bókinni en maður á að venj-
ast hjá Jason. Meow, baby! er smásagnasafn með gam-
ansömu ívafi. Sögupersónurnar eru hellisbúi, vampíra,
varúlfur, múmía, terminator, frankenstein, zombíuhjón,
geimvera og Elvis. Sögurnar tengjast í sumum tilfellum og
sumum ekki. Stundum eru þær fyndnar, stundum súrar og
stundum ófyndnar og sætar. Bókin er nánast orðlaus, sem
gerir það að verkum að lesturinn tekur ekki langan tíma.
En þá les maður hana bara aftur. Það er ekki miklu meira
um þessa bók að segja. Því er best að láta myndirnar tala.
ELVIS OG SKRÍMSLIN
MEOW, BABY! EFTIR JASON
Texti
Hugleikur